Хрватска потпиша договор од 86 милиони евра за набавка на шест беспилотни летала Бајрактар ТБ2 од Турција, со рок на испорака до 2026 година.

Дроновите Барјактар ​с​е познати по својот успех во глобалните конфликтни зони каде што противникот нема модерна заштита од воздушна одбрана.

Поради своите карактеристики Бајрактар ​​ТБ2 продолжува да привлекува меѓународни купувачи.

The post Хрватска ќе купува шест турски борбени дронови Бајрактар за 86 милиони евра appeared first on Република.

По распадот на владејачката коалиција во Германија, можно е одложување на одлуката за натамошни испораки на оружје за Украина, особено во снабдувањето со беспилотни летала, коментираат германските медиуми.

Конкретно станува збор за одложување на испораката на 812 извидувачки беспилотни летала на компанијата „Квантум“, вредни 153 милиони евра, објави „Шпигел“.

Весникот наведува дека, пред распадот на коалицијата, германскиот канцелар Олаф Шолц разговарал за прашањето за доделување дополнителни три милијарди евра за воена поддршка на Украина.

Оваа година германската влада веќе испрати оружје во вредност од речиси осум милијарди евра во Украина, но буџетот за овие трошоци е исцрпен.

Истовремено, Украина инсистира на донесување одлуки за понатамошна испорака на оружје, пред вонредните парламентарни избори во Германија.

Мора да се направи сè за да се обезбеди непречено спроведување на планираните налози и финансирање на дополнителна помош во новата година“, вели украинскиот амбасадор Алексеј Макеев во интервју за „Шпигел“.

Германија годинава веќе испорача 348 извидувачки беспилотни летала „Вектор“, од компанијата „Квантум“ во Украина, а до крајот на годината на фронтот треба да пристигне уште еден пакет од 127 беспилотни летала.

Планирана е и испорака на до 4.000 борбени дронови од друг германски производител, но Украина засега се воздржува од откривање детали за типот на овие дронови.

The post „Шпигел“: Распадот на коалицијата во Германија ја загрозува испораката на дронови во Украина appeared first on Република.

Српската фабрика за авиони Утва потпиша договор со кинеската компанија АЛИТ, со кој се предвидува да се создаде центар за одржување на беспилотни летала на кинескиот производител, како и на српските беспилотни летала „Врабац“ и „Пегаз“.

Токму АЛИТ учествуваше во развојот и производството на авионите CX-92A и CX-95, како и ракетите ФT-8 за нив. Сето тоа е во служба на војската на Србија.

Во соработка со оваа компанија е развиен првиот голем проект на српскиот борбен дрон „Пегаз“. Наскоро во Панчево ќе почне сериското производство на „Пегаз“.

The post Српска и кинеска компанија во Србија ќе создадат центар за воени дронови appeared first on Република.

Украина синоќа беше нападната со 145 руски дронови, што е рекорд, соопшти украинскиот претседател Володимир Зеленски на Х.

Украинските воздухопловни сили денеска соопштија дека 62 од тие 145 дронови биле уништени во 13 региони во земјата.

Украинското воздухопловство истакна дека бројот на дронови во синоќешниот напад го надминал претходниот „рекорд“ од 135 дронови на 18 октомври. Тие прецизираа дека 67 дронови исчезнале од радарите, а други влегле во воздушниот простор на соседите на Украина, Белорусија и Молдавија, јави ДПА.

Најпогоден е црноморскиот град Одеса, каде се оштетени домови, продавници, автомобили и гаражи, соопштија украинските власти. Пријавени се и повредени, без да се наведат детали.

Руското Министерство за одбрана претходно денеска соопшти дека рано утрово одбило 70 напади со украински дронови, од кои 34 биле пресретнати во московскиот регион. Една жена се здобила со изгореници откако остатоци од соборен дрон паднале врз нејзината куќа По неколку часа прекин, главните аеродроми во Москва повторно работат.

The post Украина синоќа беше нападната со рекордни 145 руски дронови, соопшти Зеленски appeared first on Република.

Министерот за одбрана Владо Мисајловски, во „Клик Плус“ на ТВ21 рече дека институциите сериозно треба да ги испитаат индициите за следење на премиерот Христијан Мицкоски, кој во Собранието обелодени дека бил следен од власта со дронови додека бил во опозиција.

Ја имавме првата конститутивна седница на Советот за безбедност, каде што можевме да ги слушнеме моменталните состојби во Македонија и пошироко, имаа излагања и АНБ, и Генералштабот. Можам да кажам дека безбедносната ситуација во Македонија е стабилна, но многу треба да водиме сметка за многу повратници од жаришта, и за протекување многу доверливи информации меѓу службите. Особено онаа информација која протече дека премиерот го следеле додека бил претседател на опозицијата, но и многу лица од опозицијата, и тоа мора да се истражи, рече Мисајловски.

The post Мисајловски: Сериозно треба да се истражат индициите дека Мицкоски бил следен со дронови appeared first on Република.

Албанија ќе продолжи да се вооружува во 2025 година, за што во Предлог-буџетот за следната година предвидени се околу 180 милиони лека (98 лека=1 евро) за набавка на беспилотни летала.

Беспилотните летала ќе бидат опремени заедно со командни и контролни системи. Првите шест авиони купени од Турција се веќе поставени во базата на НАТО во Кучово, додека за време на посетата на Тирана турскиот претседател Реџеп Таип Ердоган изјави дека ќе донира и други камикази - беспилотни летала за Албанија, објави „Ора њуз“.

Според истиот извор, друго финансирање ќе биде заштитата од напади, за што се предвидува продолжување на проектот „противвоздушен систем на национално ниво“ вреден 271 милиони лека, но кој се очекува да трае до 2027 година со вкупно 20 милијарди лека.

Зголемувањето на капацитетот нема да застане тука. Албанија и следната година планира да купи хеликоптер „УХ 69 Блек Хок“, за што е предвидена сума од 6,6 милијарди лека. Друга иновација ќе биде купувањето авиони со повеќенаменски цели. Се очекува да се инвестираат 1,3 милијарди лека, наведува телевизијата.

Нивната намена ќе биде за гаснење пожари, но и за помош на луѓе заглавени во непристапни предели.

The post Албанија ќе купува дронови, системи за противвоздушна одбрана и хеликоптери appeared first on Република.

Претседателот на Владата Христијан Мицкоски на денешната седница за пратенички прашања, потенцираше дека кога СДСМ и ДУИ биле на власт незаконски ги следеле лично него и ВМРО-ДПМНЕ и тоа со дронови, но им порача дека за сите тие оперативно технички состојби ќе има одговорност и затоа е стравот сега кај истите кои следеле и нарачувале.

„До поранешниот министер за внатрешни работи кој е тука, до него не допираше гласот, но затоа се дигаа дронови над мојата куќа, кога сум одел и на терен во Прилеп и тоа е се во белешките на службите кои треба да разузнаваат и контраразузнаваат. Го разузнавале претседателот на опозицијата со дронови оперативни и оперативно технички средства. Нормално е тоа? И сега се уплашени и од свиркачи добиваат информации, за сето тоа што мора да има одговорност“, изјави премиерот одговарајќи на пратеничко прашање од пратеникот Венко Филипче.

Премиерот Мицкоски потенцираше дека кога ќе дојде редот за одговорност, јавноста ќе дознае, но Владата нема да прави од тоа театар како што правеше претходната власт, од систем кој е од витално значење за државата.

„Сето тоа ќе биде презентирано на затворена седница и сето тоа да се декласифицира. Вие го следевте лидерот на опозицијата со дронови, сега пишуваат анонимни писма, колку сакаат нека пишуваат нема спас, не им бега одговорност“, изјави Мицкоски.

Премиерот Мицкоски што се однесува за сертификатот на директорот на АНБ Бојан Христовски, му порача на Филипче да си го смени тимот кој го брифира, затоа што не 5 години туку 9 има таков.

„Има институции кои тоа треба да го проверат, вие сте решиле да правите политика од тоа, легитимно е, мислите дека на тој начин ќе добиете нешто. Не мислам дека добивате, но ако мислите вие терајте, но не добивате. Ќе ви дадам сличен сертификат од личноста која седи до вас. Знаете колку има такви сертификати? Сакате за директорите кои ги назначи СДСМ да ги видите сертификатите? Немојте на тоа да правите политика, има институции во државава кои треба да водат сметка, овие сертификати ќе ги дадам на министерот за внатрешни работи“, изјави премиерот Мицкоски.

The post Мицкоски: Власта на СДСМ и ДУИ незаконски, па и со дронови ја следела ВМРО-ДПМНЕ, ќе има одговорност за тие оперативно технички состојби, затоа сте уплашени appeared first on Република.

Франција денеска најави дека во следните неколку недели ќе организира испорака на нови дронови-камикази на Украина.

Францускиот министер за одбрана, Себастиен Лекорну, денеска на мрежата Х објави дека успешно е тестирана првата француска ракета со далечинско управување, наречена и дрон-камиказа.

„Испораките за Украина и нашите сили ќе започнат во наредните недели“, напиша тој.

Министерот додаде дека Франција го совладала тој сегмент од клучно значење за француската армија и тоа за помалку од две години.

Објавата вклучува и видео од пробното лансирање и експлозија на дронот.

Лекорну претходно изјави дека француската воена помош за Украина ќе надмине две милијарди евра во 2024 година и дека ловците ветени на Киев ќе бидат испорачани во првиот квартал на 2025 година, пренесуваат руските медиуми.

Авионите ќе бидат опремени со ново оружје воздух-земја, рече тогаш Лекорни и потсети дека Франција продолжува да ги обучува украинските пилоти и механичари.

The post Франција најави испораки на нови дронови-камикази на Украина appeared first on Република.

Русија синоќа истрела 68 беспилотни летала и четири ракети врз Украина, соопшти украинската армија.

Две балистички ракети Искандер-М ги погодија регионите на Полтава и Одеса, а две ракети Х-59 беа лансирани кон регионите Чернихив и Суми, соопштија украинските воздухопловни сили на апликацијата за комуникација Телеграм.

Украинските сили за противвоздушна одбрана, наводно, уништиле 31 дрон.

The post Русија ја нападна Украина со 68 дронови и четири ракети appeared first on Република.

Неверојатна видео проекција изведена со 10.197 беспилотни летала беше одржана во паркот Шенжен Бе, во кинескиот град Ксиан, соборувајќи два Гинисова рекорди, со што почнаа серија претстави за одбележување на Националниот ден на Кина

Поставен е рекорд во категоријата „најмногу беспилотни летала во воздухот истовремено под контрола на еден компјутер“ и „број на дронови кои формираат снимка од воздух“.

Беспилотните летала проектираа слика на Кинескиот ѕид, змеј, тигар и други фигури.

Беспилотните летала приредија шоу во воздухот, при што, џиновски тигар висеше во воздухот речиси една минута.

The post Неверојатно видео шоу со дронови во Кина влезе во Гинисовата книга на рекорди appeared first on Република.

Од Белата куќа изразија сериозна загриженост по наводите во некои медиуми дека Русија работи на таен проект за производство на ударни беспилотни летала во Кина. Се дознава дека станува збор за пример каде една кинеска компанија помага на руска компанија која е под американски санкции.

Според извори во Белата куќа, САД засега немаат докази дека кинеската влада знае за оваа зделка или дека учествува во пружање помош на Москва за вакви деструктивни оружја, прецизира претставникот на Советот за национална безбедност.

-Сепак, владата на НР Кина… е одговорна да осигури дека нејзините компании не обезбедуваат ваква смртоносна помош, додаде тој.

Според два извора од европските разузнавачки служби од документи споделени во некои американски медиуми, Русија создала програма во Кина за развој и производство на ударни беспилотни летала со долг дострел на дејство, за да ги користи во војната против Украина.

-САД се подготвени веднаш да преземат мерки против наведените кинески компании, како и да утврдат кои банки помогнале во спроведувањето на трансакциите со руската организација која е под санкции, изјави претставникот.

Станува збори за модернизирани верзии на беспилотникот „Харпија А1“ што се прави во Ижевски електромеханички завод „Купола“. При тоа, како што се дознава од извештаите, се употребуваат кинески мотори и делови.

The post САД сериозно загрижени по наводите дека постои руско-кинеска тајна програма за производство на воени дронови appeared first on Република.

Руското Министерство за одбрана соопшти дека руските системи за противвоздушна одбрана ноќеска собориле 101 украински беспилотно летало, главно над областа Брјанск, покраината Краснодар и Азовското Море.

Како што се наведува со соопштението, 53 беспилотни летала биле пресретнати и уништени над регионот Брјанск, 18 над регионот Краснодар, пет над регионот Калушка, по три беспилотни летала над регионите Твер и Белгород и по еден дрон над областите Смоленск и Курск и Крим. 16 украински беспилотни летала беа соборени над Азовското Море.

Руските воздухопловни сили синоќа со наведувани бомби го нападнале центарот на украинскиот град Харков, соопштија локалните власти. Во градот одекнале експлозии, а за гранатирањето информирал Олег Синегубов, шеф на регионалната воена управа во Харков.

The post Масовен украински напад врз Русија: Руските сили собориле над 100 дронови над неколку области appeared first on Република.

Припадници на терористичкита група блиска до ИСИС, Хајат Тахрир ал Шам, добиле пратка со беспилотни летала од Украина, додека властите во Киев во замена побарале искусни борци за да бидат испратени на фронтот против руските сили. Како што пишува сирискиот весник Ал-Ватан, шефот на украинското разузнавање, Кирил Буданов, одржува редовен контакт со водачот на Хајат Тахрир ал-Шам во врска со регрутирањето борци на териториите под контрола на група  во провинциите Идлиб и Алепо во Сирија.

Хајат Тахрир ал-Шам, до 2017 година позната како Џабхат ал Нусра, е џихадистичка терористичка организација која моментално контролира половина од сириската провинција Идлиб, како и делови од провинциите Хама, Алепо и Латакија.

САД и земјите од НАТО не го класифицираат Хајат Тахрир ал-Шам како терористичка група, а наместо тоа ја означуваат како дел од таканаречената сириска опозиција. Оваа класификација ги олеснува контактите со нејзините милитанти.

The post Украина испраќа дронови на група блиска до ИСИС, а за возврат добива искусни борци за на фронтот против руските сили appeared first on Република.

Руската војска ноќеска со беспилотни летала ги нападна градот и регионот Одеса. Сирените во украинскиот црноморски град биле активирани во 00:57 часот, пренесува БТА.

Во Одеса се слушнале силни експлозии, а локалните власти го повикаа населението да остане на безбедни места.

На брегот на Црното Море кружат 10 дронови кои постојано маневрираат, јавуваат украинските медиуми. Под закана се градовите со капитална инфраструктура - Одеса, Черноморси, Јужни, Вилково, Белгород Днестровск и Затока.

Во текот на ноќта, руските сили 84 пати гранатирале 15 погранични области на украинскиот регион Суми, при што загинале две лица, а девет се ранети, соопштија регионалните власти.

Регионот Сума долго време е цел на руско гранатирање. Се наоѓа наспроти јужниот руски регион Курск, кој украинските сили го нападнаа на почетокот на август.

Градоначалникот на Харков, Ихор Терехов, објави дека руските сили ја нападнале и областа Холоднохирски, пренесува Укринформ. Во нападот нема жртви и повредени, предузвикана е само материјална штета.

The post Русите со дронови ја нападнаа Oдеса, под закана се и други украински градови на брегот на Црното Море appeared first on Република.

Во текот на ноќта руските сили го нападнаа Киев со беспилотни летала од различни правци, а противвоздушната одбрана го одби нападот, кој помина без жртви, изјави денеска шефот на градската воена управа Сергеј Попко.

Седми воздушен напад на руските окупатори на Киев во септември. Непријателот повторно употреби нападни беспилотни летала, првично од типот 'Шахед'... Тревогата за воздушен напад на главниот град беше објавена три пати во Киев и траеше вкупно околу два часа, напиша Попко на Телеграм.

Според него, руските сили ги лансирале првите групи дронови пред полноќ, но во текот на ноќта се повеќе беспилотни летала биле лансирани во украинскиот воздушен простор. „Исто така, руски нападни беспилотни летала постојано влегуваа во Киев, од различни правци, главно еден по еден“, рече Попко.

Тој истакна дека силите за противвоздушна одбрана ги собориле сите цели на приодите кон главниот град.

Според оперативниот извештај, во Киев нема жртви ниту материјална штета.

Исто така, од беспилотни летала „Шахед“ 14 лица се повредени во масовниот напад на руската армија врз градот Конотоп во областа Суми, соопшти денеска регионалната воена управа.

Ноќта на 12 септември непријателот изврши масовен воздушен напад врз објектите на енергетската и цивилната инфраструктура на општина Конотоп. Русите употребија беспилотни летала од типот Шахед, насочувајќи ги кон станбени згради, образовни и медицински установи, се наведува во соопштението.

The post Руските сили ноќеска во бранови го гаѓаа Киев со дронови appeared first on Република.

Една жена загина, а три лица се повредени во напад со дрон на украинската армија во текот на ноќта врз Москва, соопшти гувернерот на Московската област Андреј Воробјов.

Претходно беше објавено дека жртва на нападот со дрон било деветгодишно момче, што Воробјов го негираше, пренесуваат руските медиуми.

Почината е 46-годишна жена (претходно имаше информации за смрт на деветгодишно момче, што не беше потврдено)“, напиша Воробјов на платформата Телеграм.

Тој додаде дека две лица се хоспитализирани во болница во областа Рамен.

Во текот на ноќта руските системи за противвоздушна одбрана соборија дваесетина украински беспилотни летала над московските населби Подолск, Раменскоје, Либерци, Думдедово и Коломна.

Во Раменски од нападот оштетени се две станбени згради.

Московските аеродроми Домодедово и Внуково привремено ги прекинаа летовите.

Руското Министерство за одбрана утринава соопшти дека во текот на ноќта биле пресретнати и уништени вкупно 144 украински беспилотни летала, што биле лансирани во девет руски региони.

Претходно, регионалните власти известија дека се уништени 75 дронови.

Според ажурираните информации на руското Министерство за одбрана се наведува дека 72 беспилотни летала се уништени или пресретнати над регионот Брјанск, 20 над Московскиот регион, 14 над регионот Курск, 13 над регионот Тула, осум над регионот Белгород , седум над Калуга, пет над Воронежската област, четири над Липецката област и еден над Ориолската област“.

The post Mасивен напад со дронови врз Москва и други девет региони appeared first on Република.

Лидерот на Cеверна Кореја, Ким Џонг Ун, го предводеше тестирањето на различни видови нови дронови развиени во Националната одбранбена академија на земјата.

Според Корејската централна новинска агенција, беспилотните летала се дизајнирани да „ги погодуваат сите копнени и поморски цели на различни дострели“.

По успешните тестови, Ким Џонг Ун повика што поскоро да бидат ставени во употреба најновите беспилотни летала во Корејската народна армија.

The post Ким доби нови „играчки“: Cеверна Кореја успешно тестираше серија нови воени дронови appeared first on Република.

Руската агресија врз Украина, која трае веќе две и полгодини, покажа дека фундаментално е променет начинот на модерното војување, но и планирањето на воените операции. Од почетокот на конфликтот, и Украина и агресорот Русија во голема мера се потпираат на балистички ракети, бомбардирање цели од воздух, а особено на беспилотни летала (UAV) и помали беспилотни летала.

Руските сили за противвоздушна одбрана синоќа уништија 14 беспилотни летала истрелани од Украина врз Курск, Вороножка и Белгородската област.

Според руското Министерство за одбрана 12 дронови се соборени над Курската област и по еден над Воронежка и Белгородската област.

Руското МО не соопшти колку дронови истрела Украина во текот на ноќта

The post Дали дроновите се семоќни во војна? appeared first on Република.

Како што веќе најави директорот на Бирото за јавна безбедност при МВР, Александар Јанев, а во насока на рана превенција од пожари, полициските служби започнаа со употреба на дронови за мониторирање на шумските појаси на територијата на државата.

https://youtu.be/7kqTxO0AAVA?si=tosKQS-4em5mcRWl

Внимавајте кога се движите по шумите, по нивите, полињата, да не се фрлаат отпушоци, да не се палат стрништа, сепак, општото здравје и човечките животи се нешто најскапоцено, а подметнувањето на пожари е криминал од највисок степен, рече Јанев по посетата на тромеѓата помеѓу селата Расино, Косел и Опејнца, каде гореше борова шума.

Ќе бидат ангажирани сите расположливи дронови, додал Јанев, кои ќе бидат во функција 24 часа заедно со термалните камери, се со цел откривање на можни сторители-подметнувачи на пожари.

The post Полициски дронови веќе патролираат над шумите, се лоцираат нови пожари и подметнувачи appeared first on Република.

Шест земји од НАТО планираат да развијат „ѕид на дрон“ за одбрана на границите со Русија.

Министрите од Финска, Норвешка, Полска и трите балтички земји во текот на викендот изјавија дека разговарале за создавање координиран систем за беспилотни летала долж нивните граници со Русија за да „спречат шверц и понатамошни провокации“, објави Фајненшл тајмс.

„Ова е сосема нова работа – ѕид од дронови што се протега од Норвешка до Полска – и целта е да се користат беспилотни летала и други технологии за да се заштитат нашите граници од провокации од непријателски земји и да се спречи шверцот“, изјави литванската министерка за внатрешни работи Агне Билотаите за Baltic News. Сервис.

Сите шест земји се соочија со, како што велат, таканаречените хибридни напади од Русија во последните месеци и години, вклучително и испраќање баратели на азил од Африка и Блискиот Исток преку нивните граници.

Мари Рантанен, министерката за внатрешни работи на Финска, изјави за јавната телевизија Yle дека планот „ќе се подобри со текот на времето“ и може да помогне во одбраната на 1.340 километри долгата граница на нордиската земја со Русија.

Детали за тоа кога и како ќе функционира „ѕидот од дронови“ не се дадени. Билотаите рече дека секоја земја треба да ја заврши својата „домашна задача“ и предложи да се користат и средствата од ЕУ.

Планови за војна со Русија
Земјите од првата линија на НАТО ги засилија предупредувањата за намерите на Русија откако Москва ја нападна Украина во февруари 2022 година. Руското Министерство за одбрана објави нацрт-предлог на својата веб-страница минатата недела за еднострано проширување на своите поморски граници со Литванија и Финска, а потоа го избриша планот.

Еден ден подоцна, руските граничари отстранија 25 пловци од естонските води што ја означуваат границата, што предизвика бес во Талин.

Војната на Русија против Украина ја истакна важноста на беспилотните летала во војувањето, при што двете страни ги користат во нападите. Неколку земји на НАТО одговорија со формирање или зајакнување на сопствени единици за борбени дронови.

Шесте земји на НАТО, исто така, разговараа за плановите за евакуација на голем дел од нивното население во случај на конфликт. Финските официјални лица, на пример, изразија изненадување што Украина држи цивили на или во близина на линијата на фронтот, велејќи дека плановите за одбрана на нордиската земја вклучуваат евакуација на пограничното население.

The post Шест земји од НАТО ќе градат „ѕид од дронови“ кон Русија appeared first on Република.