Откако минатиот месец го одигра последниот натпревар во дресот на Јувентус и објави дека по 18 години ја напушта Старата дама, 37-годишниот Џорџо Кјелини одлучи кариерата да ја продолжи во американската МЛС лига и да потпише договор со Лос Анџелес, јави телевизијата ЕСПН.

Според истиот извор, се очекува во следните неколку денови Кјелини официјално да стави потпис на соработката со американскиот прволигаш, а подоцна во текот на јуни да ѝ се приклучи на екипата, која во моментов е водечка во Западната конференција во МЛС лигата со пет бодови предност пред второпласираниот Далас.

Кјелини го носеше дресот на Јувентус од 2004 година и со торинскиот клуб освои девет италијански титули и пет трофеи во националниот куп.

Според бројот на настапи за Јувентус е трет на вечната листа зад Алесандро Дел Пјеро и Џанлуиџи Буфон

The post Кјелини потпиша за Лос Анџелес appeared first on Република.

Фудбалерите на Јувентус, Паоло Дибала и Џорџо Кјелини, тренираа со екипата и ќе бидат на располагање за реваншот натпреварот против Виљареал во рамки на осминафиналето во Лигата на шампиони (ЛШ).

Напаѓачот Дибала и дефанзивецот Кјелини го пропуштија првиот натпревар против шпанскиот противник, на 22 февруари во Виљареал, а сајтот „Гол“ објави денеска дека двајцата тренирале со екипата во неделата и би требало да му бидат на располагање на тренерот Масимилијано Алегри.

Првиот натпревар во Шпанија заврши 1-1, а реваншот во Торино е на програмата в среда од 21 часот

The post Дибала и Кјелини подготвени за реваншот со Виљареал appeared first on Република.

Италијанскиот фудбалски прволигаш Јувентус соопшти денеска дека искусниот 37-гoдишен дефанзивец Џорџо Кјелини е позитивен на коронавирус и се наоѓа во домашна изолација.

Позитивни на Ковид-19 во торинскиот клуб претходно деновиве беа и Артур и Карло Пинсољио.

Кјелини пред точно еден месец се вакцинираше со третата доза и беше еден од најгласните фудбалери на Јувентус во јавната кампања во Италија за вакцинирање против Ковид-19.

– Благодарение на вакцините и заштитните маски се бориме да се вратиме во нормала. Сите мораат да ја одиграат својата улога. Вакцинирајте се за ваше добро и за да ги заштитите најранливите категории граѓани, апелираше италијанскиот репрезентативец откако во декември ја прими третата доза вакцина против Ковид-19.

Јувентус го очекуваат два дерби натпревара во Серија А, против Наполи и Рома, на 6 и 9 јануари, а потоа и дуелот од Суперкупот против првакот Интер.

The post Кјелини позитивен на коронавирус, еден месец по третата доза appeared first on Република.