Сопствениците на пабови во Велика Британија предвидуваат голема заработувачка в недела за време на одржувањето на финалето на Европското првенство во фудбал меѓу Англија-Шпанија во Германија, бидејќи очекуваат голем број навивачи и голема продажба на пиво.

Се очекува огромна продажба на пиво и профит од околу 48 милиони фунти (57 милиони евра).

Покрај пивото, се очекува и голема продажба на безалкохолно пиво.

Угостителскиот сектор во Велика Британија очекува колосална добивка од 800 милиони фунти (952 милиони евра) во текот на целото траење на Европското првенство, кое завршува в недела со натпреварот Англија-Шпанија

The post Британските пабови од финалето на ЕП ќе заработат 48 милиони фунти appeared first on Република.

Шпанскиот играч од средниот ред Родри е убеден дека тој и неговите соиграчи можат да победат во финалето на УЕФА ЕУРО 2024 против Англија.

-Сите во репрезентацијата на Шпанија имаат верба дека можеме да ги победиме, изјави тој во интервју за „АС“.

На прашањето кој Англичанец би го издвоил, Родри вели дека тимот има многу квалитетни играчи.

-Ми се допаѓа Фил Фоден бидејќи го познавам, тој ми е соиграч. Фоден е играч кој треба многу внимателно да се чува бидејќи има вродена способност да се движи на мали простори, но има многу други фудбалери кои можат да не казнат, додаде шпанскиот фудбалер.

Финалето меѓу Шпанија и Англија се игра на 14 јули (недела) од 21 часот на Олимпискиот стадион во Берлин

The post Шпанците се уверени во победа во недела appeared first on Република.

Капитенот на англиската фудбалска репрезентација Хари Кејн искажа пофални зборови за холандскиот дефанзивец Вирџил ван Дајк во пресрет на нивниот дуел во полуфиналето на Евро 2024.

- Со текот на годините во Саутемптон и Ливерпул одигравме многу големи натпревари и имавме добри средби. Некогаш тој ја добиваше битката, некогаш јас. Ќе биде тежок натпревар. Ќе се подготвам да му ги отежнам работите, а тој ќе го направи истото за мене. Сакам да играм против најдобрите играчи во светот, изјави Кејн, за „Sky Sports“.

Натпреварот меѓу репрезентациите на Холандија и Англија во полуфиналето на Европското првенство ќе се одигра вечер во Дортмунд со почеток во 21 часот.

Прв финалист е репрезентацијата на Шпанија која синоќа ја совлада Франција со 2:1.

The post Вечерва супер дуел: Ќе успее ли Англија да игра европско финале прв пат по 1996 година? appeared first on Република.

Поранешниот француски репрезентативец Емануел Петит го критикуваше капитенот на „петлите“, Килијан Мбапе и уште еден од лидерите на тимот, Антоан Гризман, поради лошиот настап на ЕП 2024.

-Мбапе мора да игра на следниот меч, но само затоа што противник е Шпанија. Против Португалија беше заменет на паузата во продолженијата кога требаше многу порано да го заменат. Физички не е добро, а му пречи и скршениот нос. Неговото ниво е недостојно за капитен на тимот. Не презема доволно одговорност на теренот. На ЕП 2024 не го покажува најдоброто од себе, изјави легендарниот фудбалер на Арсенал.

Тој потоа се сврте кон настапите напаѓачот на Атлетико Мадрид.

-Гризман е столб на тимот, но е многу слаб од почетокот на Европското првенство. Не може да направи ниту едно клучно додавање, а тоа е неговата најсилна страна, прокоментира Пети за РНД, кој е светски шампион од 1998 година и европски шампион од 2000 година

The post Подгответе се за дуелот Шпанија-Франција appeared first on Република.

Селекторот на Франција, Дидие Дешан прилично остро ги коментираше обвинувањата на сметка на неговите репрезентативци дека играат досаден фудбал.

Светскиот шампион со „петлите“, и како играч и како тренер, рече дека на оние на кои им е досадно, можат да го сменат каналот.  За останатите објасни дека сака да ги споделат емоциите на тимот и да им донесат радост.

Денеска во 21:00 часот по наше време, Франција ќе ја одигра првата полуфинална пресметка против Шпанија на ЕП 2024

-Ако ви е досадно, гледајте нешто друго! Ништо не е задолжително! Ова е посебно Европско првенство, за сите е многу тешко. Бројот на голови е многу помал од очекуваното и од она што можеше да биде. Сепак, имаме можност да споделиме емоции, да ги израдуваме Французите со резултатите што ги постигнуваме во овој тежок период за мене, беше малку груб Дешан

The post Фудбалот се враќа-вечерва играат Франција и Шпанија appeared first on Република.

Француската фудбалска репрезентација по четврти пат се пласираше во полуфинале на последните пет големи турнири, но, сепак критиките за играта на „триколорите“ не стивнуваат.
Франција стигна до полуфиналето во Германија постигнувајќи на пет натпревари само три голови – Килијан Мбапе реализираше од пенал, заедно со два автогола.

„Ако не ви се допаѓа како играме, тоа е ваш проблем“, изјави францускиот напаѓач Усман

Дембеле, кој смета дека не е се така негативно.

„Создаваме шанси, но не можеме да ги реализираме“, додаде тој.

Следен француски противник е Шпанија, која на патот до полуфиналето забележа четири победи во регуларните 90 минути и една по продолжение со 11-2 гол – разлика.
„Шпанија е најдобрата репрезентација, без сомнение. Треба да му се честита на тимот на Луис де ла Фуенте, а ние ќе се бориме како и секогаш“, изјави францускиот стратег Дидие Дешамп.

The post На Французите не им е гајле ако не им ја бендисуваат играта appeared first on Република.

Денеска и утре нема натпревари на Европското првенство. Мечевите продолжуваат во вторник и среда за кога се закажани полуфиналињата.

На нив ќе играат Холандија и Англија и Шпанија со Франција.

Ни престојат големи возбудувања.

The post Два дена пауза од фудбалот пред полуфиналните борби appeared first on Република.

Автоголот на турскиот дефанзивец Мерт Мулдур што ѝ донесе победа на Холандија во вчерашниот четвртфинален натпревар против Турција е десеттиот гол во сопствената мрежа кој е постигнат на Европското фудбалско првенство во Германија.

Сопствената мрежа на ЕВРО2024 претходно ја погодуваа, Антонио Рудигер (Германија), Максимилијан Вобер (Австрија), Јан Вертонген (Белгија), Самет Акајдин (Турција), Рикардо Калафиори (Италија), Клаус Ѓасула (Албанија), РобинХранач (Чешка), Робин Ле Норманд (Шпанија) и Донел Мален (Холандија).

Досега во историјата на европските првенства се постигнати вкупно 30 автоголови. Најмногу, дури, 11 на ЕВРО 2020.

Првиот автогол во историјата на европските првенства е постигнат во 1976 година, од капитенот на Чехословачка Антон Ондруш во полуфиналната победа против Холандија (3-1).

Најбрзиот автогол го постигна Холанѓанецот Дониел Мален, кој ја погоди сопствената мрежа во шестата минута од натпреварот против Австрија на 25 јуни годинава.

The post Десет до сега- на Европското првенство се изнадаваа автоголови appeared first on Република.

Неверојатен пресврт на Холандија  за пласман во полуфиналето на Европското првенство .Со одличен центаршут на Дамфрис во 75-тата минута, на него налета Гакпо и  го испрати зад Гунок!. А се почна во 35. минута кога Турција поведе  со 1:0, Самет Акајдин погоди со глава по фантастичен центаршут на Ѓулер.

Во 70. минута - 1:1, Холандија се врати! Стефан Де Вриј скокна фантастично, Ганок не можеше да направи ништо.

Во полуфиналето Холандија во вторник ќе игра против Англија. Каков дуел ќе биде тоа.

The post Заврши турската бајка appeared first on Република.

Фудбалската репрезентација на Англија се пласираше во полуфиналето на ЕВРО2024 совладувајќи ја вечерва Швајцарија на пенали со 5-3, откако четвртфиналната пресметка во Дизелдорф во регуларниот дел и по двете продолженија заврши нерешено 1-1.

Швајцарија поведе во 75 минута со голот на Емболо, но само пет минути подоцна Сака донесе израмнување на резултатот.

Откако во двете продолженија мрежите мируваа, третиот полуфиналист на ЕВРО2024 го одлучи пенал серијата во која Англичаните ги реализираа сите пет удари од белата точка, а Пикфорд го одбрани ударот на Аканџи и ја однесе Англија во полуфиналето.

https://www.youtube.com/watch?v=zULrTWr3DRI

Противник на составот на Герет Саутгејт за место во финалето ќе биде победникот од вечерашниот четвртфинален дуел меѓу Холандија и Турција.

Првата полуфинална двојка вчера ја комплетираа Шпанија и Франција.

The post Погледнете како Англичаните се провлекоа appeared first on Република.

Полуфиналните пресметки на Европското фудбалско првенство ќе бидат комплетирани денеска по одигрувањето на двете преостанати четвртфинални натпревари меѓу Англија – Швајцарија и Холандија – Турција.

Саботната четвртфиналната програма стартува во 18 часот со дуелот меѓу Англија и Швајцарија во Дизелдорф. На полувреме овие две репрезентации покажаа очаен фудбал

Англискиот селектор Герет Саутгејт на дуелот против Швајцарија по јубилеен 100. пат ќе ја предводи Англија од клупата.

Последниот полуфиналист на ЕВРО2024 ќе го даде победникот од вечерашниот дуел со почеток во 21 часот меѓу Холандија и Турција во Берлин.

Пласман меѓу четирите најдобри селекции вчера обезбедија Шпанија и Франција, кои ја сочинуваат првата полуфинална пресметка

The post Англија и Швајцарија на полувреме одиграа ништо против ништо appeared first on Република.

Порталот за споредба на цените на производите и услугите „Check“ не е меѓу главните спонзори на Европското фудбалско првенство. Но, „Check“ успеа да „освои“ парче од фудбалскиот колач – без да му плати ни цент на Германскиот фудбалски сојуз. Идејата беше едноставна: „Check24“ почна да им подарува дресови на луѓето бесплатно. Немаше официјален грб на ДФБ на тие дресови, но на луѓето не им беше грижа. На дресот е германскиот орел, логото на производителот (Puma) и – со големи букви на предниот дел од дресот, во висина на градите, логото „Check24“.

Дресот заинтересираните го „платиле“ со доброволна согласност да ги дадат своите податоци: адреса, телефонски број и е-пошта. Откако ги внеле своите податоци, тие добиле бесплатен дрес во посакуваната големина. И откако на овој начин беа „нарачани“ пет милиони дресови, „Check24“ ја прекина акцијата.

Основачот на платформата, Хенрих Блазе, за магазинот „Finance Forward“ изјави дека ова е најголемата маркетинг кампања во историјата на компанијата.

И колку чинеше таа акција? Професорот Саша Рајтел од Слободниот универзитет во Берлин вели дека тоа може да се процени. Тој тргнува од тоа дека производството и испораката по парче чинат најмалку десет евра. Според тоа, пет милиони дресови се минимум 50 милиони евра, а тоа е само за производство на дресови и логистика“.

Дополнително, „Check24“ паралелно, меѓу другото, и преку разни ТВ канали водеше рекламна кампања. Се заедно ова можеби чинеше 100 милиони евра, заклучува професорот по маркетинг.

Медиумски интерес

Check24 за возврат стана тема на разговор. Компанијата беше видлива и во медиумите, и кај многу Германци, односно на улица. Апликацијата „Check24“ беше најпопуларна со недели, мерена според бројот на инсталации на паметните телефони. „Check24“ на тој начин дошол до многу лични податоци на германски државјани, а компанијата може директно да ги користи тие податоци кога им се обраќа на потенцијалните клиенти. Тие податоци може да се продаваат и на други компании, потсетува Ролман.

„Check24“ на своите клиенти им нуди споредба на цените на осигурување, финансиски услуги, енергија, телекомуникации, патувања, шопинг и други услуги. Понудата е бесплатна за корисниците, а компанијата се финансира од провизии за „зделки“ склучени преку платформата.

Голема опасност за „Check24“ може да настане доколку нема нови акции, смета професорот по маркетинг Рајтел. „Ако нема некоја значајна нова акција за задржување на постојните клиенти, тогаш постои голема опасност добар дел од тие пари да бидат навистина фрлени низ прозорец“. Луѓето брзо го забораваат сето тоа и тогаш нема да се градат односи со клиентите“

The post Како фирма за споредба на цени успеа да го измами Адидас во бизнисот со продажба на дресови appeared first on Република.

Голманот на германската фудбалска репрезентација Мануел Нојер изјави дека неговиот тим е подготвен конечно да го освои Европското првенство кое во моментов се одржува во неговата земја.

Германија ќе игра против репрезентацијата на Шпанија, која остави можеби најдобар впечаток на овој турнир.

Сепак, германските медиуми потсетуваат дека нивната репрезентација никогаш не испаднала кога успеала да стигне до осминафиналето во едно натпреварување.

-Долго време сме зрели за титулата европски првак. Се чувствувам добро и едвај го чекам секој следен натпревар, изјави Нојер на новинарите во кампот на репрезентацијата во Херцогенаурах.

Натпреварот меѓу Германија и Шпанија почнува од 18.00 часот во Штутгарт

The post Седнувајте пред телевизор: Започнува мечот Германија-Шпанија appeared first on Република.

Селекторот на Германија, Јулијан Нагелсман, ќе може да смета на сите играчи на располагање за петочното четвртфинале на ЕП 2024 против Шпанија. Дефанзивецот Јонатан Та се врати од суспензија и сите останати играчи на Германија се фит, давајќи му на тренерот целосен состав за избор.

Сите 26 играчи учествуваа на последниот тренинг во базата Херцогенаурах во четвртокот пред краткото патување во Штутгарт, каде ќе се игра натпреварот.

Додека Нагелсман ги има на располагање сите играчи, тој повеќе или помалку се потпира на истите стартни 11 на домашниот турнир. Та ќе се врати во центарот на одбраната покрај Антонио Рудигер, откако ја пропушти победата од 2:0 над Данска во осминафиналето, каде што беше заменет со Нико Шлотербак.

Германија ја нема победено Шпанија на големо првенство од 1988 година и ги загуби двете претходни две средби - финалето на Евро 2008 и полуфиналето на Светското првенство 2010 година.

Последната победа дојде кога нацијата последен пат беше домаќин на ЕП пред 36 години и напаѓачот Џамал ​​Мусијала се надева дека тимот ќе може повторно да го направи тоа во петок.

-Ќе направиме се за земјата, за стручниот штаб, за сите, за да ја освоиме титулата. Ова е нашата мотивација, изјави тој за ТВ Ска

The post Фудбалот се враќа appeared first on Република.

Швајцарија има многу добри фудбалери, но англиската репрезентација верува во победа, изјави централниот дефанзивец на континенталните вицешампиони Џон Стоунс. Двете селекции ќе се сретнат в сабота во четвртфиналето на Европското првенство во Германија.

-Тие имаат одлични играчи. Тоа ќе биде одличен судир и сериозен тест за нас. Верувам дека можеме да победиме, рече тој, цитиран од Скај Спортс.

Во последните часови англиските медиуми шпекулираа дека селекторот Герет Саутгејт ќе ја промени шемата и репрезентацијата ќе игра со тројца централни дефанзивци. Џон Стоунс ќе биде еден од нив, но Марк Гехи нема да може да настапи на овој меч.

-Се надевам дека нема да има проблем, како што е случај на тренинзите. Се подготвуваме за сите сценарија и знам дека кој и да е во составот викендов, тој ќе биде подготвен за игра. Сите сме подготвени да играме. Кој и да е во во составот, безрезервно му верувам, изјави дефанзивецот.

Англија беше критикувана дома за нивниот настап, но гневот беше насочен главно кон Саутгејт. Сепак, Стоунс е сигурен дека токму овој селектор може да ја одведе репрезентацијата до европската титула.

-Тој ја промени културата во овој тим, што не е лесно да се направи. Играчите доаѓаат од клубови со сосема различни филозофии, но секој од нив се чувствува удобно во националниот тим, со овие момци и на тренинзите. Герет многу јасно ни дава до знаење што сака од нас Тој изгради победничка култура во националниот тим и е вклучен во апсолутно се што се случува, изјави Стоунс

The post Анличаните веруваат во победа против Швајцарците appeared first on Република.

Селекторот на шпанската репрезентација Луис де ла Фуенте е воодушевен од своите избраници по победата од 1:0 над Италија во второто коло од групната фаза на ЕУРО.

„Фуријата“ славеше со автоголот на Калафиори во 55. минута, а Донарума ги спаси „азурите“ од поубедлив пораз.

-Ниту еден тим не е подобар од нас, но мораме да продолжиме да работиме напорно - да се подобриме, да ги држиме двете нозе на земја и да не го спуштаме гардот. Не се работи само за свежина и кондиција, фудбалот е до тактика и техника - мислам дека бевме супериорни во се. Имам многу почит кон Италија, но тие се мачеа вечерва, делумно затоа што игравме толку добро, изјави селекторот по мечот.

Де ла Фуенте нагласува дека ова е најдобрата игра на „фуријата“ откако стана тренер во декември 2022 година.

-Шпанските играчи се најдобри во светот, морам да го истакнам квалитетот на оваа генерација играчи. Ги познавам и одвнатре и однадвор, како што тие ме знаат мене. Воодушевен сум, но се уште не сме постигнале ништо. Победивме неколку важни натпревари, но фудбалот може да биде суров, затоа мора да бидеме внимателни, скромни и полни со почит, вели тој.

Шпанија ја совладаа Хрватска пред Италија, а во последното коло во понеделник од 21 часот ќе се сретнат со растеретената Албанија.

-Дури и од страна се гледаше дека ова е првокласна игра. Единствениот минус е што не реализиравме повеќе шанси. Најмногу ми се допаѓа работната етика на играчите и тоа како знаат да се однесуваат во различни фази од играта, заклучи Де ла Фуенте

The post Шпанија досега најмногу покажа на Европското првенство appeared first on Република.

Во сенка на тензиите на трбините поминува официјалната химна на Европското првенство. Песната „fire“ ја исполнуваат Оne republic, Meduza i Leonny.

Станува збор за бледа песна која брзо ќе падне во заборав

Слушнете ја.

https://www.youtube.com/watch?v=C5B22ONbFrc

The post Бледо: Oва е официјалната химна за Европското првенство appeared first on Република.

Селекторот на италијанската фудбалска репрезентација Лучијано Спалети го сподели своето мислење за претстојниот натпревар со шпанскиот тим на Евро 2024 година.

- За нас сега сите првенствени натпревари се дерби. Така е секогаш на големите турнири. Ова се натпревари кои се единствени. И јас ги третирам со најголема грижа, изјави Лучијано Спалети во пресрет на вечерашниот натпревар.

Средбата е закажана за вечер во 21 часот во Гелзенкирхен

The post Вечерва супер дерби Италија-Шпанија appeared first on Република.

Домаќинот на ЕВРО2024 Германија ја забележа втората победа во групата А, совладувајќи ја вечерва во рамки на второто коло Унгарија во Штутгарт со 2-0.

Стрелци на головите беа Џамал Мусијала во 22 минута и Гундоган (67), кој асистираше при водечкиот гол.

Со својот втор триумф Германија е првата репрезентација која обезбеди пласман во осминафиналето.

Второто коло во групата А ќе се комплетира вечерва по одигрување на дуелот меѓу Швајцарија и Шкотска. ег

The post Германија е веќе во втората фаза на ЕП appeared first on Република.

Албанија одигра нерешено против Хрватска.2-2 во Хамбург е повеќе од заслужено бидејќи Албанија беше подобра, посебно во првиот дел. Иако Албанците поведоа, „коцкестите“ се вратија во игра. Но во финишот на мечот Џакула и донесе бод на својата репрезентација.

Со поделбата на бодовите, и Хрватска и Албанија се подеднакво далеку од пласман во втората фаза.

https://republika.mk/sport/fudbal/zasekogash-braka-albanskite-i-hrvatskite-navivachi-zaedno-navivaat-protiv-srbija/

The post Дали сега ќе бидат браќа: Албанија и одзеде два бода на Хрватска appeared first on Република.