Статусот на Државниот завод за статистика (ДЗС) во системот на државната управа, состојбата со недостаток од стручен кадар во институцијата и лавиринтот низ кој мора да помине за да може да реализира вработувања, беа тема на разговор на средба на заменик министерот за јавна администрација Лазе Јаќимовски со Жан – Пјер Понселет, директор на Директоратот за стандарди, дисеминација и соработка на Европскиот статистички систем и Клаудија Јункер, раководител на одделот Б3 во Статистичкиот завод на Европската унија – Евростат и со директорот на ДЗС Дејан Станков.

Заменик министерот истакнал дека Министерството за јавна администрација е отворено за соработка и посочил дека Законот за административни службеници и Законот за вработените во јавниот сектор се веќе објавени на ЕНЕР и по нив може да се даваат мислења и забелешки согласно потребите на Државниот завод за статистика, кои ќе бидат разгледани од страна на Министерството.

Средбата заврши со можност за продлабочување на соработката и се дадоа неколку предлози од кои произлегува понатамошен дијалог и состанок со работната група по однос на предлог законите, како би можеле да се слушнат потребите на Државниот завод за статистика, информираат од Министерството за јавна администрација.

The post Заменик министерот за јавна администрација со претставници од Евростат и ДЗС appeared first on Република.