Министерството за здравство ја информира јавноста дека во лабораторијата за вирусологија на Институтот за јавно здравје се направени анализи за детекција на сојот Омикрон на вирусот SARS CoV2.

Од изработени 56 примероци позитивни на SARS CoV2, 33 се позитивни на Омикрон варијантата на вирусот, што изнесува 59% од позитивните примероци. Оваа варијанта е детектирана кај 16 пацинети од Скопје, 10 од Охрид, 4 од Тетово, 2 од Кавадарци и 1 од Кочани, велат од МЗ.

Како што додаваат, кај тројца пациенти од Скопје истовремено е детектирана комбинација од двата вируса Influenza A i SARS CoV 2.

The post Детектиран Омикрон кај 33 пациенти, кај тројца детектиран и флурон appeared first on Република.

Министерството за здравство соопшти дека од страна на ПЗУ „Синлаб“ до Институтот за јавно здравје е доставена информација за детектиран еден случај на флурон (комбинирана инфекција со вирусот на грип и коронавирусот) кај 26 годишен пациент од општина Зајас.

Според епидемиолошката анкета, пациентот со коинфекција Ковид19/Инфлуенца А, непосредно пред 31.12.2021 година се вратил од САД и според неговите кажувања таму примил вакцина за Ковид 19, односно се ревакцинирал неколку дена пред да пристигне во Македонија, соопшти МЗ.

Пациентот е упатен на домашно лекување, бидејќи засега нема тешка клиничка слика.

https://republika.mk/zivot/zdravje/shto-e-flurona-i-koi-se-najchestite-simptomi/

The post Во Македонија е потврден првиот случај на флурон appeared first on Република.

Во Хрватска е потврден првиот случај на флурон, кога едно лице е заразено со Ковид-19 и грип во исто време, потврди началникот на Службата за клиничка микробиологија, Јасмина Вранеш, за хрватскиот јавен сервис ХРТ.

Првиот случај на флурон е регистриран во Институтот за јавно здравје (НЗЈЗ) „Д-р Андрија Штампар“ во Загреб.

Според информациите, станува збор за комбинација на грип и корона, а според информациите од Институтот се работи за вирусот на инфлуенца А, таканаречениот сој на свински грип H3N2.

Во таа институција, вчера биле регистрирани околу 50 отсто позитивни на Ковид-19, што е многу повеќе од пред седум дена, кога имало 30 отсто позитивни примероци, рече Вранеш.

Таа додаде дека е реткост некој по третпат да заболи од корона, но дека има и двапати заразени иако се вакцинирани. Вранеш нагласи дека се следи состојбата со омикрон, кој многу полесно се шири, а инкубацијата е пократка од пет до седум дена, пренесе „Хина“.

Првиот светски случај на флурон е забележан минатата недела во Израел.

The post Прв случај на флурон во Хрватска – истовремено заболување со ковид и свински грип appeared first on Република.