Царински инспектори од мобилен тим на Секторот за контрола и истраги спречија обид на двајца сопружници нелегално да изнесат од државата девизи во вредност од 16 илјади долари.
Сопружниците, инаку македонски државјани, на излез од државата на граничен премин Богородица на прашање од страна на мобилни инспектори дали имаат нешто да пријават одговориле дека немаат ништо.

При извршена детална контрола на возилото во предната касета биле пронајдени 16 илјади долари. Согласно Законот за девизно работење на двете лица им се вратени по 2.100 долари, а останатите 11.800 се привремено одземени.
По земање на изјави од патниците, против возачот е поднесена пријава за девизен прекршок.
Ги известуваме граѓаните дека при излез од државата можат да носат ефективни странски пари во износ од 2 илјади евра по лице. Доколку изнесуваат девизи во износ од над 2 илјади евра, должни се да ги пријават на царинскиот орган со презентирање на потврда од овластена банка или менувачница. Девизи во вредност од над 10 илјади евра не е дозволено да се изнесуваат.

The post Запленети 11.800 долари appeared first on Република.

Царинските инспектори од мобилните тимови од Секторот за контрола и истраги на граничниот премин Табановце во текот на минатиот викенд запленија девизи кои македонски државјанин имал намера нелегално да ги внесе во државата, соопштија од Царинската управа.

Поради сомневање, царинските инспектори извршиле детална контрола на возилото со кое лицето патувало и притоа во предниот дел од моторот под акумулаторот во фолија и во пластична зип кеса се пронајдени скриени странски девизи, за кои лицето не поседувало документ за потекло на парите и не ги пријавило.

Согласно Законот за девизно работење, лицето сторило девизен прекршок и против него поднесена соодветна пријава.

https://www.youtube.com/watch?v=0Sf3hntFTfo

The post Спречен обид за нелегално внесување девизи appeared first on Република.

На граничниот премин Блаце:

- На влез во државава се пријави автомобил со кичевски регистарски таблички управувано од македонски државјанин. Откако одговори дека нема ништо за пријавување, мобилниот тим го селектираше за детален преглед при што во три црни ќеси пронајде 191 парчиња текстилни производи со вкупна вредност од 137.711 денари.

- Царински службеници спречија нелегален внес на девизи во државава во износ од 5.000 евра, откако државјани од Ирак кои со себе носеле 25 илјади евра на граничниот премин Блаце пријавиле само 20 илјади евра. Непријавените девизи во износ од пет илјади евра, биле скриени зад заштитникот од сонце од страната на возачот.

The post На Блаце запленети текстилни производи и нелегален влез на девизи appeared first on Република.

На 18.07.2023 година околу 20:00 часот на излез од државата на граничниот премин Богородица се пријавило патничко моторно возило со српски регистарски таблици, управувано од српски државјанин. При извршена контрола од страна на царинските службеници во лична ташна на патникот пронајдени се 47 илјади евра за кои не поседувал соодветен документ за потекло. Согласно Законот за девизно работење, на патникот и неговата сопруга - сопатник во возилото, вратени им  се по 10 илјади евра (износ што нерезидент може слободно да го изнесе од државата), а останатите 27 илјади евра привремено се задржани.

Согласно законот за девизно работење и Царинскиот закон поднесено е барање за поведување на прекршочна постапка.

The post Спречен обид за нелегално изнесување на девизи, запленети 27 илјади евра appeared first on Република.

Кубанските власти почнаа со ограничена продажба на долари и други странски валути на граѓаните, што е прв таков случај по две години.

Оваа нова политика на кубанските власти има за цел да помогне во борбата против црниот пазар на странски валути.

Со новата одлука, кубанските граѓани можат да купат до 100 долари во готово дневно во 37 одредени менувачници.

На почетокот на минатата година Куба го елиминираше долгогодишниот систем на двојна валута, издавајќи посебен вид конвертибилен пезос, наменет главно за туристите и странците.

Кубанските власти објавија дека според новата политика, продажбата на странска валута ќе биде ограничена не само со лимитот од 100 долари, туку и со износот што локалната менувачница го купила претходниот ден.

The post Куба ќе им дозволи на граѓаните да купуваат ограничена количина странски девизи appeared first on Република.

Царинската управа, на gраничниот премин „Табановце“, заплениla 13,3 килограми злато со проценета вредност од над 600.000 евра .

Како што информираат од Царинската управа, при вршење детална царинска контрола на автобус на влез во државата, мобилните тимови од Одделението за оперативни работи од Царинската управа на граничниот премин „Табановце“ откриле и привремено задржале 13,3 килограми злато и непријавени 30.000 евра. Запленетото злато е со проценета вредност од над 600.000 евра.

Поради постоење сомнеж, автобусот со македонски регистарски ознаки кој се движи на редовна линија од Пореч (Р. Хрватска) до Гостивар, заедно со патниците бил упатен на царинскиот терминал на граничниот премин. При прегледот со мобилен скенер се воочени неправилности во покривната конструкција, каде се пронајдени разновиден златен накит и златни плочки во правилна и неправилна форма. Непријавената стока – злато со вкупна тежина од 13.304 грама е привремено задржана и предадена на Одделението за истраги за понатамошна постапка - се наведува во соопштението.

Дополнително, при личен претрес кај еден од возачите биле пронајдени и одземени непријавени 30.000 евра, за кои е изготвен записник за девизен прекршок.

The post Златни прачки и накит вредни над 600 илјади евра и 30.000 непријавени евра пронајдени во кровот на патничи автобус на „Табановце“ appeared first on Република.

Менувачките работи кај банките се одвиваат непречено, а банките располагаат со доволно девизна готовина и девизи за задоволување на сите потребите на граѓаните, информираат од Македонската банкарска асоцијација (МБА).

Притоа, курсевите по кои се спроведуваат трансакциите се транспарентни, јавно објавени на секое менувачко место и се на стабилно ниво. Апелираме до граѓаните непотребно да не се изложуваат на трошоци менувајќи ги своите денарски средства во девизи, притоа водени единствено од шпекулациите и лажните вести, присутни во овој период, велат од МБА.

Нагласуваат дека банкарскиот систем е високо капитализиран и ликвиден и, како што посочуваат, како и во досегашниот период има потенцијал за справување со шокови и натамошна поддршка на компаниите и граѓаните.

The post МБА: Банките располагаат со доволно девизна готовина и девизи за задоволување на сите потребите на граѓаните appeared first on Република.