“ФЕСТИВАЛОТ НА КНИГАТА”, кој започна на 7. септември, а ќе трае до понеделник, 12. септември се отвори во една поинаква и убава атмосфера. Фестивалот е на отворено, издавачите се сместени во штандови под шатори, целото светло навечер е со амбиентални сијалички. Предвидено е катче за читање, а за посетителите има и кафе бар и мексиканска храна каде можат да се релаксираат.

“Скопје чита!” е мотото на фестивалот и секако се очекуваат посетители во што е можно поголем број да дојдат и да си купат книга. Присутни се најголемите и најважните 30-тина домашни издавачки куќи, со многу интересни изданија и атрактивни понуди. Фестивалот претставува своевидно продолжување на традиционалниот пролетен Саем на книгата, но овој пат на отворено, проследено со музичка програма со DJ Џон Антонио и DJ Брус во попладневните часови.

Фестивалот се наоѓа на отворениот простор во комплексот на СЦ Борис Трајковски (поранешен картинг). Работно време на фестивалот e од 10:00 до 20:30 часот. Билетите ќе може да се набават на билетарите пред влезот и чинат 50 денари.

The post 30 домашни издавачки куќи со многу интересни изданија и атрактивни понуди на Фестивалот на книгата appeared first on Република.

Под мотото „Скопје чита“, од денеска до 12 септември, во комплексот на СЦ „Борис Трајковски“ ќе се одржи првото издание на Фестивалот на книгата.

Како што соопштија организаторите, фестивалот претставува манифестација посветенa на книгата во посебна атмосфера, проследенa со музичка програма во попладневните часови, каде посетителите ќе може да уживаат во дружење зачинето со одлична програма.

На Фестивалот на книгата на околу 2.000 m² изложбена површина ќе се претстават 30-тина најголеми издавачки куќи, а се очекува посета од 15 000 посетители.

Љубителите на книгата ќе може да избираат од понудата на голем број домашни и странски автори, странска литература, стручна, научна и белетристичка литература, книги за млади и деца - се наведува во соопштението.

The post Од денеска Фестивал на книгата во Скопје appeared first on Република.

Утре започнува првиот Фестивал на книгата на отворено пред СЦ Борис Трајковски (кај картингот) кој ќе трае сè до 12 септември.

“Скопје чита!” е мотото на фестивалот, а посетителите преку посета на фестивалот и набавка на омилената литература ќе уживаат во богатата понуда. На Фестивалот на книгата ќе се претстават 30-тина издавачки куќи со изданија од голем број домашни и странски автори, стручна литература, научна и белетристичка литература, книги за млади и деца.

Посетителите од утре со почеток во 10:00 часот веќе ќе можат да ги разгледуваат најновите наслови на македонските издавачи, а во попладневните часови ќе уживаат во добра музика за која ќе се погрижат DJ Брус и DJ Џон Антонио, каде околу специјализираното катче за читање се очекува да има убава и опуштена атмосфера.

Во рамките на фестивалот е предвидено да има и кафетерија и катче за храна.

Работно време на фестивалот од 10:00 до 20:30 часот. Билетите ќе може да се набават на билетарите пред влезот и чинат 50 денари.

Учесници на фестивалот: Акадамеска книга, Издавачки центар Три, Паблишер, Сакам книги, Топер, Антолог, Култура, КСЦ-Полица, Светот на Биби, Едука мак, Бата Пресс, Магор, Или или, Бегемот, Темплум, Чудна шума, Сказнувалка, Бункер, Книгоманија,
Логос А, Фуркан, Мартина комерц, АД Вербум, Божилак,

The post Утре започнува првиот Фестивал на книгата на отворено пред СЦ Борис Трајковски appeared first on Република.