Хрватската кошаркарска федерација го назначи Дамир Мулаомеровиќ за нов селектор на националниот тим. Мулаомеровиќ доаѓа во хрватската кошаркарска репрезентација на местото на Вељко Мршиќ со кого изминатиот викенд спогодбено беше раскината соработката.

Мулаомеровиќ е поранешен хрватски репрезентативец и поранешен селектор на селекциите на Босна и Херцеговина и на Косово.

Мулаомеровиќ во февруари 2022 година беше избран за помошник селектор и тесно соработуваше со својот претходник Мршиќ во стручниот штаб на хрватската репрезентација.

Во својата долга кошаркарска кариера, Мулаомеровиќ има една титула во Евролигата, која ја освои во сезоната 2001/2002 како член на атински Панатинаикос.

The post Мулаомеровиќ нов селектор на кошаркарската репрезентација на Хрватска appeared first on Република.