Рано утрово околу 1:15 часот во СВР - Скопје било пријавено дека на излезот од Шуто Оризари кон село Визбегово, скопско, била фрлена експлозивна направа во склад за градежни материјали, сопственост на И.Т., 45-годишник од селото при што била оштетена влезната врата од објектот и дел од инвентарот, соопштуваат од Министерството за внатрешни работи.

Од МВР информираат дека нема повредени лица, а увид извршила екипа од СВР - Скопје.

Посочуваат дека преземаат мерки за расчистување на случајот.

Вчера беше пријавена и шок-бомба:

https://republika.mk/vesti/crna-hronika/frlena-shok-bomba-na-kozara-predizvikan-pozhar-sred-skopje/

The post Ноќва фрлена бомба во фирма во Визбегово appeared first on Република.

Милионски тендери добивала фирмата „Еверест ЏД“ на Дрин Ахмети, внукот на лидерот на ДУИ, Али Ахмети за која пред некој ден заработи кривична пријава од МВР, бидејќи се сомничи дека како нејзин директор извршил злоупотреба на концесија за рудник кај Кичево и со тоа го оштетил буџетот за 1,6 милиони денари или околу 26.000 евра. Ова денеска го обелодени ВМРО-ДПМНЕ и прстот го впери кон поранешниот министер за економија Крешник Бектеши кој доаѓа од истата партија, бидејќи не ја одземал концесијата на фирмата за експлоатација на минерални суровини и со тоа овозможил да ги добива тендерите.

„Дрин Ахмети преку „Еверест ЏД“, со која експлоатирал минерални суровини повеќе отколку што пријавил и платил на државата, наместо да се соочи со санкција и одземена дозвола под закрила на Министерството за економија на Крешник Бектеши продолжил да работи, и како таков да ниже милионски тендери“, изјави Лефков.

Според податоците на Бизнис мрежа, фирмата „Еверест ЏД“ е формирана во 2005 година. Најпрвин имала седиште во село Зајас, кое е родно место на Ахмети, потоа во соседното Букојчани за од август лани да се префрли со адреса во Скопје. Дрин Ахмети станал нејзин директор и сопственик во 2017 година. Лани фирмата имала добивка од 129.000 евра.

Откако Дрин Ахмети ја преземал, тендер склучила со „Комуналец“ од Кичево во вредност од 47,500 евра за набавка на ризла и камен за ѕидање. Потоа ја започнала соработката со АД ЕСМ и добила договори за четири тендери во износ од речиси 125.000 евра. Последниот договор и е со „Водовод и канализација“ од Прилеп за над 15.000 евра.

„Власта на СДС и ДУИ и нивните луѓе во Министерството за економија знаеле дека концесионерот не доставувал геодетски елаборати со пресметка на откопаните количини на минерални суровини, предвидена во член од Законот за минерални суровини, како и дека не вршел исплата на концесиските надоместоци утврдено со склучениот договор, и покрај тоа му овозможиле на фирмата на Ахмети да ги користи придобивките од концесијата и непречено да остварува приходи“, додаде Лефков.

Дрин Ахмети вчера реагираше дека владеачката партија шири невистини кои и му штетат на личниот углед и на имиџот на фирмата, а притоа ги сподели и сите уплати на „Еверест ЏД“ за концесиски надоместок за простор и експлоатација за периодот 2016 до 2024 година.

Освен Дрин Ахмети, во кривичната пријава е опфатен и претходниот директор на фирмата, Бесиан Ахмети кој всушност ја отстапил „Еверест ЏД“ на неговиот брат. Тој вчера беше разрешен од неговата функција прв секретар на македонската амбасада во Брисел поради кривичната пријава против него. Пријави има и за неколкумина вработени во министерството за економија за несовесно работење, бидејќи биле должни да вршат надзор на концесијата. Обвинителството ги истражува наводите.

The post Фирмата концесионер на Дрин Ахмети добивала и милионски тендери appeared first on Република.

На сцената на Драмскиот театар во Скопје вечер ќе биде изведена претставата „Фирма“, во рамки на 45-то издание на фестивалот „Скопско лето“. Претставата е во режија на Нела Витошевиќ, а текст е на авторот Роланд Шимелфенинг.

Премиерата на „Фирма“ беше изведена на отворањето на фестивалот РУТА во Драмски театар на 3 октомври.

Режисерката Витошевиќ ликовите од овој современ и актуелен текст им ги додели на актерската екипа - Ирена Ристиќ, Ивана Павлаковиќ, Сања Арсовска, Филип Трајковиќ, Игор Ангелов и Стефан Вујисиќ. Сценографијата е на Константин Трпеноски, костимографијата на Розе Трајчевска – Ристоска, а изборот на музиката на Нела Витошевиќ.

Во програмската книшка за претставата, режисерката Витошевиќ пишува дека Роланд Шимелфениг е еден од најплодните, најуспешни и најпреведувани германски автори.

Поради тематската актуелност „Фирма“ (Push Up 1-3) авторот храбро прави вивисекција на капиталистичкото општество и последиците што доаѓаат како резултат од така поставениот систем. Тој во преден план ја истакнува бескрупулозната борба на индивидуата која се стреми да се искачи на врвот на хиерархиската пирамида, како и проблемот на осаменоста и отуѓеноста кои се рефлексија на таквото капиталистичко уредување. Целото дејство се случува во ИТ-корпорација. Во тоа „застрашувачко“ опкружување карактерите се натпреваруваат меѓусебно за повисока позиција во фирмата. Механизмите да се стигне до врвот се бескрупулозни, карактерите се служат со вербална манипулација и лицемерие за да го зграбат она што го посакуваат. Посветени да ги добијат овие битки, тие остануваат без социјален живот, затворени во нивните големи празни станови, асоцијативни за нивната духовна и социјална празнина.

Драмски театар Скопје со настапот во рамките на „Скопско лето“ ја заокружува оваа сезона на матичната сцена и најавува две гостувања на летните театарски фестивали во Тиват, Црна Гора и традиционалното учество на хрватското издание на фестивалот РУТА на Бриони, Хрватска.

The post Претставата „Фирма“ вечер на „Скопско лето“ appeared first on Република.

На 45. издание на фестивалот Скопско лето, Драмски театар Скопје на матичната сцена во петок на 27 јуни во 20 часот ќе ја изведе претставата „Фирма“.

Премиерата на претставата „Фирма“ во режија на Нела Витошевиќ, текст на авторот Роланд Шимелфенинг, беше изведена на отворањето на фестивалот РУТА во Драмски театар на 3 октомври и наиде на одличен интерес на домашната и на публиката на гостувањата во регионот. Во петок ќе биде 20та изведба на претставата.

Режисерката Нела Витошевиќ ликовите од овој современ и актуелен текст им ги додели на актерската екипа: Ирена Ристиќ, Ивана Павлаковиќ, Сања Арсовска, Филип Трајковиќ, Игор Ангелов и Стефан Вујисиќ. Сценографијата е на Константин Трпеноски, костимографијата на Розе Трајчевска – Ристоска, а изборот на музиката на Нела Витошевиќ.

Режисерката Нела Витошевиќ во програмската книшка за претставата пишува дека Роланд Шимелфениг е еден од најплодните, најуспешни и најпреведувани германски автори. Поради тематската актуелност „Фирма“ (Push Up 1-3) авторот храбро прави вивисекција на капиталистичкото општество и последиците што доаѓаат како резултат од така поставениот систем. Тој во преден план ја истакнува бескрупулозната борба на индивидуата која се стреми да се искачи на врвот на хиерархиската пирамида, како и проблемот на осаменоста и отуѓеноста кои се рефлексија на таквото капиталистичко уредување. Целото дејство се случува во ИТ-корпорација. Во тоа „застрашувачко“ опкружување карактерите се натпреваруваат меѓусебно за повисока позиција во фирмата. Механизмите да се стигне до врвот се бескрупулозни, карактерите се служат со вербална манипулација и лицемерие за да го зграбат она што го посакуваат. Посветени да ги добијат овие битки, тие остануваат без социјален живот, затворени во нивните големи празни станови, асоцијативни за нивната духовна и социјална празнина.

Драмски театар Скопје со настапот во рамките на Скопско лето ја заокружува оваа сезона на матичната сцена и најавува две гостувања на летните театарски фестивали во Тиват, Црна Гора и традиционалното учество на хрватското издание на фестивалот РУТА на Бриони, Хрватска.

The post Драмски театар со претставата „Фирма“ на Скопско лето appeared first on Република.

Не е точно дека Универзална сала е осигурана туку осигурана е фирмата која ја изведува реконструкцијата на салата во осигурителната компанија Еуролинк, а изјавата на министерката за култура Бисера Костадиновска Стојчевска е несреќно дадена изјава, објави МКД.мк.

Секоја фирма што добила тендер за градба е законски обврзана да се осигура за одговорност за штета па согласно оваа законска обврска тоа го направила и фирмата Универзал Балкан, фирмата која треба да ја реконструира Универзална сала, објаснува изворот на МКД.мк

Станува збор за осигурување за одговорност за штета во случај ако фирмата предизвика штета кон трети лица односно луѓе што се вклучени во реализација на проектот или кон објектот што го гради или го реконстурира. Во случај да се утврди таква штета тогаш фирмата треба да ја плати штетата. Ако тоа не го направи фирмата тогаш обврските за наплата на штетата ги презема осигурителната компанија. Во конкретниот случај со Универзалната сала ниту може салата како објект да се осигура ниту некој би осигурал таква руина“, тврди изворот на МКД.мк кој е вклучен во реконструкцијата на Универзална сала.

Како што пишува порталот, во новиот дел кој фирмата Универзал Балкан го гради, а за кој е надлежна оваа фирма штета нема па следствено на тоа нема да има никаква потреба за исплата на штета ниту пак осигурителната компанија би ѝ исплатила пари на компанијата со кои, како што изјави министерката за култура Бисера Костадиновска Стојчевска, ќе продолжи градбата на Универзална сала.

„Но сепак, ако се утврди дека фирмата предизвикала било каква штета тогаш таа законски е обврзана да ја плати штетата“, вели изворот на МКД.мк.

The post „Универзална“ не е осигурана, осигурана е фирмата што ја реконструира салата appeared first on Република.

Фирмата Сара-Јавор Инженеринг ДОО од Струмица има долг од неколку милиони денари за неплатен Данок на додадена вредност (ДДВ) и на Данок на добивка, и’ е ставен на Листата на должници која денеска ја објави УЈП.

Оваа фирма е сопственост на Вице Заев, брат на поранешниот премиер и лидер на СДСМ, Зоран Заев.

Сара-Јавор Инжинеринг на државата и’ должи 5,884.888 денари за неплатен ДДВ и плус 2,180.693 денари за неплатен Данок на добивка, наведено е во Листата на должници на УЈП.

Своевремено, во 2013 година, кога Сара-Јавор Инженеринг беше напаѓана во јавноста дека добивала милионски тендери од општината Струмица, тогаш од СДСМ соопштија:

Господинот Вице Заев, брат на претседателот Зоран Заев, станува сосопственик во фирмата Сара Инжинеринг, во јули, 2013 година. Значи зборуваме за тендер што е доделен пред 2 години, кога совршено е јавно дека немало допирни точки на фирмата со семејството Заеви, велеа тогаш од СДСМ.

Инаку ова не е прв пат фирми на Вице Заев да должат милионски суми за данок на државата. Пред две години од ВМРО ДПМНЕ јавно објавија дека фирми во кои сопственик е братот на Зоран Заев должат над еден милион евра данок.

Управата за јавни приходи, денеска, ја објави листата на должници за доспеани долгови до 30 ноември 2023 и неплатени до 29 февруари годинава по основ на ДДВ, данок на добивка, персонален данок на доход, придонеси од задолжително социјално осигурување, акцизи и царини.

На Листата на должници бр.03/2024 објавени се 1.801 правни лица (помалку за 71 од претходната листа) и 3.606 физички лица (помалку за 21 од претходната листа).

The post Фирма на Заеви има милионски долгови за неплатен ДДВ и Данок на добивка appeared first on Република.

Драмски театар со претставата „Фирма“ гостува во среда на 7 февруари во Словенија. Во Љубљана од 2 до 7 февруари во организација на Местно гледалишче Љубљана се одржува третото словенечко издание на регионалниот театарски фестивал РУТА.

Претставата „Фирма“ на режисерката Нела Витошевиќ е работена според Push up 1-3 од Роланд Шимелфенинг. Драматург е Викторија Рангелова Петровска. Сценографијата е на Костантин Трпеноски. Костимите се на костимографката Розе Трајчевска – Ристоска, а изборот на музиката е на Нела Витошевиќ.

Режисерката Нела Витошевиќ за претставата и за авторот истакнува дека Роланд Шимелфениг е еден од најплодните, најуспешни и најпреведувани германски автори. Поради тематската актуелност „Фирма“ (Push Up 1-3) авторот храбро прави вивисекција на капиталистичкото општество и последиците што доаѓаат како резултат од така поставениот систем. Тој во преден план ја истакнува бескрупулозната борба на индивидуата која се стреми да се искачи на врвот на хиерархиската пирамида, како и проблемот на осаменоста и отуѓеноста кои се рефлексија на таквото капиталистичко уредување. Целото дејство се случува во ИТ-корпорација. Во тоа „застрашувачко“ опкружување карактерите се натпреваруваат меѓусебно за повисока позиција во фирмата. Механизмите да се стигне до врвот се бескрупулозни, карактерите се служат со вербална манипулација и лицемерие за да го зграбат она што го посакуваат. Посветени да ги добијат овие битки, тие остануваат без социјален живот, затворени во нивните големи празни станови, асоцијативни за нивната духовна и социјална празнина.

Премиерата на „Фирма“ беше на отворањето на фестивалот РУТА што Драмски театар Скопје го организираше во октомври. Претставата досега е изведена десет пати на матичната сцена и ова гостување во Местно гледалишче Љубљана е прво гостување на претставата во странство.

The post Драмски театар со „Фирма“ гостува на фестивалот РУТА во Местно гледалишче Љубљана appeared first on Република.

Со премиера на преставата „Фирма“ во режија на Нела Витошевиќ, а по текст на Роланд Шимелфениг, вечерва во 20 часот во Драмски театар Скопје се отвора второто издание на Регионалниот театарски фестивал РУТА кој ќе трае до 8 октомври.

Во „Фирма“ публиката е на сцена и само 90 луѓе ќе може да следат претставата. Улогите ги толкуваат: Ирена Ристиќ, Ивана Павлаковиќ, Сања Арсовска, Филип Трајковиќ, Игор Ангелов и Стефан Вујисиќ. Сценографијата е на Константин Трпеноски, костимографијата на Розе Трајчевска – Ристоска, а изборот на музиката на Нела Витошевиќ

Според режисерката Витошевиќ идејата во „Фирма“ е да се прикаже еден суров корпоративен свет, кој е огледало на капиталистичкото општество, преку конфликтни релации на шест карактери, кои се тркаат да стигнат до врвот на хиерахиската пирамида.

И во таа трка со времето, во таа трка до целта, тие на некој начин се губат себеси, го губат својот социјален живот. И кога ќе се свртат некаде таму, гледаат дека нивните животи се комплетно празни, дека освен работата, сè друго оставиле во втор план и се чувстуваат крајно осамено. Тоа е на некој начин што мислам дека го носи капитализмот, а тоа е комплетно оттуѓување на луѓето. Со интензивирање на социјалните мрежи, мислам дека човечката релација се изгуби, мислам дека луѓето се претвораат многу повеќе во машини, тој природен допир се изгуби и мислам дека тоа на некој начин ние пробуваме да го пренесеме во претставата, кажа денеска на прес-конфренцијата во Драмски театар Витошевиќ.

Таа објасни дека претставата е конципирана да биде како една ринг-арена во која што ликовите имаат конкретен противник, но многу често тие самите на себе си се противници.

Во таа арена, освен со конкртениот партнер со кој се во спрега и во конфликт, тие преку внатрешни интроспекции, ги покажуваат нивните внатрешни конфликти, внатрешни борби и проблеми и на некој начин правиме огледало на капиталистичкото општетсво денес преку таа ринг арена, во која сите се како ѕверови, се јадат меѓу себе, само за да стигнат до некоја цел, која понатаму гледаме и дека не е толку важна, затоа што ги заборавиле поважните работи во нивните животи и останале сами на крајот на денот, вели Витошевиќ.

Следните изведби на „Фирма“ се на 13. и 14. октомври.

По свеченото отворање на фестивалот, на 4 октомври (среда) македонската публика ќе го проследи „Декамерон“ – на Градско позориште Подгорица во копродукција со Народно позориште Ниш. Претставата е во режија на македонскиот режисер Дејан Пројковски.

В четврток е „Нора“ на Местно гледалишче Љубљана, во режија на Нела Витошевиќ. На програмата на четвртиот фестивалски ден на 6 октомври (петок) е претставата „Син“ на Камерни театар 55 од Сараево во режија на Дино Мустафиќ. Автор на текстот е Флоријан Зелер.

В сабота гостува Београдско драмско позориште (БДП) со претставата „Самрак на боговите“ во режија на неодамна починатиот режисер Јагош Марковиќ.

Со претставата „Отело“ театарот Улисис од  Хрватска го затвора фестивалот РУТА во недела на 8 октомври. Режијата и е доверена на украинската режисерка Оксана Дмитрова, а поделбата на улогите освен на актерите на Улисис е направена и со членовите на „Сараевски ратни театар“ од Сараево.

The post Со премиера на „Фирма“, претстава која говори за претворањето на луѓето во машини се отвора Фестивалот РУТА во Драмски театар appeared first on Република.

Со премиера на преставата „Фирма“ во режија на Нела Витошевиќ, а по текст на Роланд Шимелфениг, на 3 октомври во Драмски театар Скопје (20 часот) се отвора второто издание на Регионалниот театарски фестивал РУТА кој ќе трае до 8 октомври.

Според режисерката Витошевиќ, која неколкупати работела текстови на Шимелфениг и го разбира неговиот јазик, идејата во „Фирма“ е да се прикаже еден суров корпоративен свет, кој е огледало на капиталистичкото општество, преку конфликтни релации на шест карактери, кои се тркаат да стигнат до врвот на хиерахиската пирамида.

И во таа трка со времето, во таа трка до целта, тие на некој начин се губат себеси, го губат својот социјален живот. И кога ќе се свртат некаде таму, гледаат дека нивните животи се комплетно празни, дека освен работата, сè друго оставиле во втор план и се чувстуваат крајно осамено. Тоа е на некој начин што мислам дека го носи капитализмот, а тоа е комплетно оттуѓување на луѓето. Со интензивирање на социјалните мрежи, мислам дека човечката релација се изгуби, мислам дека луѓето се претвораат многу повеќе во машини, тој природен допир се изгуби и мислам дека тоа на некој начин ние пробуваме да го пренесеме во претставата, кажа денеска на прес-конфренцијата во Драмски театар Витошевиќ.

Таа објасни дека претставата е конципирана да биде како една ринг-арена во која што ликовите имаат конкретен противник, но многу често тие самите на себе си се противници.

Во таа арена, освен со конкртениот партнер со кој се во спрега и во конфликт, тие преку внатрешни интроспекции, ги покажуваат нивните внатрешни конфликти, внатрешни борби и проблеми и на некој начин правиме огледало на капиталистичкото општетсво денес преку таа ринг арена, во која сите се како ѕверови, се јадат меѓу себе, само за да стигнат до некоја цел, која понатаму гледаме и дека не е толку важна, затоа што ги заборавиле поважните работи во нивните животи и останале сами на крајот на денот, вели Витошевиќ.

Во „Фирма“ публиката е на сцена и само 90 луѓе ќе може да следат претставата.

Улогите во „Фирма“ ги толкуваат: Ирена Ристиќ, Ивана Павлаковиќ, Сања Арсовска, Филип Трајковиќ, Игор Ангелов и Стефан Вујисиќ. Сценографијата е на Константин Трпеноски, костимографијата на Розе Трајчевска – Ристоска, а изборот на музиката на Нела Витошевиќ

Следните изведби на „Фирма“ се на 13. и 14. октомври.

По свеченото отворање на фестивалот, на 4 октомври (среда) македонската публика ќе го проследи „Декамерон“ – на Градско позориште Подгорица во копродукција со Народно позориште Ниш. Претставата е во режија на македонскиот режисер Дејан Пројковски.

„Нора“ е претставата на Местно гледалишче Љубљана, Р. Словенија што ќе се игра на 05. октомври (четврток) 2023 година. Режијата е на македонската режисерка Нела Витошевиќ.
На програмата на четвртиот фестивалски ден на 06 октомври (петок) е претставата „Син“ на Камерни театар 55 од Сараево. Режија: Дино Мустафиќ Автор: Флоријан Зелер.

Београдско драмско позориште пред нашата публика ќе ја изведе претставата „Самрак на боговите“ во сабота на 07 октомври во режија на неодамна починатиот режисер Јагош Марковиќ.
Со претставата „Отело“ театарот Улисис од Р. Хрватска го затвора фестивалот РУТА во недела на 08 октомври. Режијата и е доверена на украинската режисерка Оксана Дмитрова, а поделбата на улогите освен на актерите на Улисис е направена и со членовите на „Сараевски ратни театар“ од Сараево.

Поради големиот интерес на публиката од Драмски театар Скопје информираат дека се пуштени во продажба поединечните и блок билетите за фестивалот. Број на билетарницата на Драмски театар Скопје е 076434343 каде може да се резервираат билетите.

The post Луѓето се претвораат во машини, се изгуби човечката релација и природниот допир, вели режисерката Нела Витошевиќ пред премиера на „Фирма“ во Драмски театар appeared first on Република.

Антикорупциска под лупа ја става фирмата од Желино која доби тендер од 1,8 милиони евра од  МНР со кое раковдои Бујар Османи за да органзира настан на ОБСЕ, а која воедно и е најголем донатор на ДУИ, матичната партија на министерот.

На „Еуровиа“ во сопственост на Ељмедин Адеми, внук на поранешниот втор човек во ДУИ Абдулаким Адеми, ова и е трет тендер за нецела година. Таа го доби и тендерот за изградба на полициската станица во Аеродром вреден 2 милиони евра, како и тендерот за реконструкција и пренамена на објекти за Универзитетот „Мајка Тереза”.

Од друга страна, фирмата донирала на ДУИ 1,85 милиони денари како правно лице, додека Ељмедин лично на партијата и дал нешто над 2,5 милиони денари.

Според договорот, ќе се поправа и ќе се поставува нова електрична инсталација, нова климатизација и системи за греење и ладење, ќе се поставуваат и билјерски единици за топла вода, ќе има партнерно уредување. Сепак, најголемите пари ќе се потрошат за адаптација на просторот и за мебел. Покрај главните сали, предвидени се десетина канцеларии за делегации, билатерални простории, пулотови за помош, прес-сали, но и простор за одмор, кафетерии, простор за возачи и вип простории. Од мебел, освен паноа, маси, пултови, ќе се набавуваат и троседи за релексација за делегати, коњопои, клуб масички и декорации за енетериер.

Опозицијата реагираше дека ова се премногу пари за еден настан и дека со нив може да се изгради цел еден нов објект.

The post Антикорупциска ќе проверува како донаторот на ДУИ од Желино доби милионски тендер од Османи appeared first on Република.

Само со СДСМ на власт, на тендер од 767 илјади евра не се јавува ниту една голема градежна фирма, туку само фирма, блиска до партијата и нивен кандидат за градоначалник. Фантастични 767 илјади евра за чистење на одронот на автопатот Миладиновци - Штип, тежи работата која што Македонија пат ја става на тендер, а на него се јавува само Стентон градба од Битола, фирма блиска до власта и до кандидатот за градоначалник на Битола од СДСМ, Христо Кондовски - коментираат од ВМРО-ДПМНЕ

Тие прашуваат како е можно на тендер за градежни работи - чистење на одрони, кои треба да се изведуваат на патниот правец Миладиновци - Штип, околу кој гравитираат општините Штип, Свети Николе, Куманово и цело Скопје да не се јави ниту една фирма од овие општини, туку фирма од Битола, во соработка со фирма од Тетово.

-Не се работи за програмирање, услуги, или друг вид на работа за која не е важна оддалеченоста помеѓу местото на работа и седиштето на фирмата, се работи за градежни зафати за кои е важен и регионот на изведба кој игра улога во цената. И на ваков тендер, со оваа сума не се јавила ниту една фирма од поблискиот регион, туку само Стентон градба од Битола.

Како само Стентон градба е заинтересиран за тендер од 767 илјади евра? И како е дојдено до сумата од 767 илјади евра за обично чистење на одрони и засекување на одредени делови?

ДКСК и ЈО да не чекаат да дознаваат понатамошни информации од медиумите и да отворат случај веднаш - додаваат од опозицијата.

The post Со СДСМ на власт, на тендер од 767 илјади евра не се јавува голема градежна фирма, туку само фирма, блиска до партијата appeared first on Република.

Се што треба да знаат граѓаните за Република Македонија и за оваа влада, една непосточека фирма со сите пропратни фалсификувани документи да земе околу 90 тендери за лифтови во државните институции, изјави портпаролот на ВМРО-ДПМНЕ, Димче Арсовски одговарајќи на новинарско прашање во врска со случајот кој вчера излезе во јавноста во однос на набавка и сервисирање на лифтови во државни институции од непостоечка фирма

Зошто ја кријат, зошто ја држат во тајност, зошто молчат? Непостоечка фирма сервисирала лифтови, аплицирала на тендери во сериозн и институции како медицински установи и притоа може да му се случи на некој од пациентите, може да настрада некој бидејќи не знаеме дали таа фирма правилно ги направила работите околу лифтовите, нагласи Арсовски.

Тој потенцираше дека тоа е се заради неспособноста на оваа влада, затоа што пред доаѓањето на СДСМ не сме слушнале дека имало непостоечка фирма што земала тендери.

Но, откако дојде СДСМ бидејќи се им е сведено на бизнис на тендери во 4 очи, криминал и корупција, сега гледаме дека над 90 тендери земала непостоечка фирма. Треба да се види кој се е вмешан, а владата јавно да каже која е таа фирма, кој ја помагал затоа што морало некој од власта да ја помага и ова е сериозен скандал. Доаѓа фирма што не постои и зема милионски профит, рече Арсовски.

The post Непостоечка фирма направила милионски профит од лифтови, власта да излезе и да каже која е таа фирма и кој ја помагал, вели Арсовски appeared first on Република.