Велика Британија се подготвува да испрати воен брод во Гвајана во знак на дипломатска и воена поддршка за поранешната британска колонија, дознава Би-Би-Си.

Ваквата одлука доаѓа откако соседна Венецуела го обнови своето право на спорниот дел од територијата на Гвајана, која е богата со нафта и минерали.

Британското министерствоза одбрана потврдило дека бродот „ХМС Трент“ ќе учествува во заеднички вежби по Божиќ.

Гвајана, членка на Комонвелтот, е единствената нација во Јужна Америка каде што се зборува на англиски јазик.

„ХМС Трент“ - крајбрежен патролен брод - беше распореден на Карибите за да лови шверцери на дрога, но сега е прераспределен откако владата на Венецуела, претходно овој месец се закани дека ќе го анектира регионот Есекибо во Гвајана.

Ова ги зголеми стравувањата дека Венецуела би можела да примени воени средства и да ја предизвика првата меѓудржавна војна во Јужна Америка од конфликтот на Фокландите во 1982 година, во која учествуваа Велика Британија и Аргентина.

Венецуела долго време тврди дека е сопственост на Есекибо, регион од 100.000 квадратни километри што сочинува околу две третини од Гвајана.

Нејзините ридови и џунгли се богати со злато, дијаманти и боксит, додека на брегот се пронајдени огромни наоѓалишта на нафта.

The post Велика Британија ќе испрати воен брод во Гвајана поради страв од воена интервенција на Венецуела appeared first on Република.

Ученичка го подметнала пожарот во интернатот во Гвајана, во кој загинаа 19 деца, откако управата на домот и го одзела мобилниот телефон, соопшти полицијата.

Пожарот го зафатил интернатот во училиштето во Махди, град во централниот дел на јужноамериканската земја Гвајана во понеделникот околу полноќ, а повеќето од децата, од кои најмалото имало пет години, починале на лице место, пренесуваат британските медиуми.

Ученичката е осомничена дека го подметнала разорниот пожар бидејќи дежурните наставници и го одзеле мобилниот телефон, се наведува во вчерашното соопштение на полицијата.

Градоначалникот на Махди, Дејвид Адамс, претходно за британските медиуми ја потврди наводната вмешаност на ученичката и објави дека таа не е повредена во пожарот.

Тој додаде дека не може да потврди дали ученичката во притвор, а во полициското соопштение не се споменува апсење, наведуваат британските медиуми.

Речиси 30 други деца се хоспитализирани поради повредите здобиени во овој пожар.

Специјалисти за изгореници, психијатри и друг медицински персонал ги лекувале повредените деца и нивните семејства, соопштија здравствените власти.

Претседателот Ирфан Али во понеделникот по посетата на болницата во Махди се состана со родителите на жртвите и прогласи тридневна национална жалост

The post Ученичка го запалила интернатот во Гвајана во кој настрадаа 19 лица – управата и го одзела мобилниот телефон appeared first on Република.