Вчеравечер во 21 часот и 50 минути во СВР Тетово е пријавено дека на регионалниот пат Тетово – Скопје, во тетовски Групчин, се случила сообраќајна несреќа во која учествувале три патнички моторни возила: „фолксфаген голф“ со италијански национални ознаки, управувано од Ш.Р.(38) од скопско Бојане, „мерцедес“ со тетовски регистарски ознаки што го управувал Ј.Ј.(58) од тетовско Ларце и „опел“, исто така, со тетовски регистарски ознаки, управувано од У.Б.(35) од тетовски Лисец.

Во несреќата, сопатничката од возилото „опел“, С.Б.(35) од Лисец се здобила со тешки телесни повреди, а возачот на опелот и сопатничката од возилото „мерцедес“, Ф.Ц.(49) со телесни повреди, констатирани во тетовската Клиничка болница, каде биле пренесени за укажување на лекарска помош.

На местото на несреќата увид извршила екипа од СВР Тетово.

The post Сообраќајка меѓу три возила кај тетовски Групчин, повредени две лица од кои едно потешко appeared first on Република.

На 28 август, околу 16 часот и 20 минути на регионалниот пат Тетово-Скопје, на влез во тетовски Групчин, полициски службеници на СВР Тетово ги лишиле од слобода Ј.Б.(44) од тетовски
Чифлик и Н.Ф.(23) од тетовски Требош.

Двајцата се сомничат дека околу 14 часот и 20 минути, по претходни меѓусебни недоразбирања, учествувале во намерно предизвикана сообраќајна несреќа помеѓу „фолксфаген голф“ со тетовски регистарски ознаки управуван од Ј.Б. и „бмв“, исто така, со тетовски ознаки што го управувал Н.Ф., велат од СВР Тетово и додаваат дкеа се расчистува и документира случајот.

The post Див Запад: По кавга намерно се судриле со автомобили appeared first on Република.

Инцидентот што се случил во полициската станица во Групчин можел да има сериозни последици.Откако претходно објавивме дека паднал таванот во една од просторите сега „Република“ дојде до нови детали.Непријатниот настан се случил во 6 и 20 изутрина и кога таванот паднал и се срушил повредил една полицајка и го скршил колкот.

Полициската станица беше отворена неодамна во присуство на министерот Спасовски.

https://republika.mk/vesti/crna-hronika/padna-tavanot-vo-grupchin-policiskata-stanica-neodamna-beshe-pushtena-od-spasovski/

The post Скршен колк: Таванот во полициската станица во Групчин повреди полицајка appeared first on Република.

Министерството за внатрешни работи неодамна се пофали дека ја реновирала полициската станица во Групчин. На свеченоста присуствуваше и министерот Спасовски кој нагласи дека вработените сега имаат нормални услови за работа.

Но, радоста не траеше долго. Се појавија фотографии на кои се гледа дека таванот на една од просториите е срушен и висат кабли  и сијалици. Наместо плафон се гледа една голема дупка на средината од собата.

The post Падна таванот во Групчин, полициската станица неодамна беше пуштена од Спасовски appeared first on Република.

АМСМ соопшти дека поради сообраќајна незгода, сообраќајот на автопатот Скопје – Тетово, на околу еден километар пред клучката Групчин, се пренасочува по стариот пат.

Според АМСМ, сообрќајот се одвива по стариот пат од 20:20 часот.

The post Не тргнувајте кон Тетово, има сообраќајка кај Групчин appeared first on Република.