Легендата на Милан, Џенаро Гатузо е нов тренер на Хајдук Сплит, официјално соопштија од хрватскиот клуб.

Тој потпиша договор со тимот до летото 2026 година, а следната недела ќе пристигне во Сплит за да биде претставен пред навивачите на стадионот Пољуд и да започне со работа.

Четириесет и шест-годишниот тренер до неодамна беше на чело на Марсеј, каде што беше на чело на 24 натпревари во периодот од септември 2023 година до февруари 2024 година.

Хрватското првенство ќе биде седмо различно првенство во досегашната тренерска кариера на Гатузо. Неговиот најголем успех како менаџер досега е освојувањето на Купот на Италија со Наполи во 2020 година

The post „Пољуд“ ќе гори-Гатузо дојде во Хајдук appeared first on Република.

Калабриската мафија позната како „Ндрангета“ му задава проблеми на легендарниот италијански фудбалер, а сега тренер, Џенаро Гатузо.

Како што е познато Гатузо во моментов живее и работи во Франција каде што е тренер на Олимпик Марсеј. Па така на удар во татковината сега најмногу е изложена неговата фамилија.

Но, како што наведува угледниот италијански весник „Ил Месаџеро“, Гатузо размислува и семејството да го исели од Италија.

Имено мафијата му врши притисок да и плаќа по 3.000 евра месечно за „заштита“, на што Гатузо се спротивставува. Па поради тоа автомобилот на неговата ќерка два пати, во октомври и декември минатата година беше запален.

Целиот случај е пријавен во полиција, а во истрагата за настанот се приведени две лица како што информираат тамошните власти.

The post Гатузо мета на италијанската мафија appeared first on Република.