Едно лице го загуби животот во сообраќајна несреќа што се случи вчера на автопатот Скопје-Куманово во атар на Агино село, а две лица се повредени, соопшти денеска МВР.

Вчера околу 15:00 часот во СВР Куманово било пријавено дека на автопатот Скопје – Куманово, атар на село Агино село, Кумановско, патничко возило „субару импреза“ со кумановски регистарски ознаки, управувано од шеесет и четиригодишниот И.А. од Куманово, излетало од коловозот. Од здобиените повреди на местото на несреќата починал сопатникот Б.Н. од Куманово, а лекар од Итна медицинска помош Куманово констатирал смрт, соопшти МВР.

Возачот И.А. и сопатничката Д.Н. се здобиле со телесни повреди констатирани во општа болница Куманово.

Извршен бил увид од увидна екипа на СВР Куманово и јавен обвинител, по чија наредба телото на починатиот било предадено на обдукција.

На сообраќајната несреќа интервенирала и противпожарна единица.

The post Еден загинат, двајца повредени откако автомобил излета од автопатот Скопје-Куманово appeared first on Република.

Две девојки се тешко повредени во сообраќајка што се случила ноќеска во Гостивар помеѓу полициско возило „шкода јети“, сопственост на МВР, и патничко возило „пасат“, со гостиварски регистарски ознаки.

Како што соопшти МВР, несреќата се случила на крстосницата меѓу улиците „Седек Костоски“ и „Б. Блажески“ во 04:20 часот. Во полициското возило се превезувале двајца полициски службеници, додека во „пасатот“, управуван од Б.Л. (21) од Гостивар, сопатнички биле М.К. (21) и М.Д. (21), двете од Гостивар.

Во несреќата, М.К. и М.Д. се здобиле со тешки телесни повреди, а другите тројца учесници со телесни повреди, констатирани во Ургентен центар Гостивар. Известени се јавен обвинител и Одделот за внатрешна контрола криминалистички истраги и професионални стандарди, а увид извршила екипа од Полициската станица Гостивар.

The post Две девојки тешко повредени при судир на патничко и полициско возило appeared first on Република.

Во страотен судир на два автомобила, од кој едниот бил „Фиќо“, попладнево во скопската населба Влае се тешко повредени маж и жена, кои биле итно префрлени во болница, објави порталот Скопје1.

Според информациите од очевидци, несреќата се случила во непосредна близина на „Влајко“ и мостот „Обединети нации“.

Засега нема информации за здравствената состојба на повредените.

The post Страшна сообраќајка во Влае, Брза помош пренесе двајца тешко повредени во болница appeared first on Република.