Во Пехчево денеска се одржа промоција на делото „Дамата со шеширот" од поетесата Габриела Костадинова. Делото е напишано на македонски и српски јазик, а првпат книгата беше промовирана минатата година за време на Саемот на книга во Белград.

-Поетесата Габриела Костадинова е зрел поет кој со сигурност, цврстина и силен творечки габарит се втемелува во кулата наречена македонска современа книжевност. Таа е уште еден прекрасен книжевен бисер. И посакувам уште многу промоции и уште многу напишани, стихови и творби, истакна промоторот Биљана Петровска.

Рецензентот на делото проф. д-р на науки на универзитетот во Штип, Милена Ристова Михајловска во својата рецензија го нагласи значењето на ,,Шапката на дамата"

- Преку стихот на лирскиот субјект во ова дело шапката прво и над се однесува на чедото кому му е посветена оваа збирка. Воедно прави сенка над сите што ги цени, над сите што ги љуби, над сите шо ги сака. Како плашт таа шапка се извишува над малото, а толку топло и со душа покно Пехчево  и на крај шаоката застанува свртена сама кон себе, кон лирското јас, истакна Рисѕова Михајловска.

На промоцијата која се одржа во чест на роденденот на Костадинова учествуваа гости и соработници од повеќе градови во државата, кои од авторката добија подарок.

Збирката Дамата со шеширот е издадена од Српско уметничко друштво од Белград, а авторот Габриела Костадинова освен ова дело досега ги има објавено книгите поезија „Записи на болката“ и „Црвената боја на љубовта“.  Прогласена е за почесен граѓанин и успешна жена на Општина Пехчево за нејзините достигнувања во областа на културата.

The post Во Пехчево промовирана збирката ,,Дамата со шеширот” од поетесата Габриела Костадинова appeared first on Република.