Дисциплинска одговорност за дополнителен началник на СВР и Началник на ООЗР при СВР Одделот за внатрешна контрола, криминалистички истраги и професионални стандарди достави предлог за утврдување дисциплинска одговорност за лицето Б.Р. на работно место дополнителен началник на СВР Куманово и лицето С.С. на работно место началник на Одделение за општи и заеднички работи при СВР Куманово, напиша на Фејсбук, министерот за внатрешни работи, Панче Тошковски.
Имено, од страна на Одделот за дисциплински и судски постапки донесено е решение со кое на работник А.Д. – началник на Отсек за Компјутерски криминал при СВР Куманово му се изрекува дисциплинска мерка „распоредување на работно место на едно ниво пониско“, притоа од страна на Одделот за заеднички работи и управување со човечки ресурси при БЈБ до тогашниот началник на СВР Куманово и началникот на ООЗР било доставено барање за добивање предлог за распоредување на лицето А.Д. на едно место пониско, согласно донесеното решение од дисциплинската постапка. Но, од нивна страна не бил даден предлог за распоредување со што го оневозможиле спроведувањето на решение и притоа спротивно на решението и утврдената дисциплинска одговорност, А.Д. продолжил работни задачи и да биде раководен работник во Отсек за Компјутерски криминал при СВР Куманово, обелоденува Тошковски.

The post Дисциплинска одговорност за дополнителен началник на СВР и Началник на ООЗР appeared first on Република.

Министерот за внатрешни работи Панче Тошковски соопшти дека поднесена е кривична пријава против членови на дисциплинска комисија поради настанување на застареност во водење дисциплинска постапка.

На мое барање, Одделот за внатрешна контрола, криминалистички истраги и професионални стандарди презеде мерки за утврдување на причини за настанување на апсолутна застареност за водење дисциплинска постапка по предлог поднесен против работникот Н.М.
Имено, од страна на Министерството за внатрешни работи до ОЈО ГОК поднесена е кривична пријава против горенаведеното лице за кривично дело „Злосторничко здружување“ и „Присвојување на добра под привремена заштита или културно наследство“, при што за вработениот – полициски службеник одредена е мерка притвор во траење од 30 дена. Притоа од страна на ОВККИПС на 24.12.2022 бил доставен предлог за поведување постапка за утврдување на дисциплинска одговорност.
Од страна на Комисијата за утврдување на дисциплинска одговорност при СВР Струмица на 15.01.2024 година била одржана расправа и притоа таа му предложила на министерот да донесе решение за утврдување дисциплинска мерка „парична казна“. Имајќи предвид дека согласно Закон министерот е должен решението да го донесе во рок од 12 месеци од приемот на одобрението од јавниот обвинител, истиот рок истекол на 21.12.2023 со што членовите на комисијата сториле кршење на Дисциплинскиот договор на МВР.
Имајќи го предвид ова, Одделот за внатрешна контрола, криминалистички истраги и професионални стандарди, поднесе известување до надлежното Обвинителство и поведување дисциплинска постапка против лицата А.Т. на работно место Главен инспектор за разузнавање во ОКРА при СВР Струмица, Б.К. на работно место командир во ПС од ОН Радовиш и Ј.В. на работно место Помошник началник во СВР Струмица., соопшти Тошковски.

The post Тошковски: Кривична пријава против членови на дисциплинска комисија, поради настанување на застареност appeared first on Република.

Одделот за внатрешна контрола, криминалистички истраги и професионални стандарди при МВР до надлежното Основно јавно обвинителство за организиран криминал и корупција- Одделение за истражување и гонење на кривични дела сторени од лица со полициски овластувања поднесе кривична пријава против А.Б., полициски службеник во ПСОН Крушево при СВР Битола поради постоење основи на сомнение дека сторил кривично дело „малтретирање во вршење на службата“ по член 143 од КЗ. А.Б. во својство на полициски службеник на 08.11.2023 при преземање на службени дејства, неовластено и прекумерно употребил физичка сила и извршил физичко насилство врз Д.Д., при што му нанел тешка телесна повреда.

Одделот за внатрешна контрола, криминалистички истраги и професионални стандарди поднесе и предлог за утврдување на дисциплинска одговорност и изрече задолжителни мерки А.Б. да биде отстранет од работното место до завршување на постапката.

The post Полицаец доби дисциплинска, неовластено и со прекумерна сила тепал граѓанин appeared first on Република.