Детето (3), кое утрово беше застрелано во Грција, починало и покрај напорите на лекарите. Смртта била констатирана набргу по пристигнувањето во болница.

Престрелката во која учествувале повеќе лица се случила утрово во Маркопулос.

Според неофицијални информации, во престрелката учествувале патници од два автомобила. Наводно еден од автомобилите застанал до друго возило, во кое имало и дете, и од засега непозната причина почнале да пукаат. Најмалку еден куршум завршил во детето.

Полициски извор изјави дека на местото на злосторството биле пронајдени повеќе од 20 патрони.

Детето добило прострелна рана во главата, а неговите роднини бргу го однеле тешко рането во најблискиот здравствен дом. Оттаму детето со возило на брзата помош било префрлено во детската болница.

По приемот, детето не давало знаци за живот.

The post Почина тригодишното дете што беше застрелано во Грција appeared first on Република.

Тригодишно дете се бори за живот во Грција, откако било застрелано во главта. Овој инцидент се случил во Маркопулос, град во јужна Атика во близина на главниот град Атина. Првите сознанија од истрагата укажуваат на тоа дека детето било застрелано случајно.

Пукањето се случило утрово, а детето со повреда на главата било примено во Здравствениот дом во Маркопули, а потоа пренесено во друга болница.

Детето е во тешка состојба. Според неофицијалните информации, дошло до престрелка меѓу патници на два автомобили, по што куршум испукан од еден од автомобилите завршил во главата на детето.

The post Трагедија во Грција: Тригодишно дете застрелано во глава! appeared first on Република.

Тринаесетгодишно девојче од германскиот град Лајпциг ја избоде до смрт својата седумгодишна сестра.

Според локалните медиуми, полицијата добила повик синоќа, а се сомнева дека девојката ја избодела својата помала сестра, која во болница им подлегнала на повредите.

Тринаесетгодишното девојче било пренесено во специјализирана болница, а полицијата не сакала да соопшти повеќе детали, пренесува „oe24.at“.

Германските медиуми нагласуваат дека се уште ништо не се знае за мотивот на страшната трагедија, но познато е дека родителите биле во друга соба и спиеле во моментот на грозоморниот настан.

Полицијата сподели само неколку детали за случајот, со оглед на тоа дека се работи за две малолетни девојчиња.

Тие изјавија дека ќе дадат поддршка на сите погодени од оваа трагедија, нагласувајќи дека ова е семејна трагедија. Тие исто така апелираа до јавноста да ја почитува приватноста на семејството додека трае истрагата.

The post Германија во шок: 7-годишно девојче избодено до смрт од својата 13 годишна сестра appeared first on Република.

Безживотно тело на двегодишно дете е пронајдено во близина на хрватската граница со Унгарија, а неговиот татко е осомничен за убиство.

Лекарите со тешки повреди го пренеле во болница мажот (37), бидејќи се сомневаат дека се обидел да се самоубие откако го убил детето.

Засега не се познати повеќе детали за злосторството, пренесува „Телеграф“.

The post Двегодишно дете убиено кај хрватската граница со Унгарија, се сомничи таткото appeared first on Република.

Безусловна љубов значи да сакаш некого без никакви услови и очекувања. Од клучно значење е родителите да им пружат на своите деца ваква љубов бидејќи тоа им дава чувство на сигурност и самопочит.

Кога децата чувствуваат дека се сакани без разлика на околностите, тие развиваат емоционална стабилност и самодоверба, што има клучна улога во нивниот развој.

Детскиот психолог, мајка и едукатор за родители, Џејми Блох, издвои шест начини на кои родителите можат да покажат безусловна љубов кон своите деца.

Еве што таа ги советува родителите:

1. Бидете присутни

„Одвојте одредено време секој ден за целосна интеракција со вашите деца, без разлика дали тоа е за време на вечерата или пред спиење. Оставете ги сите уреди и целосно фокусирајте се на нив“, вели психологот.

2. Активно слушајте

Блох објаснува:

„Кога вашите деца споделуваат мисли или приказни, спуштете се на нивното ниво и слушајте без да прекинувате“.

3. Обезбедете безусловна поддршка

Ако децата сакаат да пробаат нов спорт, но се нервозни, важно е родителите да ги охрабрат, без оглед на нивните минати успеси.

„Кажете нешто како: „Сигурен сум дека секоја недела ќе се подобруваш! Можеме да вежбаме заедно“, советува психологот.

4. Изразувајте наклонетост и љубов

Блох истакнува:

„Направете навика да им давате на вашите деца прегратка или бакнеж пред да одат на училиште и кога ќе се вратат дома. Овие физички знаци на внимание создаваат чувство на сигурност и припадност“.

5. Создадете безбедна средина

Родителите можат да поттикнат отворена комуникација со одржување редовни „семејни разговори“ каде секој може да ги сподели своите чувства. „Ако вашите деца се чувствуваат удобно да зборуваат за своите грижи, ќе знаат дека можат да се изразат без страв од осудување“, вели психологот.

6. Учете преку грешки

„Ако вашето дете истури сок на подот, наместо да реагирате негативно, смирено кажете: „Грешки се случуваат! Ќе го исчистиме заедно.“ Тој пристап ги учи дека е во ред да прават грешки и дека ќе ги поддржувате во процесот на учење“, објаснува Блох.

„Зборовите што ги слушаат нашите деца постојано ја обликуваат нивната внатрешна приказна. Има голема разлика помеѓу „Те сакам, чувај се“ и „Те сакам и верувам дека можеш“. Како што растат, тоа може да направи светот околу нив да изгледа како да е исполнет со опасности што треба да ги избегнуваат или, од друга страна, со предизвици што можат да ги прифатат“, заклучува психологот.

The post Психолог: Родителите кои ги прават овие 6 работи безусловно ги сакаат своите деца appeared first on Република.

Условите за пребарување на теренот во Доња Јабланица денеска се нешто подобри, дождот престана да врне, па спасувачите со полн капацитет ја продолжуваат потрагата по настраданите од страшната поплава и одрон на ова место.

Сабахудин Спаховиќ од Сојузната управа за цивилна заштита рече дека има многу работи кои спасувачите ќе ги паметат засекогаш, но во неговото сеќавање особено е врежана акцијата за спасување на дете веднаш по катастрофата.

Вистинско чудо е што детето ја преживеало оваа катастрофа, бидејќи го нашле под плоча тешка два тона.

Она што ќе ми остане во сеќавање до крајот на животот, нешто што никогаш нема да можам да го извадам од мојата глава, секако е пронаоѓањето на мало дете. Живо, под плоча која мора да тежела два тона. Заедно со мештаните и сите што беа присутни, успеавме да го извлечеме детето живо и да го пренесеме во првата медицинска установа. Утрово добив информација дека детето е здраво и дека се што му треба е обезбедено, додава Спаховиќ.

Според Спаховиќ, покрај членовите на ФУЦЗ, на терен се и спасувачи со кучиња и членови на тимот на ХУСАР од Хрватска. Ова е првиот тим кој беше ангажиран во Јабланица преку меѓународниот координативен механизам за цивилна заштита и Министерството за безбедност на Босна и Херцеговина.

Сега три лиценцирани кучиња работат на мртви лица на терен. Успеаа да ги откријат жртвите. На три места кучето даде сигнал и чекаме да се создадат услови, бидејќи е многу тешко да се пристапи кон тие места, да се обидеме со машини да дојдеме до потенцијални тела на жртви“, изјави Спаховиќ за „Аваз“.

Целиот регион го поврзува солидарноста, хуманоста и желбата да им се помогне на преживеаните од катастрофата во Јабланица. Со благодарност до сите што помагаат, Спаховиќ апелира дека на спасувачите во моментов им е потребна помош не во работна сила, туку во механизација.

Не ни треба помош во луѓе, потребна ни е помош во камиони, багери, се друго што ќе ни биде од корист на терен за да почнеме да ги отстрануваме тешките последици од оваа катастрофа. Во моментот кога ќе дојдеме во ситуација да започнете со расчистување на објектите и се друго што имаме овде, потоа преку медиумите и социјалните мрежи ќе апелираме да ни помогнат во работна сила. Дотогаш ги молам сите за трпение, особено да не одат по патот по сопствена иницијатива, бидејќи така ни создаваат проблеми и нам, на полицијата и на сите други“, вели Спаховиќ.

The post Во Јабланица извлечено живо дете од под плоча тешка два тона appeared first on Република.

Дете се удавило во базенот на еден од познатите апартмани на Златибор во Србија, објавија српските медиуми.

Според првичните информации, во базенот немало никој освен детето.

Детето било во придружба на жена за која засега не се знае дали и во какво сродство била со детето.

И покрај укажаната помош, детето не преживеало.

The post Дете се удави во базен на Златибор appeared first on Република.

Вчера во 15.25 часот во СВР Тетово, А.А.(40) од Тетово пријавил дека околу 12.00 часот во тетовско основно училиште, неговиот малолетен син, по кратка расправија, бил физички нападнат од друг малолетник, ученик во истото училиште.

Како што пријавил таткото, ученикот напаѓач користел и метален боксирач.

Од СВР Тетово велат дека се преземаат мерки за расчистување на случајот.

The post Дете од тетовско основно училиште со метален боксирач претепа соученик appeared first on Република.

Американската полиција објави видео и фотографија од арсенал оружје запленет од 11-годишно момче кое подготвувало масовно пукање во училиште.

Областа за која станува збор е Волузија, Флорида, а шерифот Мајк Читвуд на прес-конференција најави дека во иднина ќе биде пракса да се објавува фотографија од уапсените ученици:

Секогаш кога ќе апсиме, ќе бидат објавени фотографии од вашите деца и ако можам да го направам тоа, детето ќе биде спроведено со лисици, рече шерифот, според вестите на Ен-би-си Њуз.

Уапсеното момче се заканувало дека ќе изврши масовно пукање во училиштето пред да биде уапсено. Во последните неколку дена беа уапсени двајца тинејџери и веќе споменатиот 11-годишник.

Бидејќи родителите не сакаат да ги воспитуваат своите деца, јас ќе почнам да ги воспитувам, додал шерифот.

Полицијата потврди дека уапсеното момче (11) одело во средното училиште Криксајд. Имал и список со имињата на оние што планирал да ги ликвидира. Момчето од Порт Оринџ е обвинето дека при видео разговор со пријателите покажало „арсенал оружје“ со кој планирало да изврши масакр.

Полицијата добила анонимна дојава, по што е приведено. Канцеларијата на шерифот го објави името на детето и видеото од носењето во затвор. Меѓутоа, американските медиуми не ги објавуваат имињата на малолетниците, ниту пак ќе ја објават фотографијата од уапсеното момче.

The post Подготвувало масакр во училиште: Арсенал оружје пронајден кај 11-годишно момче од Флорида appeared first on Република.

Втор случај на мали сипници е евидентиран во државава. Станува збор за 12-годишен жител на село Долно Коњаре, Петровец. Првичните симптоми кај пациентот започнале на 30 август со ситно - црвен исип, најпрво на лицето, а потоа и на градите и грбот, покачена температура, секрет од носот, конјуктивитис, кашлица и повраќање, информираа попладнево од Институтот за јавно здравје (ИЈЗ).

- На 2 септември, детето е прегледано од страна на матичен лекар и поради сомнение за мали сипаници, препратено е на УК за инфективни болести и фебрилни состојби - Скопје, од каде е препратено за доиследување во Одделението за вирусологија при ИЈЗ, каде се земени урина, крв и брис од нос и грло за анализа како и на РТГ одделот во склоп на УК ТОАРИЛУЦ за РТГ снимка на бели дробови. Со серолошко и молекуларно (PCR) испитување е потврдено заболувањето. Заболениот е на домашно лекување откако одбил хоспитализација, појаснуваат од ИЈЗ.

Детето било невакцинирано со МРП-вакцина. Како што наведуваат од ИЈЗ, живее во седумчлено семејство - двајца родители и пет деца. Во однос на вакциналниот статус на семејството, три деца биле вакцинирани со две дози МРП-вакцина, две деца не биле вакцинирани. Родителите биле уредно вакцинирани, согласно возраста.

- Семејството престојувало во Нови Пазар, Република Србија од 10 до 24 август. Патувале со сопствено возило. Во Нови Пазар, дете на шестгодишна возраст било со дијагностицирани мали сипаници за време на нивниот престој. По враќањето од Нови Пазар, немало контакт со останатите членови од другите три семејства, кои живеат во ограден заеднички двор и не посетувало училиште, додаваат од ИЈЗ.

Во текот на годинава, пријавени се вкупно два лабораториски случаја на мали сипаници во државава. Првиот случај, регистриран во јуни, беше жител на струшко село.

Минатата година беше пријавен е еден случај на мали сипаници. Од 2014 до 2023 година, регистрирани се вкупно 2.020 заболени од ова заболување. Епидемии се регистрирани во 2014, 2017, 2018 и во 2019 година. Последната регистрирана епидемија од ова заболување е регистрирана во 2018 година, а завршила во 2019 со вкупено 1.901 регистрирано лице, во 24 градови.

Вакцинација против мали сипаници се спроведува континирано и задолжително со две дози на МРП-вакцина. Првата доза се смета за примовакцинација и треба да се даде на првата година од животот на детето. Ревакцината е на шестгодишна возраст. Опфатот со првата доза лани на национално ниво изнесувала 73,4 проценти, а во Скопје 83,7 отсто. Опфатот се ревакцинација на национално ниво лани била 87,7 проценти, а во Скопје 85,9 отсто.

- Имајќи го предвид пријавениот неоптимален опфат со вакцинација (<95%), фактот дека следните месеци претставуваат сезонски врв на вирусот и можноста за импортирање, пријавувањето на нови случаи не е неочекуван настан, потенцираат од Институтот.

The post Втор случај на мали сипаници, заразено е 12-годишно дете од Долно Коњаре кое бе било вакцинирано appeared first on Република.

Косовската полиција покрена истрага за смртта на двегодишно дете во Подуево.

Според полицијата, нејзиното семејство без знаци на живот ја однело во Ургентниот центар.

Со одлука на обвинителството телото е испратено на обдукција. Случајот е во истрага“, се наведува во соопштението.

Трагедијата се случила во селото Пенух.

Според семејството, таа се истркалала од лулката додека спиела.

The post Двегодишно дете од Подуево паднало од креветчето и починало appeared first on Република.

„Добредојде дома“ напишаа новопечените родители покрај фотографијата од стапалата на бебето кое ќе се вика Џек Блуз Бибер. Манекенката и пејачот примија бројни честитки за оваа вест од останати познати личности, но и од нивните фанови.

Тие за бременоста објавија пред три месеци, а Хајли тогаш изјави дека се одлучиле јавно да споделат дека чекаат беше, поради притисокот и стресот од криењето на бременоста од јавноста.

„Веројатно можев да ја кријам бременоста до крајот, но ќе ми беше стресно да не можам јавно да уживам во бременоста. Сакав слободно да го живеам својот живот“ изјави тогаш Хајли.

Познатиот пар се венчаше во 2018 година, а на почетокот на јули тие објавија заеднички фотографии кога ги обновиле заветите, на кои јасно се гледаше стомакот на Хајли.

The post Хајли и Џастин Бибер добија син appeared first on Република.

Драмата на осумгодишното момче кое за малку ќе го загубеше животот во морето кај Фурка на Халкидики имаше среќен крај.

Алармот се вклучил во понеделникот вечерта кога таткото на детето го видел осумгодишното како плови со лицето надолу во морето, пишува „Прототема“.

Преплашен, го извлекол на брегот и сфатил дека е во несвест. Но лекар кој бил во близина, веднаш започнал со реанимација.

Во исто време била известена и Итната помош, додека на местото за пет минути пристигнал волонтер-инструктор Темели Јерисиотис (член на грчкиот спасувачки тим), опремен со кислород и автоматски мобилен дефибрилатор.

За првите критични моменти за „Thesstoday.gr“ зборуваше искусниот спасувач.

Бев на работа во Фурка кога граѓаните во паника ме известија дека дете се дави. Притрчав кон плажата и го најдов детето на песок, додека докторот веќе му даваше прва помош. Голтнал многу вода. Во неколку минути му дадов медицински кислород, а набрзо пристигна и брзата помош кога се освести, раскажува тој.

Претседателот на непрофитната организација „Kids Save Lives“, Анастасис Стефанакис, ја истакна важноста од итно активирање на синџирот на преживување:

Од суштинско значење е во секој итен случај во близина да има здравствени работници и обучени граѓани кои знаат да пружат прва помош, како и достапност до надворешен дефибрилатор. Времето е нашиот најголем непријател. Не можеме и не смееме да чекаме итна помош со скрстени раце, заклучи тој.

The post Осумгодишно момче во Фурка спасено од давење, помогнале присутните appeared first on Република.

Единаесетгодишно момче било избодено од маскиран напаѓач додека играло на фудбалско игралиште во мал шпански град јужно од Мадрид, пренесе државната телевизија РТВЕ, пренесе ДПА.

Напаѓачот ненадејно се појавил на игралиштето во Мосехон и го избодел момчето со остар предмет.

До пристигнувањето на Итната служба, момчето доживеало срцева слабост и не можело да биде реанимирано, соопшти телевизијата.

Почната е голема потрага по непознатиот напаѓач.

Премиерот на шпанската област Кастиља - Ла Манча, Емилијано Гарсија-Паже, изрази шок и сочувство со семејството на момчето и повика на брзо приведување на сторителот. с

The post Маскиран напаѓач до смрт избоде 11-годишно момче додека играше фудбал во Шпанија appeared first on Република.

Страшната трагедија која се случила вчера околу 17 часот, кога во базенот во дворот се удавила едногодишната Д.А, од Змајево, ги остави во шок мештаните на тоа село во општина Врбас.

Неофицијално, мајката Ц.К.(31) се вратила од работа околу 16 часот и ги затекнала синот(7) и ќерката(3), како се бањаат во гумен базен длабок 25 сантиметри во дворот, додека  едногодишната Д.А се бањала во кадичка покрај влезната врата на куќата.

Одеднаш, како што рекла, околу 17 часот дошол синот во куќата и рекол дека бебето влегло во базенот и дека не диши.

Девојчето веднаш е превезено во Општата болница во Врбас, но за жал и немало спас.

The post Мајката се вратила од работа и ги затекнала децата во базен: Постариот син, влегол дома и рекол дека бебето не дише appeared first on Република.

На подрачјето на Обровац во Хрватска вчера експлодирало возило на чешко семејство, при што загина осумгодишно дете, а две жени и еден маж се хоспитализирани во Задар.

Според хрватската полиција експлозивна направа имало во автомобилот во кој било чешкото семејство.

Експлозијата се случила кога семејството застанало на постојка за одмор поради дефект на автомобилот.

The post Во Хрватска при експлозија на автомобил загина дете, а тројца возрасни се повредени appeared first on Република.

Вчера во 18.35 часот во полициската станица Аеродром, М.Ѓ.(40) од с.Долно Лисиче, скопско, пријавил дека на место викано „Чатал“ во с.Долно Лисиче, неговиот малолетен син бил каснат од куче скитник.

The post Дете искасано од улично куче во Долно Лисиче appeared first on Република.

Тригодишно дете со скршена бутна коска, наместо операција си замина дома со гипс. Од Гостивар пред два дена го донеле на хируршките клиники со Брза Помош. Бидејќи не работи оперативниот блок лекарите им рекле на родителите да пробаат со гипсирана нога со надеж дека ќе му помине без интервенција.

Збореа дека во Велес треба да се направи операција со тим на доктори од тука, но бидејќи има сега гипс ќе видиме дали ќе помине, ако не во петок операција, вели мајка на тригодишно дете.

Малото момче од Гостивар е едно од многуте пациенти кои трпат стресови и нервози поради одложени операции. Пред хируршките клиники имале и син чиј татко од внатрешноста веќе три недели чека за операција со малигна болест. Еднаш биле дома, повторно се вратиле вчера но незнае кога неговиот родител кој досега на двапати го подготвувале за операција ќе влезе во сала.

Освен за најитни случаи во сали со компресори од надвор, на хирургија веќе 17 дена нема оперативен програм и стотици пациенти за хронични операции имаат одложени и пролонгирани термини. Директорите досега не излегоа во јавност, а за смрдеата во хируршкиот блок од заеднички служби топката ја префрлаат на клиниките.

Во меѓувреме, иако избран за пратеник во новиот состав, Илир Демири од „Европскиот фронт“ на ДУИ, противзакононски одбива да даде оставка од функцијата - министер за здравство.

https://republika.mk/vesti/makedonija/antikoruptsiska-ke-gi-kazni-dhaferi-i-demiri-do-500-evra-ako-ne-se-otkazhat-od-dvojnite-funktsii/

The post Тригодишно дете место на операција пратено дома во гипс поради хаосот на Клиники appeared first on Република.

Шестгодишно девојче од Ниш, итно е пренесено во болница со убодни рани, откако нејзината 20-годишна мајка со нож ја избодела во грбот, пренесува српските медиуми.

Во стравичното насилство, 20-годишна мајка на три деца од околината на Ниш вчера трипати со нож си ја исекла својата 6-годишна ќерка откако надлежниот Центар за социјална работа наводно се обидел привремено да и ги одземе преостанатите две деца, бидејќи третото дете е веќе во згрижувачко семејство.

Службениците од надлежниот Центар за социјална работа дојдоа да преземат две деца кои требаше да бидат однесени во згрижувачко семејство. Со оглед на тоа дека нивната мајка, која инаку е долгогодишен зависник, и покрај сите предупредувања и шанси што наводно ги добивала од надлежните, не го поправила однесувањето, се решиле на таков чекор. Имено, кога ги здогледала вработените работници во Центар, жената целосно го изгубила умот, со закани, пцовки и агресивно однесување, грабнала нож и го расекла своето 6-годишно дете по грбот – велат очевидци на стравичниот инцидент.

Истрагата е во тек и ќе се утврдат сите детали за ова кривично дело семејно насилство. Мајката монструм по инцидентот била приведена и задржана во притвор, а девојчето итно било пренесено во болница.

The post Мајка со нож си го избодела детето: Ужасно насилство во Ниш appeared first on Република.

Возач на автомобил вчера удрил во дете во близина на студентскиот дом Гоце Делчев во Скопје, по што избегал од местото на несреќата. Се работи за дванаесетгодишно момче кое добило полесни повреди на ногата.

Детето било пренесено во комплексот клиники Мајка Тереза Скопје за да му биде пружена лекарска помош. Полицијата извршила увид на местото и трага по возачот.

The post Со автомобил удрил 12-годишно дете во Скопје и избегал appeared first on Република.