По повод 30 години дипломатски односи помеѓу Шпанија и Македонија, на 4 јуни (вторник) во Камерната сала на Филхармонија со почеток во 20 часот, пијанистот Дино Имери и диригентката Дијана Имери Илкоска, ќе одржат концерт на кој ќе бидат изведени дела што ја отсликуваат македонската и шпанската музичка култура.

Заедно со македонските реномирани уметници, на концертот ќе настапи и Камерниот оркестар „ID Chamber Orchestra“, а ќе бидат изведени дела од: Томислав Зографски („Суита“ за пијано), Вања Ѓумар Николовски („Macedance“), Дијана Имери Илкоска („Корени“ за виолина и пијано), Дамир Имери („Пајдушко“), Мануел де Фаља („Ритуалниот танц крај огнот“), Фредерик Момпу („Песни и танци“ бр.3 и „Младите девојки во градината“ од „Сцени од детството“) и Исак Албенис („Шпанска рапсодија“ за пијано и оркестар). Некои од делата ќе доживеат скопска и светска премиера.

Всушност, познатата „Шпанска рапсодија“ од Албенис, ќе ја доживее светската премиера на целосно нов аранжман на Дијана Имери Илкоска, додека делото „Macedance“ на Вања Ѓумар Николовски, кое е посветено на нашиот „волшебник на пијаното“ Дино Имери, ќе ја доживее скопската премиера. Исто така, со делото на Томислав Зографски, ќе се одбележат 90 години од раѓањето на овој влијателен македонски  композитор. Како гостин на концертот ќе се претстави македонскиот истакнат виолинист Бојан Илкоски, во изведба на делото „Корени“.

Овој концерт претставува импресивна фузија од дела во кои е вткаен македонскиот фолклор и она што се нарекува современа македонска композиторска школа, со звучната егзотика на Шпанија - фламенкото, познатата шпанска малагења, специфичната орнаментика и богатиот, живописен колорит присутен во делата на претставниците на шпанскиот музички национализам.

Организатор на концертот е Амбасада на Шпанија во Скопје.

The post Концерт по повод 30 години дипломатски односи меѓу Македонија и Шпанија: Светска премиера на „Шпанска рапсодија“ од Албенис во нов аранжман на Дијана Имери Илкоска и скопска премиера на делото „Macedance“ на Вања Ѓумар Николовски appeared first on Република.

Македонскиот рокер и познат музички менаџер, Сашко Андриески, попознат како Сале – Рокер или Сале СРВ, по последните свои песни и неколку кавер верзии, како оние на познатите хитови на Галија или Азра, има нова авторска песна.
Задржувајќи го својот препознатлив рокерски стил, овој пат македонскиот музичар песната ја посветил на неговата и наша, родна „Македонија”, како што гласи самиот наслов на неговата нова тема полна со национални чувства и патриотски набој и родољубиви емоции кон единствената татковина, вткаени во одличните стихови на стариот проверен мајстор, Огнен Неделковски.

Затоа и не случајно 2-ри Август, големиот македонски национален празник Сале го одбрал за промоција на песната која пак е компонирана од уште еден музичар, член на познатите балкански бендови со кои Сале како менаџер соработува – Бојан Станимировиќ од „Амадеус бенд” и македонскиот инструменталист на народни инструменти Алек Петковски, додека аранжманот го потпишува Дамир Имери.

Песната „Македонија”е снимена во студиото „City sound”, а продукцијата и миксот/мастетингот се на Љупчо Соколовски.

Песната е визуелизирана со видео кое меѓу другото содржи преубави кадри од прекрасните убавини на Македонија, а неговата реализација ја потпишуваат дури две видеопродукции: „Куба видео” и „ДРД медиа”.
Честитајќи Ви го Илинден, Сашко Андриески или Сале СРВ како што му е уметничкиот прекар ве кани премиерно да ја проследите неговата визија за “Македонија”.

https://www.youtube.com/watch?v=bt1oytdDwqg

The post Сале – СРВ со нова авторска песна, „Македонија” appeared first on Република.