Македонската одбојкарска репрезентација загуби вечерва во Скопје од Полска со 3-0 (12-25,21-25,14-25) и со тоа го претрпе првиот пораз во третиот натпревар во групата Ц на Европското првенство (ЕП) во Скопје.

Полска, која е актуелен освојувач на Лигата на нации, ја оправда фаворитската улога на дуелот во СЦ „Борис Трајковски“ и го продолжи максималниот ефект на ЕП на кое е меѓу главните кандидати за медал.

Македонските одбојкари, кои со стартните победи над Данска и Црна Гора ја остварија првата зацртана цел и изборија историски пласман во осминафиналето, сега ги очекува ден пауза пред завршните два натпревари во групата Ц.

Во вторник противник ќе им биде Холандија, а групната фаза ќе ја комплетираат в среда против Чешка.

The post Прв пораз на македонските одбојкарски херои, пред нас се уште два меча во групата appeared first on Република.

Македонските одбојкари синоќа триумфираа со 3-0 во сетови против Црна Гора, а денеска ги чека натпревар против една од најсилните селекции во светот, Полска.

Александар Љафтов, кој играше одлично против Црна Гора, кажа дека им се остварил сонот.

„Само ние знаеме како стигнавме до тука. Сакам да ѝ честитам на Македонија, на спортската јавност и на сите Македонци кои ни даваат поддршка. Нашиот сон стана реалност. Можеби делуваше дека е лесно, но верувајте ми дека не е така“, кажа Љафтов.

The post Љафтов по победата на Македонија: Ни се оствари сонот! appeared first on Република.

По воведните две победи над Данска и над Црна Гора, со кои речиси сигурно обезбеди историски пласман во осминафиналето, македонската машка одбојкарска репрезентација вечерва против Полска од 20 часот во СЦ „Борис Трајковски“ во Скопје го игра третиот натпревар на Европското првенство.

Вечерашниот противник на македонските одбојкари во рамки на групата Ц е актуелен освојувач на Лигата на нации и поранешен европски, светски и олимписки првак.

Двете репрезентации се на врвот на табелата во групата која се игра во Скопје, а Полјаците се првопласирани поради подобар сет – количник.

Претходно, во рамки на групата Ц ќе играат Данска и Црна Гора во дуел на две репрезентации, кои сè уште се без триумф на Европското првенство.

The post Македонските одбојкари вечерва против Полска на ЕП appeared first on Република.

По два дена пауза, и првата победа на Европското првенство против Данска македонските одбојкари, кои вечерва против Црна Гора од 20 часот во СЦ „Борис Трајковски“ ќе го одиграат вториот натпревар во рамки на групата Ц во Скопје.

Откако ја совладавме Данска со 3 -1 пред нас е можност за историски пласман во осминафиналето, а со победа над Црна Гора избраниците на Јошко Миленковски речиси сигурно ќе обезбедат место во нокаут фазата која ќе продолжи во Бари.

Со вечерашниот дуел ќе се комплетира второто коло во групата Ц во која Полска вчера ја совлада Холандија со 3-1 во сетови, а со идентичен резултат Чешка беше поуспешна од Данска.

Полска води на табелата со максимални шест бодови и сет количник 6-1, а македонската репрезентација е второпласирана со три бодови (3-1). Холандија е на третото место со три бодови (4-3), пред Чешка 3 (3-4), Црна гора 0 (0-3) и Данска 0 (2-6).

Пласман во осминафиналето ќе обезбедат четири најдобро пласирани репрезентации во групата Ц која се игра во Скопје.

The post Одбојкарите вечерва против Црна Гора за историски пласман во осминафинале на ЕП appeared first on Република.

Македонскиот одбојкар, Александар Љафтов, на престојното Европско првенство кое ќе се одржи во Скопје, ќе настапи со специјално дизајнирана опрема. Ќе игра со патики на кои се напишани делови од македонската химна и на кои е нацртано македонското знаме.

Љафтов, кој ќе биде еден од главните адути на македонската репрезентација, објави фотографии со новите патики.

 

View this post on Instagram

 

A post shared by LvL Custom Footwear 👟 (@lvlcustom)

Македонија во среда го почнува настапот на Европското првенство во салата „Борис Трајковски“, а противник ќе ѝ биде селекцијата на Данска.

The post Одбојкарот Александар Љафтов на Европско ќе игра во патики на кои ќе ги има македонската химна и знаме appeared first on Република.

Со натпреварот меѓу кодомаќинот Италија и Белгија вчера почна. Европско првенство за одбојкари на кое на картата домаќини меѓу осумте градови е и Скопје.

Скопје е домаќин на групата Ц во која противници на македонската одбојкарска репрезентација се селекциите на Данска, Чешка, Црна Гора, Холандија и Полска.

Воведниот натпревар на ЕП македонските одбојкари ќе го одиграат утре од 20 часот против Данска во салата „Борис Трајковски“, по што следуваат дуелите против Црна гора (2 септември), Полска (3 септември), Холандија (5 септември) и Чешка (6 септември).

Во групата Б се репрезентациите на Бугарија, Хрватска, Финска, Словенија, Шпанија и Украина, додека групата Д ја сочинуваат Франција, Грција, Израел, Португалија, Романија и Турција.

Пласман во нокаут фазата ќе обезбедат најдобрите четири репрезентации во секоја група.

Осминафиналните и четвртфиналните натпревари ќе се играат во Бари и Варна, додека завршницата во борбата за медали ќе се игра во Рим.

Натпревари од групната фаза ќе се играат и во Перуџа, Анкона и Тел Авив

The post Почна ЕП во одбојка, да ја бодриме Македонија appeared first on Република.

Директорот на Агенцијата за промоција и поддршка на туризмот Љупчо Јаневски и генералниот секретар на Одбојкарската федерација на Македонија (ОФМ), Зоран Карановиќ денеска потпишаа Меморандум за соработка за развој на спортскиот туризам и заедничка промоција на Европското првенство во одбојка за мажи во 2023 година од кое натпреварите во Групата Ц ќе се играат во Скопје од 30 август до 6 септември годинава.

- Спортскиот туризам е уште еден начин на патување кој станува сè попопуларен во светот. Луѓето се почесто патуваат за некој спортски настан на неколку дена и ги искусуваат туристичките понуди и атракции кои им ги нуди дестинацијата. Во таа насока и главните активности во периодот што следи ќе бидат насочени кон организирана промоција и поголема регионална и европска видливост на претстојното Европско првенство во одбојка 2023 (мажи). Ќе мотивираме што поголем број  гости кои освен што ќе ги следат натпреварите, ќе имаат и можност да ги истражат и убавините на градот Скопје. Очекуваме голем број на Холанѓани, Данци, Црногорци, Полјаци и Чеси да го посетат главниот град, да доживеат незаборавни моменти пред, за време и по натпреварите.

Агенцијата за туризам на претстојниот саем во Берлин ќе започне со промоција на Европското првенство во одбојка 2023, односно натпреварите во Група Ц кои ќе се играат во Скопје. Во периодот што следи ќе имаме состаноци со туроператори и хотелиери за да пружиме максимална организираност за сите љубители на овој спорт, изјави директорот Јаневски.

Како што информираат од Агенцијата за промоција и поддршка на туризмот, во Групата Ц во Скопје, македонските одбојкари играат со светската одбојкарска велесила Полска, со Холандија и Чешка, кои се почитувани репрезентации со висок рејтинг, како и со Данска и со Црна Гора. Со нив ќе почне натпреварувањето во арената „Борис Трајковски“ од 30 август.

Идејата за заедничка соработка на ОФМ и Агенцијата за туризам е овој настан да добие туристички аспект, односно да се привлечат што поголем број на странски навивачи кои ќе ја посетат нашава земја во периодот додека се одржуваат натпреварите. Целта е на домашните и странските гледачи да им овозможиме целокупно уживање во елитна одбојка, а во тие рамки да им ја претставиме земјава како атрактивна спортско-туристичка дестинација.

- Посебна чест и задоволство е што денеска потпишавме Меморандум за соработка со Агенцијата за туризам, како државна институција која дава официјална и сериозна поддршка на Одбојкарската федерација на Македонија и на европскиот настан што не чека во месеците август и септември. Добро е што тргнавме од буквата “А” и се надевам дека и останатите институции ќе се вклучат за да од најдобра можна позиција го претставиме нашиот град, државата и овој спортски настан што не чека ова лето, изјави Карановиќ.

The post Знаете ли дека во Скопје ќе се игра Европско првенство во одбојка? appeared first on Република.