На 25 септември 2024 година, започна снимањето на долгометражниот игран филм “„рампи” по сценарио и режија на Ѓорче Ставрески, а во продукција на Фрагмент Филм, соопштија од продуцентската куќа.

Главните улоги ги играат Сергеј Димовски и Стефанија Начевска, а во се: Александар Микиќ, Игор Ангелов, Петар Мирчевски, Душица Настова, Наум Ѓоргиевски, Ана Димитрова, Григор Јовановски и многу други.

Директор на фотографија е Дејан Димески, сценограф е Симо Бранов, костимограф Жаклина Крстевска, шминка и маска Јасмина Лилиќ од Србија, дизајнер на звук Лука Шуто од Чешка.

Продуценти на филмот се Ивана Шекуткоска и Ставрески, а копродуцент е Алзбета Јаначкова.

Филмот ќе се снима на повеќе локации во Скопје во наредните месеци, во период од 38 дена.

Ова е втор долгометражен игран филм на Ставрески, кој по големиот успех на „Исцелител”, снима нова, сосема поинаква, но подеднакво интересна приказна.

Филмот е поддржан од Агенција за филм на Македонија и Чешки филмски фонд.

The post Ѓорче Ставревски почна со снимање на вториот долгометражен филм „Трампи“ appeared first on Република.

„Дали си маж“, краткиот филм на македонскиот режисер Ѓорче Ставрески вечерва премиерно ќе биде прикажан во Грција, на престижниот Филмски фестивал во Солун. Филмот е во конкуренција за награда за најдобар краток филм.

Филмот е според сценарио на Ставрески, кинематографер е Наум Доксевски, монтажер е Мартин Иванов. Во филмот играат: Данило Ивановски, Душица Настова, Драгана Костадиновска, Сашко Коцев, Лила Милиќ, Александар Микиќ и други.

Ѓорче Ставрески е наградуван режисер, сценарист, продуцент. Дипломираше на Факултетот за драмски уметности во Скопје. Неговиот дебитантски игран филм „Исцелител“ имаше повеќе од 90 фестивалски селекции, беше прикажан и на HBO Europe и беше наш кандидат за „Оскар“ за 2019 година.

The post „Дали си маж“ на Ѓорче Ставревски на Филмскиот фестивал во Солун appeared first on Република.