Претседателот на Собранието на Република Македонија, Африм Гаши, денска оствари проштална средба со досегашниот амбасадор на Холандија во земјава Дирк Јан Коп, кому му се заблагодарил за придонесот за земјава во изминатиот период, а особено за поддршката од Холандија за спроведување на реформите, особено во делот на владеењето на правото, како и во сите други сфери од општествениот живот и демократските процеси.

-Честитајќи му го изборот за претседател на Собранието, амбасадорот Јан Хоп му посака на Гаши успешна работа и продолжување со процесите во насока на интегрирање на нашата земја во Европската Унија, се вели во денешното соопштение од собраниската прес-служба.

Претседателот Гаши и амбасадорот Јан Коп разговарале и за можностите за продолжување на реформите во делот на владеењето на правото, преку создавање законска инфраструктура во Парламентот, како основа за јакнење на капацитетите и довербата во правосудството.

The post Aмбасадорот кој бараше да го затнеме носот и да голтнеме си заминува appeared first on Република.

Холандската Амбасада денеска објави дека амбасадорот на Холандија Дирк Јан Коп имал средба со претседателката на Судскиот совет Весна Дамева.

Амбасадорот Дирк Јан Коп денеска се сретна со Весна Дамева, претседател на Судскиот совет (СС). Амбасадорот Коп е задоволен што Судскиот совет повторно е правен субјект. Сега е од големо значење и итност да се започне со враќање на довербата на јавноста и меѓународната заедница во Судскиот совет, стои во објавата на фејсбук профилот на Амбасадата.

Дамева, се посочува, даде преглед на начинот на кој на транспарентен начин ќе ги имплементира препораките на Оценката мисијата на Европската унија.

Холандија сега силно ќе размисли за рестартирање на проектот со Судскиот совет кој беше суспендиран во мај, минатата година, се наведува на фејсбук статусот на Амбасадата на Холандија.

Весна Дамева се врати на претседателското место во Судскиот совет на 4 јануари, а по пресудата на Управниот суд дека не се образложени причините поради кои таа претходно беше разрешена. Критики кон Советот во изминатиот период упати холандскиот амбасадор Коп, а коментирајќи ги случувањата во Судскиот совет во постапувањето на ова тело во однос на политичките притисоци врз Врховниот суд, амбасадорката на САД во земјава Анџела Агелер лани изјави дека СС не успеал во целост да ги исполни своите законски обврски.

The post Јан Коп: Со враќањето на Дамева, Судскиот совет повторно може да смета на помошта од Холандија appeared first on Република.

Блокирањето на нашиот пат кон ЕУ е директна причина за неможност за постигнување европски стандард за владеење на правото, изјави денеска министерот за надворешни работи Бујар Османи, на новинарско прашање да ја искоментира вчерашната порака на холандскиот амбасадор Дирк Јан Коп, дадена на средбата со лидерот на ДУИ Али Ахмети, дека посветеноста на Македонија за членство во ЕУ е загрозена по постојаниот пад во владеењето на правото во земјава.

Ова е продолжување на ставот на холандската Амбасада којшто го кажа во неколку наврати пред крајот на минатата година во многу интервјуа. Веројатно ДУИ е еден од тие што најмногу зборуваат за борбата против корупција, се разбира дека и ќе се бара поддршка од страна на ДУИ. Во моите разговори со холандскиот амбасадор имаме суштински две концептуални разлики. Тој смета дека ние можеме да постигнеме европски стандард на владеење на правото и без преговори со ЕУ. Од една страна, некој тоа го чита како комплимент, од друга страна некои го читаат како намалување на притисокот за проширување на ЕУ којшто, еве некој може да каже злонамерен па Холандија е позната по немање на расположение за проширување - вели Османи.

Според него, европски стандард за владеење на право не можеме да постигнеме без преговори со Унијата, туку, како што кажа, „можеме некаков балкански стандард на владеење на правото да постигнеме и сами“.

Не можеме, тврдам не можеме да постигнеме европски стандард на владеење на право без процес на преговори и тие два процеса се меѓусебно поврзани. Блокирањето на нашиот пат кон ЕУ е директна причина за неможност за постигнување на тој европски стандард. Така што, тука прашање е кој е постаро, јајцето или кокошката, дали причината што сме блокирани не можеме да постигнеме европски стандард или тоа што не постигнуваме европски стандард е причина што не можеме да се движиме кон ЕУ. Мислам дека има тука многу сиви зони. И има една разлика исто така, а тоа е дека ставот дека има политичко влијание врз судството од наша страна повеќе сметаме дека има одредено влијание на олигархијата во критични точки во системите во државата коишто се многу опасни од кое било евентуално политичко влијание - оценува Османи.

Холандскиот амбасадор Дирк Јан Коп, вчера на средба со лидерот на ДУИ Али Амети ја пренел порака дека посветеноста на Македонија за членство во ЕУ е загрозена по постојаниот пад во владеењето на правото во земјава.

Амбасадорот Дирк Јан Коп се сретна со лидерот на ДУИ Али Ахмети за да ја пренесе пораката дека по две години постојан пад на владеењето на правото, посветеноста на  Македонија за членство во ЕУ е загрозена низ политичкиот спектар, објави вчера Холандската амбасада во земјава на нејзиниот официјален Фејсбук профил.

Во статусот за средбата, која според фотографијата се одржала во седиштето на ДУИ, се посочува и ставот на Амбасадата за политичкото влијание врз претседателката на Врховниот суд Беса Адеми.

Исто така, неприфатливо е несоодветно политичко влијание врз позицијата на претседателот на Врховниот суд, што е судска работа и ќе предизвика силна реакција од Холандија, стои во објавата на Фејсбук профилот на Амбасадата на Холандија, која е потпишана од ДУИ.

The post Османи за изјавата на Коп: Поради блокираниот пат кон ЕУ, нема владеење на правото appeared first on Република.

Во ред ставот на амбасадорот, но ако има притисок, треба да се каже со име и презиме, вели премиерот Димитар Ковачевски прашан за коментар по критиките на холандскиот амбасадор, Дирк Јан Коп, за несоодветно политичко влијание врз позицијата на претседателката на Врховниот суд.

Не сум го запознал никогаш претседателот на Врховниот суд во капацитет на својата дејност бидејќи се одвоени судската и извршната власт. Доколку било кој бил под притисок на било кого, тоа треба да го каже со име и презиме - рече Ковачевски, одговарајќи на новинарски прашања.

Ковачевски ги упати новинарите за падот на владеењето на правото да ги прашаат тие кои што се задолжени за владеењето на правото“.

Амбасадорот Дирк Јан Коп пред неколку дена се сретна со лидерот на ДУИ, Али Ахмети, за да ја пренесе пораката дека по две години постојан пад на владеењето на правото, посветеноста на Македонија за членство во ЕУ е загрозена низ целиот политички спектар. Исто така, како што посочи амбасадорот, неприфатливо е несоодветно политичко влијание врз позицијата на претседателот на Врховниот суд, што е судска работа и ќе предизвика силна реакција од Холандија.

The post Во ред e ставот на амбасадорот, но ако има притисок, треба да се каже со име и презиме, вели Ковачевски по критиките на Јан Коп appeared first on Република.

Законот за ветинг за судиите, обвинителите и политичарите е подолго време во Собранието, но ЕУ првично имаше резерви во овој процес. Што се однесува до Врховниот суд, во надлежност на Судскиот совет е да постапува според законите без било каков внатрешен или надворешен притисок. Ова го порачал лидерот на Демократската унија за интеграција Али Ахмети на денешната средба со холандскиот амбасадор Дирк Јан Коп, информираат од ДУИ.

За средбата на Ахмети и Коп, претходно објави и Холандската амбасада во земјава, посочувајќи дека холандскиот амбасадор „пренел порака дека посветеноста на Македонија за членство во ЕУ е загрозена по постојаниот пад во владеењето на правото во земјава“, како и дека „неприфатливо е несоодветно политичко влијание врз позицијата на претседателот на Врховниот суд“.

На средбата, како што информираат од ДУИ, Ахмети и Коп, разговарале за влијанијата на истокот во регионот, владеењето на правото, реформите, како и важноста од европската интеграција.

Владеењето на правото и проверката за сите судии и обвинители, како што информираат од ДУИ, било дел од разговорот на средбата на Ахмети со амбасадорот Дирк Јан Коп.

– Законот за ветинг за судиите, обвинителите и политичарите е подолго време во Собранието, но ЕУ првично имаше резерви во овој процес, повикувајќи се на примерот со Република Албанија. Што се однесува до Врховниот суд, Ахмети истакна дека во надлежност на Судскиот совет е да постапува според законите. Според извештаите, до денес имало повеќе дисциплински постапки и во нивна надлежност е да постапуваат согласно законот и без било каков внатрешен или надворешен притисок – се вели во соопштението од ДУИ.

Холандската амбасада претходно објави за средбата на амбасадорот Коп со лидерот на ДУИ Али Амети.

– Амбасадорот Дирк Јан Коп се сретна со лидерот на ДУИ Али Ахмети за да ја пренесе пораката дека по две години постојан пад на владеењето на правото, посветеноста на Македонија за членство во ЕУ е загрозена низ политичкиот спектар – објави денеска Холандската амбасада во земјава на нејзиниот официјален фејсбук-профил.

Во статусот за средбата, која според фотографијата се одржала во седиштето на ДУИ, се посочува и ставот на Амбасадата за политичкото влијание врз претседателката на Врховниот суд Беса Адеми.

Исто така, неприфатливо е несоодветно политичко влијание врз позицијата на претседателот на Врховниот суд, што е судска работа и ќе предизвика силна реакција од Холандија, стои во објавата на фејсбук-профилот на Амбасадата на Холандија.

The post Ахмети до Коп: Институциите да постапат законски, без надворешни влијанија appeared first on Република.

Европскиот фронт на апарати, коментира Ивор Мицковски за средбата на амбасадорот Дирк Јан Коп со Али Ахмети.

https://republika.mk/vesti/makedonija/holandskiot-ambasador-na-ahmeti-mu-ja-prenese-porakata-deka-po-dve-godini-postojan-pad-na-vladeeneto-na-pravoto-posvetenosta-na-makedonija-za-chlenstvo-vo-eu-e-zagrozena-niz-politichkiot-spektar/

Холандскиот амбасадор се сретна со лидерот на ДУИ Али Ахмети за, како што велат од амбасадата, да ја пренесе пораката дека по континуираниот двегодишен пад на владеењето на правото, посветеноста на Македонија за членство во ЕУ е загрозена низ политичкиот спектар.

Исто така, непотребното политичко влијание врз функцијата на претседателот на Врховниот суд, што е судска работа, е неприфатливо и ќе предизвика остра реакција од Холандија.

The post Мицковски: Европскиот фронт на апарати откако Јан Коп му ја пренесе на Ахмети острата критика appeared first on Република.

Поранешниот министер Џевдет Хајредини смета дека оценката на холандскиот амбасадор Дирк Јан Коп околу опседнатоста со менувањето на македонскиот устав е вистинска.

Целата оваа опседнатост со уставните измени само дефокусира од неопходните реформи, рече неодамна холандскиот министер.

Тој смета дека неносењето на измените се само изговор за неспроведување на реформите, и дека на власта ѝ служат како изговор дека така не се стигнува до втората фаза, до преговарачката рамка./

The post Хајредини го повтори Јан Коп: Опседнатоста со уставните измени е дефокус appeared first on Република.

Холандскиот амбасадор Дирк Јан Коп вели дека во земјава не постои вистинска политичка волја за промена не само во политиката, туку и во верските заедници кои што, како што рече денеска, блокираат промена и ја блокираат Инстанбулската конвенција.

Сепак сите други земји во период од 10 до 15 години успеаја да ги направат потребните реформи и да станат членки на ЕУ. Што правите вие, освен што натрупувате изговори за исполнување на барањата за членство. Зошто вие не ги завршивте своите реформи пред 15 години како и овие други земји? Слушам дека Европската унија е виновна дека членството е заедничка одговорност и дека ние премногу ве оставаме да чекате. Вистината е дека членството е ваша одговорност и вие нас не оставате да ве чекаме премногу. По децении огромна поддршка, каде отидоа парите на нашите даночни обврзници? После сите овие години има стратегија за се, има по два акциски планови за се, сечија свест е веќе трипати зголемена и сите се веќе обучени четирикратно. Сепак, се е заглавено поради недостатокот на имплементација, корупцијата и непотизмот. Со едноставни зборови нема вистинска политичка волја за промена не само во политиката, туку и во верските заедници кои што блокираат промена и ја блокираат Инстанбулската Конвенција. Политичарите и понатаму се безчујни и сакаат да се фотографираат со свештениците и оџите. И која е пораката за нас? Пораката е дека ги сакаме вашите пари, меѓутоа не ги сакаме вашите вредности - рече амбасадорот Коп на Втората регионална експертска конференција за Кластер 1 „Основни вредности“ во рамки на проектот „Правдата нека владее со регионот“.

Амбасадорот нагласи дека Холандија беше и ќе продолжи и понатаму да биде партнер за регионот на нивниот пат кон ЕУ.

Коп потенцира дека „ситуацијата во правосудниот сектор не остави без друга опција освен да ја евалуираме нашата поддршка која што ја даваме“.

Сепак, самиот регион и покрај ова нема некоја друга алтернатива освен да се движи напред кон ЕУ. Друга алтернатива е за 20-ина години да се создаде една група на сиромашни земји со празни села, со празни места каде што ќе останат само стари луѓе додека останатите ќе бидат емигрирани. Знаците се тука. Ова не е бајка. Денешниот геополитички контекст е во најмала рака сложен, но неговиот релативно мало влијание врз регионот не може повторно да се искористи како изговор да не се оди напред. Одењето напред може само да се постигне само ако има владеење на правото, демократија и почитување на човековите права - рече тој.

Како што нагласи амбасадорот, во Холандија голем акцент се става врз владеењето на правото, бидејќи, како што рече, тоа е основата и камен темелник за сите демократии и тука станува збор за разбирање на правата на граѓаните, за балансот меѓу нивните непремостливи права кон слободите и обврските и имањето на јасни правила со коишто се ограничуваат овластувањата на власта и се третираат сите луѓе на еднаков начин. За сето тоа, како што потенцира, потребно е да постојат стабилни институции, бидејќи институциите се скелетот и основата на државата, а не поединечни корумпирани шефови и диктатори.

Холандија не е голема земја. Ние имаме 18 милиони луѓе кои што е иста големина како и населението во Западен Балкан. Она што ги штити малите земји не е големината или воената моќ, туку меѓународното право и човековите права. Нас, името на овој проект ме потсети на стара латинска поговорка за правдата која што значи „правдата нека се изврши дури и небото да пропаѓа“. Овие зборови се и денеска релевантни и се длабоко вградени во културата на западните цивилизации. Тоа значи дека правдата мора да се изврши без оглед на цената. Ова исто така значи дека мора да има фер, да има објективност и соодветно спроведување на начелата на правдата коишто се одамна утврдени и дека еднаквите треба да се третираат еднакво, а нееднаквите нееднакво. Треба да се обезбеди еднакво за сите и да се обезбеди дека никој не е над законот. Во Холандија, во Македонија, во Србија, во Албанија, насекаде тоа значи дека луѓето би требало да може да му веруваат на законот и да им веруваат на своите институции - рече тој.

Според холандскиот амбасадор, во контекст на ЕУ тоа значи дека земјите членки треба да си веруваат на меѓусебните структури и во меѓусебните процеси и ЕУ успеа тоа да го направи.

Разновидна група на земји креираа еден единствен пазар во којшто се обезбеди заеднички стандард на живеење и сега соработуваме и во други области, а таа соработка и понатаму расте. Поддршка и солидарност – тоа не секогаш беше успешно. Не беше ниту лесно, ниту без никакви пречки постигнато во ЕУ, особено во однос на владеењето на правото. Меѓутоа, и покрај предизвиците со коишто се соочуваме на секојдневна основа, има правила коишто заеднички ги усвоивме и има механизми со коишто се осигурува спроведување на тие правила за коишто се договоривме. Системот иако се чини дека е најсовршен не прави да бидеме посилни и побезбедни. Тоа е иднината која што ја сакаме за Западен Балкан – безбедни, стабилни и просперитетни во ЕУ. Но, вие не ние сте одговорни за да стигнете до таму - рече холандскиот амбасадор Коп.

The post По децении огромна поддршка, каде отидоа парите на нашите даночни обврзници, прашува амбасадорот Коп appeared first on Република.

Уставните измени се изговор за неспроведување на реформите, вели со остар тон амбасадорот на Холандија Дирк Јан Коп во интервју за Македонската телевизија. Коп додава дека во земјава изговорот е дека така не се стигнува до втората фаза, до преговарачката рамка иако, нагласува, сите неопходни преговори може да се реализираат, без рамката, додуша, малку покомпликувано.

Премногу сте фокусирани на прашањето за уставни измени, за нас, како Холандија, тоа прашање не е важно, туку важни се реформите, вели Коп во интервју за Македонската телевизија.

Тој не се согласува со констатацијата дека Македонија и премногу чека во интеграцискиот процес со ЕУ и дека постојано на земјава ѝ се поставуваат нови услови.

Не, ние предолго чекаме на вас, дециен е Коп.

Неговата порака е остра критика до македонските власти дека не се фокусирани на рефомите.

Целта треба да ви биде влез во ЕУ, а тоа може да се случи за неколку години кога ќе ги исполните условите. И, ако до тогаш не го смените Уставот, тогаш ќе мора секако да го смените за да се внесат сите промени во новата рамка на денот кога вашето знаме ќе биде поставено до нашето во Брисел“, рече амбасадорот.

За холандскиот амбасадор во земјава да се зборува за евроскептицизам е во најмала рака навредливо.

Неопходните реформи можеа да бидат направени пред 10-15 години, а не беа направени. Неиздржано е да се зборува за евроскептицизмот од тој асепкт, дури е и навредливо, зашто после 20 до 30 годоини поддршка за да влезете во ЕУ, прашањето е каде се милијардите, каде се и што се случи со обуките што ги спроведувавме? Зошто сите нови правила и регулативи не се правилно имплементгирани? Дали е тоа прашање на менталитетот? Можеби се сеќавате, наши даночни обврзници ги платија вакцините за коронавирусот за Западен Балкан. Европската комисија пред неколку месеци даде дополни 200 милиони евра за Владата на Северна Македпнкија поради високите цени на енергенсите и инфлацијата иако и нашите даночни обврзници беа соочени со истиот енергетски проблем и високите цени. Слушам кога се вели дека повеќе пари даваме за Бугарија, Романија, Грција, а не за земјите од Западен Балкан... Па да одговорам вака: Дали вие треба џепарлак да давате за своите деца или и за децата на соседите и тоа во ист износ? Смешно е. А што се однесува до проблемот со третите земји, тоа не е изразен толку многу во вашата земја. Вистинскиот проблем е што луѓето немаат доверба во институциите. Таа доверба е десет пати помала во споредба со земјите од ЕУ. Луѓе се жалат на судовите, обвинителството, полицијата... Добиваме писма и мејлови. Па ние не сме слепи“, рече амбасадорот на Холандија Дирк Јан Коп.

The post Остар говор на холандскиот амбасадор: Нас не нѐ интересираат уставните измени, не гледаме реформи appeared first on Република.

По критиките од холандскиот амбасадор во земјава Дирк Јан Коп за корупцијата и правосудството, вицепремиерот за европски прашања Бојан Маричиќ во интервју за МИА открива дека Холандија ќе испрати свој експерт во работаната група која што ќе го креира патоказот за владеење на правотo.

Она што можам да ви кажам е дека ние ја поканивме Холандија да испрати – номинира свој експерт во работната група која што ќе го креира патоказот за владеење на правото и тие тоа го прифатија и веќе имаме номинација, така што очекуваме под надзор на Холандија да се направи тој патоказ за владеење на правото за да имаат тие доверба дека сме ги предвиделе вистинските чекори како Влада за наредниот период што следува до членство и да направиме суштинска промена во сите области, вели Маричиќ на прашање на МИА дали можеби Холандија би била државата која што во текот на преговорите би ставила блокада доколку нема резултати во борбата против корупцијата.

Тој додава дека со Холандија имаме непосредна, директна отворена комуникација за ова и за сите други прашања и изрази очекување во наредниот период тој дијалог да се интензивира.

Важно е не само Холандија, туку и целата Европска Унија, да биде убедена дека ние ги преземаме вистинските чекори. Борбата против корупцијата и борбата за владеење на правото е долгорочен процес и секогаш ќе имаат и Холандија и граѓаните и сите други држави членки на ЕУ во Владата да речам сојузник по ова прашање и во дневната борба против корупцијата и во дневната борба со перцепцијата, но и во долгорочните мерки и системските одлуки што треба да се носат, вели Маричиќ во интервјуто за МИА.

The post По критиките од амбасадорот: Холандија ќе има свој експерт во работната група за патоказот за владеење на правото appeared first on Република.

Холандија стави во мирување проект поврзан со Судскиот совет, кој стана нелегитимно тело, вели холандскиот амбасадор во земјава Дирк Јан Коп.

Прашан за состојбата на правосудниот систем, холандскиот амбасадор Коп во неделното интервју за Радио Слободна Европа, вели дека тоа е централно прашање, кое Холандија го следи внимателно.

Тоа е дел од поглавјето „основи“ кое прво се отвора, а последно се затвора и ќе остане од висока важност во целиот процес. Но, она што ние напротив го гледаме е дека сите случаи на СЈО, еден по еден тонат, а тоа е многу лош развој, а сега го имаме и случајот со Судскиот совет кој всушност стана нелегитимно тело. Тоа е многу сериозно и болно за гледање. И поради тој преседан, Холандија сега стави во мирување еден голем проект поврзан со Судскиот совет. Ситуацијата е многу сериозна, изјави Коп.

https://republika.mk/vesti/makedonija/holandskiot-ambasador-kop-dogovorot-za-koridorite-ne-e-usloglasen-so-eu-i-se-zloupotrebuva-evropskoto-znamentse/

Според Коп, носењето на закон со кој гарантираше процесуирање на случаите на СЈО во февруари 2020 година во Парламентот, било клучно за Холандија да се согласи за членство на Македонија во ЕУ.

Во минатите две години мислевме дека видовме напредок, подобар менталитет, независно поставување на судии во Судот, но исто така сега повторно гледаме дека работите се влошуваат. Гледаме знаци на политичко влијание кај изборот на Обвинителството за организиран криминал, гледаме знаци на политичко влијание во изборот на кандидати во Академијата на судии и јавни обвинители, гледаме знаци на политичко влијание практично во сите судови, и да, тоа е многу загрижувачко, се натрупува едно по друго и дозволете да ве потсетам дека во февруари 2020 година, кога Парламентот донесе закон со кој гарантираше процесуирање на случаите на СЈО, случаите со масовното преслушување и тоа беше единствениот настан што направи мојата земја да се согласи за членство на земјата во ЕУ, а потоа и Советот на ЕУ се согласи со тоа во март 2020 година. Тоа е централно прашање и го следиме внимателно, вели Клоп.

На седница на Судскиот совет на 26 април годинава претседателката Весна Дамева беше разрешена од функцијата, така што нејзиниот заменик Селим Адеми повика на гласање за нејзно разрешување, при што седум члена го поддржаа, по што тој констатира дека Дамева е разрешена и во нејзино присуство го презеде раководењето со седницата.

Судскиот совет на 4 мај на итна седница со осум гласа „за“ и четири „против“ го избра судијата Сашко Георгиев за нов претседател, откако истиот ден одржал две нејавни седници, на кои, како што информираше преку соопштение објавено по изборот на Георгиев за нов претседател, најпрво била донесена одлука со која се става вон сила решението за разрешување од функцијата претседател на Судски совет на Весна Дамева од 26 април годинава, а потоа со девет гласа „за“ била донесена одлука за разрешување на Весна Дамева од функцијата претседател на Судскиот совет.

The post Холандија замрзна проект со Судскиот совет, за нив тоа е „нелигитимно тело“ appeared first on Република.

Холандскиот амбасадор во земјава, Дирк Јан Коп, оценува дека Владата нема напредок во борбата против корупцијата, туку дека работите се влошуваат.

Тој во интервју за Радио Слободна Европа вели дека нема причина за оптимизам.

https://republika.mk/vesti/makedonija/zatnete-go-nosot-i-goltnete-e-vo-ova-ni-ja-pretvorija-drzavata/

„Па, не гледаме некој напредок, напротив сметаме дека работите се влошуваат. Постои корупција насекаде, конфликт на интереси, влијание врз невладиниот сектор, непотизам, клиентелизам, а препораките од Државната комисија за спречување корупција и Народниот правобранител не се почитуваат од никој, ниту од Владата ниту од парламентот, ниту од Обвинителството. Всушност годинешниот извештај од Антикорупциската комисија покажува дека 10 проценки од претставките се процесирани, тоа е многу помалку и во однос на 20-те проценти во извештајот од 2021 година, кој патем се уште не е разгледан од Парламентот во последните 2 години, нешто што требаше да се направи. Затоа нема причина за оптимизам. Како што кажав и порано корупцијата е состојба на умот. Ја има насекаде. Таа е дел од менталитетот и треба да се смени сега, зошто ако сакате да сте во Унијата во процесот на преговори, оваа состојба со менталитетот и политичката волја заедно со неказнивоста која оди со тоа и која е најпрезирана од граѓаните, мора да се смени веднаш. Во спротивно желбата да бидете дел од ЕУ во 2023 година, ќе биде илузија“,

вели Коп за РСЕ.

The post Амбaсадорот кој побара да го затнеме носот и да ги „голтнеме“ уставните промени распали по Владата appeared first on Република.

Холандскиот амбасадор Дирк Јан Коп во интервјуто за „Радио Слободна Европа“ беше прашанкако Владата се справува со корупцијата на што тој одговори дека не гледа прогрес.

Па, не гледаме некој напредок, напротив сметаме дека работите се влошуваат. Постои корупција насекаде, конфликт на интереси, влијание врз невладиниот сектор, непотизам, клиентелизам, а препораките од Државната комисија за спречување корупција и Народниот правобранител не се почитуваат од никој.

https://republika.mk/vesti/makedonija/holandskiot-ambasador-kop-dogovorot-za-koridorite-ne-e-usloglasenso-eu-i-se-zloupotrebuva-evropskoto-znamentse-koruptsijata-najgolem-problem/

The post Холандскиот амбасадор: Не гледаме напредок во борбата против корупцијата, напротив сметаме дека работите се влошуваат appeared first on Република.

Може ли употребата на европското знаме за законите поврзани со проектот за изграба на коридорите 8 и 10д да има последици во натамошниот процес за евроинтеграции на Македонија, беше прашан амбасадорот на Холандија во интервју за „Радио Слободна Европа“ Дирк Јан Коп.

Да, мислам дека може. ЕУ законодавството е многу јасно. Не може да ги игнорирате правилата за јавни набавки, односно да ги избегнете тендерските постапки во договорот. Има два услови кога е дозволено тоа.

Првото е кога се работи за национална безбедност, кога имате тенкови на границата, не мора да чекате најдобар договор за да купите оружје и вториот е кога се работи за национална катастрофа. На пример, ако се случи земјотрес, не губите време за да купите крвна плазма, таа ви е потребна веднаш. Значи ЕУ законодавството е важно, а договорот со Бехтел и Енка не се совпаѓа со тој опис и не е усогласен со ЕУ законодавството.

Исто така и целиот начин на кој е спроведен, е прилично нетранспарентен, што е исто така и мислење на ММФ на пример. Па, може ли Македонија да го направи тоа? Па... национална катастрофа може да биде само ако кажете дека состојбата со инфраструктурата е национална катастрофа, но не мислам дека некој го прави тоа. Може ли Македонија да го направи тоа?

Да може, но само затоа што не е членка на ЕУ. Може ли следните постапки како оваа да станат проблем кога сакате да сте во Унијата, да, би кажал дека тоа е прашање. Во врска со ЕУ знаменето јасно е, ЕУ веќе објави став дека употребата на европско знаме тука е погрешна, знаменцата се наменети за законите кои треба да ја доведат земјата поблиску до остварување на а-кито, до Копенхашките критериуми и со години ние и не само ние и други претставници на ЕУ делегацијата предупредувавме на злоупотребата на европското знаме во овој процес. Аргументот кој се користи за злоупотребата на знамето е да се одбегне филибастеринг од опозицијата во Парламентот. И да, се разбира, тоа е дилема. Но, прашањето е дали ќе го употребите европското знаме за прашања кои немаат некоја поврзаност со европското законодавство. А според наше мислење, токму тоа се случува сега со овој договор. Борбата против корупцијата останува една од слабите точки, барем според релевантни меѓународни извештаи.

Според вас како Владата се справува со овој проблем?

Па, не гледаме некој напредок, напротив сметаме дека работите се влошуваат. Постои корупција насекаде, конфликт на интереси, влијание врз невладиниот сектор, непотизам, клиентелизам, а препораките од Државната комисија за спречување корупција и Народниот правобранител не се почитуваат од никој, ниту од Владата ниту од парламентот, ниту од Обвинителството. Всушност годинешниот извештај од Антикорупциската комисија покажува дека 10 проценки од претставките се процесирани, тоа е многу помалку и во однос на 20-те проценти во извештајот од 2021 година, кој патем се уште не е разгледан од Парламентот во последните 2 години, нешто што требаше да се направи. Затоа нема причина за оптимизам. Како што кажав и порано корупцијата е состојба на умот. Ја има насекаде. Таа е дел од менталитетот и треба да се смени сега, зошто ако сакате да сте во Унијата во процесот на преговори, оваа состојба со менталитетот и политичката волја заедно со неказнивоста која оди со тоа и која е најпрезирана од граѓаните, мора да се смени веднаш. Во спротивно желбата да бидете дел од ЕУ во 2023 година, ќе биде илузија.

The post Холандскиот амбасадор Коп: Договорот за коридорите не е услогласен со ЕУ и се злоупотребува европското знаменце appeared first on Република.

Претседателот на ВМРО-ДПМНЕ Христијан Мицкоски оствари средба со холандскиот амбасадор Јан Коп. На средбата, на која присуствувал и секретарот за меѓународна соработка на ВМРО-ДПМНЕ Стефан Андоновски се разговарало за актуелната политичка состојба, како и евроинтегративниот пат на Македонија, соопштуваат од партијата.

Претседателот Мицкоски истакна дека односот на бугарските власти кон Македонија и негирањето на македонскиот идентитет само ги засилуваат лошите односи помеѓу двете држави, потенцирајќи дека пристапниот пат на државата кон Европската унија не смее да личи на пазар со земјоделски култури на кој се продава и се купува македонскиот идентитет, се наведува во партиското соопштение.

Мицкоски го информирал амбасадорот Јан Коп за високиот степен на корупција и криминал од високи владини функционери, како и дека „граѓаните предолго се изложени на лаги од владата на СДСМ и Димитар Ковачевски“, укажувајќи дека потребно е одржување на предвремени парламентарни избори.

The post Мицкоски – Коп: Негирањето на македонскиот идентитет од бугарските власти само ја засилува ескалацијата на лошите односи помеѓу двете држави appeared first on Република.

Целото прашање околу Уставот не треба да се користи како изговор да не се спроведат реформите. Реформите веќе можеше да бидат направени и порано, но сега е крајно време. Скринингот започна и овој процес не може повеќе да се прекинува, смета амбасадорот на Холандија во земјава Дирк Јан Коп.

Главниот проблем во земјава, според холандскиот амбасадор Коп, е дека владата и парламентот не се целосно функционални, а за влез во Унијата тоа е крајно неопходно.

Во однос на уставните измени на патот кон ЕУ, Коп во интервју за емисијата „Трилинг“ вели дека, според него, логиката и разумот се на страната на Македонија, но и дека Македонија сака да влезе во Унијата и мора да ги исполни критериумите.

Земјата се согласи да го смени Уставот, како услов за отворање на втората фаза од меѓувладината конференција. Според мене, ова е само релативно важно, затоа што вашите односи со Бугарија тука нема да завршат. Се додека станете членка на ЕУ и не седнете на иста маса, сите земји членки можат да ви прават секакви пречки на патот, како што покажала историјата, посочи Коп.

The post Коп: Не може прашањето околу Уставот да се користи како изговор да не се спровдуваат реформите appeared first on Република.

Е, во ова ни ја претворија државата ваквите субмисивни психопати од власта. Во држава за која дојденците бирократи мислат дека за 50 евра може што сакаат да и прават, во уста да и се избербатат - па на крај да и кажат да замиже, затне нос и да голтне, вели Богдан Илиевски споделувајќи ја изјавата на холандскиот амбасадор Дирк Јан Коп, дека треба да замижеме и да го голтнеме францускиот предлог иако „не е најубав“.

Е, нема. Вие голтајте ако ви се голта. Препорака за лоцирање храна? Под шахтите кои муртинскиот пиперкар ги брусеше за да дојде во ЕУ, вели Илиевски.

The post „Затнете го носот и голтнете“ – е во ова ни ја претворија државата appeared first on Република.

Интересите на Холандија во Македонија се многу едноставни. Сакаме просперитет и стабилност и затоа не гледаме алтернатива за Македонија освен ЕУ и НАТО. Треба да бидете во НАТО и треба да бидете во ЕУ. Тоа е добро за Македонија, тоа е добро за Холандија и тоа е добро за Европа, изјави денеска во Скопје холандскиот амбасадор во земјава Дирк Јан Коп.

Влегувањето во ЕУ, посочи Јан Коп, е процес базиран на заслуги, но не се работи само за едноставно заокружување на она што е постигнато, туку и да се дејствува и да се спроведуваат реформи.

– На крај единствено Македонија може да биде господар на својата судбина. Ова е во голема мера национална одлука на Македонија и единствено нешто што можам да кажам е добре дојдовте во Европа, бидејќи во агендата на ЕУ и сите важни прашања, како што е Брегзит, буџетот, климатските промени, бегалците и проширувањето, ние секогаш креираме неубави компромиси. На крајот никој не е среќен, но секој добар компромис е баланс на задоволството од двете страни, изјави денеска Јан Коп, одговарајќи на новинарски прашања по настанот за промоција на кампањата „Со тебе сме – заедно против насилството врз жените и девојчињата“.

Според Јан Коп, овој компромис „нема да победи на натпревар по убавина“, но дефинитивно ќе не однесе во ЕУ. Бугарија, посочи тој, сега го кочи почетокот на преговорите и тоа е проблем, но тоа што сакаме да го постигнеме е крајот на преговорите, кога земјава ќе стане членка на ЕУ.

–  Јас сум оптимист дека ова ќе се случи, бидејќи на крајот ова треба да биде добро владеена земја со два милиони луѓе. Па што е проблемот, спроведете ги работите и направете реформи, бидејќи на крајот самото тоа ќе ве стави во одлична преговарачка позиција во преговорите во следните години, како и во однос на Бугарија, изјави Јан Коп.

Чувство за оптимизам, според него, треба да биде тоа што Македонија може да напредува многу брзо во многу поглавја од преговорите.

– Само еден пример. Кога преговорите ќе дојдат до поглавјето за тарифи и царина, земјата ќе ги помине речиси веднаш. Побрзо од очекуваното и има многу области во преговорите со ЕУ каде Македонија е најдобриот ученик, споредено со останатите земји од Западен Балкан и тоа треба да биде извор на оптимизам, а не Бугарија, изјави Јан Коп.

Во однос на можноста Бугарија да го блокира секој чекор на земјава во преговорите, амбасадорот посочи дека според него, единствена важна работа за оваа земја е дека ги почнува преговорите.

– Политиката на Унијата е дека билатералните прашања треба да бидат решени меѓу самите земји и нема простор за нив во преговарачкиот процес. Ние ќе го следиме тоа и Комисијата кажа дека ќе го следи тоа. Затоа, ако можеме да добиеме некој вид на компромис сега меѓу вас и Бугарија, тоа ја отвора вратата, и да бидам искрен јас сум многу повеќе заинтересиран за крајот на преговорите, отколку за почетокот, бидејќи само крајот на преговорите, кога ќе ги исполните условите за членство ќе ве направат член на семејството, со исти права како и Бугарија. Дали во теорија една земја може да го блокира овој процес до самиот крај – да. Секое ново поглавје е нова политичка одлука, за што е потребен консензус од сите земји членки. Но, да речеме дека во теорија, за пет до седум години откако сте во процесот, се уште има проблем, вие ќе станете Швајцарија. Колку лошо е тоа, појасни  Јан Коп.

Во однос на намалената доверба на луѓето во ЕУ, холандскиот амбасадор вели дека не е толку голем проблем, колку што е ниската доверба во институциите на државата.

– Довербата во ЕУ сега е намалена на 70 до 68 проценти, но довербата на луѓето во сопствените институции е околу десет проценти. Тоа е проблем, изјави Јан Коп.

The post Јан Коп: За Европа е добро Македонија да биде членка на ЕУ appeared first on Република.