Игор Гиевски е избран за нов член на Управниот одбор на ЕВН Македонија. Гиевски, кој е роден 1976 година е дипломиран електроинжиниер, доктор на електротехнички науки.

Гиевски важи за човек со големо работно искуство. Тој претходно ја вршеше функцијата член на УО на ЕВН Македонија, во периодот од 2010 до 2018 година. По неговиот успешен осумгодишен мандат, беше назначен за Управител на ЕВН Македонија Електрани, каде беше на позиција до 2022 година. Гиевски го продолжува својот ангажман за Групацијата ЕВН и Управниот одбор на ЕВН Македонија во областа на обновливи извори на енергија.

Промените во раководната и организационата структура во ЕВН Македонија стапуваат на сила од 1 јули годинава.

The post Игор Гиевски нов член на Управниот одбор на ЕВН Македонија appeared first on Република.

Со пуштање во употреба на новата трафостаница „Штип 1“ се поттикнува локалниот развој во штипскиот регион. На официјалниот старт со работа на трафостаницата присуствуваа претседателот на Управниот одбор на ЕВН Македонија, Волфганг Маиер и градоначалникот на општина Штип, Иван Јорданов.

Задоволувањето на потребите на нашите корисници и сигурноста во снабдувањето се секогаш клучни фактори во креирањето на долгорочните цели на компанијата. Среќни сме што им овозможуваме на граѓаните на Штип уште поквалитетно снабдување со електрична енергија и ги поддржуваме нивните идеи за производство на електрична енергија од обновливи извори, изјави претседателот на Управниот одбор на ЕВН Македонија, Волфганг Маиер.

Во рамките на посетата беше разговарано за можностите за дополнителни инвестиции во дистрибутивната мрежа, а во интерес на локалниот развој.

Градоначалникот на општина Штип, Иван Јорданов изрази благодарност до компанијата и најави дека соработката меѓу општината и компанијата ќе продолжи и во иднина.

Со одлична соработка достигнавме уште една значајна цел која контуинирано ќе служи за доброто на граѓаните. Со ова значително се подобрува квалитетот на живот, но и условите за водење бизнис и за инвестирање во зелена енергија што е во согласност со нашата Стратегија за енергетска ефикасност, а со која е предвидено употребата на обновлива енергија да се зголеми за 20%  до 2026 година, изјави Јорданов.

Последната надградба на трафостаницата „Штип 1“ им овозможува на постоечките корисници на штипскиот регион сигурно и квалитетно снабдување со електрична енергија и покрај приклучувањето во дистрибутивната мрежа на идните потрошувачи и потенцијалните производители од обновлива енергија. Оваа обемна инвестиција вредна 2 милиони евра директно го поттикнува и поддржува економскиот развој на околината на Штип, земајќи ја превид забрзаната динамика и зголемената заинтересираност на граѓаните за изградба на производствени капацитети од обновливи извори на енергија.

The post Пуштена во употреба високонапонска трафостаница во Штип appeared first on Република.

Дефект во трафостаницата „Битола 3” , синоќа и денеска предизвика дел од битолското градско подрачје, како и населените места Долно Оризари и Карамани да останат без електрична енергија.

Од ЕВН Македонија информираат дека екипите веднаш излегле на терен, но дека дефектот е комплексен.

Снабдувањето со електрична енергија се нормализираше уште вчера, а дел од корисниците, за жал, се уште се соочуваат со прекин во снабдувањето бидејќи дефектот е многу комплексен. Екипите се уште работат на санација на овој дефект од посериозни размери, соопшти Вјоса Селими, портпарол на ЕВН Македонија.

Се очекува во текот на денот снабдувањето со електрична енергија да се нормализира.

The post Дефектот во битолско е комплексен, се работи на терен appeared first on Република.

Екипите на Електродистрибуција од цела држава ја поминаа ноќта на терен, санирајќи дефекти во многу лоши теренски и временски услови.

Како што информираат од ЕВН Македонија, екипите се уште работат на отстранување на вчерашните и новонастанатите дефекти од утринава.

- Оваа кризна состојба налага соодветна реакција од нашата компанија и затоа во вакви услови се користат апсолутно сите мобилни екипи на располагање. ЕВН воедно вложува енормни напори да се отстранат и дефектите кои се појавија во непристапни места, каде што екипите на Електродистрибуција физички не може да стигнат поради лошите теренски услови, соопштија од ЕВН.

Обилните врнежи од снег предизвикаа голем број дефекти на среднонапонска и нисконапонска мрежа. Жители од повеќе населени места останаа без снабдување со електрична енергија.

The post ЕВН: Екипите цела ноќ работеа на отстранување на дефектите на терен во екстремни временски услови appeared first on Република.

Само за една година, според некои пресметки на луѓето вработени во ЕВН кои секојдневно се на терен, околу 50 милиони евра е вредноста на украдената струја само од Скопскиот регион. Вработен во ЕВН, кој разбирливо сакаше да остане анонимен, вели дека само во Општина Арачиново за една година се краде или не се плаќа струја во вредност од 6 милиони евра. Власта, и локалната и централната, ги има овие податоци, но молчи, објави порталот МКД.мк.

ЕВН како компанија со години се обидува да го унапреди системот за ефикасна наплата на сметките за струја, од 2014 година досега инвестираше десетици милиони евра во зајакнување на електричната дистрибутивна мрежа само кон Арачиново...

Според неофицијалните податоци на вработен во ЕВН, во февруари годинава загубите на електрична енергија само во Арачиново изнесуваат околу 80%. Трафостаницата број 6 со број 381145 поради кражба на струја бележи загуба од над 56%. Трафостаницата број 1 со број 380396 поради кражба на струја бележи загуба од над 65%. Трафостаниците 10, 3, 8 и 9 со соодветните броила бележат загуби од 70% поради кражба на струја, трафостаниците со броеви 5, 4, 2, 13 и 11 со соодветните броила бележат загуба од над 80% поради кражба на струја, трафостаницата број 12 со број 381392 е со рекордна загуба од 96% поради кражба на струја. Сите се на територијата на Општина Арачиново. Ова се делови од официјалните извештаи на ЕВН за оваа општина.

Целиот текст тука

The post Во Скопје се краде струја во вредност од 50 милиони евра, само Арачиново краде 6 милиони евра appeared first on Република.