Уште едел дел од важниот мост во источниот германски град Дрезден се урна рано утринава при контролирани активности за уривање, а целиот погоден дел треба да се отстрани, јави ДПА.

Инженерите вчера почнаа да го уриваат оштетениот дел за да спречат понатамошна опасност и да се подготват за предвидените поплави.

Делови од мостот „Карола“, долг околу 100 метри, рано во средата паднаа во реката Елба. Доколку инцидентот се случеше подоцна во текот на денот, можеше да резултира со многу несреќи бидејќи се наоѓа во непосредна близина на трамвајски патеки, велосипедски патеки и пешачки области.

Метеоролозите најавуваат поплави во наредните денови, што значително би ја зголемило опасноста од натамошно уривање на оштетената градба. Во недела се очекува реката Елба да се излее од коритото поради обилните врнежи кои се очекуваат во соседна Чешка.

Германската покраина Саксонија, каде што се наоѓа Дрезден, исто така се подготвува за континуиран дожд во источните области, а предупредувања за поплави се издадени и за реките Шпре и Лаузицер Најсе.

Мостот е со вкупна должина од околу 400 метри и се состои од три дела. Непосредно пред уривањето, санирани се два дела од мостот.

The post Уште еден дел од мостот во Дрезден се урна appeared first on Република.

Мостот Карола на реката Елба, во германскиот град Дрезден, ноќеска ненадејно се урна, по што делови од него, што го поврзува историскиот стар град со новиот град, паднале во реката.

Весникот „Билд“ пренесе дека постои опасност и други делови од мостот да се урнат.

Граѓани на Дрезден утринава изјавуваат дека слушнале тресок околу три часот по полноќ.

Слушнав огромна експлозија, што ме разбуди. Не можев да видам ништо во мракот, а потоа слушнав сирени, б

Мостот Карола е еден од најважните мостови во Дрезден. Тој беше уништен во Втората светска војна и повторно изграден како автомобилски мост со четири ленти за време на Германската Демократска Република (ГДР).

Делот што сега се урна е очигледно оној што ја поврзува старата база со компонентите од ГДР.

Според Билд, три сегменти од мостот се во вода. Службите за итни случаи ја опколија целата област околу мостот Карола и самиот мост.

Добивме повик во 3:01 часот, мостот веќе беше во Елба. За чудо, никој не е повреден, изјави портпаролот на полицијата за Билд.

Службите за итни случаи претпоставуваат дека постои акутен ризик од колапс.

Очекуваме дека нови делови од мостот би можеле да се урнат, изјави утринава портпаролот на противпожарната служба на местото на настанот.

The post Во Дрезден ноќеска се урна мостот Карола на реката Елба appeared first on Република.

Вистинска драма се одвивала денеска во средно училиште во Дрезден кога некој, најверојатно еден од учениците, испуштил гас, сличен на солзавец, што довело до задушување кај децата.

Брзата помош и пожарникарите добиле повик околу 11 часот, а кога стигнале на местото на настанот во дворот имало повеќе од педесет деца. Сите кашлале, се гушеле, а очите им биле крвави.

Повеќе од 30 ученици се пренесени во болница, а на останатите им била укажана помош на лице место.

„Го вклучивме алармот и ги подготвивме клиниките во Дрезден и околината“, изјави портпаролот на противпожарната служба, Мајкл Кларе, за BILD.

Операцијата траела до околу 15 часот. Околу училиштето имаше метеж.

Засега нема информации за сторителите, а не е ни јасно за што точно се работи.

Полицијата покрена истрага за нанесување тешки телесни повреди.

The post Над 30 ученици со страшни симптоми хоспитализирани во Дрезден, а училиштето евакуирано appeared first on Република.

Владимир Путин, човекот кој ја предводи Русија речиси четврт век, може да стане најдолговечниот лидер што Русија го имала во последните 200 години, откако на изборите ја врати довербата на граѓаните.

Освен што Путин до крајот на новиот шестгодишен мандат би можел да го престигне Сталин, кој беше на чело на државата речиси три децении, на овие избори ја доби досега најголемата поддршка од граѓаните, повеќе од 87 проценти. За Путин се знае многу, а сепак зборуваме за човек за кого, и покрај ова, се знае само она што Кремљ сака да го знае. За Путин денес се зборува како претседател, но и поранешен советски шпион и член на КГБ, пишува „Вечерњи лист“.

Во исто време се образувал, па во 1975 година дипломирал право на Универзитетот во Ленинград. Уште додека студирал бил регрутиран во КГБ. Бил обучен за контраразузнавање. па најпрвин започнал да работи во рамките на КГБ во „Вториот оддел“ од каде што бил префрлен во „Прво одделение“ каде негови задачи биле надзор над странците и конзуларните службеници во Ленинград. Неговиот псевдоним бил другарот Платов.

За време на неговата обука, тој стана специјалист за контраразузнавање, со неговите аналитички вештини кои беа високо оценети, додека неговиот лик беше оценет негативно. Оттаму заминал во Германската Демократска Република, каде што престојувал како шпион од 1985 до 1990 година. Медиумите објавија дека во 1989 година во Дрезден тој сам ја бранел зградата на КГБ, појавувајќи се пред демонстрантите.

Путин се врати во поранешниот СССР во 1990 година, односно веднаш по падот на Берлинскиот ѕид и обединувањето на Германија. Како дипломиран правник, но и поранешен член на КГБ, во јуни 1990 година започнува да работи на Универзитетот во Ленинград. Неговиот политички подем оди рака под рака, па во 1991 година станува шеф на Меѓународниот комитет во кабинетот на градоначалникот на Санкт Петербург.

Тој продолжува да расте и да напредува политички, така што пет години подоцна се сели во Москва каде што станува член на администрацијата на претседателот Борис Елцин, кој го назначил на местото прв заменик-директор на претседателската администрација.

Во мај 2000 година се одржаа претседателски избори на кои Путин победи во првиот круг. Сè после тоа е веќе познато затоа што Путин со години создаде нова моќна Русија и стана еден од најмоќните луѓе во светот.

The post Путин – од малиот стан во Дрезден до ѕидините на Кремљ appeared first on Република.

Германската полиција денеска соопшти дека заложничката криза во Дрезден завршила и дека двајца заложници се спасени.

Се е чисто! Ситуацијата со заложниците во Дрезден е завршена, се наведува на Твитер профилот на германската полиција.

Како што јави Дојче веле (ДВ), вооружен маж држел луѓе како заложници во трговски центар во Дрезден.

Претходно во текот на денот беше пронајдено и телото на мајката на осомничениот.

Властите го уапсиле повредениот киднапер. Тие воспоставиле телефонски контакт со мажот откако тој се заклучил во јавна просторија во трговскиот центар, пишува ДВ.

Двајцата заложници се спасени неповредени.

Германската полиција претходно соопшти дека во Дрезден е во тек заложничка криза и ги повика луѓето да ја избегнуваат областа во центарот на градот.

Радио Дрезден претходно јави дека се пукало во зграда во близина на главната железничка станица.

Германскиот таблоид „Билд“ објави дека една жена е убиена.

The post Заврши заложничката криза во Дрезден, заложниците се неповредени appeared first on Република.

Полицијата во Дрезден соопшти дека вооружен маж држи луѓе како заложници во трговски центар.

Според локалното Радио Дрезден, вооружениот маж се уште е во бегство.

Билд пренесува дека напаѓачот убил најмалку едно лице, но полицијата одбила да ја потврди смртта. Службите за итни случаи пронашле мртва 62-годишна жена во станбена зграда во областа Прохлис во Дрезден. Како што јави Радио Дрезден, осомничен е нејзиниот 40-годишен син, кого полицијата го поврза со заложничката криза.

Утрово околу 8 часот и 30 минути се случил вооружен грабеж во Амонхоф, деловна зграда во близина на централната станица во Дрезден, каде напаѓачот испукал неколку истрели. Од полицијата не ја потврдија информацијата, но според неофицијални информации загинало едно лице. Бидејќи се криел во трговскиот центар Altmarktgalerie, полицијата почнала да ги евакуира купувачите. Сепак, напаѓачот во еден момент земал заложници, а засега не е јасно дали е уапсен. Полицијата ги повика луѓето да го избегнуваат централното градско подрачје.

Радио Дрезден претходно објави дека се пукало во зграда во близина на главната железничка станица. Билд пренесува дека напаѓачот убил најмалку едно лице, но полицијата одбила да ја потврди смртта.

The post Заложничка криза во трговски центар во Дрезден: Напаѓачот ја убил мајка си appeared first on Република.

Распаѓањето  на Источна Германија во 1989 година означи голема промена во животот на Владимир Путин и неговото семејство. Тие во Дрезден, каде Путин беше агент на КГБ живееле поудобно отколку во СССР и станал нивен дом.

Кога дошол во Источна Германија во 1985 година, Путин имал 33  години. Неговите две ќерки се родија таму и времето го поминувал  пријатно и без многу стрес.

Кога се било готово Путин се спакувал за враќање во државата која исто била пред распаѓање.

- Путин набрзо се врати во родниот Ленинград со сопругата и децата, и 20-годишна машина за перење во багажникот на автомобилот. Цели пет години и служеше на својата земја, која веќе ја нема, во друга земја, која исто така полека ја снемуваше - велат неговите биографи.

The post Путин од Дрезден си заминал само со машината за перење алишта appeared first on Република.