Министерот за локална самоуправа, Златко Перински, не ја исклучува можноста на следните локални избори да се кандидира за градоначалник на Скопје. Во интервју за МИА, Перински вели дека доколку анкетите покажат дека тој е најсоодветниот предлог и доколку партијата во целост застане позади него, со задоволство ќе ја прифати кандидатурата.

Она што за него е важно е процесот да биде отворен, транспарентен и базиран на аналитички податоци. Доколку анкетите покажат дека друг е посоодветен, вели дека ќе му даде целосна поддршка.

Не би сакал кандидатурата за градоналник да се претвори во битка на неколку кандидати. Би сакал да се осврнеме на резултатите што ги остваруваме. Никој нема право да го монополизира процесот, едноставно тој процес треба да биде отворен, транспарентен да биде базиран на аналитика, граѓаните преку анкети да кажат кој е најсоодветен кандидат за градоначалничкото столче. Доколку сум јас тој и доколку партијата во целост застане позади мене, да со задоволство ќе прифатам, но доколку партијата и анкетите кажат дека некој друг е посоодветен кандидат од мене, ќе ја има мојата целосна поддршка, вели Перински.

За проблемите во Град Скопје, Перински вели дека се системски и дека не може да се решат со ад хок решенија.

Локалните избори треба да се одржат следната година.

The post Перински: Ако анкетите покажат дека сум најсоодветен кандидат со задоволство ќе прифатам кандидатура за градоначалник на Скопје appeared first on Република.

Запуштениот кеј на река Вардар - од некогашна гордост до денешен срам за скопјани, велат во писмениот допис од ЛДП.

ЛДП изразува длабока загриженост за состојбата на кејот на река Вардар, кој некогаш беше симбол на убавината и чистотата на Скопје, а денес претставува срам за сите нас. Некогашното место за прошетки и рекреација на скопјани е запоставено и запуштено.

Кејот на Вардар, кој требаше да биде гордост на главниот град, денес е неискосен и неисчистен, со непристојни количества отпад и диво израсната вегетација. Ова не само што влијае на изгледот на нашиот град, туку претставува и сериозен ризик по здравјето и безбедноста на граѓаните.

ЛДП апелира до надлежните институции итно да преземат мерки за расчистување и одржување на овој важен јавен простор. Кејот на Вардар заслужува да биде вратен во својата полна слава и повторно да стане место на гордост за сите скопјани.

Повикуваме на одговорност и посветеност од страна на локалните власти во исполнувањето на нивните обврски кон граѓаните.

The post ЛДП: Уште еднаш прашуваме има ли Скопје Градоначалник? appeared first on Република.

Во драматично обраќање преку фејсбук градоначалникот на Ново Село, Ѓорѓе Божинов заедно со тим на пожарникари од ТППЕ Струмица и неколку цивили побара помош да бидат евакуирани од местото на пожарот над селото Бадилен каде од сите страни се заробени од огнената стихија.

Од сите страни околу нас гори и очекуваме двата хеликоптери кои го гаснат пожарот да изгаснат еден негов дел за да можеме да се евакуираме или да дојдат по нас да не земат, бидејќи сите копнени врски се прекинати, изјави Божинов.

Како што изјави Божинов тие се опколени од огнот во радиус од 500 метри и очекуваат што побргу да бидат извлечени.

The post Градоначалникот на Ново Село, пожарникари и цивили се заробени од пожарот на планината Огражден и бараат помош: Гори на сите страни околу нас! appeared first on Република.

Лажно се претставувал како градоначалник и пријавил настан, полицијата документира случај за 80-годишник од Кавадарци. За ова попладнево информираа од СВР Велес.

Вчера во 16.20 часот во ОВР Кавадарци бил извршен службен разговор со М.М.(80) од Кавадарци затоа што се јавил во полиција, лажно се претставил како градоначалник на една општина и пријавил настан. По документирање на случајот, против него ќе биде поднесена соодветна пријава, соопштија од Секторот за внатрешни работи Велес.

The post 80-годишник в полиција се претставувал како градоначалникот appeared first on Република.

Александар Шапиќ, кандидатот на владеачката коалиција на Српската напредна странка (СНС) и Социјалистичката партија на Србија (СПС) на денешната седница на градското собрание на Белград повторно е избран за градоначалник на главниот град на Србија, јави дописникот на МИА од Белград.

По минатонеделното конститурање на собранието на град Белград, на кое Никола Никодијевиќ од СПС е избран за нов претседател, тој на денешната седница го предложи досегашниот градоначник Александар Шапиќ за нов градоначалник на Белград пред заедничката коалиција „Александар Вучиќ-Белград утре“.

За изборот на Шапиќ гласаа 64 од 82 советници. На предлог на Шапиќ за негова заменичка е поставена Весна Видовиќ.

Саво Манојловиќ, лидерот на движењето „Крени-промени“ изјави дека оваа советничка група нема да учествува во работата на градското собрание на Белград, додека опозицските одборници од коалицијата „Го бираме Белград“ не го подржаа изборот на Шапиќ.

Според резултатите од изборите во Белград одржани на 2 јуни, изборната листа „Александар Вучиќ-Белград утре“ има мнозинство од 64 мандати во Градското собрание кои брои 110 одборници.

Листата „Саво Манојловиќ-Јас сум Белград“ освои 21 одборничко место, опозициската коалиција „Го Бираме Белград“ 14 советници, листата „Ние силата на народот - доктор Бранимир Несторовиќ“ има 10 мандати, а малцинската „Руска партија“ во градското собрание“ има еден одборник.

На јунските избори за градот Белград, најголемите опозициски партии-ССП на Драган Ѓилас, ДСС на Милош Јовановиќ, движењата Срце и Заедно ги бојкотираа изборите.

The post Александар Шапиќ повторно избран за градоначалник на Белград appeared first on Република.

Градоначалникот на Општина Сарај и актуелен организациски секретар на ДУИ, Блерим Беџети, соопшти дека градоначалничката фотелја ќе ја замени за пратеничка во Собранието.

Од денеска започнува моето ново патување како пратеник во Собранието. Ветувам дека ќе бидам гласот на волјата на народот и ќе докажам дека легитимитетот на албанскиот глас му припаѓа на Европскиот фронт. Продолжуваме обединети за европска држава и подобар економски развој, напиша Беџети на Фејсбук.

Тој беше пратеник од 2006 до 2009, а и министер за правда во периодот 2011-2014 година.

The post Сарај ќе добие нов градоначалник зошто Блерим Беџети се одлучи да остане пратеник appeared first on Република.

Полицијата постапувајќи по претходна пријава вчера извршила службен разговор со З.И.(47) од Скопје.

Како што информира денеска МВР, според пријавата, околу 15.30 часот во просториите на општина Шуто Оризари З.И. агресивно се однесувал и го нападнал К.Д.(49) од Скопје, градоначалник на општината.

По целосно документирање на случајот ќе следува соодветен поднесок.

The post Скопјанец го нападнал градоначалникот на општина Шуто Оризари, полицијата подготвува пријава appeared first on Република.

Министерството за внатрешни работи поднесе кривични пријави за злоупотреба на службената положба и овластување против директорка на детска градинка во скопска општина, како и против поранешен градоначалник на скопска општина.

Од МВР информираат дека директорката на детската градинка на 12.05.2021, по објавен оглас за јавна набавка на стоки со пречекорување на своите службени овластувања, знаејќи дека максималниот износ на набавката требало да биде во вредност од 1.300.000,00 денари без ДДВ. Средствата требало да бидат обезбедени од сопствената сметка на договорниот орган. Директорката на градинката како најповолен понудувач избрала правно лице од Скопје, иако понудило цена во износ од 1.329.800,00 денари без ДДВ, за што донела и Одлука за обезбедување на дополнителни средства и изменување на одлуката за јавната набавка и склучила Договор за јавна набавка на вкупен износ од 1.569.164,00 денари со вклучен ДДВ, иако од истото правно лице не била доставена банкарска гаранција со самото склучување на договорот во износ од 156.916,00 денари. Правното лице исто така не го испочитувало рокот за достава и набавените машини и наместо за 15 дена ги доставило со задоцнување од околу 150 дена од склучувањето на договорот, по што првопријавената М.Р. со неизвршување на своите службени овластувања, наместо да го раскине склучениот договор со избраниот понудувач, да активира негативна референца во е-системот на Бирото за јавни набавки и да поведе постапка за наплата на договорената казна во износ од 81.596,00 денари, таа не го направила тоа.

Како што стои во соопштението, второпријавениот како градоначалник на една скопска општина со пречекорување на своите службени овластувања, иако знаел дека средствата за плаќање на машините требало да бидат обезбедени од сопствената сметка на градинката, извршил промена со проширување на буџетот на општината во делот дотации во износ од 1.534.000,00 денари и истите на 29.11.2021 ги префрлил на сметката на градинката. Парите од страна на првопријавената М.Р. истиот ден биле платени кон избраниот понудувач, додека на 22.12.2021 година извршила плаќање на средства во износ од 35.164,00 денари од сопствената сметка на градинката. На овој начин првопријавената и второпријавениот го оштетиле буџетот на општината за износ од 1.534.000,00 денари, додека првопријавената го оштетила буџетот на градинката во износ од 273.676,00 денари како ненаплатена банкарска гаранција и договорена казна и исплатените парични средства од сопствената сметка. Тие на овој начин му овозможиле на правното лице од Скопје да се стекне со противправна имотна корист во износ од 1.807.676,00 денари.

The post Кривична пријава за директорка на градинка и градоначалник на скопска општина appeared first on Република.

Одделот за криминалистичка полиција спроведе предистражни дејствија за поранешен Градоначалник на една скопска Општина, за кој постои сомневање дека извршил кривично дело "Злоупотреба на службената положба и овластување" согласно член 353 од КЗ, соопшти техничкиот министер за внатрешни работи Панче Тошковски.

Имено, истиот на ден 04.08.2021г. со пречекорување на границите на своето службено овластување како лице што врши работи од јавен интерес по спроведена постапка за јавна набавка на работи - реконструкција на спортски игралишта на територија на Општината и склучен договор за јавна набавка со правно лице од Скопје, во која постапка покрај за игралишта за кој бил надлежен, предвидел реконструкција и на спортското игралиште во средно училиште, иако знаел и бил свесен дека средните училишта согласно Законот за средното образование се во надлежност на Градот Скопје.

На тој начин пријавениот го оштетил Буџетот на општината за износ од 662 885 денари кои средства му биле исплатени на избраниот економски оператор за реконструкцијата на тоа игралиште.

Во координација со СВР Скопје, Единицата за економски и компјутерски криминал до ОЈО Скопје поднесена е кривична пријава“, истакна Тошковски.

The post Кривична пријава против поранешен градоначалник, го оштетил Буџетот на општината со 662.885 денари appeared first on Република.

Пукано во автомобилот на градоначалникот на општина Арачиново, Ридван Ибраими од ДУИ.

Во престрелката погоден e неговиот возач, кој во моментов се носи на комплексот клиники „Мајка Тереза“,  информираат од МВР.

Припадници на полицијата се на терен, и вршат увид.

Наскоро подетални информации.

The post Пукано во автомобилот на градоначалникот на општина Арачиново, ранет неговиот возач appeared first on Република.

Градоначалникот на Москва во првата реакција рече дека се случи страшна трагедија.

Во трговскиот центар Крокус сити денеска се случи ужасна трагедија, рече градоначалникот.

Петорица вооружени напаѓачи облечени во маскирни одела отвориле оган од автоматско оружје на луѓето во концертната сака Крокус сити хол, оставајќи зад себе непознат број мртви и повредени, покажа видео снимката од местото на настанот.

🚨#BREAKING: Multiple people have been shot at concert hall with multiple fatalities with large explosions taking place

📌#Moscow | #Russia

Currently, there are reports of a terrorist attack taking place at a concert hall entertainment center in Moscow, Russia. Reports… pic.twitter.com/2x3r2Yuz4u

— R A W S A L E R T S (@rawsalerts) March 22, 2024

The post Во трговскиот центар Крокус сити денеска се случи ужасна трагедија, рече градоначалникот на Москва appeared first on Република.

Јавен обвинител од Основното јавно обвинителство Скопје поведе постапка против двајца браќа за кои постои основано сомнение дека сториле кривично дело – Загрозување на сигурноста од член 144 став 4 во врска со став 2 и став 1 од Кривичниот законик.

Осомничените, на возраст од 42 и 35 години, во повеќе наврати телефонски му се заканувале на службеното лице -градоначалник на општина Арачиново, предизвикувајќи кај него несигурност, вознемиреност и страв. Откако ги пријавил, тие преку вибер пораки продолжиле да упатуваат сериозни закани дека ќе нападнат по неговиот живот и тело.

Надлежниот јавен обвинител до судијата на претходна постапка од Основниот кривичен суд Скопје достави предлог за определување мерки на претпазливост – забрана за напуштање на живеалиште/престојувалиште, привремено одземање патна или друга исправа за преминување на државната граница, обврска да се јавуваат кај надлежен орган, забрана за влез во седиштето на општина Арачиново, како и забрана за приближување и воспоставување контакти со оштетениот градоначалник.

The post Двајца браќа му се заканувале на градоначалникот на Арачиново дека ќе го убијат appeared first on Република.

На прием што го одржал градоначалникот на Инѓија, Владимир Гак, меѓу подароците за децата од карате клубот „Сенсеи“ имало и мед за потенција - „Фрушкогорски скочко - радост во куќата“, пишува локалниот портал Ин медиа од Инѓија, пренесе Бета.

Гак му вети поддршка и помош на карате клубот, а заедно со ветувањата на децата им беа поделени и подароци во брендирани чанти на локалната самоуправа.

Ништо немаше да биде толку необично, тврдат родителите, доколку во содржината на кесата не го пронашле потентниот мед „Фрушкогорски скочко“, пишува порталот.

Се додава дека во локалната самоуправа не знаат чија била идејата на децата да им се дава мед за потенција, додека поранешните членови на кабинетот на претседателот на општината изјавиле дека содржината на подароците за гости е исклучиво на претседателскиот кабинет.

The post Градоначалник на општина во Србија им подарил мед за потенција на деца од карате клуб appeared first on Република.

Поранешниот градоначалник на рускиот град Владивосток, Олег Гумењук, кој е осуден за корупција, е ослободен од казнената колонија и ќе учествува во руската воена операција во Украина.

Гумењук, кој беше осуден на 12 години затвор за примање поткуп, склучил договор со Министерството за одбрана и заминал во зоната на воени дејствија во Украина.

Според изјавата на неговиот адвокат, соред наредбата издадена до Гумењук, тој се јавил во воената единица на 22 декември.

Сепак, пред да се појави на фронтот, Гумењук, прво морал да помине обука во една од областите за обука.

The post Руски градоначалник осуден за корупција, излезе од затвор за да оди на фронтот appeared first on Република.

Градоначалникот на Монако, Жорж Марсан, е обвинет заедно со уште четири лица за корупција, објавија денеска извори блиски до локалното обвинителство.

Во рамки на судската истрага, пет лица меѓу кои и градоначалникот се осомничени за активна и пасивна корупција и тргување со влијание“, наведоа правосудните извори.

Марсан бил сослушан кај истражен судија и е под судски надзор, наведуваат истите извори, додавајќи дека засега не можат да дадат попрецизни објаснувања бидејќи истрагата е во тек.

На почетокот на годината, Советот на Европа го повика Монако да ја подобри ефикасноста на надзорот на истрагите и кривичното гонење во контекст на перење пари и конфискација на приносите од криминал.

Монако, кој веќе е под притисок на Европската унија поради претходните скандали со перење пари, одговори дека „најдобро ќе ги почитува меѓународните стандарди“.

The post Градоначалникот на Монако и уште четири лица обвинети за корупција appeared first on Република.

Познатиот белградски адвокат со македонско потекло и член на Претседателството на Социјалистичката партија на Србија (СПС), Тома Фила, ќе биде кандидат на СПС за градоначалник на градот Белград на изборите што треба да се одржат на 17 декември, јави дописникот на МИА од Белград.

На изборите во 2022 година, Тома Фила исто така беше кандидат за градоначалник на Белград на СПС и до овие избори беше пратеник во собранието на град Белград.

Фила тогаш за МИА изјави дека сака да биде прв Македонец кој би можел да стане градоначалник на Белград.

-Дедо ми беше градоначалник на Скопје од 1923 до 1926 година, и јас си кажав, па ако можеше дедо ми да биде градоначалник на Скопје, зошто не би можел јас да бидам градоначалник на Белград. Се надевам со помош на Македонците кои живеат во Белград, кои ќе имаат единствена можност да имаат градоначалник Македонец, изјави тогаш Тома Фила.

Инаку денес СПС со Единствена Србија (ЈС) на Драган Марковиќ Палма и со Зелените на Србија (ЗС) коалициски договор за вонредните парламентарни и белградски избори на 17 декември.

Заедничката изборна листа за парламентарните избори ќе има назив „Ивица Дачиќ-премиер на Србија“,

Тома Фила ќе биде заеднички кандидат за градоначалник на Белград за оваа изборна коалиција.

The post Тома Фила е кандидат за градоначалник на Белград на СПС appeared first on Република.

Полициски службеници од Единицата за насилен криминал при СВР Скопје денеска (15.09.2023) ги лишија од слобода С.М., Ф.М. и М.М., во врска со пријавата од градоначалникот на општина Гази Баба.

Тој на 11.09.2023 во СВР Скопје пријави дека три лица упатувале закани по неговиот живот поради претходно извршено уривање на дивоградба во с. Инџиково.

Веднаш по добиената пријава, преземени се неопходните мерки и активности и денеска сторителите се лишени од слобода и против нив е поднесена кривична пријава до ОЈО Скопје по брза постапка за кривично дело „загрозување на сигурноста“ по член 144 ст.4 од КЗ.

The post Приведени три лица: Му се заканувале на градоначалникот на Гази Баба – познати нивните идентитети appeared first on Република.

Надворешната канцеларија за криминалистички работи Кочани до Основно јавно обвинителство Кочани денеска поднесе кривична пријава против Љ.П.(63) од Кочани, поради постоење на основи на сомнение за сторено кривично дело „злоупотреба на службената положба и овластување“ по член 353 став 1 од Кривичниот законик.

Како што соопштија од МВР, тој во својство на службено лице - градоначалник на Општина Кочани, со искористување на својата службена положба, ги пречекорил границите на своето службено овластување, така што на 06.12.2021 година за првпат го именувал С.З. за вршител на должноста директор на СОУ „Гошо Викентиев“ Кочани и продолжил да го именува по трети и четврти пат, иако бил должен да знае дека лицето кое го именувал не го положил испитот за директор во законски утврдениот рок од една година и не ги исполнува условите за вршење на должноста.

Со наведеното дејствие, пријавениот постапил спротивно на член 93-в од Законот за средно образование и му овозможил на лицето да се стекне со противправна имотна корист во вкупен паричен износ од околу 63.552 денари, се појаснува во соопштението од МВР.

The post Градоначалник на Кочани доби кривична за „злоупотреба на службената положба и овластување“ appeared first on Република.

Градоначалникот на германскиот Ајденба, Карл Обермаер, починал од срцев удар откога пристигнал на местото каде што е тешко повредено 9-годишно момче, пренесува магазинот „Феникс“.

Според соопштението на полицијата, деветгодишното момче е тешко повредено кога паднало од светларник.

68-годишниот градоначалник Карл Обермаер се упатил кон местото на несреќата како и секогаш кога ќе се случи голема несреќа. Кога пристигнал на местото на несреќата, констатирал дека момчето е тешко повредено, но брзата помош веќе му помагала и е надвор од животна опасност.

Кога завршил со спасувањето на детето, градоначалникот паднал на земјата. Тој починал во возилото на брзата помош на пат кон болницата. Според лекарите, причина за смртта е акутен срцев удар, јавува „Слободна Далмација“.

The post Градоначалник во Германија отишол да види дете кое паднало од прозорец, но добил срцев удар и починал appeared first on Република.

Албанската Влада го разреши градоначалникот на Кукс, Сафет Ѓици по објавувањето на скандалозното видео со интимни моменти со девојка во неговиот кабинет.

Владата донесе одлука за итно разрешување на градоначалникот на Кукс. До распишување на предвремени избори, Владата деновиве ќе назначи вршител на должноста, изјави министерката за финансии и економија Делина Ибрахимај.

Одлуката доаѓа по објавувањето на видеото на социјалните мрежи и медиумите по што реагираше и самиот Ѓици, кој објави дека поднел оставка и дека подолго време бил во интимна врска со наведената девојка. При тоа му даде политички премиси велејќи дека е „плен на стапица од политичките противници“ но, сепак, додаде, дека е негов непромислен чин.

Во меѓувреме и Специјалното обвинителство за организиран криминал и корупција, (СПАК) започна истрага против Ѓици, бидејќи „делото се случило во службени простории“.

The post Имал секс со девојка од кабинетот: Владата го разреши градоначалникот на Кукс appeared first on Република.