Дали Директорката на Академијата за судии Габер учествувала во фалсификување на службена исправа (записник), прашува Анотнио Милошоски, пратеник на ВМРО ДПМНЕ и потпретседател на Собранието.

Во статусот објавен на Фејсбук Милошоски пишува:

На 12-ти јули директорката на Академијата за судии и јавни обвинители (АСЈО), Наташа Габер поднесе оставка од функцијата, а како причини ги наведе „нестручната" одлука на Антикорупциската комисија и „неисправната" одлука на Управниот суд, поврзани со прекршувањето на изборниот законик од страна на раководството на АСЈО. Но, позади овој навидум етички чин, веројатно се крие загриженоста на директорката Габер дека неколку членови на Управниот одбор на Академијата веќе имаат сериозни индиции дека е фалсификуван записник од нивната седницата одржана на 15-ти март 2024 година.

Имено, по контроверзните измени на Законот за Академија за судии кои во Собранието беа протуркани со злоупотреба на европското знаменце, Управниот одбор на АСЈО заседавал, но НЕ ДОНЕЛ одлука за временската рамка за полагањето на квалификацискиот тест во писмена форма.

Сепак, три дена подоцна, претставничка на Академијата ги убедувала членовите на Приемната комисија дека Управниот одбор ДОНЕЛ одлука за полагање на тестот, иако Наташа Поп Трајкова, член на Приемната комисија, забележала дека во материјалите кои им се пратени нема таква одлука на УО. Испаѓа дека претставничката на Академијата пред Приемната комисија лажно тврдела дека Управниот одбор ја донел на записник спорната одлука.

Според Статутот на АСЈО токму директорката Габер е одговорна да ги извести органите на Академијата дали се исполнети законските услови за носење на таква одлука, и без нејзино знаење тешко би можело да се замисли некој да фалсификува записник од седницата на Управниот одбор.

После пресудите на Управниот суд дека АСЈО го прекршила законот, Антикорупциската комисија побара одговорност и оставки од членовите на Управниот одбор на Академијата. Ваквиот тек на настаните мотивирал неколку членови на УО на АСЈО да го побараат записникот од седницата на Приемната комисија (види прилог 👇, стр.2; 18.03.2024) и така ги забележале лажните тврдења на нивна штет, односно дека УО ја донел спорната одлука. Сепак, одговорот кој сторил фалсификување на службена исправа и по чиј налог најдобро го знае директорката Наташа Габер, која за овие дилеми ќе треба да одговара пред Управниот одбор, како и пред министерството за правда како институција која е надлежна да врши надзор. Нејзината закаснета оставка сепак не ја штити од одговорноста за ваквите силни индиции за незаконито фалсификување на записници, пишува Милошоски.

The post Милошоски: Дали директорката на Академијата за судии Габер учествувала во фалсификување на записник? appeared first on Република.

На 25.05.2024 во 10.00 часот на Граничниот премин Богородица, на влез во државата, полициски службеници го лишиле од слобода А.М.И.Ф.(47) од Египет, со привремен престој во Република Грција, кој управувал патничко возило „киа“ со грчки национални ознаки.

Имено, при извршена пасошка контрола и проверки било констатирано дека меѓународната возачка дозвола издадена од Египет била фалсификувана.

Тој бил предаден на полициски службеници од Полициската станица Гевгелија за понатамошна постапка.

The post На „Богородица“ уапсено лице од Египет, носело фалсификувана возачка дозвола appeared first on Република.

СДСМ денеска со лажни документи и потписи објавија „скандал“, обвинувајќи дека ВМРО-ДПМНЕ објавува лажни и нарачани анкети во соработка со Македонската радио-телевизија и Институтот за полистички истражувања во Скопје.

За овие обвинувања веднаш демант испратија од ВМРО-ДПМНЕ, од каде најавија тужба за клевета.

https://republika.mk/vesti/makedonija/sdsm-objavuva-lazhni-dokumenti-vmro-dpmne-najavuva-tuzhba-za-kleveta/

Остро реагираа и од МРТВ и од ИПИС, од каде исто така порачаа дека правно ќе делуваат против овие лаги и пририсоци.

https://republika.mk/vesti/makedonija/i-ipis-najavuva-tuzhbi-po-obvinuvanata-od-sdsm-tazhno-e-shto-namesto-da-gi-suzbivaat-lazhnite-vesti-tie-se-kreatori/

Богдан Илиевски, пак, реши да ги побара и објави сите потписи од споменатите лица во документите објавени од СДСМ и да покаже дека станува збор за фалсификувани потписи на пратеници и политичари, покрај лажниот датум на лажниот документ.

Тој прво го покажа потписот за кој се тврди дека е на Зоран Ставревски.

https://republika.mk/vesti/makedonija/ilievski-objavi-ushte-eden-dokaz-za-falsifikatot-na-sdsm/

За подоцна да ги спореди и наводните потписи на Марија Андоновска и Луке Галевски.

Да ја затвориме темата со фалсификаторите кои обвинуваа за фалсификати. Гем сет меч есолз, вели тој.

Сепак, ова бара и официјална истрага и делување на надлежните, затоа што фалсификување на потпис е кривично дело.

The post Фалсификувани потписите и на Марија Андоновска и Луке Галевски appeared first on Република.

Со жалење можеме да констатираме дека дел од општествените чинители наместо да бидат корективен фактор кој ќе се бори и ќе ги сузбива лажните вести и дезинформации, тие во одредени случаи се и самите креатори или поддржувачи на истите. За изнесените невистини поврзани со ИПИС ќе се преземат сите правни средства кои ни стојат на располагање, вклучително и тужби пред надлежните судови, најавија денеска од Институтот за политички истржувања од Скопје по обвинувањата на СДСМ дека анкетите објавени на Македонската телевизија се лажни и нарачани од штабот на ВМРО-ДПМНЕ.

https://republika.mk/vesti/makedonija/sdsm-objavuva-lazhni-dokumenti-vmro-dpmne-najavuva-tuzhba-za-kleveta/

Институтот за Политички истражувања од Скопје во соработка со МРТ спроведува серија на истражувања во пресрет на претседателските и парламентарни избори, по углед на соработката која ја имаат водечките светски медиуми и агенции за истражување на јавното мислење за време на изборните процеси во САД и повеќето земји на ЕУ. Оваа соработка е исклучиво врз база на договор меѓу ИПИС и продукцијата која е одговорна за овие емисии на МРТ без притоа да биде инволвирана било каква трета страна, односно друг правен субјект, организација или физичко лице.

Во однос на прецизноста и методологијата на самите анкети, ИПИС со сето свое икуство и минат труд стои позади резултатите кои се објавуваат. За точноста на податоците од истражувањата на ИПИС доволно е да се направи едноставна компарација со претходните изборни циклуси или референдуми во изминатите петнаесеттина години каде јасно може да се види дека сите проекции на изборните резултати кои ги објавил ИПИС се точни, односно во рамки на дозволената маргинална грешка.

Со жалење можеме да констатираме дека дел од општествените чинители наместо да бидат корективен фактор кој ќе се бори и ќе ги сузбива лажните вести и дезинформации, тие во одредени случаи се и самите креатори или поддржувачи на истите. За изнесените невистини поврзани со ИПИС ќе се преземат сите правни средства кои ни стојат на располагање, вклучително и тужби пред надлежните судови, се вели во реакцијата од ИПИС.

Претходно свои реакции имаа и МРТВ и ВМРО-ДПМНЕ.

https://republika.mk/vesti/makedonija/mrt-reagira-na-obvinuvanata-od-sdsm-politichkite-partii-da-prestanat-da-vrshat-pritisok-kon-javniot-servis/

The post И ИПИС најавува тужби по обвинувањата од СДСМ: Тажно е што наместо да ги сузбиваат лажните вести, тие се креатори appeared first on Република.

Јавниот сервис, своите обврски кон тие за кои и постои – граѓаните, ги реализира согласно сите законски регулативи и етички норми, реагираат денеска од Уредувачкиот колегиум на Македонската радио-телевизија, додавајќи дкеа Македонската телевизија, програмската содржина ја конципира според правилата кои претставуваат операционализација на обврските што ги има согласно Законот за аудио и аудиовизуелни медиумски услуги, Законот за медиуми и согласно Етичкиот кодекс.

Секое намерно и неосновано поткопување на довербата на граѓаните во јавните институции по дефиниција е штетен наратив. Во тој контекст, штетните наративи кон Јавниот сервис растат во изборниот период. Во еден специфичен момент на технолошка револуција во Македонската телевизија, промовирање на новата виртуелна и проширена реалност преку програмските содржини што се емитуваат, Јавниот сервис се соочува со неосновани напади за веродостојноста на тоа што се пласира. Во рамки на емисијата Објектив, се презентира испитување на јавното мислење за прашања поврзани со актуелната политичко–економска состојба и рејтингот на политичките партии. Во истражувањето се вклучени две реномирани агенции (факт кои не се споенува во нападите кон нас) чии сопственици се Петар Арсовски и Владимир Божиновски, а во емисијата учествуваат и реномирани гости од општествено – политичкиот живот во Македонија. Наша определба и цел е ваков тип на емисии да има пред секој изборен циклус во државата. Потврдувајќи ја определбата на модерните демократии за почитување на основното право на слобода на изразување, загарантирано со членот 10 од Европската конвенција за заштита на човековите права и основните слободи, МРТ секогаш се води според основните професионални стандарди и етички начела, се вели во реакцијата од МРТ.

Впрочем, додаваат оттаму, во просторот меѓу цензура и анархија, степенот на демократијата на едно општество се мери според слободата на изразување.

Поради тоа Јавниот сервис ги отфрла сите неосновани напади за професионалноста и објективното известување. Како досега, така и натаму ќе известува точно, проверено и објективно за да ја одржи стекнатата доверба кај граѓаните. Јавниот сервис е отчетен кон публиката и постапува транспарентно кон неа. Отчетноста значи дека сите медиумски работници вклучени во програмата стојат зад нивната работа. На крајот сакаме да потенцираме дека МТВ во никој случај нема да влезе во дневно политичка пресметка на партиите во овој предизборен период. Уште еднаш апелираме политичките партии да престанат да вршат притисок кон јавниот сервис. Како и до сега ќе продолжиме да работиме професионално, балансирано и согласно сите етички и професионални стандарди на известување. Впрочем на крајот на изборниот процес ќе ги видиме извештаите кои досега кажувале дека работиме балансирано и професионално. За сите овие партиски и политички притисоци и обиди за подривање на кредибилитетот на Јавниот сервис ќе бидат известени сите домашни и меѓународни медиумски организации како и амбасадите и мисијата на ОБСЕ, велат од МРТ.

Претходно денеска СДСМ обвини дека анкетите кои се објавуваат на МТВ се лажни и нарачани од штабот на ВМРО-ДПМНЕ, што веднаш беше демантирано и од партијата.

https://republika.mk/vesti/makedonija/sdsm-objavuva-lazhni-dokumenti-vmro-dpmne-najavuva-tuzhba-za-kleveta/

The post МРТ реагира на обвинувањата од СДСМ: Политичките партии да престанат да вршат притисок кон јавниот сервис appeared first on Република.

Уште еден доказ за фалсификатот. А ако најдам на нет потписи и од сите други ќе се докаже истото, порача денеск Богдан Илиевски објавувајќи нов документ на кој се гледа разлика во потписите објавени на документот за кој СДСМ тврди дека е вистинит.

Претходно и ВМРО-ДПМНЕ реагираше на лажните обвинувања од СДСМ:

https://republika.mk/vesti/makedonija/sdsm-objavuva-lazhni-dokumenti-vmro-dpmne-najavuva-tuzhba-za-kleveta/

The post Илиевски објави уште еден доказ за фалсификатот на СДСМ appeared first on Република.

СВР Скопје – Единица за економски и компјутерски криминал – Одделение за корупција и фалсификати поднесе кривична пријава против К.Н.(33) од Скопје, вработен во Управата за водење на матични книги, Подрачно одделение Скопје поради постоење основи на сомнение за сторени кривични дела „злоупотреба на службената положба и овластување” по член 353 и „фалсификување службена исправа” по член 361 од Кривичниот законик и против М.К.(30) и Ј.М.(29), двајцата од Скопје, поради постоење основи на сомнение за сторено кривично дело „употреба на исправа со невистинита содржина ” по член 380 од Кривичниот законик.

Првопријавениот, вработен на работно место помлад референт-матичар, по претходен усмен договор со второ и третопријавените, без примено писмено барање за издавање на извод од матичната книга на родени, изготвил и заверил со свој потпис и службен печат извод од матична книга на родените за нивното малолетна ќерка, во која внел невистинити податоци, односно матичен број кој бил непостоечки. Таквиот извод тие го употребиле во Одделението за управни работи Скопје како прилог на барањето за издавање на патна исправа на малолетната ќерка.

The post Кривична пријава за три лица, фалсификувале извод од матична книга на родени appeared first on Република.

Шеесет и четиригодишен жител на гостиварско село во СВР Тетово пријавил дека минатата година стапил во контакт со А.Н. од Скопје, кој му ветил дека ќе му обезбеди сертификат за положен германски јазик за неговата снаа.

Tој за таа услуга на А.Н. однапред му платил 1800 евра.

А.Н. подоцна му обезбедил сертификат, но документот бил фалсификуван. Се расчистува и документира случајот.

The post Му платил 1800 евра за сертификат за германски јазик, добил фалсификувана потврда appeared first on Република.

Специјалното обвинителство на Република Косово, по запленувањето на над 85 илјади фалсификувани евра во кованици од по две евра минатиот вторник, соопшти дека фалсификувани монети на европската валута, кои се дистрибуираат во Косово и други земји од регионот, се произведуваат во Македонија, јави дописникот на МИА од Приштина.

Ова тврдење се наведува во синоќешното соопштение на Обвинителството, по повод неговото барање за одредување едномесечен притвор за шестмината уапсени, од кои тројца македонски и тројца косовски државјани, кај кои на 28 ноември беа откриени метални монети со апоени од две евра, во вкупен износ од 85.010 евра.

Во барањето до Обвинителството кое го пренесе невладината „Заклетва на правдата“, која ја следи работата на косовските судски институции, се вели дека „постои сомневање оти обвинетите Б.А, Ш.А, А.А, С.Р, М.К. и Х.Д., со цел незаконски да се стекнат со материјална корист за себе и за групата, во неверификувано време обезбедиле фалсификувани пари, произведени во Македонија и вкупно 42.505 парчиња метални монети со апоени од 2 евра, во вкупен износ од 85 илјади евра“.

Во барањето е наведено дека осомничените потоа ги ставиле монетите во разни кеси, камуфлирајќи ги за да личат на товари обична стока и ги ставиле во автомобили, а потоа на 28 ноември годинава ги донеле во Косово, каде координирано се сретнале во Генерал Јанковиќ со обвинетите С.Р., М.К. и Х.Д. со цел заедно да го продолжат патот до Приштина.

Според планот на сторителите, во косовскиот главен град била планирана купопродажба на фалсификуваните пари, односно прием и испорака на количината на фалсификувани пари, при што се откриени и идентификувани од полицијата, која интервенира и на дело ги апси одземајќи им ја сумата на фалсификувани пари.

Косовското обвинителство цени дека осомничените со овие дејствија во соработка сториле кривично дело „Купување, прифаќање и прикривање предмети прибавени со кривично дело, од член 333 (ст. 1) по член 31 од Законот бр. 06/L-074 Кривичен законик на Република Косово“.

Во реконструкцијата на настанот, обвинителството наведува и дека осомничените Б.А, Ш.А и А.А., на 28 ноември, во Генерал Јанковиќ се сретнале со обвинетите С.Р., М.К. и Х.Д., ставајќи ги фалсификуваните евра во автомобил Фолксваген „Пасат“ кој го управувал Х.Д., по што заедно продолжиле за Приштина, за да се сретнат на бензинската пумпа „Шел“, каде што било планирано примопредавањето на фалсификуваните пари. Во текот на трансакцијата тие се откриени и идентификувани од Полицијата која интервенирала и на дело ги привела сторителите и ја одзела споменатата количина фалсификувани пари.

Според барањето на обвинителството, осомничените го извршиле кривичното дело „Фалсификување пари“, санкционирано од член 296 (ст. 1) во врска со член 31 од косовскиот Кривичен законик.

The post Фалсификуваните евра внесени во Косово се печатени во Македонија appeared first on Република.

Единицата за економски и компјутерски криминал при СВР Скопје поднесе кривична пријава против С.Р. (28) од Скопје, поради постоење основи на сомнение за сторено кривично дело „фалсификување исправа“.

Како што информираат денеска од МВР, С.Р. набавил фалсификувана македонска возачка дозвола за управување на моторни возила од В, С1, С, F, G и М категорија, со негови лични податоци, и таквата возачка дозвола на 16.08.2022 ја приложил при извршена сообраќајна контрола од страна на полициски службеници на патниот правец Скопје – Велес, при што било констатирано кривичното дело.

The post Не му се полагало: Скопјанец фатен со купена „возачка“ appeared first on Република.

На Граничниот премин „Меѓународен аеродром” – Скопје, вчера биле фатени двајца индиски државјани – Б.А.С.(28) и Н.Б.(40), кои се обиделе да влезат во земјва со кипарските дозволи за престој, кои биле фалсификувани, информира МВР во дневниот билтен.

По извршен преглед кај нив биле пронајдени дополнителни две кипарски дозволи со измината важност. Со нив бил извршен службен разговор во кој изјавиле дека дозволите ги купиле од лице во Турција за сума од 1.900 евра. Двете лица биле приведени од полициски службеници и по насока од Јавен обвинител биле пренесени во Прифатниот центар за странци за понатамошна постапка, информриа МВР.

Исто така на Граничниот премин „Меѓународен aеродром” – Скопје, денеска рано изутрината околу 03.00 часот на на излез од државата, при извршена контрола на А.С.(25) од Косово, која била со малолетно лице, таа на увид дала словенечки патни исправи за кои било утврдено дека биле фалсификувани.

При извршен преглед кај неа биле пронајдени две косовски патни исправи и една косовска лична карта со нивните вистински податоци. Со неа бил извршен службен разговор во кој изјавила дека словенечките патни исправи ги купила од едно лице во Косово за сума од 10.000 евра. Поради постоење основи на сомнение за сторено кривично дело „фалсификување исправа”, таа била лишена од слобода и предадена на полициски службеници за понатамошна постапка, информира МВР во билтенот.

The post На скопскиот аеродром фатени двајца Индијци и една Косовка со „купени“ документи appeared first on Република.

Охридската полиција поднесе кривична пријава против К.С. (63) од Охрид, поради „фалсификување или уништување деловни книги“ и „несовесно работење во службата“.

„Тој, од 2020 година, во својство на службено лице - вработен во Националнио парк 'Галичица', не изготвувал или уништувал записници за сеча на дрвна маса во месноста Јадера, атар на селото Трпејца, вршел наплата на дрвна маса во готово и на граѓани им изготвувал фалсификувана документација“, велат од МВР.

The post Вработен во Националниот парк Галичица фалсификувал и уништил деловни книги appeared first on Република.

Шеесет и осумгодишната тетовка С.М., на 17 април во 14 часот во СВР Тетово пријавила дека нејзиниот поранешен зет Ш.А. со приложување на фалсификувано полномошно пред надлежни органи и служби пред извесно време противправно го продал нејзиниот имот во Република Косово.

Се расчистува и документира случајот.

The post Со фалсификувано полномошно поранешниот зет ѝ го продал целиот имот appeared first on Република.

Полициски службеници од СВР Скопје, вчера во 18:45 часот на бул.„Јане Сандански“ во Скопје, го лишиле од слобода скопјанецот В.М.(26).

Како што информираат од МВР, тој се обидел со фалсификувана лична карта да подигне брз кредит од финансиско друштво во трговски центар на бул„Јане Сандански“, но вработениот се посомневал во исправноста на личната карта и повикал полиција.

Лицето било приведено во полициска станица и со него бил извршен службен разговор. По целосно документирање на случајот, Единицата за економски и компјутерски криминал при СВР Скопје ќе поднесе соодветна пријава, велат од МВР.

The post Скопјанец се обидел да подигне брз кредит со фалсификувана лична карта appeared first on Република.

Основното јавно обвинителство Скопје донесе Наредба за спроведување истражна постапка против три лица, од кои првиот е осомничен за продолжено кривично дело „злоупотреба на службена положба и овластување“, додека другите двајца за продолжени кривични дела „фалсификување исправа“, како и за поттикнување на првоосомничениот да изврши злоупотреба на службената положба.

Во периодот од јули 2020 година до мај 2021 година, првоосомничениот како службено лице – референт во МВР – ОУР Скопје, поттикнат од другите двајца, ја искористил својата службена положба и овластување и со умисла извршил повеќе временски поврзани дејствија што претставуваат повеќекратно остварување на истото дело. Со тоа на осомничените им остварил значителна имотна корист од 174.052 евра, соопшти Основното јавно обвинителство.

Вториот и третиотосомничениот, во наведениот период, поднесувале фалсификувани документи за регистрација на луксузни автомобили на кои им било извршено прикривање и промена на оригиналните идентификациски броеви. Првиот осомничен, без да ги направи неопходните проверки на целокупната документација, им овозможувал да ги регистрираат возилата и потоа да ги препродадат на трети лица.

За тројцата осомничени, надлежниот јавен обвинител до судијата на претходна постапка од Основниот кривичен суд Скопје достави предлог за определување мерка притвор, бидејќи постои опасност да се дадат во бегство, да влијаат врз сведоци или да го повторат делото за кое се осомничени, се вели во соопштението.

The post Нов фалсификат во МВР, по пасошите – регистрации на крадени луксузни возила appeared first on Република.

На граничниот премин Табановце откриени се пет фалсификувани ПЦР тестови и три возила кои вршеле превоз на патници без соодветна документација.
Како што информира МВР, фалсификуваните тестови и возилата се откриени на 11 и 12 февруари 2022 година од полициски службеници од Полициската станица за граничен премин Табановце и од Одделот за прекуграничен криминал и миграции при Регионалниот центар за гранични работи Север.
При пасошка контрола на 12 февруари 2022 година било констатирано дека О.Б.(51) од Скопје, Т.Т.(28) од Скопје, Д.М.(28) од с.Тромеѓа, Кумановско, Д.Г.(56) од Кочани и М.П.(61) од Скопје приложиле фалсификувани ПЦР тестови. По целосно документирање на случајот против нив ќе бидат поднесени соодветни пријави.
На 11 и 12 февруари 2022 година, при контрола на автобус со скопски регистарски ознаки, управуван од Х.П.(54) од Скопје, патничко возило „митсубиши“, управувано од З.Б.(26) од Струмица и возило комби, управувано од Ж.Г.(46) од Струмица, двете со струмички регистарски ознаки, било констатирано дека вршеле меѓународен превоз на патници без поседување на соодветна документација.
Од страна на Државниот инспекторат за транспорт изречени се соодветни санкции за возачите и возилата.

The post Откриени фалсификувани ПЦР тестови и возила што вршеле меѓународен превоз без соодветна документација appeared first on Република.