Министерот за здравство, Арбен Таравари во одговорот на прашањето поврзано со неодамнешниот повик на Зијадин Сеља упатен до опозициските партии од македонскиот и албанскиот политички блок и да разговараат за прашањата и теми кои се однесуваат на Албанците, напомена дека се подготвени за разговор.

-Кажав дека Сеља и Ахмети треба да се самокритични и да се навикнат дека се во опозиција. Инаку нема проблем, подготвени сме да разговараме со кого било и во кое било време, рече Таравари во одговорот на прес-конференција по денешната посета на Центарот за рехабилитација на патологија на вербалната комуникација.згм/лв/

The post Таравари е спремен да разговара дури и со Ахмети и Села кога се работи за Албанците appeared first on Република.

Новиот прв човек во здравството, Арбен Таравари денеска потврди дека доктор Марјан Шокаровски е вратен на позицијата медицински директор на Клиниката за кардиохиругија за време на викендот од страна на заменик-министерката за здравство, Маја Манолева. Како што рече Таравари, тој ја одобрува ваквата одлука.

-Јас мислам дека правилно постапила по тоа што укажала Државната комисија за спречување на корупција (ДКСК) – нормално го вратила стариот директор. Јас мислам дека одлуката е во ред. Ќе видиме во периодот понатаму можеби ќе назначиме нови директори секаде, рече Таравари на новинарско прашање по посетата на Хируршките клиники, непосредно по преземањето на должноста.

Претходникот на Таравари, Илир Демири истакна рече дека за разрешувањето на Шокаровски има две причини. Според податоците што стигнале до него, како што рече, имало 170 пациенти кои не се внесени регуларно во „Мој термин“ и немаат отпусно писмо или прилог кон умреница, а таквата бројка Демири вели дека може да ја промени и вредноста на исходот. Другата причина за разрешување на директорот, според Демири, се крајно нарушените меѓучовечки односи во таа институција.

Сега веќе екс-министерот сметаше дека нов директор треба да биде експерт што ќе дојде однадвор.

Антикорупциска комисија одлучи дека разрешувањето на Шокаровски е незаконско и дека со него се прекршени Законот за спречување корупција и Законот за здравствена заштита.

Шокаровски беше ставен за директор откако претходниот министер Фатмир Меџити го разреши долгогодишниот директор на Кардиохирургија, Сашко Јовев.

The post Шокаровски вратен на позицијата медицински директор на Кардиохирургија appeared first on Република.

Арбен Таравари кој беше претседателски кандидат на албанската опозицја, но не влезе во вториот круг, во Тетово вети повеќе работа како дел од централната власт.

-Ако ме прашате дали сме уморни, признавам да, малку. Ве изморивме и вас реално, со дозвола или без дозвола сме тропнале на секоја врата, но вашето добредојде беше невообичаено. Ќе ветам јавно, дека кога ќе ја правиме владата набрзо, ќе трчаме уште посилно, нема да седиме во фотелјите, туку ќе работиме за вас, што ни ги отворивте вратите кога дојдовме без да тропнеме. Јас имав понуда од Али Ахмети, но ја одбив и јас избрав да бидам со вас и горд сум што го направив овој избор, истакна Таравари.

The post Taравари: Имав понуда од Али Ахмети но ја одбив appeared first on Република.

Претседателот на Алијанса на Албанците, Арбен Таравари на социјалните мрежи објави предупредување до јавноста дека негова слика е злоупотребена и ставена на препарат за слабеење.

Таравари, од институциите побара да спроведат истрага за случајот.

„Како лекар, длабоко сум загрижен за ширењето лажна реклама во мое име за производ за слабеење, за којшто се тврди дека придонесува за губење на телесната тежина.

„Ги повикувам луѓето да бидат исклучително внимателни кога наидуваат на вакви содржини, коишто во дадени околности дури може да предизвикаат и големи штети по нивната здравствена состојба.

Мој приоритет отсекогаш бил грижа за здравјето и благосостојбата на граѓаните. Сите граѓани треба да имаат пристап до точни и веродостојни информации кога станува збор за нивното здравје и благосостојба.

Ги повикувам институциите да преземат мерки против ваквите лажни реклами коишто не само што можат да ги доведат потрошувачите во заблуда, туку и да предизвикаат сериозни здравствени ризици“, напиша познатиот доктор и политичар на својот фејсбук профил.

Во корона кризата кога микробиологот Никола Пановски ја доби довербата на народот со тоа што одлучи да ја следи Хипократовата заклетва и му служи на јавното здравје и тој стана жртва на ваквите реклами. Микробилогот на својот профил на фејсбук објави дека е жртва на интернет реклама и демантира дека рекламира чај за паразити, лек или лековито средство.

Еве и мене ми дојде редот. Се видов со слика и текст. И до сега сум реагирал за да ги заштитам моите колеги. Група хохштаплери и криминалци од најдолен вид, со години, преку социјалните мрежи злоупотребуваат угледни доктори, професори, дел постојат, дел се измислени. Неовластено користат нивни фотографии, нивното име и титула, постираат нешто што тие не го кажале, па потоа продолжуваат со измислени пациенти, како тоа средство им помогнало итн. На крајот производот го продаваат онлајн, за висока цена. Неовластено се богатат злоупотребувајќи го нашиот углед стекнат со децении. Јавно лажат!, апелираше д-р Пановски, кој беше револтиран од институциите во држвата што со години не преземаат ништо против лажните реклами во интернет просторот.

The post Кој ги користи популарните лекари за профит: Ликот на д-р Таравари злоупотребен како и ликот на д-р Пановски appeared first on Република.

Две министерски функции, две заменички и неколку директорски функции го фрли во втор план барањето на претседателот на Алијанса на Албанците Арбен Таравари за бришење на 20 проценти за албанскиот јазик во македонскиот Устав.

Имено, минатата година Таравари побара официјална употреба на албанскиот јазик кој смета дека тоа треба да се направи кога ќе се вметнат Бугарите во Уставот, што всушност е услов наметнат со усвојување на таканаречениот француски предлог за отпочнување на преговорите на Македонија со Европската нија, го заборави своето барање. Но, освен ова Таравари најави еден пакет од пет барања доколку во парламентот се почне со дебата за менување на менување на највисокиот правен акт на државата. „Овој пакет на мерки кои што ќе го дадеме, ќе се презентира пред најзначајните амбасади во Скопје.

Потоа ќе се презентира пред медиумите и се надевам пред пошироката јавност, но и пред другите политички партии. Нашиот предлог ќе биде нешто што не може да се одбие“, рече Таравари и го најави барањето за бришење на одредбата 20 проценти од населението кое зборува јазик различен од официјалниот јазик и наместо тоа да се стави албанскиот јазик. „Да биде барем во Југославија како што беше, албанскиот и македонскиот јазик тука беа јазици кои официјално се користеа.

Јас се надевам дека има подготвеност од сите македонски политички партии, тоа да се прифати, тоа да го помине и потоа да поминеме на други побитни теми“, изјави Таравари.

Но, и покрај најавите за овој сет на барања од Таравари, се пропадна во вода откако вчера и официјално соопшти дека станува дел од владината коалиција на СДСМ и ДУИ за која до вчера ја нарекуваше криминална. Со само неколку министерски и директорски позиции за кои соопшти дека успеал да ги испреговара, Таравари воопшто не го спомна барањето за бришење на 20 проценти од населението и ставање на албански јазик како официјален јазик.

https://republika.mk/vesti/makedonija/so-sdsm-i-dui-nema-reformi-kako-so-kriminaltsi-da-se-borish-protiv-kriminalot-shto-govoreshe-taravari-za-novite-koalitsiski-partneri/

Ниту Ковачевски, ниту пак Таравари кажуваат што точно е преговарано на средбите во Владата, и дали воопшто паднало некаков договор по однос на ова и дали пак ова беше само обид за земање на што поголем дел од владиниот колач ќе се покаже во следниот период, но сигурно е дека барем сега за сега, претседателот на Алијанса за Албанците Таравари се задоволи со две министерски и неколку директорски места.

The post Заборави дека имаше услови: Таравари за влез во Владата за ги продаде Албанците и укинување на 20 проценти за користење на јазикот! appeared first on Република.

Претседателот на Алијанса за Албанците (АА), Арбен Таравари, во објава на „Твитер“ изразува загриженост од зголемените политички тензии во односите меѓу Македонија и Бугарија, и ги повика институциите да се воздржат од изјави коишто водат кон дополнителни тензии.

– Вознемирен од зголемувањето на политичките тензии меѓу Македонија и Бугарија, ги повикувам нашите институции да се воздржат од изјави коишто водат кон дополнителни тензии и да се ангажираат конструктивно да придонесат во спроведувањето на договорот за добрососедство и европската интеграција на земјата, објави Таравари

The post Таравари се загрижи за тензиите меѓу Македонија и Бугарија appeared first on Република.

В.д претседателот на Алијанса за Албанците Арбен Таравари денеска соопшти дека партијата не се согласува со евентуалното испраќање на Виктор Димовски како амбасадор во Франција.

Таравари смета дека Димовски предложениот кандидат не е подобен и имал блиски врски со Србија.

-Според информациите со кои располагаме, Димовски претходно го добил агреманот од француските власти но, неговото испраќање во Париз се одолжи поради внатрешните калкулации во владината коалиција за неговото заменување на чело на Агенцијата за национална безбедност. Секако, процедурата за неговото именување доби друга димензија после скандалот со Онишченко, каде што во центарот на настанот се наоѓа Димовски. Како што веќе сме истакнале и порано, скандалот Онишченко директно ја стави во опасност националната безбедност и го уништи режимот на санкции на САД и надворешната политика на ЕУ. Оценувам дека Виктор Димовски е неподобен и недостоен кандидат за да врши дипломатски функции и да ја претставува земјата, и тоа, поради многу причини. Минатото на Димовски предизвикува загриженост кога станува збор за неговите блиски односи со Србија, истакнати од нашите американски партнери, а сега веќе познати и на јавноста, рече Таравари.

В.д лидерот на АА понатаму на прес-конференцијата посочи дека како директор на Агенцијата за национална безбедност, Димовски бил препознатлив по издавањето на безбедносни сертификати на корумпирани лица и што се под истрага. Според Таравари, Димовски ги пркршил основните права на повеќе од 20 000 граѓани на оваа земја, на коишто од страна на Агенцијата за национална безбедност арбитрарно им е ускратено правото за државјанство на Македонија.

-Сосема иронично, со оглед на скандалот со Онишченко, на нашите граѓани често им беше одбиено државјанството под тоталитарно оправдување дека претставуваат опасност за државата. Потсетуваме дека оваа бројка од повеќе од 20.000 блокирани апликации од Димовски ја даде јавно премиерот Ковачевски. Не постои ниту една дилема за одговорноста на Димовски за скандалот Онишченко, како директор на Агенцијата за национална безбедност. Димовски го имаше овластувањето за давање конечно позитивно мислење за рускиот олигарх и мора да даде отчет за тоа во тековните истраги и кои мора да одат до крај. Од самиот факт дека, после притисокот од меѓународните партнери власта му го одзеде државјанството на Онишченко, се призна дека имало прекршоци и последователно мора да има и одговорност, истакна Таравари.

Тој рече дека има три барања упатени до институциите во земјата и од француски пријатели. Прво Министерството за внатрешни работи веднаш да го објави извештајот од истрагата за одговорноста на Агенцијата за национална безбедност во скандалот Онишченко, второ, Претседателот Пендаровски да го отфрли указот на Димовски поради наведените причини. И трето, доколку сепак Димовски биде именуван, ги охрабрува француски пријатели да не го прифатат како амбасадор во Париз.

-Како убеден Европеец, како љубител на Франција и нејзините илуминистички и хуманистички вредности, верувам дека присуството на Димовски во дипломатскиот кор акредитиран во Париз би било навреда за Франција. Поединецот за кој станува збор е токму спротивното од она што го претставува Франција. Уште повеќе, сакам да верувам дека Франција нема да дозволи да биде користена како штит со доделување дипломатски имунитет на поединец вмешан во ваков скандал од меѓународни размери, без да ја докаже својата невиност, рече Таравари.

Тој потсети дека како што САД го одбиле Фрчковски, ЕУ ја одбила Арифи, затоа посакува и се надева дека Франција ќе го одбие Димовски.

The post Таравари смета дека Димовски не треба да замине во Франција оти има тесни врски со Србија appeared first on Република.

Градоначалникот на Гостивар, Арбен Таравари во гостувањето во Канал 5 на „Само интервју“, говореше за состојбата со јазиците и евентуалните уставни измени во Уставот на Македонија. Како што истакна тој, некои работи му пречат во однос на македонскиот јазик за тоа како е третиран.

„Јазиците се богатство и јас немам проблем да ги информирам граѓаните на три јазици. Тоа не ми пречи. Македонскиот јазик не би сакал да се нарекува славомакедонски јазик. Мене тоа ми пречи. Покажуваме емпатичност за народот и тој јазик треба да се третира како македонски јазик. Исто го мислам и за албанскиот јазик“, вели Таравари.

The post Таравари: Не би сакал македонскиот јазик да се нарекува славомакедонски appeared first on Република.