Фудбалерите на Манчестер Јунајтед го освоија ФА Купот откако во финалето попладнево на Вембли го совладаа градскиот ривал Манчестер Сити со 2:1 (2:0).

Јунајтед поведе во 30. минута преку Гарначо, а само девет минути подоцна предноста ја удвои Маину по уште една лоша реакција во одбраната на Сити.

Стрелец на единствениот гол за Сити беше Доку во 87. минута.

За Јунјатед ова е 13 трофеј во ФА купот, а прв од 2016 година.

The post Koнечно и Манчестер Јунајтед нешто да освои appeared first on Република.

Менаџерот на Манчестер Сити, Пеп Гвардиола вели дека е пријатно изненаден од нивото на перформанси и концентрација на неговите играчи во последните денови пред денешното финале на ФА Купот. „Граѓаните“ ги чека решавачка пресметка против градскиот ривал, а евентуален успех ќе им гарантира втор последователен „дабл“. Тој потврди дека сите играчи освен Едерсон се на линија.

-Тоа е финале на ФА Купот, „Вембли“, сите наши навивачи патуваат во Лондон, последен натпревар од сезоната и последен напор. Сите патуваат. Импресиониран сум колку добро трениравме во последните неколку дена, играчите беа многу фокусирани, сите сакаат да бидат вклучени во натпреварот и сигурен сум дека ќе дадат се од себе. Но, ние одиме во Лондон да се претставиме добро и да го одбраниме трофејот, објасни шпанскиот стручњак.

Гвардиола истакна дека особено внимавал на ситуацијата околу Јунајтед и на тоа дека неговите играчи не треба да го потценуваат противникот поради неговата лоша кампања.

-Последниве неколку години работиме подобро од нив во Премиер лигата, особено оваа кампања и играчите го чувствуваат тоа. Јасно им кажав на играчите дека тоа е сосема поинаков тип на игра од првенството. Ние го почитуваме Јунајтед и нивната историја, но во последната деценија бевме подобриот тим. Ја почитувам работата на Тен Хаг во минатото, како и она што тој го направи во Јунајтед. Немаа целосен состав цела сезона, имаа многу повреди. Тоа му направи многу проблеми на менаџерот, прокоментира Гвардиола

The post Не го пропуштајте овој меч: Двата Манчестери денеска се борат за ФА купот appeared first on Република.