Френк Лампард вторпат во тренерската кариера се враќа во лондонски Челзи каде што како фудбалер остави длабока трага. Лампард доаѓа на клупата на „сините“ како привремено решение, а ќе го предводи премиерлигашот до крајот на оваа сезона.

Лампард во минатото мина 19 месеци на клупата на Челзи, пред да добие отказ во јануари 2021 година.

Пресреќни сме што повторно на Френк можеме да му посакаме добредојде на Стемфорд Бриџ. Френк е член на Куќата на славни на Премиер лигата и клупска легенда“, порачаа челниците на Челзи, Тод Бојли и Бехдад Егбали, во заедничко соопштение.

The post Френк Лампард се врати на клупата на Челзи appeared first on Република.

Френк Лампард ќе се повлече од функцијата менаџер на Евертон. Четириесет и четиригодишниот англиски тренер блиску до отказ, откако неговиот тим вчеравечер загуби со 4:1 од Брајтон на домашен терен во Премиер лигата, информира „talkSPORT“.

Евертон нема победа во последните седум натпревари во сите натпреварувања, Загуби пет пати, а два пати одигра нерешно. Последен пат „карамелите“ победија на 22 октомври против „Кристал Палас“ (3:0).

Тимот моментално е на 16. место во табелата во Премиер лигата со 15 бодови од 18 натпревари.

Лампард го презеде Евертон во јануари 2022 година.

The post Лампард е блиску до отказ од Евертон appeared first on Република.

Френк Лампард ќе продолжи да биде тренер на Евертон. Раководството на „Карамелите“ не верува дека отпуштањето на стручњакот ќе ги подобри нивните шанси за останување во Премиер лигата во оваа фаза.

Но, во исто време тоа не значи дека Евертон ќе соработува со Лампард до крајот на сезоната, без разлика на резултатите.

Се известува дека раководството на клубот е сериозно загрижено за тешката ситуација на тимот оваа сезона во Премиер лигата.

Евертон моментално се наоѓа на 17. место на првенствената табела со 25 бодови од 29 натпревари. Предноста на тимот пред зоната за испаѓање е само еден бод. Барнли е на 18. место со 24 бодови.

Следниот натпревар Евертон го игра на 9 април на својот стадион против Манчестер јунајтед

The post На Евертон не му оди ни со Лампард appeared first on Република.

Југослав Јовановиќ (24) од Милано, Италија, признал дека учествувал во криумичарење на пари и накит во вкупна вредност од 26 милиони фунти. Парите ги украл од домовите на познатите личности во Велика Британија, но имал и помошници.

Според наводите, крадецот бил дел од меѓународна група којашто, меѓу другото, упаднала и ја ограбила вилата на Тамара Еклстон во Кенсингтон. Само оттаму украле пари во вредност од 25 милиони фунти.

Тамара Еклстон во тоа време била на одмор во Финска со нејзиниот сопруг Џеј Рутланд и ќерка им Софија, а тоа се случи во декември 2019 година.

Освен Тамара, жртви на кражба биле и поранешниот фудбалер Френк Лампард и Вичаи Шриваданапрабха – покојниот сопственик на фудбалскиот клуб Лестер сити. Полицијата не успеала да го земе накитот и парите од трите споменати грабежи. Се претпоставува дека украденото е однесено во странство.

Југослав ќе биде осуден на 15 ноември, како и Италијанците Алесандро Малтезе и Алесандро Донати, кои исто така се екстрадирани во Британија. Четвртиот провалник по име Даниел Вуковиќ никогаш не е фатен и наводно се наоѓа во Белград.

Романските државјани Александру Стан, Сори Марковици, Марија Местер и Емил Богдан Савастру во јануари лани беа ослободени од обвиненијата за вмешаност во кражбите.

The post Ова е Србинот кој ги ограби Френк Лампард и газдата на Лестер appeared first on Република.