Заврши третото издание на меѓународниот фестивал на детскиот театар „Игор Маџирот“ 2024, во организација на НУ Театар за деца и младинци – Скопје. За најдобра претстава на фестивалот беше прогласена претставата „Не ме чекај” на театарот „Гледај го снегот на трепките“ од Нант- Франција.

Детското жири во состав од: Неда Блажевска, Тео Манев, Уна Дона Силјановска, Бисера Мојаноска, Теофил Сачкарски, Саша Димитриевска, Ведран Маричиќ, за најдобра претстава на фестивалот ја програсија претставата „По трагите на волкот”, во режија на Јакуб Максимов од Чешка, а во изведба на Младинскиот театар од Нови Сад, Србија.

Стручното жири составено од претседателката Рената Карола Гатика од Хрватска и членовите Ана Левајковиќ Бошков, актерка и Биљана Крајчевска, драматург, ја прогласија најдобрата претстава на фестивалот.

„Претставата е едно неверојатно патување кое нѐ води низ исклучително иновативни и богати визуелни решенија преку симпатични и духовити ликови, низ распон на емоции, а најважното е универзалната и секогаш актуелната порака: ‘Домот е онаму каде што си ти, домот е секогаш во тебе’“, се вели во одлуката на жири комисијата.

Наградата за режија му беше доделена на Јакуб Максимов за претставата „По трагите на Волкот“ според романот на Џек Лондон во изведба на Младинскиот театар од Нови Сад – Србија.

Наградата за сценографија му беше доделена на Лусил Регер за претставата „Не ме чекај“ на театарот „Гледај го снегот на трепките“ од Нант- Франција.

Наградата за костимографија ја доби Каролина Арандија за претставата „По трагите на Волкот“ во изведба на „Младинскиот театар“ од Нови Сад – Србија.

Жирито додели две награди за актерски остварувања на: Вера Розанова за претставата „Не ме чекај“ на театарот „Гледај го снегот на трепките“ од Нант- Франција и на актерката Петра Шарац за претставата „О ла ла“ на „Градски куклен театар“ од Ријека, Хрватска.

Специјалнате награди за колективна актерска игра беше доделена на „Младинскиот театар“ од Нови Сад – Србија за претставата „По трагите на Волкот“ и на „Краљевскиот театар“ за претставата „Тогаш кога се изгубивме“.

Специјалната награда за музика се додели на композиторката Звездана Новаковиќ и музичката изведба на актерката Маја Куншиќ .

Специјалната награда за најдобар драмски текст се додели на Лоте Фаруп за текстот „Тогаш кога се изгубивме“.

На фестивалот „Игор Маџиров” настапија десет претстави, беа одржани две работилници за деца и млади и се одржа панел дискусија посветена на детскиот театар.

И оваа година фестивалот беше поддржан од Министерството за култура и туризам, а под покровителство на претседателката на Македонија, Гордана Сиљановска Давкова.

The post Француската „Не ме чекај“ ја освои Гран при наградата на фестивалот „Игор Маџиров“ appeared first on Република.

„Нагости се, не бери гајле. Ајде на здравје, у Скопје“ е името на 4-тиот по ред Фестивал на биодиверзитет што ќе се случува оваа сабота, 5 октомври, од 10 до 17ч во Јавна соба (Public Room).

Настанот е замислен како неформално дружење, журка за сите ама и одлична прилика да се купи нешто наше, автентично и вкусно. Во центарот на внимание ќе биде деликатесот што го има само во Скопје: омилената симит погача, што многумина ја нарекуваат „тесто во тесто“, симбол на градот, на мултикултура и врв на вкусна едноставност.

Фестивал на биодиверзитетот традиционално дава можност да се дознаат многу работи за локалните производители од сите конвивиуми на Слоу Фуд Македонија: разни вкусови, благо, солено, луто, гастрономски деликатеси во тегли -ајвар, пинџур, џем, слатко..., се природно, со вкусови што враќаат во детство, потоа- традиционалните козји, кравји и секакви сирења, сувомеснати производи сушени на дрва.. Оние што не го запознале вкусот на тартуфи ова е можност да се вљубат во некој од производите на оваа печурка а тука се вклучени и презентации: пивски и вински, дегустации на ракија и ликери... Ајде на здравје!

Предвидени се и два мастер класа: точно напладне, во 12ч ќе се одржи работилница за тестенини а еден час подоцна- работилница за занаетчиско пиво.

Настанот го организира Слоу Фуд Водно, со подршка на Министерството за земјоделство, шумарство и водостопанство и We Effect.

The post Фестивал на биодиверзитет во Скопје appeared first on Република.

„Не ме чекај“ на францускиот театар „Снег на трпките“ од Нант, утре, на први октомври, во Театар за деца и младинци (ТДМ) ќе го отвори третото издание на Интернационалниот детски фестивал „Игор Маџиров“ кој ќе трае до петти октомври.

Организаторот, ТДМ најави гости од Србија, Словенија, Босна и Херцеговина, Турција, Италија, Хрватска и Македонија.

Ова е трето издание, трета среќа, програмата ќе биде побогата и поразновидна. Екипата која работи на Фестивалот многу се потруди на пубиката да и донесе квалитетни претстави. Верувам дека ќе имаме светско издание на Фестивалот. Тешко е да се прави Фестивал во ваков обем, со ваква обилна програма, а со малку пари, изјави на денешната прес-конфренција директорот на ТДМ Катерина Илиевска Силјановска.

Драгана Милошевски Попова, која е селекторка на Фестивалот кажа дека имале тешка задача да ги изберат годинашните учесници на „Игор Маџиров“ бидејќи добиле многу апликации.

Во наредните денови ќе проследиме многу значајни претстави. Сите можеби не се од најновата продукција, но вреди да се видат, кажа Милошевски Попова.

По отворањето, в среда, на втори октомври, во Театар Комедија во 11 часот ќе се одигра „Тогаш кога се изгубивме“ (Краљево, Србија), а во вечерниот термин во 19,30 е „Палешка“ во ТДМ на куклениот театар од Љубљана. В четврток, на трети октомври во ТДМ во 11 госотува Бабец театарот од Битола со „На гости кај Кате и Фреда“, а во 19,30 во ТДМ е „Си беше еднаш еден лав“ од Бања Лука (БиХ). На четврти октомври, в петок, во Драмски театар е „Парадевојче“ на театарот од Зрењанин, Србија (11 часот), во ТДМ во 17 часот е „Светско шоу на ѕвездите“ на Караѓоз театарот од Истанбул, а вечерта од 19, 30 во Драмски театар е „Дупка и копче“ - приказна за кројачот и неговата душа на Театарот од Рим, Италија. На петти октомври, в сабота од 12 часот во Театар Комедија е претставата „По трагите на волкот“ на младинскиот театар од Нови Сад, во 17 часот во ТДМ гостува Градскиот куклен театар од Ријека, Хрватска со „О, ла, ла“, а Фестивалот се затвора со „Франкенштајн“ во продукција на ТДМ, чија претстава е надвор од конкуренција. Пред одигрување на претставата ќе бидат прогласени победниците и ќе бидат доделени наградите на најдобрите на Фестивалот за кој ќе одлучува жири-комисија.

Освен во ТДМ, Фестивалот ќе се одржува и на сцените на Драмски театар, Театар Комедија и Македонскиот народен театар (МНТ). Ќе има и придружна програма која ќе се одржува на Факултетот за драмски уметности (ФДУ). На втори октомври, на ФДУ во 13 часот е мастр-класот со чешкиот режисер Јакуб Максимов, кој е автор на „Роња, ќерката на ограбувачот“ со која ТДМ освои многу интернациолани и домашни награди.

Ќе има и работилници за креативно пишување за млади таленти кои ќе се одржуваат во просториите на ТДМ под менторство на Драгана Лукан Николовски, Хана Миленковска и Давор Драгојевиќ од Црна Гора.

По повод Светската недела на детето, од ТДМ решиле цените на билетите за претставите да чинат 150 денари.

The post Француската претстава „Не ме чекај“ го отвора третото издание на Интернационалниот детски фестивал „Игор Маџиров“ appeared first on Република.

Со проекција на „Дали си маж“ од македонскиот режисер Ѓорче Ставревски, во 19,30 часот на „Плочник“ и изложба на аналогни фотографии „Мозаик во зрно“ од Љубомир Трајковски вечерва во „Котур“ во Скопје почнува шестото издание на „Ѕирни“, Фестивал на филм и музика кој ќе трае до 10 октомври. Организаторот најавува филмови, концерти, тетарски претстави, интервіуа, изложби, вкусна храна и внимателно селектирана музичка програма.

Оваа година официјалната селекција на кратки филмови, кои се натпреваруваат за наградата „Данчо Чеврески”, станува интернационална. Се воведува и уште еден натпреварувачки дел во програмата - интернационални кратки студентски филмови.

Во ова издание на фестивалот по вторпат ќе се одржи и 48часовниот филмски предизвик. Ќе уживаме и во маестралните улоги на Мето Јовановски во филмските проекции на „Тетовирање“ и „Среќна Нова 49-та“. На наше големо задоволство, покрај кино салата на , оваа година фестивалот ќе се одржи и на нови локации. Филмови од официјалната селекција и концерти на „Аудио Цигла“ и „Фанк Шуи“ ќе гледаме на Плочник (во блокот на градски ѕид веднаш до соборниот храм), а театарската претстава „Кенди“ во „Лабораториум“.

The post Со проекција на „Дали си маж“ на Ѓорче Ставревски почнува шестото издание на „Ѕирни” – фестивал на филм и музика appeared first on Република.

Долгометражниот документарен филм „Време на бетон" во режија на Игор Иванов ќе има интернационална премиера во рамките на 13. Фестивал за филм и архитектура во Прага. Ова е единствениот фестивал во Чешка со архитектурата во својот фокус, кој има за цел да ја истакне како особено значаен сегмент во секојдневниот живот и да ги промовира пред пошироката публика современите архитектонски пристапи. Проекцијата е закажана за 29. септември со почеток од 14:30 часот, во Националната галерија во Прага.

По проекцијата ќе се одржи предавање од кураторите на изложбата „Ниедно чувствo не е конечно: Колекција на солидарноста во Скопје”, реализирана во соработка помеѓу Кунстхале Виена, Национална галерија Прага и Музеј на современата уметност Скопје.

Следната дестинација на „Време на бетон“ ќе биде 18. Интернационален фестивал на архитектонски и урбанистички филм во Истанбул, во организација на истанбулското одделение на Турската комора на архитекти. Фестивалот ќе се одржи од 7-ми до 11-ти октомври и ќе прикаже 37 филма, иновативни дела селектирани од рекорден број на пријави годинава - 850 наслови од 101 земја. Проекцијата на „Време на Бетон“ е закажана за 11-ти Октомври од 18:00 часот, во Кино Бејоглу и ќе се натпреварува за една од фестивалските награди.

Учеството на ваквите фестивали нуди исклучителна можност за афирмација на македонската култура и уметност, а „Време на бетон“ е уникатен и длабок увид во архитектонската и урбаната историја на Скопје, со посебен фокус на модерната, која го следи градот од почетокот на дваесеттиот век.

Снимен е по сценарио на Игор Иванов и Томи Салковски. Автор на нарацијата која го води филмот е Ѕвездан Георгиевски, а наратор е Никола Ристановски. Соработници на сценариото се Мишко Ралев и Јордан Минов, изборот и изведбата на музиката е на пијанистката Дуња Иванова. Кинематографер е Ѓорѓи Клинчаров, монтажата е на Дејан Смилески, а дизајнот на звук на Игор Поповски. Продуцент е Томи Салковски. Овој филм е направен со поддршка од Агенцијата за филм.

The post „Време на бетон“ на фестивали за филм и архитектура во Прага и Истанбул appeared first on Република.

Македонскиот народен театар (МНТ) на 28 септември ќе учествува на 23. Традиционален фестивал „Албански театар во Македонија“, Дебар со претставата „Лагата“, од Флоријан Зелер, а во режија на Бесфорт Идризи. Играат: Јордан Симонов, Габриела Петрушевска, Оливер Митковски и Драгана Левенска.

Ова е второ фестивалско учество на претставата. На 31. Фестивал на камерен театар „Ристо Шишков“ во Струмица, актерот Јордан Симонов за улогата на Павле ја доби наградата за највисокото актерско остварување.

Фестивалот во Дебар почна на 24 и ќе трае до 30 септември 2024 година.

Во натпреварувачкиот дел од програмата ќе учествуваат седум)претстави од театри од нашата земја, Албанија и Косово, а во изминатите години до сега на фестивалот учествувале повеќе од 180 претстави од Македонија, Албанија, Косово, Србија, Црна Гора, Франција, Швајцарија и САД.

The post Претставата на МНТ „Лагата“ гостува Фестивал во Дебар appeared first on Република.

Центарот за култура „Трајко Прокопиев“ во Куманово од вечерва ќе биде домаќин на 27. издание на Меѓународниот театарски фестивал „Денови на комедија“, кој ќе трае до деветти октомври.

Фестивалот оваа година ќе се отвори со свеченото доделување на наградата „Васил Иљоски“ на актерот Сашко Коцев за неговиот особен придонес во комедијата. Истата вечер, Театар „Јордан Хаџи Константинов Џинот“ од Велес ќе ја изведе претставата „Вечера за глупаци“.

Во текот на фестивалот, публиката ќе има можност да ужива во 11 претстави, меѓу кои „Секс, лаги и љубомора“ на Народен театар Охрид, „Фустан за бегство“ на Драматичен куклен театар од Бугарија, „Пар распар“ на Театар Комедија од Скопје, и „Ноќ спроти Водици“ на Театар Куманово, која ќе биде премиерно изведена на 8 октомври.

Фестивалот ќе заврши на 9 октомври со доделување награди за најдобри актерски и технички остварувања.

The post Во Куманово вечерва почнува Меѓународниот фестивал „Денови на комедијата“ appeared first on Република.

Тимот на Кафе и филм КОТУР, го преставува шесто издание на Ѕирни – Фестивал на филм и музика кое ќе се одржи од 30.09. до 10.10.

Концептот и годинава е коктел од филмови, концерти, тетарски претстави, интервіуа, изложби, вкусна храна и внимателно селектирана музичка програма.

Оваа година официјалната селекција на кратки филмови, кои се натпреваруваат за наградата „Данчо Чеврески”, станува интернационална, а се воведува и уште еден натпреварувачки дел во програмата – интернационални кратки студентски филмови.

Во ова издание на фестивалот по вторпат ќе се одржи и 48 часовниот филмски предизвик. Ќе уживаме и во маестралните улоги во филмски проекции посветени на Мето Јовановски. На наше големо задоволство, покрај кино салата на @koturkafeifilm, оваа година фестивалот ќе се одржи и на нови локации. Филмови и концерти ќе гледаме на Плочник, а тетарска претстава во Лабораториум” велат организаторите.

The post „Ѕирни“ – Фестивал на филм и музика во „Котур“ по шести пат appeared first on Република.

Центарот за култура „Трајко Прокопиев“ во Куманово ќе биде домаќин на 27. издание на Меѓународниот театарски фестивал „Денови на комедија“, кое ќе се одржи од 24 септември до 9 октомври.

Фестивалот оваа година ќе се отвори со свеченото доделување на наградата „Васил Иљоски“ на актерот Сашко Коцев за неговиот особен придонес во комедијата. Истата вечер, Театар „Џинот“ од Велес ќе ја изведе претставата „Вечера за глупаци“.

Во текот на фестивалот, публиката ќе има можност да ужива во 11 претстави, меѓу кои „Секс, лаги и љубомора“ на Народен театар Охрид, „Фустан за бегство“ на Драматичен куклен театар од Бугарија, „Пар распар“ на Театар Комедија од Скопје, и „Ноќ спроти Водици“ на Театар Куманово, која ќе биде премиерно изведена на 8 октомври.

Фестивалот ќе заврши на 9 октомври со доделување награди за најдобри актерски и технички остварувања.

The post Со претставата „Вечера за глупаци“ почнува Фестивалот „Денови на комедијата“ во Куманово appeared first on Република.

Актерот на Драмски театар Скопје, Лазар Христов, е добитник на наградата за „Најдобра машка улога во студентска селекција“ од стручното жири на „Интернационални театарски фестивал – ИНТЕФ“ во Шабац, Србија, за улогата на Андреј Ботвиник во претставата „Се случи еднаш во Женева“.

Претставата „Се случи еднаш во Женева“ учествуваше на петтото издание на „ИНТЕФ“. „ИНТЕФ“ е студентски и младински театарски фестивал кој од се одржува од 2019 год. во Културен дом Мишар каде учествуваат драмски академии и екипи од регионот.

„Се случи еднаш во Женева“ е сведоштво на едно уникатно пријателство кое се раѓа непосредно пред крајот на Студената војна. Драмата е хипотетична интерпретација на вистински настан од 1982 год., кога Американски и Советски дипломат во Женева ги занемариле протоколите за време на мировни договори и заминале на прошетка во шума на периферијата на градот. Во претставата присуствуваме на четири вакви приватни средби за време на првата година од преговорите откако Џоун Ханимен е испратена во Женева, додека се обидува да испреговара договор за кратења во нуклеарно оружје со нејзиниот постар соработник Андреј Ботвиник. Затекнати во различен момент од нивните животи и кариери, нивната конфронтација се сведува на искуството на Ботвиник и амбицијата на Ханимен.

Претставата „Се случи еднаш во Женева“ е работен според „Прошетка низ шумата“ од Ли Блесинг. Режијата е на  Кристијан Атанасов, а играат Христов и Јана Вељановска.

The post Награда за актерот Лазар Христов на Фестивал во Србија appeared first on Република.

Mанифестацијата „100 илјади поети за промена“, во соработка со Здружението „Контекст-Струмица“ распиша поетски конкурс за годинашното издание на Фестивалот. Поезијата, со која ќе може да конкурираат автори од сите генерации, треба да биде социјално ангажирана и да разработува теми кои се поврзани со промените, глобално, но и локално.

На конкурсот секој автор може да учествува со по една песна. Песните треба да се испраќаат на фејсбук профилот на оваа манифестација или на [email protected] најдоцна до 15 септември 2024 година, по што ќе бидат разгледани од комисијата којашто ја одредува организацискиот одбор на манифестацијата и здружението и потоа селектираните автори ќе бидат застапени во зборникот „100 Илјади поети за промена“ – Македонија, кој ќе биде издаден како дел од оваа манифестација.

-Сите останати пристигнати песни ќе бидат објавени на официјалниот сајт на „100 Илјади поети за промена“, затоа што сме овде да се читаме и online, нели? Ваков конкурс се организира веќе четиринаесет години по ред - исто онолку пати колку и што се организира оваа манифестација во светот, велат организаторите.

Покрај конкурсот за поезија, распишан е и тој за дизајнерско решение на постери/плакати кои ќе бидат дел од групна изложба во рамки на фестивалот, а истите тематски можат да бидат насочени кон глобалните промени, литературата, одржливиот развој и мирот.

Дизајнерските решенија може да се испраќаат на истата електронска пошта- ([email protected]) или на фејсбук профилот на оваа манифестација најдоцна до 15 септември 2024 година, по што ќе бидат разгледани од комисијата којашто ја одредуваат организацискиот одбор на манифестацијата и здружението.

Пристигнатите дела ќе бидат изложени за време на изложбата која е дел од манифестацијата „100 Илјади поети за промена“, на 28 септември 2024 година во Струмица.

Дизајнот на плакатот за годинашното издание на оваа манифестација е на Стефан Јакимовски, универзитетски професор и мултимедијален уметник.рт/мд/

The post Распишани конкурсите за поезија и плакат за 14. издание на „100 илјади поети за промена“ appeared first on Република.

Стотици бајкери, планинари, параглајдеристи, кампери и останати добри луѓе од утре ќе бидат во Крушево на десеттиот јубилеен фестивалот „Крушево низ корија“.

Градоначалникот на Крушево Томе Христовски денеса ја објави деталната програма на неколкудневниот фестивал на отворено.

Пристигнување на учесниците и формирање на кампот на Мечкин камен е предвидено во 10.00 часот, по што до 15.00 часот се предвидени тандем летови со параглајдер.

Потоа следуваат:

18.00ч – дегустација на SLOW FOOD производи

21.00ч – Концерт на The Dreamers во кампот на Мечкин камен

00.00ч заедничко пеење на химната и повечерје

НЕДЕЛА 18 август 2024г:

08.00ч – 09.00ч – пристигнување на учесниците

09.45ч – брифинг за учесниците на планинарската и велосипедската тура

10.15ч – старт на велосипедските тури (мала, средна, голема)

Малата МТБ тура Крушево низ корија започнува од кампот на Мечкин Камен, поминува покрај чешмата Гума и води до ски терените на Станич, од каде низ прекрасна шума се стигнува до излетничко место Кипрово каде што се прави кратка пауза. Од Кипрово низ прекрасен офроад терен и букова шума се вози кон споменикот на Слива на 1400 мнв и се спушта со интересен офроуд кон Македониумот во Крушево каде што завршува турата.

Турата е со должина од 15км и елевација од околу 300 метри…. категоризирана е како лесна тура за лица со нормална физичка подготвеност препорачлива за секој рекреативец.

Средната МТБ тура Крушево низ корија започнува од кампот на Мечкин Камен …поминува покрај чешмата Гума и води до ски терените на Станич, од каде низ прекрасна шума се стигнува до излетничко место Кипрово каде што се прави кратка пауза. Од Кипрово низ прекрасен офроад терен и букова шума се вози до манастирот на Тоше Проески „ Преображение„ кој се најдува на 1650 мнв каде што имаме повторно кратка пауза и освежување на учесниците на официјалниот пункт. Од манастирот низ преубав терен се продолжува кон споменикот на Слива и спуст кон Македониумот во Крушево каде што завршува турата.

Турата е со должина од 30 км и елевација од 700 метри… категоризирана како средно тешка тура 7/10 за лица со просечна физичка подготвеност.

Големата МТБ тура Крушево низ корија започнува од кампот на Мечкин Камен покрај чешмата Гума до ски терените на Станич и низ прекрасна шума се оди до излетничко место Кипрово каде што се прави кратка пауза. Од Кипрово низ прекрасен офроад терен и букова шума се вози до врвот Мусица на 1788 мнв. Со прекрасен спуст и едно кратко искачување се стига до манастирот на Тоше Проески „Преображение„ каде што имаме повторно кратка пауза и освежување на официјалниот пункт. Од манастирот повторно низ преубав терен се продолжува кон споменикот на Слива и спуст кон Македониумот во Крушево каде што завршува турата.

Турата е со должина од 40 км и елевација 1000 метри категоризирана како тешка тура 8/10 за лица со висока физичка подготвеност.

Планинарската тура ќе се одвива на релацијата Мечкин Камен – Крушево, во должина од 14 км. Истата би ја класифицирале како средно тешка тура која може да ја изоди секој од 7 до 77 години. Во 80%од патеката се движиме низ крушевската корија која изобилува со сенка, што е мошне пријатно за топлите августовски денови. Во текот на турата ќе се посетаи манастирот св. Спас (каде што ќе има подолга пауза и пункт со освежување). Во текот на патеката има пивка вода за пиење.

Турата завршува во Крушево каде учесниците ќе можат да ги посетат културните знаменитости.

Сите што сакаат да бидат дел од овој дводневен фестивал на отворени потребно да имаат елементарна опрема: разгазени планинарски обувки, стапчиња за планинарење, капа за сонце, очила за сонце, крема со заштитен UV фактор.

Организаторите укажуваат на неколку многу важни препораки:

1.Секој учесник да ги почитува мерките од пропишаните протоколи за движење низ шума.

2.Секој пријавен рекреативен учесник е должен да потпише Изјава за самостојна одговорност .

3.Секој учесник на вело турите треба да има технички исправен планински велосипед.

4.За секој учесник на вело турите задолжително е носење на заштитна кацига.

5.Сите учесници настапуваат на сопствен ризик , односно организаторот не презема одговорност за постапките на учесниците со кој би се загрозиле себеси или другите учесници.

6.За малолетни лица потребно е придружба од родител-старател.

7.Напред возат лица со рефлектирачки елеци кои учесниците треба да ги следат.

8.Строго е забрането возење пред лицата што ја водат групата и напуштање на обележаната патека.

The post 10. јубилеен фестивал „Крушево низ корија“ appeared first on Република.

Во Центарот за култура во Битола, вечерва со почеток од 19 часот ќе се одржи 24-тото издание на Интернационалниот музички фестивал MusicLand.

Веќе неколку години со ред овој фестивал носи изведувачи од цел свет на едно место – во Битола.

Фестивалот се состои од натпреварувачки дел и гала вечер. На гала вечерта, која ќе се одржи на 14 јуни година, публиката ќе има можност да ги слушни најдобро рангираните како изведуваат песни од музика, филм, кабаре и мјузикл, и поп песни во придружба на Камерен Оркестар на Битола ⋮IWConnect.

The post Интернационалниот музички фестивал MusicLand вечерва во Битола appeared first on Република.

Од 13 до 20 август 2024 година во Струмица под мотото Културни Бранови на Радоста ќе се одржи овогодинешното издание на Струмица Опен Фестивал 2024. Во овие денови градот ќе биде епицентарот на забавата и културата. Фестивалот ќе се одржи на три локации: малиот градски парк,  големиот градски парк и старата чаршија.

Пубиката ќе има привилегија да ужива во настапите на реномирани имиња од македонската музичка сцена, кои ќе пружат уживање за сите генерации!

Не дозволувајте да ви раскажуваат! Ова лето, дојдете и бидете дел од енергијата што ќе ја преплави Струмица. Подгответе се за Културни бранови на радоста, велат организаторите.

The post Струмица опен фестивал 2024 од вечерва под мотото „Културни бранови на радоста“ appeared first on Република.

Утре во Центарот за култура во Битола со почеток од 19 часот ќе се одржи 24-тото издание на Интернационалниот музички фестивал MusicLand.

Веќе неколку години со ред овој фестивал носи изведувачи од цел свет на едно место – во Битола.

Фестивалот се состои од натпреварувачки дел и гала вечер. На гала вечерта, која ќе се одржи на 14 јуни година, публиката ќе има можност да ги слушнe најдобро рангираните како изведуваат песни од музика, филм, кабаре и мјузикл, и поп песни во придружба на Камерен Оркестар на Битола ⋮IWConnect.

The post 24. Интернационалeн музички фестивал MusicLand во Битола appeared first on Република.

Вчера, во 20 часот во Дојран со доделување на наградите свечено беше затворено третото издание на фестивалот на медитеранскиот и балканскиот филм „Преку езерото“.

Меѓународното жири составено од: Електра Венаки од Грција, Предраг Пеџа Милојевиќ од Србија и лауреатот на овогодинешниот фестивал на „Наградата Мето Јовановски“, актерот Владо Јовановски, решија Гран При за најдобар медитерански и балкански филм да ја добие грчката дистописка драма „Тишина 6-9“, на режисерот Христос Пасалис.

Филмот припаѓа на новиот грчки таканаречен чуден филмски бран, предводен од светската кинематографска ѕвезда Јоргос Лантимос.

Наградата за најдобар краток филм ја доби овогодинешниот кански победник „Човекот кој не знаеше да молчи“, на Небојша Слепчевиќ кој ни раскажува кратка потресна пост-воена драма.

За најдобар режисер на медитеранот наградата беше доделена ex aequo (подеднакво) на Александра Лазаровски од Србија, за краткиот филм „Ѕвездена“, социјална драма за две девојчиња во Белград кои останале без татко, и на режисерот Ѓорче Ставревски од Македонија за неговаиот краток филм „Дали си маж“, во кој едно дете во Скопје без татко за прв пат е ставено на тест на „храброста“.

Специјално признание од фестивалското жири беше доделено на филмот „И покрај тоа што е ноќ“, на режисерот Гилермо Гарсија Лопез од Франција.

Оваа година за прв пат беше формирано и студентско жири, со цел да се даде потполна антиципација на студентите по филм и телевизија. Тие, сосема спротивно на големото жири, одлучија дека најдобра медитеранска приказна е политичката драма „Руски Конзул“ на Мирослав Лекиќ од Србија, која се одвива во 70тите години на минатиот век во поранешна Југославија.

Исто така, студентите имаа извонредна и единствена можност, за прв пат во Македонија, на еден фестивал да ги претстават своите најдобри приказни и да добијат грант за реализација на нивните дипломски филмови. Па така, грантови беа доделени на четири краткометражни филмови кои ќе се реализираат во следните дванаесет месеци, а македонска премиера ќе доживеат на следното, четврто издание на „Преку Езерото“.

Оваа година, исто така за прв пат беше организирана работилница за деца и млади кои активно се запознаваа со проблемот на филмската писменост и стекнаа основни познавања за филмскиот јазик.

The post Гран При за грчката дистописка драма „Тишина 6-9“, на режисерот Христос Пасалис на фестивалот „Преку езерото“ appeared first on Република.

Од 16ти до 18ти август по 36и пат ќе се одржи настанот Velestovo Poetry Night (Поетска ноќ во Велестово).

Со поетски портрет годинава ќе биде претставено творештвото на Елизабета Баковска, а во интернационалната програма ќе гостуваат поети од шест земји, и тоа: Велика Британија, Ирска, Кина, Хрватска, Србија и Македонија.

Творештвото нa поетот во фокус ќе биде претставувано преку разговор, во дослух со современите трендови. Преку настанот „Поетско интермецо“ странските поети ќе имаат можност да читаат и пред публиката во Велестово, а не само во Охрид.

Отварањето ќе биде на 16 август од 21 часот на сретсело во Велестово со „Езеро“ ‒ мал музички концерт на хрватската кант-авторка Нина Ромиќ во придружба на Јелена Галиќ. Ќе следува поетскиот портрет на Елизабета Баковска, а потем и настанот „Поетско интермецо“. Вечерта ќе биде затворена со изложбата на фотографии „Паметници на заборавот“ од Сашо Димоски, во тремот на црквата „Успение на Пресвета Богородица“. Автор на постерот за годинешното издание е Андреј Павлов.

The post „Поетска ноќ во Велестово” од 16- 18 август appeared first on Република.

На финалната вечер на „Преку езерото“ во недела на 11 август во Дојран ќе бидат прикажани следниве наслови:

НЕДЕЛА, 11 Август 2024 година
20.00 Часот
ЅВЕЗДЕНА на Александра Лазаровски, Србија, 2024
ХОТЕЛ ПУЛА, Андреј Коровљев, Хрватска

Свечено затворање на фестивалот
Доделување на фестивалските награди
Доделување на грантовите за дипломски студентски филмови

22.30
ПОДРУМ на Омер ферхат Озмен, ТУРЦИЈА, 2024,
ЛОШО НА МОМЕНТ на Даниел Соарес, ПОРТУГАЛИЈА
ЗАРАЗЕНИ, Себастијан Ваничек, Франција

The post Свечено затворање на фестивалот „Преку езерото“ и доделување на наградите appeared first on Република.

The post Проекција на „Дали си маж“ на Ѓорче Ставрески на последниот фестивалски ден на „Drim Short“ appeared first on Република.

На Филмскиот фестивал „Парадизо“ што се одржува во Сицилија, Италија, краткометражниот филм „Дали си маж“ на режисерот Ѓорче Ставрески доби две награди. „Дали си маж“ доби награда за најдобро сценарио и најдобар филм со социјална тема.

Мајсторски режиран, овој филм раскажува убава приказна со сцена која ја пречекавме со ентузијазам. За неверојатната способност да синтетизирате игран филм за неколку минути. Заплетот на филмот започнува убаво да кажува хипермашки поглед без да ви биде досадно, всушност, исто така не прави горчливо да се смееме благодарение на ликовите и дијалозите напишани без извртување зборови, Сценариото функционира во сите делови, вклучително и подзаплетот на формирањето на младиот протагонист и иконскиот крај со трансродовата личност. Филмот ве возбудува и ве тера да размислувате благодарение на комплексната структура која го прицврстува едноставен и брилијантен“, истакна жири комисијата на Фестивалот, пренесува Ставрески.

The post „Дали си маж“ на Ѓорче Ставрески доби две награди на фестивал во Сицилија appeared first on Република.