Општина Центар е првата општина во државата која има оформено трговско друштво за продажба и производство на струја „Енергија Центар“. Првите фотоволтаици преку ова трговско друштво се поставени минатата година во август на покривот на градинката „Раде Јовчевски Корчагин“ објектот „Пепелашка“. Денеска истите носат заштеда од 50% од потрошувачката на електрична енергија. Градоначалникот на Општина Центар Горан Герасимовски кој гостуваше во Стидио 10 на Телевизија 24 изјави дека неодамна општината поставила и нови фотоволтаици на ООУ „Киро Глигоров“ каде покрај покривањето на трошоците очекува и продажна на вишоци од прозиведена електрична енергија.

„Овде станува збор за поголем капацитет за поголеми киловати ставени на училиштето Киро Глигоров коешто набрзо очекуваме да бидат пуштени. Чекаме да ја добиеме лиценцата од Централен регистар, да се впишат во ЕВН и истите да почнат со работа. Целта ни е и да произведуваме за потребите на училиштето но и вишоците од електрична енергија да бидат продавани во систем и сите оние средства коишто во минатото се трошеле непотребно за електрична енергија ги трошиме за други цели како детски игралишта, спортски игралишта доопштемување на училиштата и слично. Во наредниот период планираме да се постават фотоволтаици на во останатите училишта Кочо Рацин, 11 Октомври и планот ни е да продолжиме во сите објекти коишто се под капата на општината со поставување на фотоволтаици да имаме огромни заштеди кадешто пак ќе повоторам средствата ќе ги пренамениме во други проекти“, изјави Герасимовски.

Герасимовски во гостувањето исто така зборуваше и за хигиената, начинот на избор на градоначалници, мораториумот како и престојниот концерт „Нешто што ќе остане“ кој ќе се случи во недела во Паркот на франкофонијата.

The post Фотоволтаиците во градинката „Пепелашка“ носат заштеда од 50% на сметките за струја appeared first on Република.

Градинката „Раде Јовчевски-Корчагин“– „Пинокио“, „Пепелашка“ и „Палешка“ постои цели 75 години, создавајќи сестрани, креативни и продуктивни личности, пред сѐ, задоволни, слободни, одговорни и успешни деца.

– Со постојаното успешно работење и следењето на нашата мисија и визија го реализираме максималниот потенцијал за развој на секое дете, преку процес на трансформација во една безбедна и стимулативна средина, користејќи современи програми и модели на едукативна работа – велат од градинката.

Јубилејот беше прославен во МОБ, кога на сцена излегоа дечиња од 3 до 6 години. Негувателките и воспитувачките, со помош на кореографот Александра Никофоровска, сценографот Десанка Глигориевиќ, и костимографот Љубица Велкова, направија одлична забава, како за децата, така и за родителите, и за сегашните и поранешни вработени во градинката.

Суштината на животот е во насмевката на нашите деца. А вчера вечер верувам дека многу насмевки и воодушевувања предизвика 75-годишниот јубилеј од градинката „Раде Јовчевски Корчагин“.
Ваше е да ни бидете ни здрави и среќни, а наше да вложуваме во квалитетно образование и обезбедување најсовремени услови за престој во сите детските градинки во Центар.
Нека ви е честит патрониот празник и ви посакувам и понатаму успешно да ја реализирате вашата мисија и визија, а општинската градинка „Раде Јовчевски Корчагин“ да претставува синоним за успешно, одговорно и професионално работење.
Честит јубилеј! - посочи градоначалникот на Општина Центар, Горан Герсимовски во денешната честитка објавена на неговата фејсбук страница.

В.д. директорот Анита Николиќ на ЈУДГ на ОЦ „Раде Јовчевски Корчагин“ во чиј дел се објектите „Пинокио“, „Пепелашка“ и „Палешка“ на секретарот на Општина Центар, Георги Трајчев, кој присуствуваше на прославата, му додели благодарница за заложбите на Општината околу функционирањето на градинката.

– Нашата градинка секогаш била безбедна средина за децата, кои со задоволство доаѓаат, се чувствуваат радосно и среќно. Активностите и игрите се адаптирани на нивните интереси и потреби, како и на времето во кое живееме. Со заедничкото делување на четириаголникот: градинка – семејство – дете – општествена средина. Нашата институција претставува фундамент на воспитно – образовниот и згрижувачки систем. Нека ни е честит патрониот празник, Градинке наша – рече Николиќ.

Фото: Општина Центар

The post Децата од градинката „Раде Јовчевски-Корчагин“ создадоа бајка на сцената во МОБ appeared first on Република.