Денеска сме во општина Росоман каде што се чисти левиот магистрален канал, според информациите кои што ми ги даде директорот досега се исчистени повеќе од три километри. Со ваквата динамика на работа до почетокот на идната сезона целиот канал во должина од 40 километри ќе биде исчистен - истакна министерот за земјоделство, шумарство и водостопанство, Цветан Трипуновски.

Министерот Трипуновски додаде дека на ниво на подружница заклучно со денес се исчистени повеќе од 13 километри каналска мрежа.

Денеска сме овде заедно со директорот на подружницата за да покажеме како навистина се работи. Се со цел да ја дочекаме идната сезона со навремена и доволна количина на вода за да не трпи земјоделството - појасни министерот.

Тој посочи дека Владата и Министерството за наредната година согласно Буџетот ќе даде еден сериозен приоритет во делот на водостопанството на ниво на држава.

Без вода не можеме да размислуваме на земјоделско производство. Поради тоа нашиот фокус ќе биде на работењето и обновување на системите за наводнување на ниво на држава - нагласи министерот Трипуновски.

The post Трипуновски: Подготовките за идната сезона започнаа, нашиот фокус е обновување на системите за наводнување appeared first on Република.

Министерот за земјоделство, шумарство и водостопанство Цветан Трипуновски, присуствуваше на манифестацијата „Празијада“ во селото Градошорци, кое е најголем производител на праз во државата

Како што стои во соопштението од Министерството за земјоделство, шумарство и водостопанство, Трипуновски истакнал дека земјава изобилува со квалитетни земјоделски производи, поради доволниот број на сончеви денови, богатата почва и чистата вода.

Манифестацијата „Празијада“ е доказ дека Македонија изобилува со квалитетни земјоделски производи, бидејќи ова парче земја ни нуди доволно сончеви денови, богата почва и чиста вода за да произведуваме. Градошорци е село кое е најголем производител на праз во државата. Преку овој настан се согледува и огромното значење за општина Василево, општината ги промовира карактеристиките и својствата на празот како здрав зеленчук, го доближува до граѓаните истовремено, посочил Трипуновски.

Тој вели дека промоцијата на празот овозможува на едно место да се соберат производителите, но и сите трговци, за заедно да најдат нови пазари за пласман на празот.

Министерството за земјоделство, шумарство и водостопанство ќе продолжи и во иднина да поддржува вакви настани зашто преку нив се промовира локалниот туризам и производите кои се автентични за одредени делови на земјата, истакнал Трипуновски.

The post Трипуновски на „Празијада“ во Градошорци: Македонија изобилува со квалитетни земјоделски производи appeared first on Република.

„Природните богатства, вклучувајќи го земјоделското земјиште, растителниот и животинскиот свет, се уставно дефинирани како добра од општ интерес за државата и уживаат посебна заштита, за што истите се третираат и во поедини Закони, меѓу кои и повеќе Закони во надлежност на Министерството за земјоделство, шумарство и водостопанство“, истакна министерот за земјоделство, шумарство и водостопанство, Цветан Трипуновски на денешната конференција во Белград насловена „Трансформација прехранбених система“.

Се стремиме земјоделските стопанства да го спроведуваат концептот на „зелено“ земјоделство како логичен и природен начин за извршување на земјоделските активности. И истите активности постепено ги прошируваме и прилагодуваме согласно нашето постепено прилагодување кон Заедничката земјоделска политика на ЕУ и „Зелената агенда“ на ЕУ - нагласи Трипуновски.

Тој додаде дека во водењето на македонската земјоделска политика една од основните цели е оптимално искористување на природните ресурси со почитување на начелата за заштита на природата и животната средина. Во овој стратешки период оваа цел е дефинирана како една од основните стратегиски цели: Примена на еколошки практики во производството кои водат кон намалување на влијанието на климатските промени и прилагодување кон истите.

Вака поставената цел треба да обезбеди зајакнување на отпорноста на земјоделскиот сектор кон климатските промени преку примена на нови иновативни практики и секако нови земјоделски системи – регенеративното земјоделство, за што е потребна буџетска поддршка и креирање на повеќе мерки и инструменти, како од националните програми но и од ИПАРД програмата на ЕУ, истакна министерот Трипуновски.

Да се постигнат овие цели се стимулираат практики кои треба да придонесат кон прилагодување на земјоделството на климатските промени преку мерки со зголемен интензитет на кофинансирање на потребни инвестиции. Инвестициите се насочени кон ублажување и прилагодување кон климатските промени, како што се поддршките за набавка на заштитна опрема (мрежи за засенчување и друга опрема), ефикасни системи за наводнување и рационално користење на водата, поддршка за промена на сортите соодветни на идниот климатски режим, особено за најчувствителните подсектори. Внимание се обраќа и на стимулирање на инвестиции за производство на енергија од одржливи извори на самите земјоделски стопанства и подобрување на нивната енергетската ефикасност - појасни тој.

Министерот посочи дека особено се значајни активностите за поддршка на земјоделците за примена на еколошки и климатско подобни земјоделски практики, како и обуки за примена на нови земјоделски системи (вклучувајќи го и регенеративното земјоделство), со цел намалување на влијанието од климатските промени.

The post Трипуновски: Македонската земјоделска политика е искористување на природните ресурси appeared first on Република.

Обврска на локалната самоуправа е да обезбеди питка вода за пиење за граѓаните. Нашата интенција беше да помогнеме затоа што видовме дека локалната самоуправа не успеа да го изменаџира процесот, изјави денеска министерот за земјоделство, шумарство и водостопанство Цветан Трипуновски по вчерашното излегување на Струмица од ЗЕЛС.

Од Општината Стримица вчера обвинија за индиферентен однос кон градот и нејзините граѓани во периодот кога се соочуваат со еден од најголемите предизвици – водата за пиење и поради одбивањето на единствениот проект од Струмица за користење на средства од унгарскиот кредит.

Трипуновски вели дека во целата ситуација нема никаква политика од страна на Владата и дека единствената интенција на Министерството била да и се помогне на општината за надминување на проблемот со водата за пиење.

The post Трипуновски: Обврска на локалната самоуправа е да обезбеди питка вода за пиење appeared first on Република.

Министерот за земјоделство, шумарство и воостопанство, Цветан Трипуновски и неговата сопруга Моника Станковска станаа родители.

Денес на овој голем ден мојата сопруга Monika Stankovska на свет донесе здраво машко дете!

Му благодарам на Господ за сите благослови што ни ги дарува . Нека овој нов живот биде извор на гордост и радост за нас, исполнет со многу среќни моменти, пишува во својата објава на Фејсбук Трипуновски.

The post Министерот Цветан Трипуновски стана татко appeared first on Република.

Министерот за земјоделство, шумарство и водостопанство, Цветан Трипуновски изјави дека негова обврска како министер е да се заштити земјоделецот, но и да се убедат помладите да се занимаваат со оваа благородна професија.

За мене како министер па и за целата Влада успех ќе биде и работиме на тоа да земјоделецот се кажува со епитет. Покрај повозрасните, тука сакам да ги убедиме и помладите генерации да се занимаваат со оваа благородна професија. Производството на храна е многу важно во наредниот период, појасни тој во емисијата „Трилинг“ на ТВ 24.

Трипуновски рече дека намерата на Владата е со нивните мерки и проекти да се зголеми бројот на земјоделци кој што е намален.

Во таа категорија да внесеме и помлада генерација на производители, тоа би значело обновување на процесот на земјоделското производство, посочи министерот Трипуновски.

Министерот додаде дека за 100 дена не може Македонија од увозно зависна земја да стане неувозно зависна. Но, тој процес ќе се одвива во одреден временски период.

Ние како Влада донесовме интервентна мерка за дополнителни три денари за килограм предадена пченица. Таа мерка е донесена се со цел да им помогнеме на земјоделците, сега бидејќи сме на прагот на есенската сеидба да им ги зголемиме површините за пченица. И тоа ќе значи поголем квантитет, појасни тој.

Според Трипуновски се работи и на контрола на семенскиот материјал што се продава во државата. Тоа треба да биде согласно правилата и да нема злоупотреби.

Работиме и на контролата на вештачките ѓубрива и работиме на мерки кои што ќе ги имплементираме веќе од 2025-та година. А, крајната цел ќе биде зголемена површина од оваа најбитна стратешка култура односно ќе имаме зголемено производство на пченица. И така го враќаме квантитетот кој што од друга страна ќе го намали увозот во земјата, истакна министерот.

Трипуновски посочи дека се работи и на откуп за стоковите резерви на домашната пченица за да не се увезува од странство.

Сите активности кои што ги презема Министерството се со цел да се намали увозот, а да се зголеми домашното производство, рече министерот за земјоделство.

The post Трипуновски: Да се заштитат земјоделците и да се привлечат младите да се занимаваат со оваа благородна професија appeared first on Република.

Министерот за земјоделство, шумарство и водостопанство, Цветан Трипуновски, отвори подрачни канцеларии на Министерството во општините Новаци и Могила.

Нашата цел е да продолжиме да го отвораме Министерството кон земјоделците, изјави министерот Трипуновски за време на посетата на Општина Новаци.

Во Општина Новаци има околу 1000 земјоделци кои досега патуваа до Битола, а отсега сите апликации и следење на мерките на МЗШВ ќе може да ги следат од својата општина и да бидат советувани од претставници на Агенцијата за поттикнување на развојот на земјоделството. Сакаме да бидеме подостапни за услугите што ги даваме и земјоделците да бидат поинформирани. Со овие канцеларии потврдуваме дека се грижиме за земјоделците и овозможуваме повеќе да работаат на полињата, а помалку време да губат на бирократијата, истакна Трипуновски.

Во изјава зе медиумите, минстерот Трипуновски посочи дека за есенската сеидба е во постојана комуникација со земјоделските здруженија.

Инспекторатот во минатиов периов вршеше сериозна контрола на семенскиот материјал во смисла дали е во согласност со правилата за квалитет. За мерката што ја донесовме за дополнителни три денари за откупена пченица списоците се во завршна фаза и наскоро субвенциите ќе бидат исплатени, а тоа значи дополнителен стимул да се зголемат површините со засеана пченица и на тој начин идната жетва ќе биде многу побогата од годинешната, На тој начин ќе го намалиме увозот што го имаме како потреба за нашата држава. Есенската сеидба е во тек, а кога ќе заврши ќе излеземе со точна бројка за тоа колку сме ги зголемиле површините, нагласи Трипуновски.

На новинарско прашање во врска со користењето на т.н. „зелена“ нафта, министерот за земјоделство, шумарство и водостопанство Цветан Трипуновски најави промени во начинот на користење на оваа поддршка за земјоделците.

Оваа година мерката беше удвоена, но јас сметам дека оваа мерка треба да претрпи модификација затоа што не треба само да поделите сума на пари од кои ќе нема доволен ефект. Ние за наредната година ќе предложиме модифицирање на оваа мерка во смисла задоволителна количина нафта да добијат вистинските земјоделци, истакна Трипуновски.

Канцелариите на Министерството за земјоделство, шумарство и водостопанство се наоѓаат во административните простории на општините Новаци и Могила.

The post Трипуновски: Нашата цел е да продолжиме да го отвораме Министерството кон земјоделците appeared first on Република.

Министерството за земјоделство, шумарство и водостопанство (МЗШВ) ќе му додели финансиска поддршка од речиси 12 милиони денари на Институтот за сточарство и рибарство за набавка на опрема за лабораториски анализи за квалитет и безбедност на храна за сточарство. Тоа го предвидува  договорот за користење на инвестициски вложувања за воспоставување на научно демонстративни примери што денеска беше поптишан меѓу двете институции.

-Финансиската поддршка се доделува во висина од 100 проценти од вредноста на предлогот за воспоставување на научно демонстративни примери – набавка на опрема за лабораториски анализи за квалитет и безбедност на храна за сточарство, но не повеќе од 11.979.283 денари со вклучен ДДВ, информира ресорниот министер Цветан Трипуновски.

Со овој договор за користење на финансиска поддршка, како што кажа, Министерството сака да помогне во научноистражувачката како и севкупната дејност која ја остварува Институтот за сточарство и рибарство, се со цел да се унапреди сточарското производство во државата.

-Изминативе години Македонија бележи пад на сточарството. Тој пад треба да се запре и да се превенира преку низа на сет квалитетни мерки. Мојот фокус овој период ќе биде развивање на оваа гранка со воведување на нови и модерни технологии на одгледување на добиток, истакна министерот Трипуновски.

Најави дека во иднина ќе се продлабочи соработката помеѓу Министерството за земјоделство, шумарство и водостопанство и Институтот за сточарство и рибарство.

The post Потпишан договор со Институтот за сточарство и рибарство за користење на финансиска поддршка од околу 12 милиони денари appeared first on Република.

Некако изминативе години повеќе се делеше земјиштето на луѓе кои што се блиски до министер, премиер итн. А, вистинските земјоделци кои што ги среќавав ширум државата молеа за парче земја за да работат и егзистираат“, истакна министерот за земјоделство, шумарство и водостопанство, Цветан Трипуновски при вчерашното гостување во емисијата „Што мисли народот“ на ТВ Стар.

Трипуновски додаде дека со формирање на новата Влада се распределија договорите за околу 2.700 ха земјоделска површина.

Паралелно на процесот за да нема злоупотреби, за да нема манипулации во секторот, предложив брза законска измена во Собранието на Република Македонија, тоа е Законот за земјоделско земјиште - појасни тој.

Со Законот кој што е во процедура, веќе на комисиската расправа помина и се очекува наредниве денови да помине и на Пленарната седница, што ќе значи влегување во сила, со него го заштитуваме земјоделското земјиште. Тоа е нешто што во минатото не беше случај. Знаете дека имаше многу пренамени, се злоупотребуваше, се градеа сериозни површини со фотоволтаици, се градеа хотели итн. Ние со оваа измена земјоделското земјиште од прва до четврта категорија го заштитуваме и нема да дозволиме градби на вакви објекти кои што ќе значат девастација на земјоделското земјиште - нагласи министерот Трипуновски.

Трипуновски посочи дека проектите кои што се од јавен интерес никогаш нема да бидат стопирани, но во најголем дел ќе се стопира злоупотребата на ресурсот почва.

Вториот сегмент кој што е на барање на земјоделците е дека со оваа измена го продолжуваме рокот на владеењето на земјиштето. Знаете дека досега согласно Законот договорите за едногодишни култури беше на 15 години со можност за Анекс. Сега новите договори кои што ќе ги склучуваме ќе бидат со времетраење од 30 години. И ова го бараа земјоделците затоа што едноставно сакаа да имаат превидливост во производството - истакна тој.

Министерот додаде дека во делот на измената која што се подготвува е и Анексите да можат да се прават во пократок рок.

Тој истакна дека со тие неколку измени во Законот за земјоделско земјиште се дефинираат неколку пропусти кои што во минатото се случувале, а тоа е злоупотребата на овој ресурс.

Министерот најави и дека за 10-тина дена ќе има и нови огласи за земјоделско земјиште и ги повика земјоделците да следат.

Во минатото дадов ветување дека ќе има и посебни огласи за сточарите, тоа е многу важно. Нашето сточарско производство е многу паднато во изминатиот период, производството на месо и на млеко е многу намалено. Затоа ваквите наменски огласи ќе бидат наменети исклучиво за сточарското производство затоа што не можеме да замислиме сточарско производство без сопствена земја - укажа тој.

The post Трипуновски: Земјоделското земјиште од прва до четврта категорија ќе го заштитиме, нема да има градби кои што ќе значат девастација appeared first on Република.

Министерот за земјоделство, шумарство и водостопанство, Цветан Трипуновски денеска присуствуваше на манифестацијата „Денови на кочанскиот ориз“ во с. Оризари, општина Кочани.

„Денес се наоѓаме во Оризари, општина Кочани на манифестацијата „Денови на кочанскиот ориз“, со што започнува и жетвата на оваа култура. Ние како Министерство ја поддржуваме оваа манифестација се со цел да ја продолжиме традицијата и да го афирмираме постоењето на оваа битна житна култура за нас како држава“, истакна министерот Трипуновски.

„Се надевам дека ќе имаме успешна жетва и дека ќе имаме богат род и квалитетен ориз од реколта 2024 година“, посочи Трипуновски.

Во својата се изјава министерот се осврна и на тоа дали домашниот ориз ќе се откупува за стокови резерви при што посочи -„Веќе со заклучок на Влада задолжена е Агенцијата за стокови резерви да ги измени сите правилници, уредби и програми и нормално да се предвидат средства за 2025-та година каде што оризот согласно Законот за стокови резерви ќе се откупува за чување за потребите на државата“.

Тој додаде дека од разговорите со земјоделците првичните информации говорат дека ќе има зголемен род, богата жетва и согласно тоа квалитетот ќе биде добар.

„Првичните информации говорат дека и рандманот ќе е исто така висок, што значи дека ќе имаме богата жетва и ќе имаме зголемен принос на ориз. И квалитетот ќе биде многу подобар од претходните години“, истакна министерот Трипуновски.

„Согласно информациите кои што ги добив од Државниот земјоделски инспекторат во Република Македонија сериозна количина на увозен ориз нема, и онаа количина што е во минимални рамки, морам да кажам дека ја контролираме согласно квалитетот и безбедноста да биде запазена. Меѓутоа она што е наш приоритет како Влада е да работиме и работиме во интерес на земјоделците се со цел да го заштитиме домашното производство“, посочи тој.

Министерот укажа дека останатата количина на ориз од минатата реколта е во многу помала количина. И во разговор со компаниите веќе започнаа да го откупуваат и ланскиот ориз.

„Работиме земјоделците да имаат откупена количина на ориз по рентабилна цена која што ќе значи стимул за наредниот период да се произведува. Ние како Министерство и како Влада ќе го следиме процесот. Нормално ќе го следиме и во делот на откупот од страна на компаниите дали се почитуваат сите законски норми се со цел да нема злоупотреба и манипулација на трудот на земјоделците од овој регион“, нагласи Трипуновски.

The post Трипуновски од Кочани: Оваа година ќе имаме богата жетва и зголемен принос на ориз, наш приоритет како Влада е да го заштитиме домашното производство appeared first on Република.

Министерот за земјоделство Цветан Трипуновски по средбата со откупувачите на јаболка во Ресен информира дека договорот за пласманот и минималните цени за откупот на јаболки од оваа реколта е минималната цена да биде 18 денари за ајдарет, пренесува „Слободен печат“.

Цените откупувачите ги соопштија и тие веќе од понеделник треба да бидат истакнати на секое откупно место. И она што јас можам да го ветам кон земјоделците е дека процесот ќе го следиме преку Земјоделскиот инспекторат, да помине се согласно законите и процедурите и она што сме го договориле, рече министерот.

Трипуновски додаде дека ќе се следи состојбата и секоја тенденција за зголемување нормално согласно потребите на пазарот нормално ќе има и корекција на самата цена.

„Овојпат за првпат како Министерство покажавме како на заедничка маса помеѓу откупувачите и земјоделците можеме да извлечеме некои цени кои што се надевам дека ќе бидат прифатливи од двете страни”, појасни тој.

Тој посочи дека во наредниот период Министерството останува отворено за да се разговара за сите програми и сите поддршки кои што треба да ги дава истото Министерство, нормално и измена на законите и процедурите кои што ќе значат дефинирање на одредени слабости кои што низ годините се случувале во текот на откупот.

По изјавата на Министерот за земјоделство, шумарство и водостопанство, изјава даде и еден од откупувачите на јаболка при што нагласи дека на денешната средба се дојде до едно решение да оваа сезона се започне со минимална цена со што јаболкото од прва класа Ајдарет да биде до 18 денари со тенденција на пораст. Сортите да бидат со минимални цени од 20 до 22 денари. Но, сепак се ќе зависи од сортата на јаболка.

„Доколку имаме добри земјоделци, ќе имаме и добри фирми понатака”, заклучи еден од откупувачите.

„Откупната цена на индустриското јаболко ќе започнува со цена од 8 денари со тенденција од побарувачката и таа цена да расте кон повисока цена”, појасни откупувачот.

The post Минималната откупна цена за ајдарет ќе изнесува 18 денари appeared first on Република.

Министерот за земјоделство, шумарство и водостопанство Цветан Трипуновски, денеска, заедно со директорот на Агенцијата за финансиска поддршка и рурален развој, Илија Стоилев додели договори од ИПАРД 3 програмата за 2021-2027.

Договорите се однесуваат на мерката 1, Инвестиции во основни средства на земјоделските стопанства  и мерката 7, Диверзификација на фарми и развој на бизниси. Финансиската поддршка се состои од 75 отсто средства од ЕУ буџетот и 25 проценти средства обезбедени од буџетот на државата. Вкупната финансиската поддршка за мерката 1 изнесува 18.893.333 евра, односно 1.171.764.533 денари, додека за мерката 7 е 11.400.000 евра или 707.028.000 денари.

Денеска се потпишаа 30 договори од вкупно 76 од мерката 1 за кои вкупно прифатливите трошоци по договор изнесуваат 214.737.900,00 денари односно 3.494.514 евра, додека кофинансираната сума изнесува 141.279.000,00 денари односно 2.299.000 евра. Од мерката 7 се пишуваат 6 договори за кои вкупно прифатливите трошоци по договор изнесуваат 90.379.675,00 денари, а додека кофинансираната сума изнесува 54.488.543,00 денари, односно 886.713,00 евра. Владата и Министерството за земјоделство, шумарство и водостопанство веруваат во потенцијалот на македонското земјоделство а со тоа и на земјоделците.  Континуирано се прават заложби за подеднаков развој на земјоделството на секој дел од државата, наведува МЗШВ.

The post Доделени договори од ИПАРД 3 програмата за 2021-2027 година appeared first on Република.

Работиме преспанското јаболко да остане бренд и да имаме што повеќе задоволни земјоделци порача министерот за земјоделство, шумарство и водостопанство Цветан Трипуновски на денешната средба со откупувачите и земјоделците во Ресен.

На средбата, информираат од МЗШВ, се говореше за откупот на конзумно и индустриско јаболко.

-Од страна на откупувачите и земјоделците беа предложени и идеи како да се подобри ситуацијата со откупот на конзумно и индустриско јаболко пред неговото официјално започнување, велат од МЗШВ.

Министерот Трипуновски, додаваат, им вети на земјоделците дека со работа и мерки ќе запре намалување на површините под јаболков насад и дека нема веќе да има неоткупено македонско јаболко.

-Работиме преспанското јаболко да остане бренд, а земјоделците од Преспанскиот регион да бидат ценети за она за кое во текот на целата година се вложуваат и напорно работат, истакна Трипуновски.

The post Трипуновски: Работиме преспанското јаболко да остане бренд и да имаме што повеќе задоволни земјоделци appeared first on Република.

Министерот за земјоделство, шумарство и водостопанство Цветан Трипуновски денеска го обвини поранешниот министер за земјоделство Љупчо Николовски дека додека бил прв човек во МЗШВ овозможил две фирми противправно да земат субвенции од илјадници евра.

Според Трипуновски, се работи за АРЕКСПОРТ ДООЕЛ Увоз – Извоз од Струмица кое, како што рече, незаконски земало околу 30 милиони денари субвенции и за ДЗС Илинден кое добило над 19 милиони денари.

Трипуновски на прес-конференција повика Јавното обвинителство веднаш да отвори истрага, со напомена дека овие два случаја се дел од вкупно петте на кои моментно се работи.

Од денеска веќе нема ништо да биде исто. Почнуваме со објавување на сите сомнителни случаи и афери од претходното раководство на Министерството за земјоделство, шумарство и водостопанство и Љупчо Николовски како тогашен министер. Народот покрај тоа што виде како работеше Николовски, денеска ќе има и прилика да слушне што се случувало во Министерството за земјоделство, шумарство и водостопанство изминатите седум години и како одредени правни лица надвор од сите процедури и прописи земале државни пари, рече Трипуновски.

Како што објасни, МЗШВ од 2019 до 2022 година со АРЕКСПОРТ ДООЕЛ Увоз – Извоз имало склучено 19 договори за вкупна површина од 1 416 хектари.

По извршениот увид од страна на Државниот инспекторат за земјоделство е констатирано дека за 11 договори со површина од 941 хектар не се почитуваат одредбите од Договорот од страна на закупецот и требало да бидат раскинати. При тоа врз основа на овие договори закупецот од Агенцијата за финансиска поддршка за земјоделството и руралниот развој остварил приход по основ на субвенции од 485 000 евра. Дополнително, закупецот требало преку бизнис план кој што го понудил до Министерството да инвестира над 2 милиони 450 илјади инвестиција на предметното земјиште, а во моментот на контрола од Државниот инспекторат за земјоделство е констатирано дека има инвестиција околу 300 000 евра. Исто така, инспекторите констатирале дека закупецот нема платено закупнина за 2022-ра и 2023 година, со што дополнително е направена штета на Буџетот од 60 000 евра, посочи министерот.

Постапено е, додаде, спротивно на член 8 и 8-а од Законот за земјоделско земјиште и воопшто не е евидентирано земјоделското земјиште кое не е обработувано по основ на склучените договори, а не се преземени и никакви мерки за опомена, укажување или раскинување на договорите.

АРЕКСПОРТ од Струмица користел по Договор земјоделско земјиште, не плаќал закупнина, не го обработувал, а спротивно од Законот користел субвенции од страна на државата со што оштетил директно Буџетот на Република Македонија. Токму поради тоа што МЗШВ во претходните години не реагирало на ваквото кршење на процедурите, се поставува прашањето дали свесно се дозволило ова правно лице да го оштети Буџетот на Македонија за повеќе од два милиона евра?, рече Трипуновски.

Во однос на вториот случај, обелодени дека ДЗС Илинден со МЗШВ на 05.10.2000 година има склучено Договор за закуп во времетрање од 30 години за површина од 1.604 хектари, додека на 03.07.2005 е потпишан Анекс со кој што површината се намалува на 1.067 хектари, за подоцна, во 2010 година, повторно да се склучи Анекс и да се намали површината на 945 хектари државно земјоделско земјиште.

Во 2019 година е поведен судски спор за неплатен закуп за 2017, 2018 и 2019 година, а месец септември 2021 година, по извршениот увид во списокот на должници од страна на Државниот инспекторат за земјоделство констатирано е дека закупецот не ги испочитувал обврските кои произлегуваат од Договорот за плаќање на закупнина и користење на државно земјоделско земјиштето, поради што се носи Изјава за еднострано раскинување на Договорот за закуп на земјоделското земјиште, која што е потврдена и со правосилна пресуда од Апелациониот суд - Скопје. Иако Изјавата за еднострано раскинување на Договорот за закуп била издадена на 28.09.2021 година, Министерството не го испочитувало членот 41-а став 5 од Законот за земјоделско земјиште и не доставило примерок од Изјавата за раскинување на Договорот за закуп, по електронски пат до Агенцијата за катастар на недвижности за бришење на прибележувањето на Договорот за закуп кој што го имал правниот субјект, рече Трипуновски.

Според него, поради неизвршување на законските надлежности и обврски од страна на Министерството (спроведување постапка за бришење од Единствениот регистер на земјоделски стопанства), како и поради некоординација со Агенцијата за финансиска поддршка на земјоделството и руралниот развој, се овозможило на закупецот и по раскинување на Договорот за закуп, да може да продолжи да аплицира за субвенции.

Агенцијата за финансиска поддршка во земјоделството за период од 2021 до 2023, вкупно три години на закупецот му исплатила над 19 милиони денари по основ на субвенции. И по раскинување на Договорот се исплаќале субвенции на овој правен субјект. Со ова се отвора дилемата дали овие пропусти од страна на институциите се шема за испумпување на повеќе пари од државниот буџет? Воедно, спротивно на член 14-а од Закон за земјоделство и рурален развој, ДЗС Илинден не е евидентиран на листите за должници додека имал право да го користи договорот од страна на Министерството за земјоделство, шумарство и водостопанство. Исто така, спротивно на член 15 од истиот Закон МЗШВ не го избришало Договорот за закуп од Единствениот регистер на земјоделски стопанства чија основа е поднесување апликација за субвенции и овозможило закупецот неосновано да се стекне со над 19 милиони денари субвенции, нагласи министерот.

Укажа и дека воедно, Агенцијата за финансиска поддршка во земјоделството не направила контрола согласно член 48 од овој Закон и исплатила финансиски средства спротивно на одредбите од член 50, 51, 52 и 61.

Ова се само два случаја поткрепени со цврсти докази кои потврдуваат дека системот и институциите се целосно разурнати, но и покажува едно недомаќинско и криминално работење од страна на претходното раководство на СДСМ и Николовски. Институциите мора да работат во служба на граѓаните и затоа го повикувам Јавното обвинителство веднаш да постапи и да истражи која била целта и зошто се дозволило овие два правни субјекти да добијат огромна сума на пари, државни пари, иако Министерството и другите надлежни институции требало навремено да реагираат. Овие се цврсти докази и индиции за сторен криминал и за таа цел до Јавното обвинителство, Министерството за внатрешни работи и Финансиската полиција ќе биде доставени соодветни пријави за натамошна истрага и целосно расчистување на овие два случаја, истакна Трипуновски според кој, никој не смее и не може да биде над законот.

Најави дека во многу скоро ќе обзнани и други случаи за злоупотреба на субвенции и буџетски средства.

Овие два примера денеска еклатантно докажуваат дека двата правни субјекта надвор од процедурите бесправно користеле огромна сума пари и затоа сега имаме ситуација, земјоделците да имаат неисплатени субвенции зашто некој друг имал привилегија во делот на делењето, подвлече Трипуновски.

The post Фирма од Струмица го оштетила буџетот за два милиони евра додека Николовски бил министер appeared first on Република.

Пратеникот и поранешен министер за земјоделство, Љупчо Николовски, ги демантира наводите на министерот за земјоделие, Цветан Трипуновски.

Притоа Николовски вели:

-Во нашата држава точно се знае кој каква улога има, вклучително и функцијата министер за земјоделство, шумарство и водостопанство, за која Трипуновски по не знам кој пат покажува дека е недостоен да ја држи. Го упатувам министерот прво да се запознае со постапките и надлежностите на органите во неговиот состав, пред да се расфрла со празни обвинувања кон мене, во обид да направи театар пред јавноста и да ја прикрие безидејноста и неспособноста на владата од која е дел.

Ги повикувам надлежните институции да постапат согласно сите искажани точки од денешната прес-конференција. Мојот министерски мандат е познат како еден од најтранспарентните, што се потврдува со фактот дека под моето раководство МЗШВ беше прогласена за најтранспарентна институција и една од институциите со највисок интегритет. Јас како министер ги имам дадено сите потребни задолженија на службите да работат согласно законите.

Во МЗШВ има повеќе од 11.000 договори за закуп на земјиште, и никој министер не може да знае што се случува со секој поединечен договор, па затоа постојат организациони единици задолжени за управување со тие договори. Доколку се утврди дека одреден субјект неправилно се стекнал со субвенции ги повикувам институциите да започнат постапка за поврат на исплатените средства и да покренат постапка пред надлежните органи како и доколку МЗШВ има утврдено недоследности во почитување на договорни обврски за земјиште, тоа е основ за раскинување на истите и очекувам завршница во тој правец..

Дополнително, очекувам дека во недостатокот на идеи, мерки како и неспособност за реализација на мерките кои ние ги поставивме овие конструкциите и лаги насочени кон мене да продолжат.

Граѓаните не сакаат театри и конструкции. Производителите од вас очекуваат достоинствени цени за нивните земјоделски производи а купувачите очекуваат да ги зауздате трговците и цените на прехранбените производи кои ги рушат сите рекорди.

https://republika.mk/vesti/ekonomija/tripunovski-mzshv-ne-postapilo-soglasno-zakonskite-odredbi-so-shto-ovozmozhilo-protivpravno-dve-firmi-da-zemat-subventsii-od-iljadnitsi-evra-jo-vednash-da-istrazhi/

The post Николовски демантира: Празни обвинувања и театар од Трипуновски appeared first on Република.

Граѓаните треба да бидат спокојни бидејќи во Македонија ќе влегува само безбедна и квалитетна храна. Нема да се случува како во минатото да влегува небезбедна храна, е пораката што вечерва ја упати министерот за земјоделство, шумарство и водостопанство, Цветан Трипуновски.

Тој појасни дека во фитосанитарен систем и безбедност на храна има повеќе институции со кои менаџираат, а тоа се Агенцијата за храна и ветеринарство, Државниот инспекторат за земјоделство, Државната фитосанитарна лабораторија и, како што рече, Министерството како креатор на политиките.

Ние ќе ја вратиме довербата кај граѓаните. Овие институции ќе работат во рамките на своите надлежности. Никој не треба да биде загрижен, истакна меѓу другото министерот Трипуновски во „Вести плус“ на Канал 5 телевизија.

Трипуновски додаде дека ќе се контролира што влегува во државата и каква храна јадат граѓаните.

Министерот Трипуновски најави дека од наредна година, ќе се обезбедат зголемени средства во делот на мониторинг програмите, што значи и контрола на тоа што влегува во Македонија.

Нормално, согласно законските обврски и инспекторите од Агенцијата за храна и ветеринарство и инспекторите од Државниот инспекторат за земјоделство работат на тоа што влегува во Македонија. Во овој сегмент ќе правиме и регулација за да си го заштитиме и нашето домашно производство. Ние нема да забраниме увоз на земјоделски производи меѓутоа ќе контролираме дали и со каков квалитет влегува во нашата држава, потенцира Трипуновски.

The post Трипуновски: Во Македонија ќе влегува само безбедна и квалитетна храна appeared first on Република.

Денес заедно со Васе Анакиев, Директор на Државниот земјоделски инспекторат сме на теренска посета во Тиквешијата. Сакаме од лице место да видиме како се одвива откупот, истакна министерот за земјоделство, шумарство и водостопанство, Цветан Трипуновски.

-Моментално се наоѓаме кај еден од лозарите, директно на терен да видиме како оди бербата. И од тука продолжуваме по откупните пунктови се со цел да направиме еден личен увид во делот на откупот, појасни министерот.

Министерот Трипуновски додаде дека од тоа што досега го има како информација, смета дека откупот се одвива солидно, без поголеми забелешки од страна на лозарите и од винарските визби.

-Досега согласно податоците на Земјоделскиот инспекторат се откупени околу 30 милиони килограми. Сметаме дека наредниве десетина дена можеби ќе заврши најголем дел од бербата кај лозарите, со тоа што практично она што го договоривме пред почетокот на бербата гледаме дека се почитува, изјави Трипуновски.

Тој посочи дека дел од винарските визби дури даваат плус од тоа што веќе е договорено, заради тоа што има одличен квалитет на винското грозје од оваа реколта.

The post Трипуновски на теренска посета во Тиквешијата, досега се откупени 30 милиони килограми винско грозје appeared first on Република.

„Денеска потпишав договор за исплата на финансиски средства за трансфер на заостанати плати на 509 вработени во АД Водостопанство. Вкупно сто милиони денари се обезбедени за АД Водостопанство. Работиме домаќински за да ја вратиме надежта кај народот за подобра иднина.“ истакна  Министерот  за земјоделство, шумарство и водостопанство Цветан Трипуновски при потпишувањето на договорот за исплата.

Министерот го  потенцираше сериозниот пристап кој што го има Министерството и Владата,  во наредниот период  во фокусот ќе бидат  задоволни земјоделците како и  вработените во државните институции. За само педесет дена работа, оваа Влада на чело со Премиерот Мицкоски работи посветено во решавање на проблемите кои ги наследивме од претходната Влада.

The post Префрлени се средствата на АД Водостопанство за заостанатите плати: Се решаваат проблемите кои ги создаде претходната Влада appeared first on Република.

Министерството за земјоделство, шумарство и водостопанство (МЗШВ) ќе биде пример на институција што ќе воведе највисоки стандарди за сајбер безбедност. Ова го истакнал министерот Цветан Трипуновски, кој денеска имал средба со претставници од Американската амбасада, од Агенцијата за меѓународен развој на САД - УСАИД и од програмата CIDR (Critical infrastructure digitalization and resilience).

- CIDR е регионална програма поддржана од Агенцијата за меѓународен развој на УСАИД. Преку оваа програма се дава поддршка на критичната инфраструктура, јавен сектор и други значајни институции за воведување на најдобри практики, стандарди и соодветно законодавство за сајбер безбедност, како и на градење на капацитети за зголемување на отпорноста од сајбер напади. Една од значајните активности на програмата CIDR е поддршката на Министерството за имплементација на системот за управување со информациска безбедност, се наведува во соопштението на МЗШВ.

Во рамки на поддршката, како што се додава, предвидени се и обуки за сите вработени, со цел да се зајакнат капацитетите и да се подигне свесноста за ризикот од сајбер напади.

The post Трипуновски: МЗШВ ќе биде пример на институција што ќе воведе највисоки стандарди за сајбер безбедност appeared first on Република.

Министерот за земјоделство, шумарство и водостопанство, Цветан Трипуновски денеска објави дека се исплатени субвенциите за мерка 1.21 дополнителни директни плаќања од подмерка 1.12 за произведено и предадено винско грозје во регистрирани капацитети за производство на вино во исплатен износ 58.607.081,00 денари кон 4.101 корисник.

Денес се исплатени субвенции за произведено и предадено винско грозје во регистрирани капацитети за производство на вино во висина од 58.607.081,00 денари кон 4.101 корисник, соопшти Трипуновски.

Тој порача дека грижата за лозарите продолжува и во идниот период, Македонија повторно ќе стане препознатлива по производството на вино во регионот.

The post Трипуновски: Исплатени субвенции за произведено и предадено винско грозје во висина од 58.607.081,00 денари appeared first on Република.