Полициски службеници од ОКР Ѓорче Петров при СВР Скопје во средата навечер лишиле од слобода малолетник од Скопје, по претходна пријава од неговиот 48-годишен татко дека околу 18.30 часот во семејниот дом на подрачјето на Ѓорче Петров, агресивно се однесувал, искршил дел од покуќнината и му го оштетил возилото.

По целосно документирање на случајот ќе следува соодветен поднесок, велат од скопската полиција.

The post Скопјанец си го пријави малолетниот син в полиција зошто исркшил сè по дома appeared first on Република.

Премиерот Христијан Мицкоски ќе присуствува на поставување камен темелник на изградба на нова детска градинка во населено место Ново Село кај Стопански Двор во Општина Ѓорче Петров, информира владината прес-служба.

Детската градинка ќе има капацитет за згрижување на над 100 деца, на површина од 415 м2 на приземје и 483 м2 на прв кат. Дечињата на возраст од 0 до 2 години ќе бидат сместени во две групи на приземјето на градинката. Првиот кат е предвиден за поголемите дечиња кои дневните програми ќе ги поминуваат во 4 занимални, односно вкупно 6 занимални заедно со јаслите, поделени на два ката.

Објектот, кој ќе биде граден по најмодерни стандарди, ќе опфаќа заедничка занимална, повеќенаменски простор, просторија за изолација и просторија за индивидуална работа, гардеробер, кујна, санитарни простории и отворена занимална. Проектот е финансиран од Владата на Република Македонија во вредност од 60.000.000 денари и со ова ќе се намали списокот на деца кои чекаат за упис во детските градинки во Ѓорче Петров. с

The post Поставување камен-темелник за нова детска градинка во општина Ѓорче Петров appeared first on Република.

Премиерот Христијан Мицкоски утре во 11 часот ќе присуствува на поставување камен темелник на изградба на нова детска градинка во населено место Ново Село кај Стопански Двор во Општина Ѓорче Петров.

Детската градинка ќе има капацитет за згрижување на над 100 деца, на површина од 415 м2 на приземје и 483 м2 на прв кат. Дечињата на возраст од 0 до 2 години ќе бидат сместени во две групи на приземјето на градинката. Првиот кат е предвиден за поголемите дечиња кои дневните програми ќе ги поминуваат во 4 занимални, односно вкупно 6 занимални заедно со јаслите, поделени на два ката.

Објектот кој ќе биде граден по најмодерни стандарди ќе опфаќа заедничка занимална, повеќенаменски простор, просторија за изолација и просторија за индивидуална работа, гардеробер, кујна, санитарни простории и отворена занимална.

Проектот е финансиран од Владата и е во вредност од 60.000.000 денари, а со ова ќе се намали списокот на деца кои чекаат за упис во детските градинки во Ѓорче Петров.

Најмладите жители добиваат нови и современи објекти за воспитно-образовен процес и едукација од најрана возраст, информираат од Владата.

Предвидено е изјава за медиуми да даде претседателот на Владата Мицкоски.

The post Нова детска градинка ќе се гради во Општина Ѓорче Петров – Мицкоски ќе присуствува на камен темелникот appeared first on Република.

Полицијата извести дека 44 – годишен маж од Скопје вчера пријавил дека во периодот од 11 до 15 часот во двор на основно училиште на подрачјето на Ѓорче Петров, неговиот малолетен син бил физички нападнат од двајца негови соученици.

Според МВР, децата со тврд предмет се обиделе да извршат полово дејствие врз соученикот.

Се преземаат мерки за расчистување на случајот.

The post Taткото пријавил дека неговиот син е нападнат во Ѓорче Петров appeared first on Република.

Поради планирани зафати во електро - дистрибутивната мрежа, утре без напојување со електрична енергија ќе останат дел од корисниците на општините Ѓорче Петров и Кисела Вода, информираат попладнево од Регионалниот центар за управување со кризи - Скопје.

Од 10:30 до 11 часот, без струја ќе бидат дел од корисниците на место наречено „Присојница“ - Горно Нерези.

Во период од девет до 12 часот пак, дел од булеварот „Борис Трајковски“, кај „Вардар мебел“ во општина Кисела Вода.

The post Без струја утре дел од Ѓорче Петров и Кисела Вода appeared first on Република.

Градоначалникот на Општина Ѓорче Петров, Александар Стојкоски, на трибина посветена на кампањата за вакцинација против морбили и ХПВ кај младите генерации истакна дека е важно да се разбере улогата на вакцините во заштитата на заедницата и да се продолжи со поддршката на вакциналните програми.

Ваквите настани се од клучно значење за здравјето на децата и младите, изјави градоначалникот Стојкоски.

На трибината учествуваа експерти од здравствениот сектор, Соња Ралева од поликлиника Бит-пазар, дерматовенеролог Ленче Нелоска и претставници од здружението за одржлив развој БИОМ и Светската здравствена организација.

Тие ги претставија предностите на вакцините и ги разгледаа сите аспекти на нивната важност за заштита од сериозни заболувања, информираат од Општината.

Стојкоски ги повика сите родители и млади да се информираат, да поставуваат прашања и да се консултираат со медицински професионалци за најдобрите опции за вакцинирање.

Здравјето на нашата заедница зависи од нашата заедничка посветеност. Со заеднички напори, можеме да постигнеме значајни резултати, порача Стојкоски

The post Стојкоски за вакцинацијата против морбили и ХПВ кај младите: Важно е да се разбере улогата на вакцините во заштитата на заедницата appeared first on Република.

Денес, во паркот на Ѓорче Петров, повторно блесна духот на македонскиот фолклор со одржувањето на прекрасната манифестација “Од Бистра преку Дервен до Ханриево: На гости во Ханриево”. Во срцето на Ѓорче, со учество на седум културно-уметнички друштва, младите ни ја претставија македонската традиција преку богати фолклорни танци и игри, објави Александар Стојкоски, градоначалник на општина Ѓорче Петров.

-Иако времето не ни беше најдобар сојузник, дождот не можеше да ја расипе магијата! На крајот, сите присутни се фатија за раце и заиграа оро, создавајќи атмосфера полна со радост и заедништво!, стои во објавана на фејсбук профилот на Александар Стојкоски.

-Огромна благодарност до сите учесници, организаторите од Едукативното фолклорно здружение “Седум осмини”, и до сите граѓани кои ни се придружија на оваа убава традиција, потенцираше Стојкоски.

The post Стојкоски: Паркот на Ѓорче Петров блесна во фолклорни бои appeared first on Република.

Одличен ден, започнавме со хуманитарна акција, заедно со најмалите се забавуваме на ”Јаболчиња” и уживавме во најубавите автомобили.

Се на се, добра забава и среќни луѓе, навистина малку е потребно за среќа, пишува на социјалната мрежа на Фејсбук градоначалникот на општината Александар Стојкоски.

The post Хуманитарна акција во општина Ѓорче Петров appeared first on Република.

На корзото во општина Ѓорче Петров денеска беа изложени шеесетина олдтајмери од осумдесеттите години. На изложбата, во организација на Здружението „Класик мини“ од Скопје, учествуваа клубови од Косово, Србија, Бугарија и Хрватска.

Како што информира Општина Ѓорче Петров, на изложбата присуствуваше и градоначалникот Александар Стојкоски, кој од организаторот доби благодарница за успешна соработка.

Посетителите можеа да погледнат возила стари над 40 години.  - Меѓу поатрактивните возила на настанот беше најстарото возило од 1932 година „Фиат Балила“, возилото „Форд Конзул“, англиско возило кое е дојдено од Парачин, Р Србија. Имаше и такви автомобили кои пристигнаа и од најдалечната дестинација од градот Осиек, Р. Хрватска, „мерцедес понтон“ од далечната 1959 година, како и многу други атрактивни автомобили и моторцикли, се вели во соопштението од Општина Ѓорче Петров.

Овие настани се дел од забавно-културна програма што ја подготви Општина Ѓорче Петров, а ќе трае се до 20 септември 2024 година.

Фото: Општина Ѓорче Петров

The post Изложба на олдтајмери во општина Ѓорче Петров appeared first on Република.

Без струја утре од 9 до 12 часот ќе останат корисниците на ул. „Норвешка“ во општина Ѓорче Петров.

Прекинот во снабдувањето со струја е поради планирани технички интервенции во електродистрибутивната мрежа на ЕВН, информира Регионалниот центар за управување со кризи на Град Скопје.

The post Без струја утре дел од Ѓорче Петров appeared first on Република.

На споменикот подигнат во чест на бранителите во Волково-Општина Ѓорче Петров, беа одбележани 23 години од загинувањето на македонските бранители кај месноста Љуботенски Бачила на 10 август 2001 година, информираат од Општина Ѓорче Петров.

Пред 23 години во воениот конфликт кај Љуботенски Бачила загинаа Томе Бадаревски, Гоце Чанкуловски, Бранко Јанев, Томислав Настевски, Марјанчо Бошковски, Ивица Златевски, Томе Димоски и Раде Јанковски. На овој ден се оддава почит и на Ацо Ангеловски кој во 2000-та година загина во Арачиново при вооружен напад врз полициска патрола.

Делегации, заедно со членови на семејствата на загинатите, положија цвеќе на споменикот. Делегацијата на Општина Ѓорче Петров ја предводеше градоначалникот Александар Стојкоски, кој во обраќање пред присутните рече дека со започнувањето на секој август од 2001 година па до денеска, не може, а да не се помисли на изгубените животи на македонските храбри бранители.

Овие македонски синови зрачеа со ентузијазам дека доаѓаат подобри времиња за Република Македонија. Оставија цели семејства со мисла дека ќе се вратат и оти земјата ја чекаат добри денови. Времињата се мирни сега, но загубените човечки животи во сите нас прават немири. Ги поминаа нивните последни денови храбро по рововите на македонските планини, бодрејќи се еден со друг и штитејќи ја земјата со последните нивни сили. Патриоти, чесни и храбри македонски јунаци, рече Стојкоски.

Тој им се обрати лично на семејствата на бранителите и истакна дека тие се вистински херои.

Вие сте херои, почитувани мои сограѓани. Вие и вашите храбри синови, браќа, нашите македонски браќа, кои тргнаа во битка за слободна Македонија, не колебајќи се ниту минута, свесни за суровоста на воениот конфликт. Вие сте нашата гордост и гордост на целата држава. Ви се обраќам со посебно внимание и со должна почит и секогаш ќе бидам на ваша страна, истакна градоначалникот.

Стојкоски уште еднаш ја изрази поддршката од Општина Ѓорче Петров за семејствата на бранителите.

И самите знаете дека како локална самоуправа правиме сè што е во наша моќ да ви излеземе в пресрет и ви го олесниле секојдневието. Чест ми што во мојот мандат успеавме да обезбедиме за потомците на бранителите бесплатно школување и бесплатна градинка, и приоритет на нивните поколенија при упис во претшколска установа. Тие се целосно ослободени и од сите трошоци што ги опфаќа школувањето, подвлече Стојкоски.

Високи делегации, заедно со делегациите на Општина Ѓорче Петров и Советот на Општината, претходно положија цвеќе и на спомен-обележјето на Томислав Настевски, а по централната манифестација во Волково, го посетија и Споменикот на Бранителите во реонскиот парк.

The post Во Ѓорче Петров одбележани 23 години од загинувањето на бранителите кај Љуботенски Бачила appeared first on Република.

Во општина Ѓорче Петров било опожарено едно патничко моторно возило „мерцедес а“ со скопски регистарски таблички, сопственост на правно лице од Скопје. Случајот утрово, во 3:05 часот, бил пријавен во СВР Скопје од Бригадата за противпожарна заштита Скопје.

Во денешниот МВР-билтен се наведува дека од пожарот биле зафатени и патничко моторно возило „хјундаи“ и „сузуки свифт“ во делот на браниците и ретровизор. Полицијата презема мерки за расчистување на случајот.

Опожареното возило, како што објавија дел од медиумите, е на Драган Митковски, кој на последните парламентарни избори беше носител на листа од партијата на скопската градоначалничка Арсовска, Нова алтернатива.

Митковски, во телефонски разговор за Сител, изјави дека очекува институциите да откријат што го предизвикало пожарот, но не ја отфрла можноста да бил и немерно подметнат.

The post Опожарено едно возило во Ѓорче Петров, две делумно оштетени appeared first on Република.

Во Центарот за култура во Општина Ѓорче Петров се одржа седмото издание и официјално доделување на наградите „Антево слово“ кои се дел од меѓународната поетска манифестација „Анџело Ла Векија“ („Il Parnaso – Concorso di Poesia – Premio Angelo La Vecchia“) за најдобра поетска творба во чест на великанот на македонската поезија, Анте Поповски.

Присутните ги поздрави Митко Гогов од „Контекст-Струмица“ и синот на академик Анте Поповски, Жорж Поповски.

На конкурсот и доделување на наградата „Антево слово“, со свои дела се пријавија повеќе од 100 поети од Македонија и Англија, Албанија, Бугарија, Тунис и Кипар. Македонка Божиновска годинава ја доби првата награда. Втората награда им припадна на Милена Сиљаноска и Александра Спасеска, третата награда ја делат Рекио Фебија од Италија и Антева Темјана, односно Силвана Димитриевска, а наградата за млад автор на годишниот поетски конкурс е за Васја Мицковски.

Пред присутните се обрати и Геро Ла Векија, организаторот на манифестацијата „Анџело Ла Векија“ кој дојде од Италија заедно со семејството за да присуствува на свеченото доделување на наградите. Тој со голем љубов и посветеност зборуваше за поезијата и нејзиното значење за човекот, пренесе поздрави и благодарност од Градоначалникот на Каникати на Сицилија до градоначалникот на Ѓорче Петров, Александар Стојкоски и го заврши обраќањето со зборовите: „Да живее поезијата!“ што присутните го поздравија со громогласен аплауз.

Градоначалникот на Општина Ѓорче Петров, Александар Стојкоски во своето обраќање посветено на македонскиот поет и есеист Анте Поповски низ чија поезија, како што рече, провејува судбината на македонскиот народ низ вековите, но и неговата сегашност и иднина, рече дека е горд  што Општина Ѓорче Петров е домаќин на ваков настан од меѓународен карактер преку кој покажуваме дека се грижиме за одржување на културата на завидно ниво, но и афирмација на македонската поезија.

Посебно ми беше драго, додаде Стојкоски, што токму денес со нас беше и Геро Ла Векија, организаторот на манифестацијата „Анџело Ла Векија“ кој дојде од Италија.

Голема благодарност и до Здружението за развој на култура и заштита на културното наследство „Контекст-Струмица“ затоа што наградата „Антево слово“ е конституирана како дел од оваа меѓународна манифестација која се одржува секоја година во градот Каникати во Сицилија-Италија. Воедно, и прва од ваков вид која се доделува за македонски автор надвор од нашата држава – подвлече градоначалникот на општина Ѓорче Петров.

The post Да живее поезијата!- во присуство на Геро Ла Векија, организатор на манифестацијата „Анџело Ла Векија“ доделени наградите „Антево слово“ appeared first on Република.

Во неделата, во 12.30 часот на подрачјето на Ѓорче Петров во Скопје, полициски службеници од СВР Скопје го лишиле од слобода К.М.(39) од Р.Словенија.

Тој се сомничи дека сторил кривично дело „тешка кражба“ по чл.236 од КЗ на РСМ.

Бил предаден на полициски службеници од СВР Куманово за понатамошна постапка.

The post Уапсен Словенец кој крадел во Ѓорче Петров appeared first on Република.

Поради дефект на улица 49/бб Волково (во близина на градинката), без вода од 09:30 часот ќе бидат корисниците на дел од Стопански двор, во општина Ѓорче Петров, соопшти ЈП Водовод и канализација - Скопје.

Водоснабдувањето ќе биде прекинато до санација на дефектот.

The post Без вода е дел од Ѓорче Петров appeared first on Република.

Велигденски хепенинг ќе се одржи утре во скопската населба Ѓорче Петров.

Настанот го најави потпретседателот на ВМРО-ДПМНЕ и носител на листа во ИЕ 2, Владо Мисајловски.

„Почитувани пријатели, ве покануваме утре во 18.00 часот во паркот во Ѓорче Петров на ВЕЛИГДЕНСКИ ХЕПЕНИНГ, како последен настан од нашата кампања во изборната единица 2.

Од прв ден започнавме со позитивна кампања и од се срце сум ви благодарен за секој изминат ден на терен, а посебно за вашата поддршка што ни ја давате постојано.

Ве покануваме сите на дружење и забава за сите генерации да покажеме дека на 8ми мај заедно можеме да ја направиме МАКЕДОНИЈА повторно горда и повторно твоја.

Се гледаме утре! За многу години ВЕЛИГДЕН“, напиша тој.

На настанот ќе настапат Драган Мијалковски, Таско, Пајак, Малена, Бојана Скендеровски, ДНК и Либеро бенд.

The post Дружење и забава за сите генерации: Велигденски хепенинг во Ѓорче Петров appeared first on Република.

Во тек е народен митинг на ВМРО ДПМНЕ во скопската општина Ѓорче Петров кој се одржува во пресрет на претседателските и парлементарните избори кои се закажани за 8 мај.

The post ВО ЖИВО: Митинг на ВМРО ДПМНЕ во Ѓорче Петров appeared first on Република.

Почитувани пријатели од Ѓорче Петров, Ве покануваме денеска, 29 април, на голем народен митинг пред Црквата Св. Петар и Павле во 18.30 часот.

Биди дел од промените!

Биди дел од тимот за Македонија повторно горда и твоја!

Се гледаме!, пишува Мисајловски во својата објава на Фејсбук.

</blockquote>

The post Голем митинг на ВМРО-ДПМНЕ во Ѓорче Петров: Мисајловски ги повикува граѓаните да се приклучат на промените! appeared first on Република.

Се прават како да се нови во политиката како да не се истите што се седнати во скутот на ДУИ, како Стево да не е истиот на кого Артан му претеше, и слоганот им е таков нема откажување од фотелјите и од тендерите. Затоа и прибегнуваат со местенки и теми кои не враќаат назад и кои сакаат да направат да заборавиме дека 6 и пол години се на власт и дека ја киднапираат државата со нивните другарчиња од ДУИ, Артан и компанија, вели Христијан Мицкоски, претседател на ВМРО-ДПМНЕ на денешниот митинг во општина Ѓорче Петров во рамки на претседателските избори.

Мицкоски посочи дека до сега Пендаровски не кажал ниту еден лош збор ниту пак презел нешто против Груби и ДУИ бидејќи како што рече тој калкулираше и коленичеше за гласови од ДУИ.

Кога сте слушнале Стево да каже лош збор за ДУИ? За Артан Груби? Одговорот е јасен. Никогаш. И не треба само да каже, не е тој коментатор туку треба да преземе нешто. А ништо не преземаше зашто калкулираше и коленичеше за гласови од ДУИ, рече тој.

Мицкоски додаде дека Пендаровски е човек со образ ѓон.

Стево е повеќе од 23 години во високата политика и која одлука или збор ќе го паметите? По она мизерно додворување до Борисов кога му рече љубави имаш поздрав од премиерот. Тоа е Стево. Ништо повеќе ништо помалце. Еден човек со образ ѓон несвесен дека претставува држава и народ. А колку другите надвор го ценат видовме по реакцијата на Борисов кога му сврте грб веднаш откако овој му рече имаш поздрав од премиерот. Срамно е да се гледа. Нема веќе понижувања. Нема веќе недостоинствени одлуки и изјави. Имаме сила, Македонија има сила, и ќе докажеме дека можеме подобро. Мораме подобро. Зашто нема време за губење, истакна Мицкоски.

Мицкоски повика на поддршка за ВМРО-ДПМНЕ и Силјановска Давкова за претседател на Република Македонија.

Затоа ни е потребна поддршка за Гордана Силјановска Давкова на 24 април, а потоа на 8 мај поддршка за идниот претседател на Македонија Силјановска Давкова и влада предводена од ВМРО-ДПМНЕ и коалицијата Твоја Македонија, порача Мицкоски.

The post Мицкоски: Пендаровски не презема ништо против ДУИ и Груби appeared first on Република.

Да ја поздравиме нашата нова претседателка Гордана Силјановска – Давкова, дама што се бореше кога беше најтешко, дама која застана и тука пред вас пред пет години, жена која ја сака Македонија и жена од народот, ова денеска од митингот во Ѓорче Петров го истакна потпретседателот на ВМРО-ДПМНЕ, Владо Мисајловски.

Тој упати апел до професорката да не ги заборави овие луѓе од Ѓорче Петров кои во огромен број дојдоа денес да ја поддржат токму неа.

„Ќе имаме уште еден митинг за брзо тука во Ѓорче Петров каде што ќе говориме за останатите носители односно за Оливер Спасовски како носител во изборната единица број 2 и Фатмир Бетиќи, „ДА“ тоа е најдобрата понуда која можеше да ја даде СДСМ, има доста криминали, скандали и корупции кои ќе ги отвориме, но денеска сакам да завршам со една убава теза и убав момент, сите заедно да се сплотиме и да направиме историја во Ѓорче Петров има многу хиени што пробуваат да го каснат лавот, но знаете лавот секогаш победува на крај“, вели Мисајловски.

Додава дека треба да се сплотиме и да ја вратиме Македонија и да ја направиме горда, единствена и сплотена.

The post Мисајловски: Има многу хиени што пробуваат да го каснат лавот, но знаете лавот секогаш победува на крај appeared first on Република.