Две лица се убиени во престрелка во болница во градот Далас, во американската држава Тексас, а полицијата го идентификувала осомничениот за престрелката и го ранила.

Во полициското соопштение се наведува дека Нестор Ернандез (30) бил уапсен откако полицаец од здравствениот систем го ранил во Медицинскиот центар „Методист” во Далас.

Ернандез, кој бил условно пуштен по тежок грабеж, бил пренесен во друга локална болница на лекување, објави Далас Морнинг Њуз.

Имињата на жртвите не се објавени, додека локалните здравствени власти во соопштение наведоа дека жалат за загубата на членовите на нивниот тим.

The post Две лица убиени во пукање во болница во Далас appeared first on Република.