СВР Скопје го расчисти кривично правниот настан случен вчера (14.10.2024) околу 18 часот во Скопје на ул. „Христијан Тодоровски- Карпош“, во близина на општина Чаир, каде што од огнено оружје во левата нога е повреден Е.А. (35) од Скопје, соопштија денеска од скопската полиција.

Веднаш по добиената пријава преземени се опсежни мерки и активности од страна на полициски службеници од СВР Скопје – Единица за насилен криминал, во координација со „Безбеден град“ Скопје, како и OJO Скопје, при што се утврдени сите учесници во кривично правниот настан и тоа: Л.А. (32) и И.Т. (30), кои се лишени од слобода и задржани во полициска станица за понатамошна постапка, како и А.Р. (29) и М.И. (32), осудени лица на издржување на казна затвор во КПУ Идризово, а кои во текот на 14.10.2024 година, во времето на извршувањето на кривичното дело, користеле излез од затворот Идризово, по основ на работен ангажман.

Од лице место подигнати се траги од биолошко потекло, применети се апликатори за барутен тест од утврдените учесници во кривично правниот настан, обезбедени се видео записи од „Безбеден град", а исто така утврдено е и возилото со кое едниот сторител доаѓа на лице место, по што истото е подигнато за криминалистичко техничка обработка.

По целосно документирање на настанот, во координација со OJO Скопје, од страна на ЕНК при СВР Скопје ќе бидат поднесени соодветни пријави.

The post СВР Скопје ги фати четворицата вмешани во вчерашното пукање во Чаир appeared first on Република.

Околу 18 часот и 10 минути, затвореник за кој во моментов не е нејасно како го напуштил затворот, пукал кон член на групата Грчец, објави ТВ21.

Лицето кое во моментот се движело по улицата „Христијан Тодоровски Карпош“ било пукано во ногата. Потоа итно е префрлено во Градската општа болница „Св. Наум Охридски“ за укажување на лекарска помош. Лекарите констатирале прострелна рана на ногата.

Од МВР велат дека повредениот бил донесен од страна на неговиот брат.

Тој на полицијата и појаснил дека повредениот се движел по улицата „Христијан Тодоровски Карпош“ во Скопје кога му се приближило едно лице и му пукало во ногата. Нејасно е во моментов дали при исказот повредениот потенцирал дека го знае напаѓачот.

Според првичните неофицијални информации, се претпоставува дека инцидентот настанал поради должничко-доверителни односи.

Инаку дел од групата Грчец е во притвор, но поголемиот дел од неа, на чело со водачот Шеваљ Муареми, е во бегство, објави ТВ21.

The post ТВ21: Лицето кое пукало во Чаир е затвореник, повредениот е од групата Грчец appeared first on Република.

Денеска (14.10.2024) околу 18.10 часот од ГОБ „Св.Н. Охридски“ во СВР Скопје е пријавено дека во болницата бил донесен повреден Е.А. (35) од Скопје, со прострелна рана во ногата.

Повредениот бил донесен од страна на неговиот брат, кој појаснил дека додека Е.А. се движел пеш по ул.„Христијан Тодоровски-Карпош“ во Скопје му се приближило едно лице кое му пукало во ногата, најверојатно поради должничко-доверителни односи, соопштија од МВР за Прес 24.

Се преземаат мерки за расчистување на случајот.

The post МВР со детали за пукотниците во Чаир: На повредениот му пукале во нога додека се шетал appeared first on Република.

Пукање вечерва во скопската населба Чаир, дознава ТВ21.

Според информациите, едно лице е рането и е пренесено на укажување лекарска помош во Градската болница, објави телевизијата.

Пред само неколку дена се случи престрелка во Чаир во близина на маркетот Веро во која беше повреден 19-годишен скопјанец.

The post Пукање во Чаир, едно лице е повредно appeared first on Република.

Откако од страна на СВР Скопје беа извршени сите подготовки и беше обезбеден влез во објектот, Основното јавно обвинителство Скопје и полициски екипи ги започнаа увидните дејствија во зградата на улицата „Прохор Пчињски“ во Чаир каде на 2 октомври избувна пожар во подрумските простории.

Пристапот до објектот се врши строго контролирано и најпрвин во присуство на станарите се врши попис на предмети и штетата на станбените единици.
Подрумските простории, од каде според првичните информации започнал пожарот, се уште се обезбедуваат за пристап и испитување на причините. Траењето на увидните дејствија на терен ќе зависи од времето неопходно за прибирање на сите докази, велат од МВР.

The post Полицијата и Обвинителството влегоа во зградата во Чаир која гореше цел ден appeared first on Република.

Едно лице е повредено во скопската општина Чаир откако во него било пукано од возило „пасат“. Повредениот е однесен во Градската општа болнуца „Наум Охридски“.

Од Министерството за внатрешни работи информираа дека случајот е пријавен во сабота вечер.

На 05.10.2024 во 20:20 часот пријавено е дека на улицата „Цветан Димов“ во Скопје има повредено лице од огнено оружје. Според пријавеното, во повредениот е пукано од возило „пасат“, се вели во информацијата од МВР.

Се преземаат мерки за расчистување на случајот.

The post Пукање од возило во Чаир, едно лице е повредено appeared first on Република.

Министерството за внатрешни работа информира дека две лица денеска се лишени од слобода поради обид за кражба од зградата на улица „Серава“ во Скопје во која вчера настана пожар. По документирање на случајот, дополнуваат, ќе биде поднесен соодветен поднесок.

Пожарот што избувна вчера во подрумски простории во зграда во скопската населба Чаир беше целосно изгаснат денеска. Како што соопшти Центарот за управување со кризи, состојбата со опожарениот дел на зградата и состојбата на становите во зградата допрва ќе се утврдува.

Дел од медиумите објавија дека се опожарени простории кои се користеле како магацински простор од страна на фирма во кој имало големо количество пластични производи.

Во меѓувреме, се очекува да започне увидот на Министерството за внатрешни работи.

The post Крадци влегле во зградата која гореше вчера во Чаир appeared first on Република.

Специјалното противпожарно возило на Армијата веќе е на терен и вклучено во гаснењето на пожарот што избувнал во подрумски простории во зграда во скопски Чаир. Информацијата за МИА ја потврди директорот на Центарот за управување со кризи Стојанче Ангелов.

Претходно, ЦУК информираше дека гаснењето на пожарот се одвива отежнато поради големата количина на чад и високата температура во подрумите во кои била складирана поголема количина на запаливи материјали.

Во гаснењето на пожарот вклучени се и поголем број прожарникари и противпожарно возила.

Дел од медиумите објавија дека се опожарени простории кои се користеле како магацински простор од страна на фирма во кој имало големо количество пластични производи.

Вкупно 43 лица беа хоспитализирани од кои на Клиниката за токсикологија биле примени 31 пациент, а пет од нив се задржани на болничко лекување. На Детската клиника биле примени 12 деца, од кои две се задржани на лекување. Сите пациенти се во стабилна состојба.

Пожарот избувнал ноќеска во подрумски простории во зграда на улицата „Серава“, а во СВР Скопје е пријавен во 01:55 часот.

The post Специјалното возило на Армијата вклучено во гаснењето на пожарот во Чаир appeared first on Република.

Вкупно 30 лица побарале помош во скопскиот Клинички центар по пожарот кон ноќеска околу 2 часот избил во зграда во скопски Чаир. Според последните информации кои ги добивме од Клиниката за Токискологија таму во моментов на опсервација се задржани 4 лица кои биле повозрасни па докторите се претпазливи и не сакаат да се случат некакви компликации.
Според информациите од терен, околу 80 лица со пожарникарската корпа биле евакуирани од покривот на зградата каде побегнале откако густиот дим се проширил од подрумот. Таму се запалил магацин на фирма која што продава расвета и многу пластични матеирјали поради што остриот мирис се чувствуваше на повеќе локации во Скопје.

На 02.10.2024 во 01.55 часот во СВР Скопје било пријавено дека настанал пожар во подрумски простории во зграда на ул. „Серава“ во Скопје. На лице место упатена е екипа на Бригадата за противпожарна заштита Скопје и полициски службеници од СВР Скопје. Поради вдишување на чад до 06.30 часот во Комплекс клиники „Мајка Тереза“ во Скопје за укажување помош се јавиле неколку лица, од кои еден пожарникар и еден полициски службеник. Во 06.30 часот од кровот на зградата биле симнати повеќе станари и ниту еден нив немал повреди. Се преземаат мерки за расчистување на случајот – информираше МВР.
Од ЦУК информираат дека БППЗ на Град Скопје имала поголема интервенција во урбана средина, поточно, во периодот од 01.50 часот гаснеле запален магацин на неутврдена површина на ул. „Прохор Пчински“ во Скопје. Интервенцијата ја извршувале со 7 возила и 20 пожарникари. На лице место освен единици од БППЗ кои ко гасат пожарот биле и полиција и Итна медицинска помош. Според утринскиот службен извештај од БППЗ, еден пожарникар бил однесен на токсикологија поради големо количество вдишан чад (Општина Чаир). Во тек интервенција за евакуација на станарите на зградата каде што е магацинот, а каде што потоа гореле и дуќани. БППЗ на Град Скопје се уште интервенира ги извлекува станарите, во моментот на информирањево, и по интервенцијата ќе излезе со официјални податоци.

The post Над 30 лица во болница по пожарот во Чаир – над 80 евакуирани од покривот appeared first on Република.

Чадот што утрово надвисна на поголемиот дел од Скопје доаѓа од Чаир, каде утрово се запали станбена. Огнот најверојатно почнал да се шири од подрумските простории на зградата од каде се издига и густ чад.

Екипите на противпожарната бригада и итната медицинска помош се на терен, по што ќе се знаат повеќе детали.

„Телма“ од терен јавува дека во тек е итна евакуација на станарите, а на повеќе лица им била укажана лекарска помош поради вдишување на чад.

The post Гори зграда во Чаир, има повредени appeared first on Република.

Вчера во 13.00 часот во СВР Скопје било пријавено дека на крстосница од ул.„Џон Кенеди“, ул.„Цветан Димов“ и бул.„Христијан Тодоровски Карпош“, патничко возило „фолксваген“ со скопски регистарски ознаки, управувано од И.К.(31) од с.Блаце, скопско, удрило во малолетен пешак од Скопје, соопшти МВР.

Во несреќата со тешки телесни повреди се здобил малолетникот, констатирани во Градската општа болница „Св.Наум Охридски“ во Скопје.

Извршен бил увид од увидна екипа на СВР Скопје.

The post Прегазено дете во Чаир appeared first on Република.

На 22.09.2024 во 15:40 часот во Скопје, полициски службеници од СВР Скопје го лишиле од слобода Т.А.(26) од Скопје затоа што околу 15:40 часот пред фудбалски стадион на подрачјето на Чаир го нарушил јавниот ред и мир и се однесувал агресивно кон полициски службеници кои извршувале службени дејствија. 

По целосно документирање на случајот ќе следува соодветен поднесок.

The post Се однесувал агресивно пред стадионот во Чаир appeared first on Република.

На 18.09.2024 во 17.02 часот во Полициската станица Чаир, Ш.Б.(55) од Скопје пријавил дека во неговата фирма на подрачјето на полициската станица, три лица, од кои едното го познавал, му барале пари и му се заканувале поради наводен долг кон еден од нив. Единицата за насилен криминал при СВР Скопје презема мерки за расчистување на случајот.

The post Обид за изнуда на пари во Чаир appeared first on Република.

Голем пожар избувна во куќа во Чаир, јавуваат жители за „Скопје1“. Според снимките на порталот од лице место, цел кат и покрив на куќата се целосно опожарени, а во непосредна близина има и зграда на осум ката.

Екипи на Противпожарната бригада веќе се обидуваат да го локализираат и изгаснат огнот, за да спречат негово проширување на соседните објекти.

 

View this post on Instagram

 

A post shared by Скопје1 / Skopje1.mk (@skopje1mk)

The post Гори куќа во Чаир, лепенка до зграда на осум ката appeared first on Република.

Основното јавно обвинителство Скопје донесе наредба за спроведување истражна постапка против 25-годишник кој се сомничи дека сторил убиство во обид во Чаир.

https://republika.mk/vesti/crna-hronika/pomiruvane-megu-dve-semejstva-zavrshilo-so-pukane-vo-chair/

Како што информираат од Јавното обвинителство, на 17 јули во вечерните часови во Чаир, осомничениот со мотор со голема брзина поминал покрај оштетениот и уште едно лице кои се движеле пеш и ги испрскал со вода насобрана на асфалтот. Застанал и му се извинил само на сведокот, додека со оштетениот најпрвин започнал да се расправа, а потоа и физички размениле неколку удари.

Осомничениот најпрво избегал, но потоа ги пречекал во близина на детската градинка „Фидани“ и со пиштол испукал еден куршум кон оштетениот, нанесувајќи му огнострелна повреда во десната страна на градниот кош и оштетувајќи му неколку органи. Сторителот веднаш повторно се дал во бегство, велат од Обвинителство.

Јавниот обвинител до судијата на претходна постапка од Основниот кривичен суд Скопје доставил предлог за определување мерка притвор за осомничениот, а притворската мерка треба да се применува по неговото лишување од слобода.

Во меѓувреме, од Обвинителство дополнуваат дека Министерството за внатрешни работи постапува за пронаоѓање на осомничениот.

The post Oд прскање со вода на улица, до обид за убиство – полицијата го бара пукачот од Чаир appeared first on Република.

Во понеделникот навечер во 23.05 часот во СВР Скопје, од Ургентен центар при Комплексот клиники „Мајка Тереза“ било пријавено дека кај нив со повреди од остар предмет бил донесен малолетник од Скопје.

Според пријавеното, во близина на стадионот во Чаир тој бил физички нападнат од неколку други малолетници, при што еден од нив употребил остар предмет и му нанел повреди.

Се преземаат мерки за расчистување на случајот, велат од МВР.

The post Дете со тешки повреди на Ургентно откако го претепале толпа малолетници appeared first on Република.

Во СВР Скопје вчера во 21:50 добиле пријава од ГОБ „СВ. Наум Охридски“ дека бил донесен Д. Б. (31) од Скопје, кој се здобил со повреда од огнено оружје на територија на Чаир во Скопје.

Од МВР додаваат дека се преземаат мерки за расчистување на случајот.

Медиумите синоќа објавија дека Д.Б. е син на сопственик на чајџилница во „Чаирчанка“ и дека пукањето произлегло од „обид за помирување на две семејства“.

The post „Помирување“ меѓу две семејства завршило со пукање во Чаир appeared first on Република.

СВР Скопје поднесе кривична пријава против П.П. поради постоење основи на сомнение за сторено кривично дело „предизвикување општа опасност“.

На 12.03.2024, на ул.„Христијан Тодоровски - Карпош“ пријавениот, по претходно недоразбирање во сообраќајот, учествувал во физичка пресметка со Н.Б., во која со пиштол во воздух испукал 10 проектили, соопштија од МВР.

The post Пукање сред Чаир по кавга поради сообраќајот appeared first on Република.

Полициски службеници од Полициската станица Чаир денеска во 5.20 часот на подрачјето на Чаир го лишиле од слобода В.В.(35) од Скопје, поради тоа што околу 3.00 часот на бензинска пумпа, со закана со остар предмет кон вработениот, одзел пари и мобилен телефон.

Со него бил извршен службен разговор и кај него биле пронајдени и одземени предмети кои потекнуваат од кривичното дело, кои ќе бидат вратени на сопственикот.

По целосно документирање на случајот, СВР Скопје - ЕВР Чаир ќе поднесе кривична пријава за сторено кривично дело „разбојништво“.

The post Скопјенец среде ноќ со нож ограбил бензинска пумпа во Чаир appeared first on Република.

Вчераво 10.55 часот во СВР Скопје било пријавено дека на бул.„Македонско - косовска бригада“ во Скопје се случила сообраќајна несреќа помеѓу патничко возило „ауди“ со скопски регистарски ознаки, управувано од С.М.(34) од Скопје и патничко возило „фолксваген поло“ со скопски регистарски ознаки, управувано од Љ.П.(38) од с.Коњаре, скопско, при што бил удрен и пешакот З.У.(59) од Скопје.

Во несреќата со тешки телесни повреди се здобила З.У., констатирани во Градска општа болница „8 Септември“, а со телесни повреди се здобила Љ.П. констатирани во Градската општа болница „Св.Наум Охридски“.

Извршен бил увид од увидна екипа од СВР Скопје.

The post Во судир на две возила во Чаир тешко повредна случајна минувачка appeared first on Република.