горазд михаилов Archives - Република

Михајлов од Вардар во Брера

Игор Чавески — Wed, 04 Sep 2024 07:33:14 +0000

Горазд Михаилов (50) е назначен за шеф на стручниот штаб на прволигашот Брера Струмица, соопштија вечерва од раководството на клубот, откако пред два дена спогодбено се раздели со српскиот стратег Бојан Круљ.

Михаилов денеска го презеде тимот, а со играчите имаше состанок и го одработи првиот тренинг на Спортскиот центар „Пандев“. Тој е поранешен тренер на скопски Вардар каде во средината на август по победата над Пелистер си поднесе оставка.

Во стручниот штаб на Михаилов помошници ќе му бидат Тане Темелков и Тони Атанасов, кој од младинскиот погон се префрлува во сениорите, кондиционен тренер останува Дарко Коцев, а со голманите ќе работи Ѓорѓе Шопов.

Инаку, Горазд Михаилов е добро познат на македонската фудбалска јавност и како играч и како тренер. Досега ги има водено екипите на Силекс, Борец од Велес, Тетекс, Напредов, Пелистер и Охрид, а извесен период беше и во Приједор, во Босна и Херцеговина.

The post Михајлов од Вардар во Брера appeared first on Република.

Шок по победата над Пелистер: Tренерот на Вардар, Михајлов си поднесе оставка

Игор Чавески — Mon, 19 Aug 2024 11:56:26 +0000

„Фудбалскиот клуб Вардар ја известува јавноста дека Горазд Михаилов, досегашниот шеф на стручниот штаб, поднесе оставка на функцијата и повеќе нема да ги предводи црвено-црните.

https://republika.mk/sport/fudbal/makedonija-zaluzhuva-vakvo-derbi-foto-galerija-od-mechot-vardar-pelister/

Горазд Михаилов во клубот пристигна минатата полусезона и успеа да ја исполни главната цел на навивачите и клубот, обезбеди опстанок во ПМФЛ, а покрај тоа оствари и значајни резултати, кои секако дека остануваат да сведочат за професионализмот и посветеноста.

Тој си заминува поради приватни причини, а со раководството на клубот во пријателски однос е постигнато взаемно прифатливо решение.

The post Шок по победата над Пелистер: Tренерот на Вардар, Михајлов си поднесе оставка appeared first on Република.

Горазд Михаилов е нов тренер на Вардар

Александар Арсовски — Fri, 29 Dec 2023 16:19:19 +0000

Најтрофејниот македонски фудбалски клуб Вардар ќе ја продолжи сезоната во Првата македонска фудбалска лига под водство на Горазд Михаилов, откако 49-годишниот стратег официјално е назначен за нов тренер на „црвено-црните“.

Михаилов, кој изминатите две и пол сезони го предводеше Силекс, седнува на клупата на Вардар на местото на Александар Васоски, кој замина во спротивна насока и ќе го предводи прволигашот од Кратово.

Михаилов ќе има задача да му обезбеди опстанок на Вардар, кој соочен со големи финансиски проблеми, по есенскиот дел од сезоната е на последното место со 17 бодови, три помалку од безбедната зона.

Македонското фудбалско првенство продолжува на 18 февруари.

The post Горазд Михаилов е нов тренер на Вардар appeared first on Република.