На 18-ти јануари во Белград ќе биде одржана премиерата на филмот „Недеља“ кој е биографска приказна за детството на познатиот српски пејач Џеј Рамадановски. Креаторите на филмот одржаа прес конференција и промоција на филмот за медиумите каде открија повеќе детали од снимањето.

Филмот Nedelja, 90 отсто е снимен според вистински настани. Миќа Совтиќ, најдобриот пријател на Џеј, организираше часови и часови за раскажување и благодарение на тие приказни дојдовме до дејствието во филмот.

Тој беше популарна личност и многу се знае за него, но детството е неоткриено, па затоа најмногу се задржавме на тоа. Слушајќи ги тие приказни, сфатив дека неговото творештво настанало потпирајќи се на неговото растење“ – изјави режисерот Немања Ќераниќ.

Продуцентот на филмот, Владан Анѓелковиќ, откри дека најголем предизвик било да ги најдат актерите кои што ќе ја толкуваат главната улога. Тој раскажа како сосема случајно го нашле момчето Ален Исмаили, што ја толкува улогата на малиот Џеј.

Интересно е тоа што малиот Џеј, односно Ален го најдовме така што тој на Скадарлија ѝ пријде на нашата организаторка за да ѝ продаде ружа, таа го сними и утредента дојде на кастинг и ја отпра песната „Недеља“, па сфативме дека покрај сличноста, тој има и неверојатен талент за глума“ – рече Анѓелковиќ.

Кога станува збор за актерот што го толкува возрасниот Џеј, Хусеин Алијевиќ Хуса, авторите на филмот не можеле веднаш да одлучат. Дури 4 месеци размислувале на кого да му ја дадат оваа улога.

Во еден миг кога Хуса се појави и дојде на кастинг, ние сфативме дека и тој го познавал Џеј и дека во 92-ра година бил негов танчар и дека доаѓаат од иста ‘заднина’. Во тој миг знаевме дека тој е вистинскиот и сметам дека тој донесе една автентика за нашиот филм“ – раскажа сценаристот.

Во филмот се појавува и нашата актерка Емра Куртишова на која ѝ припадна честа да ја толкува улогата на мајката на Џеј.

https://www.youtube.com/watch?v=_g-D_itKkmQ

The post На 18 јануари во Белград, премиера на филмот „Недеља“ за Џеј Рамадановски appeared first on Република.

Актерката Јелена Тинска ја шокираше јавноста со изјавата дека естрадните уметници не треба да бидат погребани во Алејата на заслужни граѓани, туку би требало да имаат посебни гробишта. Таа рече дека според неа не е нормално пејачите на народна музика Шабан Шаулиќ и Џеј Рамадановски да бидат веднаш до уметници и поети, налик на Иво Андриќ.

На Милан Гутовиќ му се поклонувам бидејќи не сакаше да биде погребан во Алејата на заслужните граѓани. За пејачите нека направата естрадни гробишта, таму нека бидат погребани, а не во алејата на заслужни граѓани. Па дали гледате дека тука е Иво Андриќ, а веднаш до него Шабан Шаулиќ? Чекајте луѓе, дали тоа има смисла?! Секоја чест на Шабан, Џеј и на останатите од таа област на нивната заслуга, но тоа е Алеја на заслужни граѓани и почна така за да остане во рамките на културата. Што е многу, многу е, но сега не вреди да се дискутира кога повеќе нема никаков ред, рече актерката за српските медиуми.

The post Јелена Тинска со шокантна изјава: Не може Шабан и Џеј покрај Иво Андриќ, нека направат естрадни гробишта appeared first on Република.