Министерството за одбрана на Русија соопшти дека со ракети „Искандер“ бил погоден воз на железничката станица Чаплино во областа Дњепропетровск, при што загинале повеќе од 200 украински војници и уништени се 10 единици воена опрема.

Според извештаите, ешалонот со украински резервисти и опрема се движел кон Донбас.

Како што се наведува во соопштението, во нападот на воениот аеродром во Днепропетровск биле уништени три авиони.

Како што додаваат од руското Министерство, со прецизен напад е уништен команден центар на украинската група „Каховка“ во Нови Буг, Миколаевската област.

Загинаа 64 војници на украинската армијам а уништени се седум единици воена опрема - се наведува во извештајот.

Руската авијација погодила пет борбени авиони на аеродромот во Миргород, регионот Полтава.

Со руски ракети во регионот Хмелницки бил погоден објект за ремонт на оклопни возила, вклучително и од странско производство.

Како што се наведува во соопштението, погоден е и производствениот погон во фабриката „Искра“ во Запорожје, каде што се врши ремонт на радарски системи.

The post Руско Министерство за одбрана: Уништивме воз со повеќе од 200 украински војници и опрема на пат кон Донбас appeared first on Република.