Гоце Седлоски е нов шеф на стручниот штаб на Вардар.

АД ФК Вардар го назначи Гоце Седлоски за нов Шеф на стручниот штаб на клубот, објавија утрово „црвено-црните“ на својот профил на социјалната мрежа Икс.

Седлоски на тренерската позиција во Вардар доаѓа на местото на Срѓан Захариевски со кого вчера беше прекината соработката.

Вардар го доби четвртиот тренер од почетокот на сезоната. Пред Седлоски и Захариевски, тимот го водеа Горан Петрески и Горазд Михаилов.

Старо-новиот тренер на Вардар доаѓа во време кога тимто се наоѓа на последното место на табелата во Првата македонска фудбалска лига со освоени осум бода по 13 кола.

The post Седлоски нов тренер на Вардар appeared first on Република.

Трофејниот македонски фудбалски стручњак и поранешен македонски репрезентативец Гоце Седлоски е нов шеф на стручниот штаб на Работнички.

Тој потпиша договор на 18 месеци и ќе има задача да го врати клубот на шампионските патеки.

Чест ми е што доаѓам во ФК Работнички, клуб со голема традиција и реноме во македонскиот фудбал, поранешен шампион и освојувач на купот. Би сакал да се заблагодарам на новото раководство на клубот за укажаната доверба, ја сфаќам како сериозна обврска и ќе се вложам максимално за да ги оствариме целите што заедно ги зацртавме. Веруваме дека овој проект на крајот ќе донесе многу радости и трофеи во ФК Работнички. Мојот начин на работа кој носеше титули ќе се потрудам да го наметнам и овде. Ред, работа, дисциплина и верба во сопствените квалитети се принципите што секогаш и секаде ги носам со себе и верувам дека ќе ги воспоставиме и во тимот на Работнички. Има голем потенцијал во овој тим, а верувам дека со уште неколку засилувања ќе изградиме колектив со кој ќе се гордееме, изјави Седлоски за клупскиот сајт.

Задоволство од ангажманот на Седлоски искажа новиот директор на клубот, Сенад Муминовиќ.

ФК Работнички е еден од најреномираните македонски фудбалски брендови, име кое е сериозно препознатливо и во Европа, а Гоце Седлоски е фудбалска величина и тренер кој сигурно ќе помогне да се врати шампионскиот дух во клубот од Дебар Маало. Му посакуваме сѐ најдобро, ќе ја има нашата максимална поддршка и се надеваме дека многу брзо ФК Работнички ќе биде на позициите кои ги заслужува, вели Муминовиќ.

Гоце Седлоски со својот стручен штаб утре ќе го одржи и првиот тренинг со тимот. Во недела, Работнички ќе одигра пријателски натпревар со Башкими во Куманово.

The post Гоце Седлоски е нов шеф на стручниот штаб на Работнички appeared first on Република.