Судот во Санкт Петербург денеска ја осуди Дарија Трепова на 27 години затвор, обвинета за терористичкиот напад во кафуле во Санкт Петербург, во кој беше убиен рускиот воен дописник Владлен Татарски, а беа повредени 32 лица.

Дмитриј Касинцев, кој помогнал да се скрие Трепова по терористичкиот напад на 2 април минатата година, е осуден на една година и девет месеци затвор.

Трепова беше обвинета за терористички напад, како и за „незаконско стекнување, складирање, носење и транспортирање експлозивни материи и експлозивни направи“.

The post 27 години затвор за Дарија Трепова, која лани фрли бомба врз руски блогер во Санкт Петербург appeared first on Република.