Министерот за финансии на Руската Федерација, Антон Силуанов, соопшти дека во рамки на санкциите против Русија, западните земји замрзнале околу половина од руските златни и девизни резерви, односно околу 300 милијарди долари.

Имаме вкупен износ на резерви од околу 640 милијарди долари, а околу 300 милијарди од резервите во моментов не можеме да ги користиме - изјави Силуанов за телевизијата „Русија 1“.

Министерот претходно изјави дека сите буџетски обврски, пред се социјалните, ќе бидат приоритетно ќе бидат исполнети и дека русија има ресурси за тоа.

The post Половна од вкупниот износ: Русија објави колку од златните резерви и се запленети на Запад appeared first on Република.

Пченицата, јачменот, пченката, пченичното брашно, семето од сончеглед и сончогледовото масло од вчера се забранети за извоз. Мерката е времена и ќе трае десет дена, а се воведе за да се заштитат домашното производство, домашниот пазар и граѓаните, како и за да се избегнат секакви шпекулативни дејства на трговците.

Надлежните уверуваат дека простор за паника нема. Државните резерви се полни и ако се оцени дека е потребно, ќе бидат активирани. Се следи и движењето на цените.

Како што истакна министерот за економија Крешник Бектеши, сега не е време за политикантство и шпекулации. Сите чинители, и економски и политички, треба да покажат разбирање и да придонесат за намалување на негативните последици од кризата.

– Граѓаните да бидат мирни и да не стравуваат. Им гарантирам дека државните резерви се стабилни и дека има доволно залихи пченица и пченка за покривање на домашните потреби. Приватните млинови, приватните компании во земјата располагаат со преку 50 илјади тони залихи пченица, преку 10 илјади тони пченка и над 8 илјади тони јачмен што се должи на растот на домашното производство на пченица од 195 илјади тони во 2017 година на 253 илјади тони во 2021 година. Секако, ако се појави потреба, државата е подготвена за дополнување на резервите, но засега за тоа нема потреба. Граѓаните да не потклекнуваат на шпекулации и да не се грижат, рече Бектеши.

Според него, забраната за извоз се носи превентивно, за да не настанат поглеми нарушувања на пазарот.

-Треба да се има предвид дека во вакви времиња одредени трговци се обидуваат да направат поголеми профити. Домашните производители и трговци прво треба да се грижат за домашниот пазар, а не по потреба и по добивање одредени понуди, поголеми цени од странство, да го пренасочат производството за експорт, порача Бектеши.

Презентирајќи ги бројките од Царинската управа, министерот рече дека само во последните 10 дена од земјава се извезени 416 тони масло од сончоглед, 700 тони пченка, 166 тони брашно од обична пченица, два тона брашно од наполица и 174 тони тврда пченица.

-Македонија е држава членува во одредени форуми, вклучувајќи ја и ЦЕФТА, и имаме договори со сите, но кога имаме еднострана одлука од наш сосед секако дека ние мора ние да се грижиме за нашите граѓани првично, а секако дека кога ќе имаме дополнителни количини како што имаме и сега, затоа е и времена мерката, ќе дозволиме и извоз, но најважно од се е трговците, производителите да знаат дека сите овие мерки, овие 400 милиони евра кои ги дава Владата се средства на граѓаните, се со цел да нема ценовни шокови од страна на домашното производство, од страна на трговците на големо на овие одредени производи. Првично, треба целосно да се покрие домашниот пазар со подобри цени, а се што е повеќе од тоа ние ќе дозволиме да се извезува, објасни Бектеши.

И државниот советник во Министерството за земјоделство, шумарство и водостопанство Трајан Димковски потврди дека во моментов нема поголемо нарушување на пазарот, поради што нема ниту потреба од активирање на државните резерви пченица.

-Има доволно лебно жито во млиновите, а планот на кој работиме со коморите во наредните денови ќе го доставиме до српската Влада и во тој дел ќе продолжиме со разгоговорите со цел редовно снабдување, истакна Димковски.

Тој информира дека се разгледуваат и други мерки за поддршка: 25 отсто субвенција на вештачките ѓубрива кои се главни во прихранување на посевите, пред се на пченицата и јачменот, зголемување на поддршката за „зелена нафта“ ако продолжат да поскапуваат бензините, а калкулацијата ќе се направи во април, како и обезбедување финансиска поддршка за складирање на пченицата за што трошоците на земјоделците ќе бидат покриени. Моментно, дополни, има и 7.000 хекатри државно земјоделско земјиште кое набргу ќе биде објавено на повик. Земјоделците ќе може да аплицираат, но со назнака дека земјиштето треба да е наменето за производство на пченица и јачен, односно за поледелски култури.

Прогнозите во светски рамки се дека поради урско-украинскиот конфликт цените на храната може да се зголемат од осум до 20 отсто. Според Организацијата за храна и земјоделство на ОН (ФАО), не е јасно дали Украина ќе може да собира житни култури за време на долготрајниот конфликт, а има неизвесност и околу рускиот извоз на храна. Како што посочува ФАО, Русија беше најголемиот светски извозник на пченица, додека Украина беше петта по големина. Двете земји, заедно, обезбедуваат 19 отсто од светската понуда на јачмен, 14 од пченица, четири проценти од пченка, сочинувајќи над една третина од глобалниот извоз на житни култури.

The post Триесет дена забранет извозот на житарки и масло appeared first on Република.

„Ако ние пред 4 месеци знаевме дека ова може да се случи, потребно било да се подготвиме. Доколку ние сме ги наполниле веќе стоковите резерви, ако сме резервирале за иднината и ако сме направеле трансакции за да обезбедиме тогаш ќе платевме поевтини цени и немаше ова да ни се случува“, посочи претседателот на ВМРО-ДПМНЕ, Христијан Мицкоски во гостување во емисијата „Заспиј ако можеш“ на телевизија Алфа.

Мицкоски додаде дека состојбата со државни резерви е катастрофална и затоа никој не кажува ништо. Не очекувам никаков план, стратегија и визија ниту пак некој во државава очекува од нив нешто. Целата стратегија нивна се движи по инерција односно системот сам се движи.

„Во моментов состојбата на буџетот со приливи и расходи е со 13 милиони евра дефицит односно околу 215 милиони евра тие повеќе потрошиле отколку што имаат приход. Тие ќе продолжат да трошат затоа што планот нивен е да позајмат пари на домашниот пазар, но во моментот претпоставувам тоа не е возможно така како што тие планираат бидејќи и тие кои позајмувале пари односно банките веќе имаат позајмено“, рече Мицкоски.

Мицкоски потенцираше дека за жал оваа неспособност и отсуство на стратегија ќе ја плаќаат нашите деца, односно сите граѓани.

„Факт е дека од септември, октомври минатата година до февруари оваа година државните резерви и покрај тоа што цената на златото е покачена тие се намалени за некој си 300 милиони евра. За неколку месеци ние имаме помалку од 300 милиони евра државни резерви иако во меѓувреме цената на златото е покачена, а доколку цената беше иста тогаш се околу 350 милиони евра и тоа се пари кои се трошени од државните резерви“, заклучи Мицкоски

The post Мицкоски: Имаме помалку за 300 милиони евра државни резерви appeared first on Република.

Изминативе денови, покрај ситуацијата што се случува во Украина, имавме прилика на медиуми да слушнеме изјава од Пендаровски дека тој знаел уште на 8 ноември минатата година, дека ќе има војна меѓу Русија и Украина, и цели 5 месеци државниот врв не преземал ништо во однос на обезбедување на залихи и подготовка за кризна ситуација. Дури по четири месеци ,на 24 Февруари, е свикан Советот за безбедност, на кој очигледно не се донесени мерки за заштита на нашите граѓани од последиците кои ги предизвикува оваа војна“, вели Анастасија Илиевска од ВМРО-ДПМНЕ.

The post Илиевска: Власта иако знаела за војната во Украина, 5 месеци не преземала ништо за да ги наполни државните резерви appeared first on Република.