Удинезе не го продолжи договорот со Канаваро. Фабио го задржа клубот во Серија А.

Тренерот за оваа одлука на клупското раководство објави на социјалните мрежи.

- Претседателот Поцо денеска ме информираше за одлуката да не го продолжиме нашиот работен однос. Му благодарам за можноста. Жал ми е што не можам да го продолжам ова кратко, но интензивно патување. Би сакал да појаснам дека од моја страна имаше желба за продолжување на соработката. Му посакувам среќа на клубот, играчите и прекрасните навивачи на Удинезе, напиша Канаваро.

Италијанецот го презеде клубот во април, кога беше на 17. место, Под водство на Канаваро, Удинезе ја заврши сезоната на 15. место и остана во најквалитетната фудбалска лига во Италија

The post Kaнаваро го спаси Удинезе од испаѓање а не доби нов договор appeared first on Република.

Италијанскиот фудбалски прволигаш Удинезе објави попладнево дека Фабио Канаваро е нов тренер на клубот од Удине.

Удинезе претходно денеска објави дека се разделил со поранешниот тренер Габриеле Чофи, а неколку часови подоцна го потврди пишувањето на италијанскиот печат и назначувањето на Канаваро.

Клубот соопшти дека 50-годишниот Канаваро потпишал договор до крајот на сезоната.

Канаваро доаѓа на местото на Габриеле Чофи, кој беше отпуштен од должноста по петочниот пораз од директниот конкурент во борбата за опстанок, Верона.

Удинезе е 17. на табелата во Серија А со 28 бодови, колку што има и Фросиноне, кој е место подолу и во зоната на испаѓање.

Канаваро, кој во својата фудбалска кариера ги носеше дресовите на Јувентус и Реал Мадрид, беше без тренерски ангажман од заминувањето од Беневенто во 2023 година.

The post Легендата Канаваро нов тренер на Удинезе appeared first on Република.

Италијанскиот тренер и поранешен репрезентативец Фабио Канаваро е главен кандидат за нов селектор на фудбалската репрезентација на Полска.

„Скај Италија“ објави дека Канаваро веќе имал средба со раководството на Полската фудбалска федерација во Краков и преговорите добро напредуваат.

Полска е без селектор по заминувањето од должноста на Пауло Соуса, кој ја предводеше репрезентација на 15 натпревари и оствари ефект од шест победи, пет нерешени и четири порази.

Според италијанските медиуми, меѓу кандидатите за полски селектор е и поранешниот тренер на Јувентус, Андреа Пирло

The post Kaнаваро селектор на Полска? appeared first on Република.