Тројца осомничени соизвршители во грабнувањето и убиството на 14-годишната Вања Ѓорчевска и 74-годишниот Панче Жежовски веќе се во Истражниот затвор во Шутка, каде првично ќе бидат задржани 48 часа, а по поднесувањето на конкретната кривична пријава, ќе биде одредена и нова мерка притвор.

Додека македонската јавност сè уште чека многу одговори на нејаснотиите кои го следат овој случај, од затвор до монструмите пристигна порака:

Само тука да ве донесат, најубава пресуда ќе имате!, им порача Горан Андонов - Ќосето.

The post Ќосето до убијците на Вања: Само тука да ве донесат… appeared first on Република.

Горан Ангелов-Ќосето, еден од обвинетите за тероризам за случувањата на 27 април 2017 година, сподели емотивен разговор со неговата ќерка од 2018 година.

- Тато ти си терорист?
Не сине, од каде ти е сега ова?
-Другарките ми рекоа дека си терорист страшен и дека си затвор зошто си лош.
Дали си убил луѓе тато,терористите убиваат невини луѓе?
-Не ќерко јас ја бранев Македонија.
Тогаш така се викаше нашата земја, Македонија.
Ја бранев од едни луѓе што сакаа да и го сменатат името во Cеверна Македонија.
-Кога не си убил никого зошто те затворија толку долго дури 12 години само заради бранење на името Македонија?
-Македонија не е обично име ќерко.
Македонија е свето име и должност на секој граѓанин е да го брани тоа име.
-Па тогаш кој се тие што не го сакаа името
Македонија толку многу ли го мразеа тоа име да те затворат толку долго?
-Тоа ќерко се луѓе немакедонци тоа се луѓе што мразат се што е македонско тоа се луѓе што ги сакаат само парите и власта.
Тие луѓе не само што го сменија името го сменија и името на нацијата во северно македонци тие луѓе не ме затворија само мене затворија и уште други 33ца ,неколку ги пуштија за да им гласаат за промена на тоа име неколку туку така а неколку оти беа тешки кодоши ,шпиуни.
Од памти века луѓето што си ја сакале Македонија биле затворани и дури некој и убивани.Им ги уништуеле животите на цели фамилии исто ко овие сега.
Ги затворале сите големи
Македонци, Ченто, Брашнаров, Драган Богдановски и ред други. Некој не само што ги затварале туку и ги убивале ги кодошеле од памти век.Ги кодошеле комитите, го убиле Гоце Делчев, Јане Сандански, Даме Груев, Тодор Александров ...
-Тато дали ние треба да ја сакаме државата што ги затворала и убивала сите луѓе што ја сакале и се бореле за неа????
-Дали тато и тебе ќе те убијат за Македонија??
Дали ние треба да побегнеме од оваа држава што си ги убивала тие што највеќе ја сакале??
Дали тие другите кој ја избркаа мама од работа и те затворија тебе дали тие ќе не мачат нас целиот живот ?
Дали ќе можеме да си купиме за мене и за Филип нови патики и чевли и да јадеме пица и ќе одиме сите заедно во Охрид ?
Јас тато сакам да си дојдеш и да си одиме од оваа Cеверна Македонија и така самото име и е студено.
-Највероватно ќе си одиме ќерко пошто за патриоти нема место во Северна!!!

Ангелов е осуден на 12 години затвор, а лани првпат по пет години доби можност да излезе на викенд.

https://republika.mk/vesti/makedonija/prvpat-po-pet-godini-goran-angelov-zaedno-so-semejstvoto/

The post Ќе си одиме ќерко, пошто за патриоти нема место во Северна! appeared first on Република.

Во врска со последните написи во медиумите, Општина Центар информира дека е пристигнато Барање испратено од Град Скопје за добивање согласност за почнување на законска постапка согласно која би отпочнала процедура за враќање на спомен обележјето на истата локација, на крстосницата помеѓу булеварите „Гоце Делчев“ и „Крсте Петков Мисирков“.

Општина Центар во петокот испрати одговор до градот во однос на барањето, во кој стои дека општината нема надлежност во овој дел. Согласно Законот за меморијалните споменици и спомен обележја („Службен весник на Република Македонија“ бр. 66/04; 89/08 и 152/15 и „Службен весник на Република  Македонија бр. 013/21“), надлежностите за подигнување на споменици се наоѓаат во Собранието на Република Македонија, додека општините можат да подигнуваат спомен обележја само за личности и настани од локално значење. Согласно членовите 3 и 5 од Законот за меморијални споменици и спомен обележја, е дефинирано дека Настаните и личностите што се одбележуваат со меморијален споменик треба да се од исклучително значење за развојот на државноста на Република Македонија и за нејзиниот државно-правен континуитет и да се вградени во историскиот развој на земјата, се во надлежност на Собранието на Република Македонија, наведува Општината.

Според градоначалникот на Општина Центар, Горан Герасимовски, на погрешна адреса е испратено барањето.

Ќосето нема никаква врска со Општина Центар ниту пак е лик од локално значење и оттаму, ова прашање не може да се третира на општинско ниво. Град Скопје треба да се обрати до Собранието. Што се однесува до самиот споменик, во минатото институциите утврдија бројни законски прекршувања при поставувањето на истиот, меѓу кои и Законот за поставување на спомен обележја. Верувам дека институциите во однос на овој случај ќе постапат целосно според законот, бидејќи во минатото истиот предизвика многу контроверзии - вели Герасимовски и додава дека во членот 4 од Законот е наведено дека со спомен-обележјата се одбележуваат настани и личности кои се од локално значење и дека само тие можат да бидат подигнувани од општините и од градот Скопје.

The post Герасимовски: Барањето за враќање на Ќосето, Арсовска да го упати до Собранието appeared first on Република.

Кај беше досега да нè спомнеш ако ти беше толку грижа, му порача Горан Ангелов на Стевчо Јакимовски, откако градоначалникот на Карпош и лидер на ГРОМ во вчерашно интервју рече дека „Мицковски интервенира за други луѓе да имаат подобри услови во затворите, а затворениците од 27-ми април не ги ферма“.

Ангелов му порача дека тоа воопшто не е вистина и дека претседателот на партијата Христијан Мицкоски имал и ќе има поддршка од него, зошто тој ВМРО и не менува партии, алудирајќи на менувањето страни на Јакимовски.

Не е вистина твоето тврдење!
Сите осуденици имаме исти услови, исто сме третирани во зависност од однесувањето према куќниот ред!
Кај беше досега да нè спомнеш ако ти беше толку грижа!
Мицкоски имал и ќе има поддршка од мене, јас сум ВМРО и не мењам партии!, порача Ќосето.

The post Ангелов до Јакимовски: Кај беше досега да нè спомнеш ако ти беше толку грижа! appeared first on Република.