Истражувачите на Threat Fabric открија нова верзија на малициозен софтвер Octo.

Оваа верзија досега е видена во Италија, Полска, Молдавија и Унгарија, но се предвидува дека малициозниот софтвер наскоро ќе почне да се шири на глобално ниво. Истражувачите стравуваат дека оваа најнова верзија на познатиот малициозен софтвер за крадење лозинки на Android може да предизвика големи проблеми во наредната година.

Новата верзија на малициозен софтвер, Octo2, е додаток на семејството на малициозен софтвер познато како Octo (ExobotCompact).

Octo работи како MaaS (malware-as-a-service), а „клиентите“ кои плаќаат за оваа услуга водат кампањи во Европа, САД, Канада, Блискиот Исток, Сингапур и Австралија.

Злонамерниот софтвер се маскира како легитимни апликации како што се Google Chrome, NordVPN и „Enterprise Europe Network“.

Откако ќе се зарази, Octo2 им дозволува на напаѓачите далечински пристап до уредот и да пресретнуваат известувања за притискање, да собираат лозинки преку лажни страници за најавување и да вршат неовластени трансакции.

Способноста на оваа верзија на малициозен софтвер неселективно да краде чувствителни податоци, во комбинација со леснотијата со која напаѓачите можат да ги приспособат, ја зголемува опасноста за корисниците на мобилното банкарство ширум светот, предупредија истражувачите.

Octo2 го користи алгоритмот DGA за често менување на адресите на серверот Command and Control (C2), што им отежнува на безбедносните системи да го откријат и блокираат. Во извештајот објавен на 10 октомври, истражувачите од DomainTools открија голем број домени поврзани со Octo2.

The post Внимавајте, се шири нов вирус: Изгледа како Гугл Хром, краде пари од вашата сметка appeared first on Република.

Градоначалникот на Ѓорче Петров Алексаднар Стојкоски соопшти дека во следниот период отпочнуваат со постапка за изградба на нова училишна спортска сала во ООУ „Димитар Поп Георгиев – Беровски” во населба Хром, пренесува „Скопје инфо.мк“.

- Оваа сала конечно ќе ги задоволува потребите на учениците од ова училиште и дечињата ќе имаат можност правилно да се развиваат во одлични услови. Проблемите со одржувањето на часовите по физичко, заминуваат во историјата, порача Стојкоски.

Спортската сала ќе се протега на 550 м2 и ќе ги има сите услови за одржување настава по физичко образование, како и соблекувални, тоалети и просторија за реквизити. Просторот ќе биде уреден соодветно, се со цел покрај училишната настава, да може да се тренираат спортови кои што се соодветни на овој тип спортска сала.

- Големо е задоволството да се соопшти ваква убава вест, бидејќи години наназад наставниците од ова основно училиште се соочуваа со многу потешкотии при реализација на наставата по физичко образование, а дечињата ги немаа потребните услови за правилен развој. Со овој чекор, го решаваме ова прашање на долг рок и вложуваме во нашите најмлади жители, порача првиот човек на општината.

The post Започнува изградбата на новата училишна спортска сала во Хром appeared first on Република.

Во наредниот период отпочнуваме со изградба на нова училишна спортска сала во ООУ ,,Димитар Поп Георгиев – Беровски” во населба Хром, којашто конечно ќе ги задоволува потребите на учениците од ова училиште и дечињата ќе имаат можност правилно да се развиваат во одлични услови. Проблемите со одржувањето на часовите по физичко, заминуваат во историјата, вели Стојкоски.

Спортската сала ќе се протега на 550 м2 и ќе ги има сите услови за одржување настава по физичко образование, како и соблекувални, тоалети и просторија за реквизити. Просторот ќе биде уреден соодветно, се со цел покрај училишната настава, да може да се тренираат спортови кои што се соодветни на овој тип спортска сала, додаде градоначалникот Стојкоски.

Големо е задоволството да се соопшти ваква убава вест, бидејќи години наназад наставниците од ова основно училиште се соочуваа со многу потешкотии при реализација на наставата по физичко образование, а дечињата ги немаа потребните услови за правилен развој. Со овој чекор, го решаваме ова прашање на долг рок и вложуваме во нашите најмлади жители. Продолжуваме со иста динамика во реализација на сите проекти кои се од круцијално значење на жителите на Ѓорче Петров. Нашата општина мора да биде урбано, модерно и пријатно место за живеење, заврши градоначалникот.

The post Нова спортска сала во населба Хром appeared first on Република.

Денеска во 14.20 часот на подрачјето на населба Влае, во брза заедничка акција на Оперативен тим Потраги во содејство со Единицата за интервентна полиција лишен е од слобода А.Д.(39) од Скопје, за кого пред два дена беше распишан Централен распис за потрага, а во текот на вчерашниот ден беше поднесена и кривична пријава по брза постапка за извршени две кривични дела, "убиство" и "тешки дела против општата сигурност", соопшти предмалку МВР.

https://republika.mk/vesti/crna-hronika/majka-go-podmetnala-pozharot-vo-hrom-za-da-go-prikrie-ubistvoto-shto-go-storil-sinot/

Имено, по преземени сеопфатни оперативно-тактички мерки и активности во претходните неколку денови, лицето во 14.10 часот е забележано во близина на мостот "Обединети Нации" и при обид за бегство е фатено и приведено во полициска станица, по што ќе биде изведено пред надлежен судија, соопштија од МВР.

The post Фатен убиецот кој 46 пати избоде скопјанец, па со мајка му го запалија станот appeared first on Република.

Основното јавно обвинителство Скопје постапува по кривична пријава во врска со настанот од 22 септември, кога по предизвикан пожар во стан на улицата Исаија Маџовски, беше пронајдено безживотно тело на 36-годишниот сопственик на станот со траги на насилство.

„Доказите обезбедени до овој момент даваат основано сомнение за еден осомничен како сторител на кривично дело убиство на свиреп начин. Осомничениот го сторил делото по кратка расправија со жртвата, лишувајќи го од живот оштетениот со повеќе од 45 убодни рани во вратот и телото. По настанот, тој се јавил повеќе пати телефонски кај неговата мајка, која зела пластично шише и отишла до најблиската бензинска пумпа, купила литар и пол гориво и во соизвршителство со синот подметнале пожар со намера да ги прикријат трагите за извршеното свирепо убиство. Со подметнатиот пожар тие предизвикале значителна опасност по животот и телото на станарите кои што живеат во зградата“, се наведува во соопштението.

Против осомничениот кој е недостапен на органите на прогонот ќе биде поведена истрага за кривично дело – Убиство од член 123 став 2 точка 1, како и за „Тешки дела против општата сигурност“ од член 292 став 1 во врска со член 288 став 1 од Кривичниот законик. Обвинителството за него ќе предложи притвор како мерка за обезбедување по неговото пронаоѓање и лишување од слобода.

За неговата 59-годишна мајка, како соизвршител, поведена е истрага за „Тешки дела против општата сигурност“ од член 292 став 1 во врска со член 288 став 1 од Кривичниот законик. Таа е лишена од слобода и по предлог на јавен обвинител, определен и е притвор во траење од 30 дена, бидејќи постојат околности кои укажуваат на опасност од бегство, можност да ги скорие или уништи трагите од делото или дека ќе влијае врз сведоците.

The post Мајка го подметнала пожарот во Хром за да го прикрие убиството што го сторил синот appeared first on Република.

Јавното обвинителство соопшти дека вчерашниот пожар во скопската населба Хром бил подметнат од страна на некој кој сакал да го сокрие убиството на сопственикот на запалениот стан. Жртвата имала рани со нож, а истрагата продолжува, пренесе Телма.

Дежурен јавен обвинител од Основното јавно обвинителство Скопје изврши увид на лице место. Со обдукцијата извршена по наредба на јавниот обвинител, кај починатиот беа потврдени траги на насилство – убоди со остар предмет како причина за смртта. Првичните сознанија упатуваат дека пожарот бил подметнат за да се прикрие кривичното дело. Во текот на денешниот ден, во координација со МВР, се преземаат и други дејствија и се издаваат наредби за целосно расчистување на настанот“, информираше ОЈО.

„Во текот на денешниот ден, во координација со МВР, се преземаат и други дејствија и се издаваат наредби за целосно расчистување на настанот“, објаснија надлежните.

За потсетување, вчера интервенираше пожарникарна екипа во стан на улица „Исаија Мажовски“ во скопската населба Хром.

Од Територијалната противпожарна бригада на Град Скопје изјавија дека вчера утрото, во 9:35 часот имале пријава за пожар. Пожарникарите интервенирале со три противпожарни возила, а горело на четвртиот кат од петкатницата. Затекнале целосно опожарен стан, со пламен кој излегувал надвор од прозорците. По целосно гаснење на пожарот, јавниот обвинител направи увид на местото на настанот, при што констатираше дека имало едно мртво лице.

The post Некој го убил мажот што изгоре во пожар во стан во Хром appeared first on Република.

Едно лице загина во пожар, кој денеска избувна во стан на улица „Исаија Мажовски“ во скопската населба Хром.

https://youtu.be/bIpOF1-hP_M?si=oQnbI08QHDrNKF-B

Од Територијалната противпожарна бригада на Град Скопје за МИА изјавија дека утрово, во 9:35 часот имале пријава за пожар.

Интервениравме со три противпожарни возила, а гореше на четвртиот кат од петкатницата. Затекнавме целосно опожарен стан, со пламен кој излегуваше надвор од прозорците, изјави за МИА командантот на скопската Противпожарна единица Звонко Томески.

На местото биле илезени и екипи на итната медицинска помош, а нема други повредени лица.

The post Едно лице загина во пожарот во стан во Хром appeared first on Република.

Пожар во стан во петкатна зграда во населбата Хром, пренесува ТВ Телма. Црн дим излегива од прозор на четвртиот кат. Противпожарни екипи во моментов интервенираат во негово гасење. Станарите се евакуирани од објектот.

За сега не е позната причината, увидните екипи допрва треба да утврдуваат што го предизвикало. Нема информации дали има жртви или повредени.

https://youtu.be/bIpOF1-hP_M?si=q3pd_siJG1ReiSX_

The post Гори зграда во Хром appeared first on Република.

Корисниците од улиците „Исаја Мажовски“, „Воин Драшкоци“, „Браќа Галеви“ и „Стево Филиповиќ“ во општина Ѓорче Петров утре од 9:00 до 13:00 часот ќе останат без напојување со електрична енергија.

Во периодот од 11:00 до 14:30 часот без струја ќе бидат и корисниците од улицата „Ѓорче Петров“, од број 106 до 112 во делот околу продавница за спортска опрема „Лома Спорт“.

Како што информира Регионалниот центар за управување со кризи (РЦУК) на град Скопје, причина за прекинот во снабдувањето со електрична енергија е изведување планирани технички зафати во дистрибутивната мрежа од страна на екипи на ЕВН Македонија АД.

The post Во Хорм утре ќе нема струја appeared first on Република.

Вчеравечер во 19.30 часот во СВР Скопје било пријавено дека на ул.„Воин Драшковци“ во Скопје, патничко возило „опел зафира“ со скопски регистарски ознаки, управувано од С.С.(56) од Скопје, излегло од патот.

Во несреќата со тешки телесни повреди се здобил возачот констатирани во Градската општа болница „Св.Наум Охридски“.

Извршен бил увид од увидна екипа од СВР Скопје.

The post Тешко повреден скопјанец кој со автомобилот излета од пат во Хром appeared first on Република.

Нова училишна опрема во подрачното училиште „Димитар Поп Георгиев Беровски“ во Хром.
🪑Од страна на фирмата „Мериан Ас“, доставени се 90 клупи, 190 училишни столчиња, 15 училишни клупи за 1-во и 2-ро одделение, 30 училишни столчиња за 1-во и 2-ро одделение и 15 компјутерски маси.
🧑👧Со овој чекор финишира проектот за доградба на подрачното училиште.
Останува довршување на градежните работи поврзани со поставување топлинската енергија во училиштето кои треба наскоро да завршат.
👨‍🏫 Недостигот од капацитети за настава во овој образовен објект е долгогодишен проблем на ѓорчепетровци и проект кој силно се залагавме во изминатата година конечно да биде затворен. Бевме упорни и во Министерството за образование и наука за што поскоро пуштање во употреба на доградениот дел.
📌 Со доградбата ќе се добијат нови осум училници, нова кујна и нови тоалети со што целосно ќе се задоволи просторниот капацитет, согласно запишаните ученици во училиштето во Хром, објави на својот Фејсбук, градоначалникот на Ѓорче Петров, Александар Стојкоски.

The post Подрачното училиште „Димитар Поп Георгиев Беровски“ во Хром доби нова училишна опрема appeared first on Република.

Вчера било пријавено дека на плац во населба Хром, физички се пресметале двајца Скопјани.

Случајот бил пријавен во Полициската станица Ѓорче Петров.

На 02.10.2022 околу 09.30 часот во Полициската станица Ѓорче Петров било пријавено дека на плац во населба Хром, Скопје, по претходно недоразбирање, бил нарушен јавниот ред и мир со физичка пресметка помеѓу Т.М.(55) и М.Д.(58), двајцата од Скопје - се вели во соопштението на МВР.

Се преземаат мерки за расчистување на случајот.

The post Двајца скопјани се степале на плац во населба Хром appeared first on Република.