Полициски службеници од СВР Струмица во неделата во Гевгелија лишиле од слобода малолетник од Струмица, постапувајќи по претходна пријава дека при физичка пресметка помеѓу повеќе лица на градската депонија во Гевгелија, тој со метален предмет му нанел повреда на М.А.(27) од Кавадарци, со престој во Гевгелија.

Лицето било задржано во полициска станица и по целосно документирање на случајот ќе биде поднесена соодветна пријава, велат од МВР.

The post Масовна тепачка на депонија во Гевгелија appeared first on Република.

Гевгелија и Негорските бањи втора година по ред овој викенд ќе бидат домаќини на Панкс Бекјард Ултра - уникатна атлетска трка којa бара од учесниците да ја завршат патеката долга 6,7 километри во временскиот период од еден час, но трчајќи повторно и повторно следен круг се додека не остане само еден учесник, кој ќе се смета за победник на трката со истрчани најголем број на кругови.

Организаторите на Панкс Бекјард Ултра, здружението ТРЕКС од Скопје и АК 7 Ноември - Гевгелија, соопштија дека се пријавени се 70тина натпреварувачи од пет држави, а очекувањата се дека неколкумина од нив ќе истрчаат најмалку 24 круга односно 24 часа и околу 170 километри. Ги повикуваат сите љубители на спортот да дојдат во Негорски бањи и да се придружат во бодрење на натпреварувачите.

Официјалниот старт е денеска и е во организација на здружението ТРЕКС од Скопје во соработка со АК 7 Ноември - Гевгелија.

Новина оваа година е што Панкс Бекјард Ултра ќе биде домаќин на Националното првенство во ултрамаратонски трки во бекјард како дел од Светското првенство. Секоја држава одбира репрезентација од 15 луѓе кои ќе трчаат на бекјард организиран во својата земја, како дел од светското сателитско првенство кое ќе се одржува истовремено во 64 држави од светот.

Организацијата на Панкс Бекјард Ултра ги замолуваат возачите на моторни возила да бидат внимателни и да ја почитуваат поставената сообраќајна сигнализација на регионалниот пат Р1102 помеѓу Негорци и Мрзенци кај (јужната) крстосница за влез и излез во Негорските бањи поради тоа што учесниците на натпреварот ќе преминуваат на патот на тоа место.

The post Панкс Бекјард Ултра – атлетска трка на издржливост, сила и волја кај Негорски бањи appeared first on Република.

Вчера во Полициската станица Гевгелија било пријавено дека дека околу 08.15 часот во Гевгелија, на место викано „Смрдлива вода“, во реката било пронајдено машко лице во бессознание.

Полициски службеници излегле на местото и било констатирано дека се работи за Н.С.(63) од Демир Капија.

Лицето било пренесено во Комплексот клиники „Мајка Тереза“ во Скопје, каде што во 17.30 часот лекар констатирал смрт.

По наредба на јавен обвинител, телото на починатиот било дадено на обдукција.

The post Мaж пронајден во бессознание во река во Гевгелија, починал во болница appeared first on Република.

Вчера во 13.40 часот во Гевгелија, полициски службеници од СВР Струмица - ОВР Гевгелија го лишиле од слобода И.Г.(44) од Гевгелија. При претрес во неговиот дом, извршен со судска наредба, биле пронајдени и одземени стебла канабис, предмети исполнети со зелена растителна материја и употребени шприцеви со игли со остатоци од непозната материја.

За настанот бил запознаен јавен обвинител од Основното јавно обвинителство Гевгелија и по документирање на случајот против И.Г. ќе биде поднесена соодветна пријава.

The post Уапсен гевгелиски дилер appeared first on Република.

Обезбедивме 30 милиони денари за изградба на Западен булевар во Гевгелија и очекувам набрзо да започне неговата изградба. Претходно со околу 10 милиони денари се реконструираше улица во населеното место Мрзенци и ова начинот како оваа Влада дава силна поддршка за развој на општините, истакна денеска заменик претседателот на Владата и министер за транспорт Александар Николоски при денешната посета на Гевгелија.

Тој потенцираше дека се обезбедени 100 милиони евра за оваа година за инфраструктурни проекти за општините, а за следната година планирани се 250 милиони евра директна поддршка исто така за проекти во општините.

Министерот заедно со градоначалникот на општина Гевгелија, Андон Сарамандов го посетија и населеното место Миравци каде пуштија во употреба новоизграден пазар.

„Претходно со премиерот Мицковски бевме во посета и еве за рекордно време до 3 месеци се изгради пазарот што верувам дека ќе помогне на целиот регион. Министерството за транспорт дава силен фокус и поддршка за Гевгелија. Оваа година од средства од земот за Светска банка одобривме 10 милиони денари кои што се реализирани за селото Мрзенци, а пред неколку дена само што ги одобрив 30 милиони денари за изградба на Западен булевар – Климет Охридски, што практично треба да отвори цел еден нов дел во градот, нешто што е заложба на градоналачникот од првиот ден. Тука секако се и средства што ги определи Владата во висина од 100 милиони евра за оваа година за општинте. Најголем дел од средствата ќе одат преку Министерството за транспорт а во соработка со Гевегелија ќе работиме на реализација на проекти од овие средства”-изјави заменик претседателот на Владата и министер за транспорт Александар Николоски.

Министерот Николоски најави дека во соработка со ЈП за државни патишта ќе се реконструира автопатската делница од Гевгелија до ГП Богородица и од Гевгелија до Неготино, додека во делот на општина Богданци се работи на изградба на обиколница во општината. Тој најави дека следи период на силна градежна офанзива во сите општини во државата.

Градоначалникот на општина Гевгелија, Андон Сарамандов истакна дека Владата обезбедува силна поддршка за локалниот развој на Гевгелија. Пазарот во н.м. Миравци е проект на општината инвестиција од 4 милиони денари.

The post Николоски од Гевгелија: Обезбедивме 100 милиони евра за проекти во општините за оваа година appeared first on Република.

Библиотека „Гоце Делчев“ – Гевгелија ве кани на летниот Саем на книга 2024.

Саемот ќе биде отворен од 14-ти (среда) до 18-ти август (недела) од 18:00 до 22:00 часот, каде своите најнови изданија – белетристика, литература за деца, трилери… ќе ги претстават пет македонски издавачки куќи: Гаврош, Чудна шума, Сказнувалка, Полица и Божилак.

Саемот ќе се одржи под јаворот до библиотеката.
Збогатете ја вашата книжевна колекција и дојдете на летниот саем на книга!

The post Летен саем на книга во Гевгелија appeared first on Република.

Премиерот Христијан Мицкоски заедно со министерот за локална самоуправа, Златко Перински и градоначалникот на Гевгелија, Андон Сарамандов, го предадоа во употреба новиот булевар кон Граничниот премин „Богородица“ и го означија почетокот на реконструкцијата на спортската сала „Партизан“ во Гевгелија.

Градоначалникот на Гевгелија, Андон Сарамандов, истакна дека денеска во Гевгелија е означен почетокот и крајот на две капитални инвестиции-новиот булевар и реновирањето на спортската сала.

Новиот булевар е реализиран во две фази лани и оваа година со вкупна вредност од 19 милиони денари од општинскиот буџет. Гевгеличани добиваат нова сообраќајкна врска до ГП „Богородица“, но истовремено овој патен правец е од големо значење за транзитните туристи кои минуваат тука, а ќе се привлечат и нови потенцијални инвеститори, рече Сарамандов.

Додаде дека за реконструкцијата на салата „Партизан“ се обезбедени 16 милиони и 300 илјади денари, во кои Општината учествува со 7,7 милиони денари, а Бирото за рамноменрен регионален развоиј 8,6 милиони денари.

Во изјавата за медиумите, премиерот Мицкоски истакна дека целта на Владата е да работи за граѓанитe, а во случајот да работи за гевгеличани.

После толку години истиот почнува да се реконструира и навистина и оваа капитална инвестиција ќе додаде вредност во животите на гевгеличани. Но, не само тоа очекувам во август да почне и реализацијата на оној проект за кој што цело време зборуваме, а тоа е реалоцирање на средствата од централниот буџет кон општините, со специјална намена за проекти, капитални инвестиции. За овие последни четири месеци од годината Општина Гевгелија ќе добие соодветен буџет, веќе разговаравме со градоначалникот што ќе биде приоритет и каде тие пари ќе бидат искористени. Мислам дека ќе биде едно пријатно изненадување на гевгеличани, рече премиерот.

Додаде дека и во наредната година во Гевгелија ќе има доволен број на проекти кои ќе бидат финансиранин од централниот буџет.

The post Пуштен во употреба булеварот од Гевгелија до граница, почна реконструкција на салата „Партизан“ appeared first on Република.

Претседателот на Владата, Христијан Мицкоски денеска ќе ја посети општина Гевгелија каде ќе присуствува на пуштање во употреба на новиот булевар до Граничниот премин Богородица.

Булеварското решение со кое Гевгелија се поврзува со автопатот, како што соопштија од владината прес-служба, чини 19 милиони денари и се реализираше во две фази.

Вториот проект на кој ќе присуствува премиерот Мицкоски е означување на почеток на реконструкција на спортската сала ДТВ „Партизан" во општина Гевгелија, проект во вредност од над 16 милиони денари.

The post Премиерот Мицкоски во посета на општина Гевгелија appeared first on Република.

Општина Гевгелија ги известува граѓаните дека од утре можат да пријават штети од вчерашното невреме кое го зафати регионот.

Како што соопштија од локалната самоуправа, Општинската комисија за утврдување на висината штетите од елементарни непогоди и друго несреќи констатирала дека невремето проследено со пороен дожд, град и ветер предизвикало сериозни штети на посевите во селата Миравци, Милетково, Петрово, Габрово, Смоквица и Серменин.

Штетите се пријавуваат со барање за утврдување на висината на штетата, а за земјоделците со опис на културата, број на насад и година на садење. Во прилог на барањето потребно е да се достави имотен лист или договор за закуп на земјиште или објект, копија од лична карта и трансакциска сметка.

The post Општина Гевгелија: Граѓаните од утре можат да пријават штета од вчерашното невреме appeared first on Република.

Навистина е големо задоволство да се присуствува повторно на отворање на проекти кои што ги реализира општина Гевгелија, изјави денска Александар Николоски, потпретседател на ВМРО-ДПМНЕ и носител на Изборна единица 4.

Честитки за градоначалникот навистина импресивно во исто време се градат 10 спортски игралишта, 10 вакви комплекси и со училиштата во општината мислам само зборува за тоа колку работи општината и градоначалникот.

По парламентарните избори и извесната победа на ВМРО-ДПМНЕ и формирањето на влада предводена од ВМРО-ДПМНЕ, ние ќе помагаме многу во општина Гевгелија. Знаете дека планираме да ги децентрализираме буџетските средства и сериозна сума на средства планираме да се впуштаат тука во Гевгелија како би се решиле сите инфраструктурни проекти. Секако тука доаѓа и инвестирањето во економскиот развој, има сериозна индустрија во Гевгелија, пред се во земјоделскиот сектор или преработувачка индустрија, каде планираме да дадеме сериозна поддршка, пред се на извозните фирми.

Она што исто така би сакал да го споменам, можеби и нема подобро место од Гевгелија, тоа е поврзано со нашата сериозна одлука да ги испратиме ДУИ во опозиција и да одговараат за криминалот.

Повторно го прашам Артан Груби каква е неговата улога во индициите за криминал што ги има во Лотарија на Македонија, зошто токму тој притискаше толку силно за измените на Законот за игри на среќа, која е неговата улога во нелегалното доделување на втора лиценца за видео лотарија, како и која е неговата улога во нелегалното доделување на три лиценци за онлајн игри на среќа. Од една страна велеа дека сакаат да ги отстранат местата за обложување за да не се обложувале децата, а од друга страна дадоа три лиценци за онлајн игри на среќа при што на секое дете веќе на телефон му е веќе можноста да се обложува што секако ќе се согласите не е во ред.

Сето ова ќе го испитаме по парламентарните избори и по формирањето на влада на ВМРО-ДПМНЕ без ДУИ, а мислејќи дека и имајќи во предвид дека Артан Груби не сака да одговори на јавноста ќе треба да одговара пред соодветните органи во Република Македонија.

https://www.youtube.com/watch?v=Ims7NiSLkFw

The post Николоски од Гевгелија: Во исто време се градат 10 спортски игралишта, така ќе продолжиме да работиме веднаш по формирање на новата влада предводена од ВМРО-ДПМНЕ appeared first on Република.

ВМРО-ДПМНЕ одржа голем митинг во Гевгелија на кој говореа лидерот Христијан Мицкоски и кандидатката за претседател, Гордана Силјановска Давкова.

The post Вака беше во Гевгелија! appeared first on Република.

Македонија е пред историска одлука. Ова се повеќе од обични избори каде се носи судбоносна одлука за иднината на државата, за вас и вашите семејства. Ова се избори каде директно вие одлучувате за вашите судбини и со вашиот глас ја враќате контролата над државата која ви е одземена“, истакна претседателот на ВМРО-ДПМНЕ, Христијан Мицкоски од митингот во Гевгелија.

Мицкоски додаде дека најголемата трагедија е што овие години полека, но сигурно системот е срушен. Системот кој е создаден да служи на народот, е киднапиран и одземен од контролата на народот. Тој сега служи на стотина души од ДУИ кои управуваат со Македонија и на нивните слуги од СДСМ.

Нема ниту една услуга која системот треба да ви ја обезбеди, а да не мора да ја добиете на потешкиот начин или воопшто да не ја добиете. Корупцијата е најшироко рапсространета. Денес мито се бара за најобични услуги кои системот има обврска да ги обезбеди. Криминалот стана нормална појава во институциите.

 

Погледнете, нема тендер кој не е сомнителен. Се договораат во 4 очи, а парите завршуваат во десетина фирми за кои ако се прочепка сопственичката структура ќе видите дека тое се блиски луѓе на власта“, рече Мицкоски.

Мицкоски посочи дека СДСМ му ја поклони државата на Али Ахмети, Артан Груби и Талат Џафери. Тоа е поради тоа што власта СДСМ ја купува на дневно ниво. Нивната слабост ја покриваат со милион услуги кои им ги вршат на ДУИ и станаа заеднички соучесници во разграбувањето на државата.

Затоа овие избори се и за тоа да си ја вратиме Македонија во рацете на народот. Промените се во ваши раце, за да Македонија биде повторно твоја, повторно ваша. Македонија мора да ја направиме горда. Или тие од власта или народот. Или нивна или наша заедничка“, порача Мицкоски.

Мицкоски нагласи дека 24 април е одговорот. И цврсто е уверен дека ќе им се случи народ. Затоа што предолго го потценуваа и газеа. Затоа што предолго го потргнуваа настрана и правеа место единствено за нивните од власта.

Затоа што не потценуваат и ја навредуваат нашата интелегенција кога велат дека ќе продолжат да владеат како до сега. На нивната стратегија како до сега, народот на овие избори ќе им каже готово е. Доаѓа крајот.

 

Затоа потребно е масовно да се излезе и да се гласа за идниот претседател професорката Гордана Силјановска Давкова. Гордана е решението за претседател на Македонија. Жена со принципи која непоколебливо верува во правдата, во вредностите и во Македонија. Која има свој став, и таа до крај се бори за него, затоа што верува во него. Гордана покажа лојалност кон своите принципи и е еден од најдобрите експерти и познавачи на уставното право и политичкиот систем, работи кои овие години најмногу беа поганети од оваа власт во заминување. На Македонија и треба претседател а не измеќар на Али, Артан, Бујар, Талат и останатите од ДУИ“, порача Мицкоски.

The post Мицкоски: На Македонија и треба претседател, а не измеќар на ДУИ – на нивната стратегија „како до сега“ народот на овие избори ќе им каже готово е appeared first on Република.

Денеска заедно со потпретседателот на ВМРО-ДПМНЕ и носителот на листата во изборната единица 4, Александар Николоски, на покана на градоначалникот Андон сме овде во Гевгелија заедно со пратеничката Ангелина Петкова, заедно со претседателот на општинскиот комитет на ВМРО-ДПМНЕ, заедно со гевгеличани, да направиме увид на неколку проекти кои што локалната самоуправа на чело со Доне како градоначалник и администрацијата ги прават овде во Гевгелија, истакна лидерот на ВМРО-ДПМНЕ, Христијан Мицкоски.

Можам да кажам дека навистина се прават многу проекти, им честитам и на градоначалникот, и на администрацијата, честитам и на советниците кои што ја поддржуваат работата на Доне како градоначалник овде во Гевгелија. И можам само да им посакам така да продолжат бидејќи очекуваме најпрвин голема победа на следните и парламентарни и претседателски избори овдека во Гевгелија, и листата чија што носител е потпретседателот Александар Николоски, листата во изборната единица 4. И исто така очекуваме голема победа за идниот претседател, а тоа е професорката Гордана Силјановска Давкова, рече тој.

Мицкоски понатаму посочи:

„Потоа и дел од проектите кои што досега беа опструирани од страна на централната власт односно на Владата да бидат откочени, но и дополнително да бидат реализирани и други проекти кои што се од огромно значење за гевгеличани. Јас знам дека Доне и администрацијата се подготвени имаат многу проекти, и што би се рекло чекаат да се случи промената во Владата и тие проекти како резултат на политиките на идната Влада на ВМРО-ДПМНЕ и Коалицијата да бидат реализирани“.

The post Мицкоски: Со идната Влада предводена од ВМРО-ДПМНЕ во Гевгелија ќе се реализираат дополнителни проекти кои што се од огромно значење за гевгеличани appeared first on Република.

При денешната посета на Општина Гевгелија претседателот на ВМРО-ДПМНЕ, Христијан Мицкоски, истакна дека во Програмата 1198 на ВМРО-ДПМНЕ се планирани 250 милиони евра за општините и една милијарда евра во рамките на четиригодишен мандат за развој на општините и решавање на потребите на граѓаните.

-Целта на овој проекти е практично да допреме до секое едно домаќинство, да ги задоволиме основните потреби со кој ќе обезбедиме поквалитетен живот на македонските граѓани во смисла на подземна инфраструктура, канализација, водоводи, нови улици исто така онаму каде што е потребно нови градинки, нови училишта како дел од проектот да нема веќе листи на чекање за дечињата во градинките во предшколската возраст и цениме дека на тој начин ќе ги решаваме основните потреби на граѓаните. Тоа е вкупно 1 милијарда евра во рамките на еден четиригодишен мандат и цениме дека на овој начин ќе покажеме дека сето она кое што е можеби испуштено повеќе од три децении ВМРО-ДПМНЕ и коалицијата имаат сериозна намера да го решат, а на тој начин да дојдеме што е можно поблиску до граѓаните, рече лидерот на ВМРО ДПМНЕ.

Тој ги повика сите градоначалници без разлика на партиската припадност од наесен, кога се очекува да биде објавен јавниот повик, да аплицираат и  идната влада на ВМРО-ДПМНЕ практично да одобри средства за реализирање на тие проекти во општините.

Во одговор на новинарско прашање дали идната влада предводена од ВМРО ДПМНЕ ќе вложува во обновливи извори на енергија, Мицкоски одговори дека во овој регион се гледа ветерниот пак Богданци кој го реализирала владата на ВМРО-ДПМНЕ.

-Продолжуваме и понатаму исто во околината, втората фаза, но и други можности се испитуваат за одреден вид на јавно приватно партнерство помеѓу денешно ЕСМ и приватни инвеститори за изградба на вакви енергетски капацитети, со што ќе се зголеми производното портфолио од обновлива енергија во Македонија, рече Мицкоски.

Мицкоски додаде дека на тој начин ќе се обезбеди поквалитетно снабдување со електрична енергија до нашите граѓани, а воедно порача дека ќе се укине таксата за пристап до мрежа која ја наметна оваа власт.

-Она кое е важно, онаа наметната такса за пристап до мрежата која ја наметна октроираниот претседател на Регулаторната комисија за енергетика, целосно партизираниот Бислимовски, ќе биде укината. Цениме дека нема потреба од таков тип на оптоварување на граѓаните, изјави Мицкоски.

Во рамките на денешната посета на Гевгелија Мицкоски заедно со носителот на изборната листа во четвртата изборна единица, Александар Николски и градоиначалникот  на Гевгелија, Андон Сарамандов, извршија увид на градежни активности на повеќе локации каде се реализираат повеќе проекти.

The post Мицкоски: Во програмата 1198 планирани се 250 милиони евра за општините, над милијарда евра за четиригодишен мандат appeared first on Република.

Претседателот на ВМРО-ДПМНЕ, Христијан Мицкоски денеска од Гевгелија одговарајќи на новинарски прашања истакна дека идната влада предводена од ВМРО-ДПМНЕ ќе вложува во обновливи извори на енергија како што е ветерниот парк Богданци, со цел поголемо и поквалитетно производство на електрична енергија.

https://republika.mk/vesti/makedonija/mitskoski-so-idnata-vlada-predvodena-od-vmro-dpmne-vo-gevgelija-ke-se-realiziraat-dopolnitelni-proekti-koi-shto-se-od-ogromno-znachene-za-gevgelichani/

Во овој регион недалеку се гледа ветерниот пак Богданци кој го реализираше владата на ВМРО-ДПМНЕ, продолжуваме и понатаму исто во околината, втората фаза, но и други можности се испитуваат за одреден вид на јавно приватно партнерство помеѓу денешно ЕСМ и приватни инвеститори за изградба на вакви енергетски капацитети, со што ќе се зголеми производното портфолио од обновлива енергија во Македонија, рече Мицкоски.

Мицкоски додаде дека на тој начин ќе се обезбеди поквалитетно снабдување со електрична енергија до нашите граѓани, а воедно порача дека ќе се укине таксата за пристап до мрежа која ја наметна оваа власт.

– Она кое е важно, онаа наметната такса за пристап до мрежата која ја наметна октроираниот претседател на Регулаторната комисија за енергетика, целосно партизираниот Бислимовски, ќе бие укината. Цениме дека нема потреба од таков тип на оптоварување на граѓаните, изјави Мицкоски.

The post Мицкоски: Владата на ВМРО-ДПМНЕ со обновливи извори на енергија ќе обезбеди поголемо и поквалитетно снабдување со електрична енергија за граѓаните appeared first on Република.

Денеска заедно со потпретседателот на ВМРО-ДПМНЕ и носителот на листата во изборната единица 4, Александар Николоски, на покана на градоначалникот Андон сме овде во Гевгелија заедно со пратеничката Ангелина Петкова, заедно со претседателот на општинскиот комитет на ВМРО-ДПМНЕ, заедно со гевгеличани, да направиме увид на неколку проекти кои што локалната самоуправа на чело со Доне како градоначалник и администрацијата ги прават овде во Гевгелија.

Можам да кажам дека навистина се прават многу проекти, им честитам и на градоначалникот, и на администрацијата, честитам и на советниците кои што ја поддржуваат работата на Доне како градоначалник овде во Гевгелија.

И можам само да им посакам така да продолжат бидејќи очекуваме најпрвин голема победа на следните и парламентарни и претседателски избори овдека во Гевгелија, и листата чија што носител е потпретседателот Александар Николоски, листата во изборната единица 4.

И исто така очекуваме голема победа за идниот претседател, а тоа е професорката Гордана Силјановска Давкова.

А, потоа и дел од проектите кои што досега беа опструирани од страна на централната власт односно на Владата да бидат откочени, но и дополнително да бидат реализирани и други проекти кои што се од огромно значење за гевгеличани. Јас знам дека Доне и администрацијата се подготвени имаат многу проекти, и што би се рекло чекаат да се случи промената во Владата и тие проекти како резултат на политиките на идната Влада на ВМРО-ДПМНЕ и Коалицијата да бидат реализирани.

The post Мицкоски: Со идната Влада предводена од ВМРО-ДПМНЕ во Гевгелија ќе се реализираат проекти кои што се од огромно значење за гевгеличани appeared first on Република.

Невреме со град со големина на орев го погоди регионот на Гевгелија, а најмногу град падна во селото Негорци.

Според информации од жители на Негорци, градот на два пати го погодил регионот.

Град со големина на орев паѓаше нешто по 12:30 часот, а по 13:00 часот повторно падна и се е побеле. Според информациите со кои располагаме градот ги погоди селото Негорци, градот Гевгелија и други околни населени места, велат жители на Негорци.

Инаку, на 7. овој месец регионот на Гевгелија беше зафатен исто така со невреме проследено со град и силен дожд, а следниот ден Општина Гевгелија ги извести граѓаните дека оние што претпреле штети од невремето можат да поднесат барање до Комисијата за проценка и утврдување на висината на штетата настаната од природни непогоди и други несреќи при Општината.

Во невремето од 7. март од удар на гром загина и малолетник во атарот на селото Негорци, кога ја напасувал стоката.

The post Град со големина на орев го погоди Гевгелиско appeared first on Република.

Jавен обвинител од Основното јавно обвинителство Гевгелија донесе наредба за спроведување истражна постапка против двајца сопружници од Гевгелија, за кои постои основано сомнение дека како соизвршители сториле кривично дело „разбојништво“ од член 237 став 1 во врска со член 22 од Кривичниот законик.

Како што информира ОЈО, мажот направил план заедно со сопругата на сила да одземат златни предмети од нивна 72-годишна сосетка, која често ја посетувале и знаеле за накитот што таа го носи на себе.

На 31 октомври осомничената жена ја повикала жртвата да дојде кај нив на вечера. Во вечерните часови, кога оштетената се јавила дека доаѓа и тргнала, осомничениот на својата сопруга и дал капа и марама за да се маскира, како и дрвена палка. Таа се маскирала, ја пресретнала оштетената во близина на нивниот дом, ја фатила за вратот и ја соборила на земја, па и го одзела златното ланче од вратот вредно 60.000 денари, по што побегнала. Украдениот накит заедно со сопругот го закопале во дворот од нивната куќа, а облеката ја сокриле во куќа во изградба, каде подоцна била пронајдена, соопшти ОЈО.

Бидејќи постојат околности кои укажуваат дека осомничените би можеле да се дадат во бегство, да влијаат врз сведоци и оштетената или да го повторат делото, јавниот обвинител до судијата на претходна постапка од Основниот суд Гевгелија достави предлог за определување мерка притвор за осомничениот, како и мерка куќен притвор за осомничената. Судот го прифати предлогот и ги определи бараните мерки.

The post Ја повикале сосетката на гости, па на полапат се маскирале и ја ограбиле: Маж и жена од Гевгелија извршиле разбојништво appeared first on Република.

Жител на Гевгелија со пиштол се обидел да убие извршител и адвокат, со кои се сретнал за да договори како да го исплати долгот. Тој се борел со адвокатот, а откако му ветил дека нема да го пријави, избегал.

-Основното јавно обвинителство Гевгелија донесе наредба за спроведување истражна постапка против едно лице, кое што на 29 октомври годинава, во канцеларија на извршител во Гевгелија, со умисла се обидел да лиши од живот две лица со кои се сретнал по претходен договор за регулирање на начинот и рокот на исплата на неговиот долг.

Додека траело излагањето на оштетениот – адвокат, осомничениот ја затворил вратата од канцеларијата, извадил пиштил и го вперил во доверителот – лицето кон кое го имал долгот. По реакција на адвокатот, осомничениот го вперил пиштолот и кон него, но адвокатот успеал да ја фати раката на осомничениот и да го насочи пиштолот кон подот, по што настанала турканица и борење по подот. Во меѓувреме другиот оштетен и вработените од извршителската канцеларија ја напуштиле просторијата. Додека траела борбата, осомничениот со левата рака се обидел да го репетира пиштолот. Откако оштетениот адвокат му ветил на осомничениот дека нема да го пријават, борбата престанала и осомничениот го напуштил местото на настанот, се вели во соопштението на ОЈО.

Бидејќи постојат околности кои укажуваат на опасност од бегство на осомничениот, поради основан страв дека ќе ги сокрие или уништи трагите на кривичното дело или ќе ја попречува кривичната постапка со влијание врз сведоци, како и можност да го повтори кривичното дело, надлежен јавен обвинител до Судот доставил и судот го прифатил предлогот за определување на мерка притвор во траењет од 30 дена за осомничениот.

The post Обид за убиство на адвокат и извршител ја потресе Македонија! appeared first on Република.

Денеска сме овде во Гевгелија дел од теренската акција на ВМРО-ДПМНЕ, „Важно е! Од тебе зависат промените“. До сега поминавме неколку општини низ Македонија, разговаравме со многу наши сограѓани, со многу групи наши сограѓани, слушнавме многу работи, слушнавме многу предлози, но слушнавме и многу решенија кои што заслужуваат да бидат дел од програмата на ВМРО-ДПМНЕ за следните парламентарни избори. Ценам дека и овде во Гевгелија ќе имаме можност да стегнеме многу раце на гевгеличани.Денот го започнуваме на состанок кој што ќе биде многу значаен за нас, бидејќи ќе ги слушнеме луѓето кои што се можеби и современите патриоти, најзначајните овде во Гевгелија, луѓето кои што секој месец мака мачат да обезбедат егзистенција на илјадници гевгеличани, а тоа се луѓето кои се дел од бизнис заедницата, од стопанството, од реалниот сектор, изјави лидерот Мицкоски.

Потоа денот го продолжуваме со проектите кои што се тековни и ги има направено градоначалникот. Потоа, продолжуваме со најава на проекти кои ќе бидат финансирани од идната влада ан ВМРО-ДПМНЕ и нормално денот ќе го заокружиме со еден мини настан каде што ќе можеме да разговараме со гевгеличани и ќе можеме да го сумираме сето она кое што ќе се случи во текот на денешниот ден.Денешната посета сакам да ја искористам да му честитам на градоначалникот, на советниците кои ја поддржуваат работата на градоначалникот, на пратеникот кој што е дел од македонскиот парламент кој што се бори да обезбеди преку амандман повеќе средства повеќе за проекти повеќе овде во Гевгелија и гевгеличани имајќи го во предвид карактерот на владата на СДСМ и ДУИ, знаете дека тоа е многу тешко да се направи и да се реализира, бидејќи тие кон општините каде што имаме градоначалници од редот на ВМРО-ДПМНЕ се однесуваат како да не припаѓаат во Македонија, односно се трудат преку сите алатки да вршат притисок и воопшто ништо да не реализираат никаков проект, мислејќи дека на тој начин ќе ги казнат граѓаните кои на изборите во 2021 година, гласале за ВМРО-ДПМНЕ и коалицијата.

Но, тука сум јас заедно со потпретседателите Кочоска и Николоски да дадеме поддршка на градоначалникот, на локалната самоуправа, на пратеничката, на гевгеличани дека набрзо од денеска доаѓа нова влада на ВМРО-ДПМНЕ која што има намера да реализира проекти кои што ќе бидат од огромно значење за гевгеличани, проекти во висина до 3 милиони евра или вкупно во еден четири годишен мандат до 12 милиони евра.Определивме голем број на проекти заедно со градоначалникот, но исто и со луѓето овде во Гевгелија. Дел од нив јас би ги споменал, како што е реконструкција на патниот правец кој што води од Гевгелија преку Ново Конско до неколку населени места и неколку туристички и излетнички места овде во Гевгелија и на Кожуф планина, потоа тука е проширување на патниот правец од Прдејци до Смоквица, реконструкција на чаршијата во Гевгелија, ново основно училиште, проблем кој е есенцијален овде во Гевгелија, и нова канализациона мрежа.

Така што сакам да кажам дека ќе има голем број на проекти кои ќе бидат реализирани во периодот кој што следи, односно идната влада на ВМРО-ДПМНЕ има намера преку овие проекти да вложи многу пари да децентрализира практично од буџетот, и да ги врати тие пари назад кон општината. А општината треба да прави што е можно повеќе проекти, за да може потоа тие проекти да бидат реализирани.

The post Мицкоски најави нови проекти во Гевгелија: Реконструкција на патот кон Ново Конско, на чаршијата, ново основно училиште и канализациона мрежа appeared first on Република.