Фудбалерот од средниот ред на Барселона, Дани Олмо, најверојатно ќе биде надвор од теренот во следните две недели, откако изминатиот викенд се повреди на натпреварот од 5. коло во Ла Лига против Жирона (4:1), јавија денеска шпанските медиуми.

Олмо се најде во почетниот состав и постигна гол во гостинската победа над Жирона, но беше заменет во 61. минута поради повреда.
Според весникот AC, фудбалерот на Барселона има проблеми со задниот дел на бутот и закрепнувањето би можело да потрае помеѓу 10 и 14 денови.

Барселона, која е лидер во шпанското првенство со максимални 15 бодови, в четврток ќе му гостува на Монако во воведното коло од групната фаза во Лигата на шампиони.

The post Олмо само што почна да настапува се повреди appeared first on Република.

Ла Лига конечно ја потврди регистрацијата на Дани Олмо од Барселона, што значи дека сега може да игра за тимот. Веста ја пренесоа голем број медиуми во Шпанија.

Сето ова беше одложено бидејќи клубот немаше резервни средства од вкупната сметка за плати. На крајот, трансферите на Клемент Ленгле (позајмица во Атлетико Мадрид) и Витор Роке (позајмица во Бетис) објавени денеска го олеснија процесот, но повредата на Андреас Кристенсен се покажува како клучна. Репрезентативецот на Данска ќе отсуствува околу 2 месеци, што според прописите на Ла Лига автоматски ја одзема неговата плата од сумата.

Засега регистрацијата на Олмо е привремена - само до 31 декември, што значи дека после тоа клубот ќе мора да бара начин да го врати на списокот. Се очекува тој да дебитира против Рајо Ваљекано во вторник навечер.

The post Конечно: Барселона го регистрираше Дани Олмо appeared first on Република.