Управата за јавни приходи (УЈП) ја објави најновата листа на должници 10/2024, за долгови доспеани до 30.06.2024 и неплатени до крајот на септември по основ на даноци, односно ДДВ, данок на добивка, персонален данок на доход, придонеси од задолжително социјално осигурување, акцизи и царини.

На листата се најдоа 1976 должници правни лица, и 3786 физички лица. Вкупниот нето долг изнесува 11.042.537.967 денари.

Нето-долгот за даноци и придонеси изнесува 10.884.428.089 денари, (помалку за 45.943.439 од претходната листа), додека долгот за царински давачки е 158.109.878 денари (помалку за 18.931.314 денари од претходната листа).

Комплетната Листа на должници можете да ја погледнете ТУКА.

The post УЈП ја објави најновата листа на должници: Еве кои фирми и физички лица најмногу должат appeared first on Република.

Управа за јавни приходи 

10 ГОДИНИ УПРАВАТА ЗА ЈАВНИ ПРИХОДИ ТРАНСПАРЕНТНО ГИ ОБЈАВУВА НЕДИСЦИПЛИРАНИТЕ ДАНОЧНИ ОБВРЗНИЦИ

Пред десет години, на 10 јуни 2014 година Управата за јавни приходи на својата веб страна ја објави првата Листа на должници.

Објавата на листа на должници е мерка која ја применуваат даночните администрации како одраз на својата транспарентност и отчетност пред јавноста за дисциплината на даночните обврзници, како и за својата ефикасност во управувањето со заостанатите долгови. „Општествениот договор“ за плаќање даноци се заснова на принципот секој даночен обврзник да го плати точниот износ на данок што го должи, во точно време а нередовното и нецелосно плаќање на даночните обврски, како појава која генерира заостанати – неплатени даночни долгови, е негативна отстапка од овој принцип. При тоа, доцнењето при плаќањето може да произлегува и од финансиски потешкотии на даночниот обврзник, но таквото доцнење може да биде прифатено од УЈП и не се гледа преку листата на должници доколку даночниот обврзник истото го регулирал на законски дозволен начин преку механизмот одложено плаќање (репрограм).

Директорката на Управата за јавни приходи истакна дека Управата за јавни приходи во иднина ќе се стреми кон промовирање на однесувањето на мнозинството даночни обврзници кои се даночно усогласени и го преземаат товарот да ја полнат државната каса, а зголемена ефикасност во наплатата на заостанатите долгови преку автоматизација на деловните процеси, електронско управување со работниот тек во функциите, објективна селекција се новиот предизвик на Управата за јавни приходи.

Управата за јавни приходи, на 10 јули 2024 година ја објави Листа на должници бр.07/2024 за долгови доспеани до 31.03.2024 и неплатени до 30.06.2024 година. Листата на должници се објавува на веб страницата на Управата за јавни приходи секој месец најдоцна до 10-ти во месецот согласно Законот за даночна постапка.

The post УЈП ја објави листата на даночни должници appeared first on Република.

Полициски службеници на СВР Тетово-Одделение за внатрешни работи Гостивар, ноќеска околу 1 часот и 35 минути на магистралниот пат Тетово-Гостивар, на наплатната станица Гостивар, ги лишиле од слобода Б.Н.(42) од струшко Велешта и 25-годишната Д.Д. од Република Албанија.

Тие претходно биле пријавени од 34-годишниот стружанец А.А. дека еден час пред тоа во Скопје Б.Н. со употреба на сила го внел во неговото возило „ауди“ и од Скопје се упатиле кон Струга.

Според пријавеното, Б.Н. и физички го нападнал поради нивни нерасчистени должничко-доверителски односи. Двајцата се задржани во Полициската станица Гостивар и по документирање на случајот ќе следуваат соодветни поднесоци.

The post Киднапери уапсени на патарина во Гостивар appeared first on Република.

Директорите на државните институции кои не плаќале сметки за струја ќе бидат повикани на одговорност, потврди денеска и вицепремиерот за економски прашања Фатмир Битиќи.

Имаше состанок вчера, ќе има и денеска состанок на Енергетскиот совет во Владата, после седницата на Владата. Тоа што го кажаа премиерот и министерот, ќе го повторам и јас – ќе се повикаат на одговорност сите што се однесувале неодговорно - рече Битиќи во одговор на прашање пред почетокот на Тркалезната маса за Програмата за поддршка на конкурентноста на малите и средните претпријатија.

Прашан дали државата ќе има пари да ги покрие долговите за сите, тој рече дека меѓу останатите приоритети може да се најде и подмирувањето на долговите.

Ќе видиме затоа што е крај на година и секако дека има приоритети. Приоритет е зачувување на ликвидноста на приватниот сектор, зачувување на секое работно место, грижа за сите најранливи категории на граѓани. Обезбедување на електрична енергија и подмирување на долговите можно е да е една од опциите онолку колку што дозволува Буџетот - рече Битиќи.

The post Битиќи: Ќе се повикаат на одговорност сите што се однесувале неодговорно appeared first on Република.

The post ВМРО-ДПМНЕ: Со новото задолжување од 900 милиони евра, власта на СДСМ и ДУИ ја турка Македонија во должничко ропство appeared first on Република.