Поранешен натпреварувач во реалното шоу „Големиот брат“ во Шпанија е осуден на 15 месеци затвор поради сексуален напад на колешка-натпреварувачка.

Хозе Марија Лопез ја нападна  Карлота Прадо во 2017 година по забава на која се консумирало алкохол. Видеото никогаш не било емитувано, а Лопез бил исфрлен од шоуто веднаш по нападот.

Жртвата го пријави инцидентот во полиција во 2018 година, а судењето требаше да започне во февруари 2022 година. Сепак, беше одложено бидејќи Прадо не се чувствуваше способна да сведочи. Тие биле во врска во куќата на „Големиот брат“ пред да се случи нападот.

Судијата рекол дека Лопез бил „воден од похотлив импулс“ и дека знаел дека жртвата е „во пијана состојба“, пренесува Би-би-си.

На судењето беше објаснето дека Лопез ѝ ги соблече панталоните на жртвата додека биле во креветот, пред да направи „сексуални гестови“ под покривката. Жртвата му рекла „не можам“ пред „непристојните движења на обвинетиот да продолжат во следните неколку минути, сè додека лицето и раката на жртвата не биле откриени, откривајќи ја нејзината несвесна состојба, што ги поттикнало продуцентите да интервенираат“.

Лопез тврдел дека не знаел дека Прадо била во несвест. Како што објави Ел Паис, судијата рече дека Лопез ја третирал жртвата како „секс играчка“, „без трошка согласност и, следствено, слобода во врска со тоа што се случило“.

Следното утро, продуцентите на жртвата ѝ покажале видео од нападот во исповедалницата.

Иако Лопез доби 15-месечна казна, не е јасно дали ќе помине некое време во затвор. Според шпанскиот закон, лицата кои се осудени на помалку од две години и немаат претходно криминално досие, не мора секогаш да служат затворска казна.

Судијата на Лопез му изрече и четиригодишна забрана за приближување, време во кое не смее да стапи во контакт со жртвата. Наредено му е да и плати отштета од 6.000 евра.

Шпанската продуцентска куќа Zeppelin Television SA, исто така, мора да плати компензација за „моралната штета“ предизвикана од недоволната поддршка на жртвата.

Инаку, сексуалниот напад стана јавен само две години откако се случи, откако шпанскиот сајт El Confidencial објави видео од моментот кога продуцентите ѝ го покажаа на жртвата видео од нападот.

The post Натпреварувач во „Големиот брат“ силувал колешка додека таа била онесвестена, нападот се снимал appeared first on Република.

Загрепската полиција објави фотографија и информација за исчезнувањето на Маријана Зајферт (37), победничката на регионалното реално шоу „Големиот брат“ во 2011 година.

Маријана исчезнала од домашната адреса на улицата „Ластовска“ во Загреб. Во моментот на исчезнувањето таа носела маица во боја на сенф, црна спортска јакна, црна тренерка со бело-црвена лента и светли патики.

Нејзиниот сопруг Карло Зајферт, со кој има и дете, за 24сата.хр вели дека не знае што се случило.

Исчезнувањето го пријавив во полиција. Не можам да зборувам за околностите, ни јас не ги знам, кратко изјави Зајферт.

The post Полицијата трага по исчезнатата Маријана, победничка на „Големиот брат“ appeared first on Република.