Со дефиле по Широк Сокак и со традиционалната изведба на Комитското на КУД Илинден, по 54 пат вчера светскиот фолклор се славеше на овој интернационален фестивал во Битола.

Над 1.300 гости од Македонија, Романија, Боливија, Јужна Кореја, Северен Кипар, Мексико, Турција, Србија и САД ќе настапат на многу локации низ градот, претворајќи ја Битола во отворена сцена. Ова е фестивал кој трае вкупно 13 денови, со одлчина претпрограма која опфаќа етнографски филмски фестивал, детски работилници и изложби, кои заедно со камерните и големите концерти прават бројка од 70 настани. Овој фестивал формиран пред повеќе од половина век како културно ехо на манифестот од 1903, како смотра на фолклорот во националните граници, денес ја живее светската слава како еден од најпознатите и најголеми фестивали препознати и сертифицирани од CIOFF (International Counsil of Organizations of Folklore Festivals and Folklore Arts) официјален партнер на УНЕСКО, формиран во 1970 година, кој работи за заштита, промоција и ширење на традиционалната култура на глобално ниво.

Големото дефиле на „Илинденски денови“ ја прокламира племенитата мисија на илјадници народни уметници да се  преслика автентичната вредност на културното наследство на идните генерации. За градот домаќин и организаторот овој фестивал над половина век е печатот на нашиот идентитет. Место каде го споделуваме своето и го уважуваме туѓото во духот на Гоцевата мисла.

На платото пред Офицерски дом, беше свечено отворено 54. издание под мотото „ Уметноста на традицијата “ .

На церемонијата фестивалот за отворен го прогласи потпретседателката на Собранието како покровител на Илинденски денови Весна Бендевска. 

Министерот  Зоран Љутков, во своето обраќање истакна дека Министерството за култура и туризам во иднина значително ќе ја зголеми поддршката на фолклорните ансамбли со одвојување на поголеми финансиски средства за нивно функционирање, а со тоа одржување на македонската традиција

Во име на општина Битола се обрати градоначалникот Тони Коњановски.

“Илинденски денови” отсекогаш бил отворен круг за уметници, љубители на традицијата, нови кадри. Луѓето што го востановиле овој фестивал секогаш гледале подалеку, иако некои мислат дека гледале кон минатото, но минатото е секогаш учител за нашата иднина. Цели 54 години фестивалот настојува да ја продолжи традицијата живо да егзистира меѓу народот. Фестивалот во последните години целосно се отвори кон светот, благодарејќи на добивањето на сертификат на интернационален CIOFF фестивал и со тоа влезе во семејството на  CIOFF.

“Овој фестивал буди носталгија, убави спомени и ги инспирира младите генерации да продолжат да творат и да се интересираат за фолклорот” истакна директорката на Центарот за култура Битола, Маја Андоновска-Илијевски кои се организатори на овој голем фестивал кој се реализира со поддршка на Министерството за култура и Општина Битола, а под покровителство на на Собранието на РСМ.

The post “Илинденски денови”, повеќе од пет децении се културна екстраваганција на народите и обичаите која ја прикажува убавината и богатството на народните традиции од целиот свет. appeared first on Република.

Со дефиле по Широк Сокак и со изведба на Комитското, по 53 пат вчера светскиот фолклор се славеше на Илинденски денови во Битола

Над 1.200 гости од Ирска, Италија, Мексико, Чиле, Грузија, Хрватска, Србија, Бугарија и Македонија ќе настапат на многу локации низ градот, претворајќи ја Битола во отворена сцена во следните неколку денови. Ова е фестивал кој трае вкупно 13 денови и има испланирано 60 настани, како културно ехо на манифестот од 1903- а годинава се одржува под мотото “Отворен круг”.

По традиционалното дефиле на Широк Сокак и изведбата на  “Комитското” на КУД Илинден од Битола 53-то издание на фестивалот „Илинденски денови“ го отвори потпретседателот на Собранието Горан Мисовски.

Големото дефиле на „Илинденски денови“ ја прокламира племенитата мисија на илјадници народни уметници да се  преслика автентичната вредност на културното наследство на идните генерации. За градот домаќин и организаторот овој фестивал над половина век е печатот на нашиот идентитет. Место каде го споделуваме своето и го уважуваме туѓото во духот на Гоцевата мисла.

“Илинденски денови” отсекогаш бил отворен круг за уметници, љубители на традицијата, нови кадри. Луѓето што го востановиле овој фестивал секогаш гледале подалеку, иако некои мислат дека гледале кон минатото, но минатото е секогаш учител за нашата иднина. Цели 53 години фестивалот настојува да ја продолжи традицијата живо да егзистира меѓу народот. Фестивалот во последните години целосно се отвори кон светот, благодарејќи на добивањето на сертификат на интернационален CIOFF фестивал и со тоа влезе во семејството на  CIOFF (International Counsil of Organizations of Folklore Festivals and Folklore Arts)  официјален партнер на УНЕСКО, формиран во 1970 година, кој работи за заштита, промоција и ширење на традиционалната култура на глобално ниво.

“Илинденски денови” е амбасадор на македонската култура во светот. Фестивал што започна скромно како републички фестивал на народни песни и игри пред повеќе од половина век, а прерасна во интернационален и е единствен фестивал од Македонија што е во елитата на фолклорни фестивали во светот.

Овој фестивал буди носталгија, убави спомени и ги инспирира младите генерации да продолжат да творат и да се интересираат за фолклорот” истакна директорката на Центарот за култура Битола, Маја Андоновска-Илијевски кои се организатори на овој голем фестивал кој се реализира со поддршка на Министерството за култура и Општина Битола, а под покровителство на на Собранието на РСМ.

The post Со дефиле по Широк Сокак и со изведба на Комитското, по 53. пат светскиот фолклор се славешево Битола appeared first on Република.

Под мотото „Јас внимавам и безбедно возам“ денеска ќе се одржи дефиле на велосипедисти и мотоциклисти, на кое е најавено учество на преку 100 велосипедисти и над 30 мотоциклисти со цел подигнување на свеста за безбедност на велосипедистите и мотоциклистите.

Организаторите информираат дека дефилето за велосипедистите започнува во 11:00 часот и ќе стартува од велосипедската патека на кејот на реката Вардар кај хотел „Холидеј ин“, а мотоциклистите ќе тргнат од фонтаната „Лотосов цвет“ во Градскиот парк во 11:30 часот. Двете групи ќе се сретнат на целната локација, на платото пред Спортскиот центар „Јане Сандански“.

Дефилето е во организација на Републичкиот совет за безбедност на сообраќајот на патиштата (РСБСП), а партнери се компанијата ОКТА, Министерството за внатрешни работи, Факултетот за безбедност од Скопје и Црвениот крст. Поддршка за настанот даваат и здруженијата на велосипедисти и мотоциклисти „Мото клуб Безбедност“, „Прв до врв“ и „Здружението за друмски и планински велосипедизам“.

Можат да се приклучат сите кои сакаат да дадат придонес и поддршка зазголемување на сообраќајната култура на велосипедистите и мотоциклистите и подигнување на свеста за користење на заштитна опрема при вклучување во сообраќајот и можат да се приклучат сите што

На учесниците кои први ќе пристигнат на почетните позиции, ќе им бидат доделени стартни пакети од страна на РСБСП. Како дополнителна поддршка на настанот, а во рамки на својата кампања за подигнување на свеста за безбедност во сообраќајот „Јас внимавам“, компанијата ОКТА ќе обезбеди велосипедски ѕвончиња, безбедносни велосипедски светла и заштитни кациги за учесниците во дефилето.

По пристигнување на платото пред Спортскиот центар „Јане Сандански“, во 12:00 часот, изјави ќе дадат министерот за внатрешни работи, Оливер Спасовски, претседателката на РСБСП, Гордана Кожуваровска, менаџерката за корпоративна општествена одговорност и комуникации во ОКТА, Марија Ставрeва, и декан на Факултетот за безбедност при Универзитетот „Св. Климент Охридски“ во Битола, Никола Дујовски.

The post Дефиле на велосипедисти и мотоциклисти за подигнување на свеста за нивна безбедност appeared first on Република.

Црвениот крст на град Скопје денеска со дефиле на хуманоста, со мотото „За Скопје со љубов“ одбележа 77 години од основањето. На дефилето учествуваа повеќе од 1000 лица волонтери на Црвен крст на град Скопје, на петте општински организации, како и корисници на услуги на Црвениот крст.

Градоначалничката на Град Скопје, Данела Арсовска, учествуваше во дефилето на хуманоста и во оваа пригода го честиташе јубилејот на Црвениот крст на град Скопје.

Активностите и делувањето на Црвениот крст е од исклучителна важност за бројни категории на граѓани за чија добробит делуваат волонтерите на Црвен крст, преку илјадници акции и активности во текот на целата година, вклучително и оние за најранливите групи на граѓани, за кои оваа грижа придонесува за позитивна промена во нивниот живот. Соработката на Градот Скопје и Црвениот крст продолжува со поддршка низ бројните програми за грижа на ранливите категории граѓани, истакна Арсовска.

Значајно е да се нагласи дека изминатиов период во рамките на одличната меѓусебна соработка, формирана е Платформа за унапредување на соработката помеѓу Црвен крст на град Скопје и Градот Скопје во делот на подготвеност и одговор во случај на катастрофи. Со поддршката од Градот Скопје, воведена е услугата за превоз на лица со посебно опремени наменски возила, наменета за стари изнемоштени и лица со инвалидитет, а промовирано е и „Итно Копче” програмата на Црвениот крст на град Скопје, наменета за обезбедување сигурност на постарите лица над 65 години.

Дефилето помина по улиците „Кочо Рацин“ и „11 Октомври“ до плоштадот „Македонија“, каде што учесниците формираа крст – симболот на организацијата.

The post Дефиле на хуманоста „За Скопје со љубов“ за одбележување 77 години постоење на Црвен крст на град Скопје appeared first on Република.