Kако Васко Ковачевски од „голтар“ преку функционер во енергетскиот сектор стигнал до титула милионер со имот од 26 милиони открива на денешната прес-конференција пратеникот Миле Лефков.

Доколку се погледне анкетниот лист на Васко Ковачевски, се доаѓа до логичниот заклучок дека пред 2019 година тој немал недвижен имот или автомобил на негово или име на неговата сопруга. Сето тоа се менува во 2019 година, која е година и кога Васко Ковачевски станува директор на АД ЕЛЕМ. Тоа е година во која Ковачевски се стекнува со два деловни простори во Битола, два стана во градот, двор и земјиште. Додека во 2020 година тој купува и џип од марката Сеат.

Во 2019 година Ковачевски се стекнува со деловен простор од 5 милиони и 900 илјади денари со вкупна површина од 318 м2 во Битола и уште еден деловен простор во вредност од 8 милиони и 900 илјади денари со површина од 134 м2.

Истата година Ковачевски се стекнал со два стана во Битола, едниот со површина од 110 м2 и вкупна вредност од 2.5 милиона денари и другиот со површина од 124 м2 во вредност од 4.5 милиони денари.

Тој купил и недвижен имот за кој не навел дали е земјоделско или градежно земјиште во КО Диково во вкупна вредност од 1.5 милиони денари, а пријавил и двор од 1.700 м2, кој го стекнал исто така во 2019 година, и е во вредност од 1.4 милиони денари.

Ковачевски вози и џип Сеат Арона со година на производство 2020 година кое чини 22 илјади евра, соопшти Лефков.

Потенцираше дека имотот кој што Ковачевски го стекнал од 2019 година до сега, а го пријавил во својот анкетен лист е со вредност од над 26 милиони денари, односно околу 450.000 евра.

Иако Ковачевски во анкетниот лист навел дека имотот го стекнал по пат на наследство, сомнително е што тоа се случува во годината кога тој е избран за директор во АД ЕЛЕМ, каде доаѓа од позицијата генерален директор на РЕК Битола, од каде преку разни фирми Заеви црпеа пари преку милионски тендери.

ДКСК да го испита случајот Ковачевски, што тој поседува и како е стекнато.

Васко Ковачевски е уште еден пример како Дарко Каевски, Костадин Костадинов, Зоран Заев и Димитар Ковачевски кои од голтари преку СДСМ и политиката стануваат милионери, порача Лефков.

https://youtu.be/upkIBB1JZs4

The post Васко Ковачевски од голтар преку функционер во енергетскиот сектор до милионер со имот од 26 милиони appeared first on Република.

Костадин Костадинов има скромен анкетен лист, но постојано е опкружен со скапи ствари кои не се наведени во неговиот анкетен лист, велат од ВМРО-ДПМНЕ, додавајќи дека струмичкиот градоначалник од голтар стигна до скапи мотори, часовници и станови преку функција и СДСМ.

Костадинов го видовме со скап часовник Гармин, кој вреди над 70.000 денари, кој не е пријавен како негов имот. Костадинов како свој имот не го пријавил ниту скапиот мотор Дукати од 20.000 евра, кој го возеше во сред пандемија додека сите беа затворени во своите домови. Костадинов во анкетен лист не го ставил ниту станот во комплексот Џевахир, каде тој и живееше додека беше пратеник. ДКСК не одговори дали Костадинов е еден од функционерите на кои мислеше Билјана Ивановска кога кажа дека имаат имот кој не е на нивно име, туку е заведен на име на други лица? Костадинов е пример исто како и Каевски, Заев и Ковачевски, како од голтар преку функција и СДСМ се станува милионер, велат од ВМРО-ДПМНЕ.

The post Костадин Костадинов: Од голтар до скапи мотори, часовници и станови преку функција и СДСМ appeared first on Република.

Полека излегуваат на виделина „голтарите“ од СДСМ кои преку политиката станале милионери. Вчера ВМРО-ДПМНЕ објави за Дарко Каевски, кој на 30 години на сметката има 4 милиони и стан купен во кеш.

https://republika.mk/vesti/makedonija/vmro-dpmne-kaevski-od-goltar-preku-funkcioner-od-sdsm-do-milioner-na-samo-30-godini-ima-4-milioni-na-smetka-i-stan/

Денеска Мите Лефков на прес-конференција зборуваше за милионите на „голтарот“ Стефан Богоев, пораншениот градоначалник на Карпош и висок функционер на СДСМ.

Со плата на политичар никој не се збогатил, туку се збогатуваат корумпираните политичари кои на грбот на народот преку ноќ стануваат милионери. Стефан Богоев и Димитар Ковачевски се типичен примери како преку политика се станува милионер. Стефан Богоев со своите 32 години има огромен милионски имот. Богоев на својот последен анкетен лист кој го пријавил како градоначалник прибележал имот свој личен, и имот на семејството кој се состои од 3 стана во Скопје, два во Охрид и една куќа во Скопје. Богоев има недвижнини како да е агенција за изнајмување на недвижен имот, а не политичар, граѓанин кој земал плата од 60 илјади денари. Но, тоа не е се. Богоев има наведено и 3 автомобили од марките: Сеат, Шкода и Нисан, и скутер од марката Априлија. Имотот на Богоев оди понатаму, па фамилијарниот имот вклучува и земјоделско земјиште во Скопје во милионска вредност од 1,9 милиони. Богоев е функционер од СДСМ, тој бил претседател на СДММ, пратеник и градоначалник, тој е пример за луѓе кои влегуваат како голтари, а од политиката излегуваат милионери, рече Лефков.

Тој го спомена и актуелниот претседател на партијата Димитар Ковачевски, чиј татко бил градоначалник и амбасадор од СДСМ.

Тој се јавува како косопственик во фирмата за фотонапонски панели Пискел гроуп. Според официјалните изјави тој ја напуштил сопственичката структура, но постои дилемата дали Ковачевски навистина се повлекол или е во скриено сопствеништво на фирмата, и дали таа фирма ќе се јави како изработувач на панелите на неколкуте фотонапонски централи во земјава, праша Лефков.

The post Лефков: Богоев има недвижнини како да е агенција за изнајмување на недвижен имот, а не политичар appeared first on Република.

Портпаролот на ВМРО-ДПМНЕ Наум Стоилковски му упадна во прес-конференцијата на Дарко Каевски од СДСМ.

Каевски држеше прес-конференција инспириран од изјавата на Христијан Мицкоски дека членови на СДСМ влегле во политиката како голтари, а излегуваат како милионери.

Ќе се послужиме со нивниот речник „Голтарите“ од СДСМ, а коишто за пет години станаа милионери, се нервозни и се засегнати затоа што знаат дека немаат никаква доверба ниту почит кај народот. Народот гледа како Дарко Каевски бега од одговор како тоа од „голтар“ на 30 години има банкарска сметка со четири милиони, додека луѓе во продавниците се тепаат за производи. Народот гледа како Дарко Каевски го испрати својот шура, брат на сопругата, за конзул во САД. Народот гледа како семејството на Дарко Каевски се збогатило со пропаста на Еуростандард банка, додека луѓе се оставија без своите заштеди. Народот гледа како милениците на Зоран Заев, „Тито“ според Дарко Каевски, енормно се богатат, додека државата ја заглавија во долгови, а спиралата на скапотија им го изеде животот. Народот гледа како се тргува со закони за да не плаќаат ниту паркинг во Скопје. Затоа држат пресови во коишто безнадежно лажат дека Македонија блеска, дека државните резерви се полни, а тие го штителе стандардот, рече Стоилковски.

Затоа СДСМ бегаат од избори, затоа што знаат дека ќе завршат пред лицето на правдата.

The post Стоилковски до Каевски: Голтар влезе во политиката на сметка стави 4 милиони и купи станови во кеш appeared first on Република.

Дали првиот вицепремиер, како што самиот сака да се нарекува се најде „повреѓен и увреѓен“ од изјавата на лидерот на ВМРО-ДПМНЕ Христијан Мицкоски дека многу политичари во Македонија од сиромашни по неколку години бавење со политика од „голтари“ стануваат милионери.

Груби побрза да се дообјасни дека ДУИ се единствена партија која нема корупциски афери и скандали.

Но, дали тоа е така

Навистина против ДУИ нема корупциски афери и скандали, ноа е поради спрегата на партијата што е постојано на власт со судството и обвинителството. Сите индиции и сомнежи се запираат уште од самиот почеток па не доаѓаат ни до покренување на обвинение а камоли до судење.

Затоа на Груби во недостик на аргуенти како тоа функционери од неговата партија се вистински богаташи и газди го повикува да се обрати на Обвинителството кое е под целосна контрола на ДУИ и СДСМ.

Го повикувам Мицкоски да се обрати до обвинителство ако има докази за корупција. Тоа што Мицкоски го зборува може да земе пример од неговите поранешни партиски членови, кои влегоа „голтари“ а излегоа милионери од политиката“, рече Груби.

The post Дали Груби се препозна во изјавата на Мицкоски дека има политичари кои во политиката влегле како голтари, а излегле како милионери appeared first on Република.