Британскиот гитарист Џеф Бек почина од менингитис на 79-годишна возраст, како што е објавено синоќа на неговата интернет-страница.

Тој почина во вторникот откако ненадејно заболе од бактериски менингитис, се вели во објавата.

Џеф Бек е роден во јуни 1944 година во предградие на Лондон. Овој музичар има освоено осум од американскитте музички награди „Греми“, а многумина го сметаат за гитаристички виртуоз и гениј во областа на рокенролот, блузот и џезот. Тој, инаку, свиреше во бендот „Јардбрдс“ (YardBirds), заедно со Џими Пејџ и Ерик Клептон.

Мик Џегер на Твитер напиша дека починал „прекрасен човек и еден од најголемите гитаристи во светот“.

Никој не свиреше на гитара како Џеф,  рече Џин Симонс од хард-рок составот „Кис“.

The post Почина британскиот гитарист Џеф Бек appeared first on Република.