Претставници од откупните претпијатија и земјоделски производители од кочанскиот регион доцна попладнево во Кочани имаа работна средба со министерот за земјоделство, шумарство и водостопанство, Цветан Трипуновски, на која се разговараше за состојбата со откупот од овогодшната реколта и висината на откупните цени.

Постигнат е договор базната цена за ситните сорти ориз да изнесува 70 денари за килограм арпа во зависност од рандманот, односно од количината бел ориз што ќе се добие по лупењето. Ако ситната сорта ориз даде 50 отсто рандман, цената ќе изнесува 35 денари, а ако има понизок рандман и цената ќе се намалува. За крупните сорти базната цена ќе биде 80 денари за килограм, што значи дека ако рандманот биде 50 отсто, пропорционално и цената ќе изнесува 40 денари, а ако рандманот е повисок и цената ќе расте.

-Сите ние, од страна на откупувачите, се обврзавме да откупиме одредена количина арпа за да го олесниме пазарот, без разлика на пазарната економија и актуелните цени во странство. Се работи вкупно за околу 3.000 тони и од ситните и од крупните сорти и тоа е она што ќе се повлече до крајот на годината за да има олеснување и материјал за работа до Нова година, истакна Сотир Англов, од откупното претпријатие БМФ од Зрновци.

Претставниците на земјоделските производители кои присуствуваа на состанокот рекоа дека се задоволни од догорените цени и услови за откуп и ќе очекуваат дали ќе се спроведат на терен. Министерството за земјоделство од своја страна ќе преземе мерки за избегнување на одредени неправилности прои откупот.

-Сакам да потенцирам дека секој земјоделец кој што ќе има сомнеж за рандманот и процентот на влагата во зрното што го утврдува самата откупна компанија, ќе може бесплатно да направи проверка во Институтот за ориз во Кочани. Ова е направено со цел да се елиминира сомнежот дека има одредени злоупотреби во целиот процес. Нормално, ова што ќе се откупи до крајот на годината, целиот процес ќе го следи Земјоделскиот инспекторат, за да нема нејасностии или сомневање. На почетокот на идната година ќе повлечеме и количини за стоковите резерви, со што дополнително ќе го олесниме процесот, истакна министерот Трипуновски.

По средбата беше најавено дека ресорното Министерство за наредната година заедно со земјоделците ќе изготви стратегија за да се избегнат вакви турбуленции во откупот за новата реколта, а таа ќе се однесува и од аспект на семенскиот материјал, заштитните препарати и доволни и навремени количини вода за наводнување

The post Постигнат е договор цената за откуп на оризот да изнесува 70 денари за килограм арпа appeared first on Република.

Премиерот Христијан Мицкоски вели дека до овој момент нема информација за евентуално поскапување на струјата. Како што оцени денеска, состојбата е стабилна и конслидирана, а Владата, и покрај сите предизвици, навреме презема мерки за да нема ценовен шок и да има електрична енергија.

Мицкоски, одговорајќи на новинарски прашања, за идната недела најави „пријатно изненадување“ поврзано со енергетиката и сигурноста во снабдувањето со енергенси.

Ваучери за инвертери за домаќинствата, како што информира премиерот, ќе има и идната година.

-До овој момент немам информација дека ќе има зголемување на цената на електричната енргија. Зимата ќе биде предизвикувачка, имајќи предвид со што се се соочува Европа и какви се временските прогнози. Во име на тоа преземавме мерки, за да не дојде до ценовен шок и до поскапување на струјата. Како тоа на крај ќе заврши, зависи и од Регулаторна комисија за енергетика, истакна Мицкоски по увидот во градежните работи на делници во Велес.

Тој потсети дека оваа Влада го почна мандатот со одлуката од претходната, која обезбеди 85 отсто од потребите на граѓаните од 1 јули до 31 декември.

Веќе сме средина на ноември, ние ја зголемивме количината на 100 проценти, а притоа не дојде до поскапување на струјата. Компанијата се консолидира, ја посетивме РЕК Битола, околу 200 - 250 илјади тони имаме на депонија, на греда, таа состојба беше на нула, имаме парче кое се ископува од 1,5 милиони, се увезува јаглен по 10, 15, 20 отсто пониски цени, режиските трошоци се намалени за 15 отсто. Заштедата ќе биде околу половина милијарда денари кога ќе заврши целиот процес. Тоа ми дава право да кажам дека состојбата е стабилна, консолидирана, и покрај сите предизвици преземавме навреме мерки за да нема ценовен шок, да има струја. Гасот што го набавуваме за потребите на ЕСМ е за драматично пониска цена од онаа што го набавуваше претходната Влада. Следната недела, среда, четврток, очекувам пријатно изненадување кога станува збор за енергетиката и сигурноста во снабдувањето со енергенси - подвлече Мицкоски.

Информира и дека пред да дојде денеска во Велес имал состанок со министерката за енергетика Сања Божиновска, од која бил информиран дека над 85 отсто од ваучерите за инвертери се поделени за помалку од два дена.

Интересот е голем, правиме се што можеме да го затвориме процесот како што треба и во иднина да ја зголемиме поддршката - истакна Мицкоски.

The post Премиерот нема информации за можно поскапување на струјата, најави ваучери за инвертери и идната година appeared first on Република.

Премиерот Христијан Мицкоски изјави дека не очекува поскапување на струјата за домаќинствата во јануари.

Одговарајќи на новинарско прашање Мицкоски рече дека ќе продолжи навременото снабдување со електрична енергија.

Не очекувам да има зголемување на цената на струјата за домаќинствата овој јануари. Не очекувам. Од она кое што можам да го заклучам е дека навремено се снабдуваат граѓаните со сите количини на електрична енергија и ќе продолжиме така да ги снабдуваме. Така што, барем од онаа информација со која што јас располагам не очекувам да има покачување на цената на струјата за домаќинствата - рече Мицкоски, по увидот во работите за изградба на автопатот Гостивар Букојчани.

The post Мицкоски: Не очекувам покачување на цената на струјата за домаќинствата appeared first on Република.

Цената на парното греење во Скопје ќе биде стабилна до следното лето, освен ако не се случи драматична промена на цената кај природниот гас, порача денеска претседателот на Регулаторната комисија за енергетика (РКЕ) Марко Бислимоски и додаде дека сепак не очекува да има никакви промени.

Сега ние во пресметките сме влезени со цена на природниот гас од околу 40-ина евра за мегават час, ако отиде екстремно високо тогаш може да разговараме за зголемување на цената на парното, но, не верувам дека ќе имаме такви драстични промени, така што за цената на парното не очекувам никакви промени - изјави Бислимоски на паузата на состанокот на Експертската мисија TAIEX за транспонирање на законодавството на ЕУ за електрична енергија чиј коорганизатор е РКЕ.

Смета дека земјава нема да има никаков проблем во снабдувањето на природен гас.

Во Македонија природниот гас доаѓа преку т.н. Турски тек, доаѓа од Турција, така што нема никаков проблем за да дојде гасот. Во овој момент некаде нешто помалку од половината од постојниот гасовод е искористен, а во план е да се направи нова интерконекција со Грција која што ќе има далеку поголем капацитет од постојната, така што обезбедувањето на природниот гас во наредниот период нема да биде проблем - посочи Бислимоски.

Прашан дали може градоначалник на општина да побара грејната сезона за основните училишта наместо од 15 октомври, како што е вообичаено, да почне од 1 ноември, Бислимоски рече дека тоа е одлука на самиот потрошувач.

Ние имаме правила за снабдување и компаниите коишто се задолжени за тоа се обврзани да започнат со испорака на топлинска енергија. Сега таму каде што има калориметри не во згради, туку во индивидуални куќи, самиот сопственик може да каже јас сега ќе бидам исклучен, па ќе се вклучам кога ќе биде поладно. Така што, во насока на ова го гледам тоа што го направиле во Општина Карпош. Значи, тоа е одлука на самиот потрошувач - рече Бислимоски.

Во Скопје, како што посочи, моментално температурите се релативно високи, така што верува дека ќе нема никаков проблем.

Факт е дека сите општини во Градот Скопје во изминатиот период се соочија со зголемени трошоци за топлинска енергија. Ние токму за оваа категорија на потрошувачи во февруари годинава еднаш ја намаливме за 35 проценти цената за топлинската енергија, и сега во јули ја намаливме за дополнителни 20-ина проценти со цел да ги растовариме пред се основните училиштата, средните училишта и градинките - истакна Бислимоски.

За поплаките дека вчера и денеска немало парно греење во некои објекти рече дека се вообичаени за почетокот на грејната сезона и додаде дека оваа година нема голем обем на жалби, а и временските услови се поволни.

Сега има мала испорака на топлинска енергија. Ние сме во комуникација и со ЕСМ дистрибуција, излезени се на терен. Може да има поплаки навистина да има проблеми и веднаш ќе бидат решени. Компанијата е транспарентна, објави дека имало проблеми – не можат да пристапат до топлинските станици, немаат клуч, некој треба да им отвори, има одредени објекти каде што не се платени сметките за електрична енергија и пумпите не работат, значи тоа се вообичаени работи. Но, тоа нема никаква поврзаност со топловодот под мостот Беласица - посочи Бислимоски.

The post Цената на парното ќе биде стабилна, Бислимоски не очекува никакви промени appeared first on Република.

На валутните пазари вредноста на американскиот долар во однос на кошницата валути во вторникот во претпладневното тргување се лизна од највисоките нивоа во последните седум седмици.

Индексот на доларот, кој ја покажува вредноста на американската во однос на другите шест најважни светски валути, претпладневно се движи околу 102,40 поени, додека вчера во истиот период од тргувањето изнесуваше 102,50 поени.

Истовремено, курсот на доларот во однос на јапонската валута се лизна од вчерашните 148,45 на 147,80 јени.

Американската валута, исто така, ослабе во однос на европската, па цената на еврото достигна 1,0980 долари, додека вчера во истото време изнесуваше 1,0970 долари.

Цените на нафтата, пак, остро паднаа по вчерашниот силен раст. Цената на барелот на лондонскиот пазар претпладнево се намали за 1,47 отсто, на 79,75 долари, додека на американскиот пазар цената на барелот се намали за 1,54 отсто, на 75,95 долари.

The post Доларот падна од високите нивоа, нафтата поевтини по остриот скок appeared first on Република.

Во Србија според Републичкиот геодетски завод во вториот квартал годинава највисоки цени за станови се постигнати во Белград, каде што најскапиот квадрат е продаден по цена од 9.125 евра во комплексот „Белград на вода“, додека на истата локација најголема сума од 955.000 евра, издвоена е за стан со вкупна површина од 145 квадратни метри. Најскапата куќа е продадена во општина Савски Венац во Белград за 1,5 милиона евра, додека најскапото паркинг место е платено за 60.000 евра, јави дописникот на МИА од Белград.

Вредноста на прометот со недвижности во Србија во вториот квартал годинава изнесува 1,8 милијарди евра и е за 8,2 отсто поголем во однос на вториот квартал од 2023 година, соопшти Републичкиот геодетски завод и констатира дека бројот на продажби на недвижности е зголемен за 0,6 отсто и изнесува 30.837.

Од 1,8 милијарди евра, 446,4 милиони евра доаѓаат од делумно регулираниот пазар.

Најголемо учество во вкупниот промет на недвижен имот зазема продажбата на станови, 979,5 милиони евра, со учество од 56 отсто од вкупната вредност во тргувањето.

За куќи се издвоени 150,2 милиони евра, што е девет отсто од вкупната вредност, за градежно земјиште 147,2 милиони евра, осум отсто од вкупната вредност, за деловен простор 77 милиони евра, четири отсто и за земјоделско земјиште 52,5 милиони евра или три отсто од вкупната вредност.

Што се однесува до начинот на плаќање, 10 отсто од сите истргувани недвижности се финансирани преку кредити, што претставува зголемување за три процентни поени во однос на претходната година.

Кредитните средства најмногу се искористени за купување станови, при што 23 отсто од сите купувања се остварени на овој начин, што е забележително зголемување во однос на истиот период лани кога тој процент изнесуваше 16,5.

Бројот на купопродажни договори во вториот квартал е значително зголемен во однос на истиот период лани во Нови Сад за 22,5 отсто, во Крагуевац за 22,9 отсто и во Ниш за 15,6 отсто, додека благо намалување од 1,1 отсто е забележано во Белград.

Во овој период за станови во Белград се издвоени 555,6 милиони евра.

The post Најскапиот квадрат во Србија се продава во комплексот „Белград на вода“- 9.125 евра, најскапиот стан продаден за 955.000 евра appeared first on Република.

Цените на нафтата се зголемија за повеќе од еден долар во средата поради зголемената загриженост дека тензиите на Блискиот Исток би можеле да ескалираат и потенцијално да го нарушат производството на сурова нафта во регионот, по најголемиот ракетен напад на Иран врз Израел досега.

Фјучерсите на брент скокнаа за 1 долар, или 1,36 отсто, на 74,56 долари за барел, додека американската сурова нафта West Texas Intermediate (WTI) скокна за 1,07 долари, или 1,53 отсто, на 70,9 долари.

За време на тргувањето во вторникот, двата одредници за сурова нафта пораснаа за повеќе од пет проценти.

Иран рано во средата објави дека неговиот ракетен напад врз Израел е завршен, а Израел и Соединетите држави ветија дека ќе возвратат на Техеран бидејќи се зголемуваат стравувањата од поширока војна.

Техеран рече дека секој израелски одговор на нападот, за кој Израел вели дека вклучува повеќе од 180 балистички проектили, ќе биде дочекан со „масовно уништување“.

Советот за безбедност на Обединетите нации за среда закажа состанок за Блискиот Исток, а Европската унија повика на итен прекин на огнот.

Директното учество на членката на ОПЕК, Иран, ги зголемува шансите за прекини во снабдувањето со нафта, велат аналитичарите на АНЗ во белешката, додавајќи дека производството на нафта во земјата се искачи на највисокото ниво во последните шест години од 3,7 милиони барели дневно во август.

Панелот на министри од Организацијата на земјите извознички на нафта и нејзините сојузници, наречен ОПЕК +, се состанува подоцна во средата за да го разгледа пазарот, но не се очекуваат промени во политиката, пренесува Ројтерс.

The post Поради војната на Блискиот Исток, скокна цената на нафтата appeared first on Република.

Цените на нафтата се искачија над 74 долари на меѓународните пазари во четвртокот, откако американската централна банка ги намали трошоците за задолжување, што предизвика бран шпекулации за побарувачката и покрај сигналите за слабеење на пазарот на трудот.

На лондонскиот пазар со барелот се тргуваше попладнето по цена повисока за 90 центи од вчерашната цена на затворањето на тргувањето од 74,55 долари. На американскиот пазар цената поскапе за 88 центи, на 71,79 долари.

Организацијата на земјите извознички на нафта (OPEC) одделно извести дека цената на барелот од референтната нафтена кошница на нејзините членки била речиси непроменета во средата на 73,65 долари.

Трговците во четвртокот беа фокусирани на намалувањето на клучните каматни стапки во САД. Во средата централната банка ги намали за половина процентен поен, на 4,75 до 5,00 отсто. Пониските каматни стапки обично ја стимулираат економската активност и побарувачката за енергетски производи.

Сепак, трговците беа воздржани, особено откако Fed значително ја зголеми својата проценка за стапката на невработеност оваа година, на 4,4 отсто. Минатата година, според пресметките на независниот институт CBO, изнесуваше 3,6 отсто.

Според проценката на централната банка, оваа и следната година најголемата светска економија треба да порасне за два отсто. Долгорочно, стапката на раст треба да биде 1,8 отсто, пресметаа тие.

Челникот на Fed, Џером Пауел, прогласи „победа над инфлацијата“, но намалувањето на каматните стапки го потврдува и влошувањето на пазарот на трудот, што ќе значи забавен економски раст, шпекулираат трговците.

Цените на нафтата се попречени и од знаците за послаба побарувачка во Кина. Преработката во кинеските рафинерии забави во август петти месец по ред, покажаа податоците од Заводот за статистика. Забавиле и индустриското производство и продажбата на мало, а забавен е и растот на новите цени на недвижностите.

Аналитичарите на Citi предвидуваат дефицит на понудата во четвртиот квартал од околу 400.000 барели дневно, што според нивните пресметки ќе ги задржи цените во Лондон во опсегoт од 70 до 75 долари за барел, но само привремено.

„Според повеќето сценарија, глобалниот нафтен биланс ќе се влоши во 2025 година“, напишаа тие.

The post Намалените каматни стапки во САД ја подигнаа цената на нафтата над 74 долари appeared first on Република.

Премиерот Христијан Мицкоски денеска изјави дека предлогот од Министерството за економија дали ќе се замрзнат цените или ќе се ограничат маржите на дел од прехранбените производи можеби нема да се најде на утрешната владина седница доколку е потребно време за усогласување на засегнатите страни.

Производителите, трговците и Владата ќе разговараат за да се најде најдобриот начин да им се помогне на граѓаните, но и да биде задоволна и другата страна во однос на намалувањето на цените на прехранбените продукти - рече Мицкоски.

Во изјава за медиумите дадена пред почетокот на состанокот со АХК Македонија, дел од мрежата на германските комори во странство и Македонско-Германското стопанско здружение, Мицкоски рече дека утрово разговарал со министерот за економија кој треба да го организира состанокот.

Не мора да значи дека во текот на утрешниот ден на владина седница ќе биде предлогот, можеби една недела потоа, ако е потребно додека се усогласат ставовите. Не сакаме на сила ништо да правиме, стојам позади тоа што сум го кажал, но некогаш имате моменти кога гледате како поединци реагираат како монопол, дуопол и вие тогаш ќе мора да интервенирате офанзивно, ова како што ние го правиме. Онаму каде што навистина пазарната економија и пазарните практики ги диктираат цените, таму ние не интервенираме, но има услови кога ќе ги видите увозните цени и кога ќе видите како хируршки прецизно е поделен пазарот, тогаш не ви останува ништо друго освен да им помогнете на граѓаните, бидејќи не може некој непристојно да се богати на грбот на граѓаните. Во секој случај јас сум за тоа пазарната економија да ги диктира цените и да тоа го поддржувам и тука немам никаква дилема, но има за жал поединци кои ја злоупотребуваат оваа позиција и тука мораме ние како влада да интервенираме - рече Мицкоски.

Не мисли дека ваквата мерка е задоцнета.

Доволно време е пред есента, воопшто не е доцна. Не би рекол дека ќе паднат цените за 20 проценти. Производителите и трговците друго кажуваат и кога ќе ги видите соопштенијата што доаѓаат од коморите и од различните структури, тогаш ќе се доведеме до една збунувачка ситуација. Утрово разговарав со претседателот на Стопанската комора и конечно побарав од нив став. Нека ни кажат, бидејќи добиваме различни писма, што да направиме дали како Влада да останеме на ставот за примена на Законот за нефер трговски пракси или да го одложиме - изјави Мицкоски.

The post За да нема избрзана и несоодветна одлука, намалувањето на цените на стенд бај appeared first on Република.

Цените на нафтата беа главно непроменети на меѓународните пазари во средата во раното попладневно тргување, бидејќи се намали загриженоста дека конфликтот на Блискиот исток може да се прошири и да го загрози производството во еден од најголемите региони за производство на сурова нафта во светот.

Цената на барелот на лондонскиот пазар остана речиси непроменета од претходното затворање, на 80,59 долари. На американскиот пазар барелот се тргуваше по пониска цена од 19 центи, по 78,16 долари.

Откако на почетокот на минатата семица во Лондон го достигна најниското ниво во последните седум месеци од 76,30 долари за барел, во понеделникот порасна за повеќе од 3 отсто на 82,30 долари.

Организацијата на земји извознички на нафта (OPEC) објави дека во вторник цената на барелот од референтната нафтена кошничка на нејзините членки пораснала за 86 центи, на 80,78 долари.

„Неодамнешниот раст на суровата нафта беше запрен вчера поради падот на цените, бидејќи стравувањата од одмазднички напад на Иран врз Израел се намалија, со намалена премија за ризикот“, вели Ешли Келти од „Panmurа Liberum“.

Иран на крајот од минатиот месец вети жесток одговор на атентатот на лидерот на Хамас во Техеран на крајот од јуни. Тројца високи ирански претставници рекоа дека само договор за прекин на огнот во Појасот Газа може да го спречи Иран директно да му се одмазди на Израел за атентатот. Израел ниту ја потврди, ниту негираше својата вмешаност. За да се спротивстави на Иран, американската морнарица распореди воени бродови и подморница на Блискиот Исток.

„Степенот на иранската одмазда, како и одговорот на Израел, најверојатно ќе одреди дали сегашниот конфликт на Блискиот исток ќе се прошири во регионален конфликт“, рече Вивек Дар од „Commonwealth Bank of Australia“.

Цените на нафтата ги закочи и со намалената проценка на побарувачката за 2025 година објавена од Меѓународната агенција за енергија (IAE) во вторникот, наведувајќи го влијанието на ослабената кинеска економија. Ова дојде откако OPEC веќе ја намали својата проценка за 2024 година од слични причини.

The post Цената на нафтата се одржува над 80 долари appeared first on Република.

Министерството за земјоделство, шумарство и водостопанство денеска преку соопштение информира дека Земјоделскиот институт – Скопје завршил со пресметката на производната цена на килограм винско грозје за двете најзастапени сорти за 2024 година, Смедеревка и Вранец.

„Министерството за земјоделство, шумарство и водостопанство земајќи ја во предвид пресметката на Земјоделскиот институт – Скопје за производната цена на килограм винско грозје за двете најзастапени сорти за 2024 година, зголемена за 25% согласно Законот за вино.

Цената на килограм грозје Смедеревка со пресметаните 25% ќе изнесува 18,3 денари.

The post Смедеревка 18,3 денари, Вранец 20,8 денари – објавена производната цена на килограм винско грозје appeared first on Република.

Министерот за правда Игор Филков ја повлекува одлуката за давање на согласност за десеткратно зголемување на нотарската тарифа, која ја донел неговиот претходник Кренар Лога пред да замине од функцијата, информираше денеска на прес-конференција по брифингот со новинарите.

Филков иницирал постапка до Владата за анулирање на дадената согласност на тарифата што ќе претставува основа за неспроведување на донесената одлука. Според Филков, неговиот претходник преку скриен процес без да ја информира јавноста потпишал одлука со која од 1 септември нотарските услуги ќе се зголемеле за десет пати, но како што рече, ова нема да се случи.

Иницирав постапка за повлекување на одлуката за давање на согласност за зголемување на нотарската тарифа која ја донесе претходната Влада. Како што знаете, пред да замине од функција поранешниот министер за правда Кренер Лога, потпишал одлука со која од 1 септември ќе се овозможеше зголемување на услугите на нотарите за 10 пати. Ова нема да се случи. Затоа ќе ги повлечам измените за новата тарифа. Вака не се работи. Не смее народот да плаќа нешто 10 пати повеќе, односно не смее да се носат одлуки без да има широка дебата, без да слушнеме што мислат за тоа сите засегнати страни - рече Филков

Ваквата одлука, додаде, била донесена уште во февруари месец, но според него, се чекало да поминат изборите, по што на 5 јуни техничката Влада дала одобрение и на 11 јуни новите тарифи биле објавени во „Службен весник“.

За ова никој не ја информирал јавноста ниту преку официјални соопштенија, ниту преку прес-конференција, односно процесот бил скриен. Новите цени треба да важат од 1 септември и тоа нема да се случи. За промената на цената во кој било основ мора да има сериозна анализа. Мора да има утврдено потреба од сериозно зголемување како што предвидел поранешниот министер, кој од неразбирливи причини терал некоја агенда за поскапувањето. По повлекувањето на одлуката имам намера да отворам дебата и да разговараме што може да се направи, сѐ со цел да не бидат оштетени ниту граѓани, но ниту нотарите - рече Филков.

Вели по стапувањето на функција, со поддршка од пратениците иницирал да се направи анализа од страна на Парламентарниот институт, при што ќе се земат предвид нивните, но и аргументите на нотарите.

Во меѓувреме со поддршка на пратениците во овие месец дена инициравме да се направи анализа од страна на Парламентарниот институт при што ќе се земат предвид нивните, но секако и аргументите на нотарите - додаде Филков.

Во врска со реформите во Судскиот совет, Филков рече дека е подготвен за отворање на широка дебата, како и дека е на иста страна со премиерот Христијан Мицкоски и амбасадорите на Европската унија и САД.

Спремен сум да отворам широка дебата на оваа тема и ќе разговараме со стручната и со пошироката македонска јавност и ќе дојдеме до заедничко решение. Ние сите сме на иста страна и јас, и премиерот и нашите пријатели од Европа и САД - посочи Филков.

На брифинг со новинарите пред почетокот на прес-конференцијата, Филков рече дека Министерството веќе работи на измени и дополнување на Кривичниот законик, со што би се отстраниле последиците, од како што рече, наменски направените измени на Кривичниот законик во 2023 година.

Веќе работиме на измени и дополнување на Кривичниот законик со што ќе се отстранат штетните последици од избрзаните и политички наменски направени измени на Кривичниот законик во 2023 година. Очигледно и оправдана беше негативната јавна реакција на граѓаните, во делот на измените за случаите на корупција. Со други зборови никој да не биде гонет од порано и истите да не одговараат за стореното - рече Филков.

Прашан за имињата од работната група која ги прави измените и дополнувањето на Кривичниот законик, министерот рече дека во моментов не е спремен да ги каже, бидејќи во моментов се работи на измени на тоа тело.

Тоа не е функционално тело и не сметам дека ја имаат испорачано работата за која што биле ангажирани. Изменето е целото тело, и групата и формата. Значи не брои 35 луѓе, туку оние кои што ќе работат на измените се дел од истата група, но и нови членови, за кои што во моментов не сум спремен да зборам, но кога ќе закажам средба за КЗ-то ќе ги видите и имињата. Заедно со луѓето од кабинетот разговараме на тема да се формира функционална група која што може да биде оперативна и да се состанува почесто и да може да испорача резултати - рече Филков.

The post Нема да има десеткратно зголемување на нотарската тарифа: Филков ја повлекува одлуката на претходната влада appeared first on Република.

Регулаторната комисија донесе одлука за нова цена на горивата која стапува од сила од полноќ. Има намалување на цените кај сите горива.

Цената на ЕУРОСУПЕР 95 се намалува за 0,5 денари, и од утре ќе се продава за 81 денар по литар. Цента на ЕУРОСУПЕР 98 се намалува исто за 0,5 денари и од утре ќе се продава за 83 денари по литар.

ЕУРОДИЗЕЛ поевтинува за 1 денар, и од утре ќе изнесува 74 денари по литар.

Поевтинува и цената на екстра лесното масло за домаќинство, и ќе се продава по 71,5 денари по литар, додека цената на мазутот од утре ќе изнесува 44,4 денари по килограм.

The post Ова се новите цени на горивата што ќе важат од полноќ! appeared first on Република.

Регулаторна комисија за енергетика (РКЕ) за утре најави прес-конференција на која, како што наведува, тема ќе биде цената на парното.

Грејната сезона почнува на 15 октомври и трае до 15 април, а на системот за парно греење во Скопје се приклучени 63 000 домаќинства. Од нив, најмногу 58 000 се на системот на ЕСМ или поранешен БЕГ, 1 900 се на железарското парно, а 400 домаќинства се на Топлификација Север.

The post РКЕ утре ќе ја соопшти цената на парното appeared first on Република.

Министерот Цветан Трипуновски после состанокот со откупувачите и преработувачите на црвена пиперка соопшти дека е постигнат договор за откупните цени.

Денеска во просториите на Министерството за земјоделство, шумарство и водостопанство остварив заедничка средба со преработувачите  и откупувачите на црвена пиперка. Постигнавме договор за откупни цени на црвената пиперка и тие истите според класи ќе бидат:

прва класа - 40 денари за килограм

прва/втора класа - 30 денари за килограм

втора класа - 20 денари за килограм

трета класа - 12 денари за килограм. - соопшти Трипуниовски.

Министерот Трипуновски во неколку наврати одржа состаноци со земјоделците, преработувачите и откупувачите каде што глава тема беше откупната цена и текот на откупот на црвената пиперка.

Откупувачите и преработувачите се согласија дека ќе се придржуваат до договорените цени во текот на целиот откуп, но во согласност на побарувачката истите имаат тенденција да се зголемуваат за што Државниот инспекторат за земјоделство ќе биде постојано на терен и ќе се грижи за да се запази динамиката и откупните цени на црвената пиперка. Вистински се грижиме за македонските земјоделци, тие конечно имаат партнер во Министерството. - заврши Трипуновски.

The post Трипуновски: Постигнат е договор за откупната цена на црвената пиперка, првата класа за 40, а прва/втора класа за 30 денари по килограм appeared first on Република.

Цените на електрична енергија за домаќинствата од 1 јули во прв блок останува иста, во втор блок има зголемување од 0,85 проценти, во трет блок од 1,92 проценти и во четвртиот блок ќе има зголемување од 1,88 проценти, додека евтината струја ќе се зголеми за 0,65 проценти, информира Регулаторната комисија за енергетика.

Претседателот на РКЕ Марко Бислимоски, посочи дека со ова за 88 проценти од домаќинствата кои што влегуваат со потрошувачка во прв и втор блок нивниот трошок за електрична енергија ќе се зголеми за 0,4 проценти. За 8 проценти од домаќинствата кои што имаат потрошувачка и во трет блок нивниот трошок на месечно ниво ќе се зголеми за 0,48 проценти и за 4 проценти од домаќинствата кои што влегуваат со потрошувачка и во четвртиот блок, нивниот трошок ќе се зголеми за 0,57 проценти.

Да донесеме ваква одлука, каде што реално нема никакви промени. Зголемувањето на цената за најголемиот дел од потрошувачите од домаќинствата е под 0,5 проценти, ни овозможи тоа што со ЕВН Хоум му дадовме насока 15 проценти од количините кои што не се обезбедени да ги набавува на берзата на електрична енергија што функционира во Македонија, во периодот кога цената на електричната енергија е близу до цената што ЕСМ ја понуди на тендерот од 60 евра за мегават час и дополнително измените на Законот за енергетика што поминаа во вторникот во Собранието овозможија да се примени новата цена на маржата што сега е 9,9 проценти, а претходно беше 11,5 проценти, појасни Бислимоски.

Новата цена на електрична енергија е на сила од 1 јули 2024 година.

The post Од 1 јули поскапа струја за 0,4 отсто за 88 проценти од домаќинствата appeared first on Република.

На девизните пазари во пртпладневното тргување падна вредноста на американскиот долар во однос на кошничката валути.

Индексот на доларот, кој ја покажува вредноста на американската во однос на другите шест најважни светски валути, претпладнево се движи околу 105,35 поени, додека вчера во ова време изнесуваше 105,52 поени.

Истовремено, курсот на доларот во однос на јапонската валута порасна од вчерашните 157,35 на 157,65 јени. Меѓутоа, американската валута ослабе во однос на европската, па цената на еврото достигна 1,0730 долари, додека вчера во истиот период од тргувањето изнесуваше 1,0700 долари.

Цените на нафтата, пак, благо паднаа, по вчерашниот силен раст. Цената на барелот на лондонскиот пазар претпладнево се лизна за 0,14 отсто, на 84,10 долари, додека на американскиот пазар цената на барелот се намали за 0,19 отсто, на 80,15 долари.

The post Доларот ослабе, цената на нафтата падна appeared first on Република.

Поконкретни информации за новата цена на електричната енергија што треба да важи од 1 јули годинава ќе имаме во текот на наредната недела по завршувањето на тендерот на ЕВН хоум за набавка на електрична енергија. Досега сме имале многу потешки периоди и никогаш не сме дозволиле да има сериозна промена на цената на струјата и секогаш сме воделе сметка да го сочуваме стандардот на граѓаните и сега ќе се водиме исклучиво од нивните потреби, порача денеска претседателот на Регулаторната комисија за енергетика (РКЕ) Марко Бислимоски.

Нагласи дека поконкретни информации за цената ќе има во текот на наредната недела откако РКЕ ќе ги има на располагање сите потребни параметри. На цената, посочи, ќе влијае и профитната маржа, која од 1 јули ќе биде 9,9 наместо досегашните 11,5 проценти. Нова цена на струјата, како што кажа, се носи сега, а не во декември заради тоа што на стариот универзален снабдувач му истекува лиценцата на 30 јуни. Во текот на следната година, додаде, не би требало да носиме одлука за цена во јуни, туку само во декември која ќе важи за цела 2026 година.

РКЕ никогаш до сега не дозволи да има ценовни шокови, така и сега ќе ги искористиме сите механизми кои ни стојат на располагање за да нема ценовен шок. Треба да почекаме да заврши тендерот за набавка на електрична енергија на 21 јуни и ЕВН хоум да ги достави пресметките за цената на електричната енергија на контрола во РКЕ за да видиме колкава ќе биде цената. Правиме напори и анализи да бидеме прва земја во Европа која ќе има три часа евтина тарифа во текот на денот. Нема да ја воведеме од 1 јули, туку некаде во ноември, декември или јануари идната година. Тоа ќе зависи од анализите, изјави Бислимоски.

Владата, како што кажа, веќе донесе одлука со која цената на електричната енергија што ЕСМ ќе му ја понуди на универзалниот снабдувач по 1 јули е 60 евра за мегават час. Исто така, ЕСМ нема да понуди 100 проценти од потребите на малите потрошувачи и домаќинствата кои се на регулираниот пазар, туку само 85 проценти.

Оваа цена од 60 евра за мегават час на некој начин е изненадување и за мене, бидејќи во услови на криза нудеа пониска, но на некој начин може да ја изменаџираме. Мене ме загрижуваат 15-те проценти кои треба да ги набавува ЕВН хоум на слободниот пазар. На фјучерсите што ги гледаме во текот на денот цената се движи од 90 до 100 евра и е повисоко од тоа што го дава ЕСМ. Како и досега, и сега ќе ги искористиме сите механизми за да не предизвикаме ценовни шокови за граѓаните, истакна Бислимоски.

До 2019 година кога РКЕ ја одредуваше цената по која ЕСМ ја нудеше на регулираниот пазар, додаде, никогаш не беше повисока од 45 евра за мегават час и со таа цена им се обезбедуваа приходи од 15 милиони евра.

Порача дека цената на лебот не е поврзана со цената на електричната енергија на регулираниот пазар и додаде дека најголемите производители на леб во државата своите потреби за електрична енергија ги обезбедуваат на слободниот пазар. Тоа, како што кажа, се околу 95 отсто од компаниите кои произведуваат леб.

Во изминатиот период цените на електрична енергија на слободниот пазар се далеку пониски отколку што беа во 2023, 2022, и 2021 година. Затоа не држи било каква шпекулација дека промената на цената по која ќе ги снабдува универзалниот снабдувач малите потрошувачи ќе влијае на дополнително поскапување на лебот. Тоа е тотално неточно и претставува највулгарна шпекулација, рече Бислимоски.

Истакна дека во изминатиот период имаше денови кога цената на слободниот пазар на електрична енергија имаше негативна вредност или блиску до 0 и дека просечните цени се од 50 до 80 проценти пониски отколку во изминатите неколку години.

The post Цената на струјата по први јули ќе се знае идната недела appeared first on Република.

Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 1,00 ден/лит, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 14.06.2024 година и со тоа малопродажната цена на ЕУРОСУПЕР БС-95 изнесува 81,00 ден/лит, додека малопродажната цена на ЕУРОСУПЕР БС-98 изнесува 83,00 ден/лит.

Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ1), се зголемуваат за 0,50 ден/лит, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 14.06.2024 година и со тоа малопродажната цена на ЕУРОДИЗЕЛ (Д-Е V) изнесува 74,00 ден/лит, додека малопродажната цена на Екстра лесното масло за домаќинство на (ЕЛ-1) изнесува 73,00 ден/лит.

Малопродажната цена на Мазутот М-1 НС, се зголемува за 0,819 ден/кг, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 14.06.2024 година и со тоа малопродажната цена на Мазутот М-1 НС изнесува 44,458 ден/кг.

The post Поскапуваат горивата appeared first on Република.

Белиот тартуф е „крал“ меѓу тартуфите и се развива во симбиоза со корени од даб, лешник, топола и бука. Расте и во пролет, но созрева дури наесен, а плодот може да има дијаметар до 12 cm и тежина до 500 грама, иако обично се многу помали.

Месото е бледа крем или кафена боја со бела мермерна текстура. Тешко е да се најде, бидејќи неговото живеалиште е диво и не може вештачки да се одгледува. Покрај специфичните услови за одгледување, тартуфите имаат и уникатна арома, која се добива од мешавина на дожд и недопрена земја, што му дава посебен шарм на секое јадење. Покрај нивната гастрономска вредност, тартуфите се исклучително здрави.

Она што најмногу привлекува внимание е цената која варира од 2.500 до 4.500 долари за килограм, иако одредени примероци се продавани и за многу поголеми износи. Во декември 2014 година, во Италијанскиот регион Умбрија е пронајден рекорден тартуф тежок 1,89 килограми, а кој беше купен на аукција во Сотби за вртоглави милион долари.

На прашањето каде растат овие печурки, Србинот Драган Бановачки од здружението „Лисичарка“ вели дека белиот тартуф успева во речните сливови. Тој информира дека цените на црните тартуфи се движат околу 70 евра за килограм, додека белите тартуфи од прва класа, со правилен облик, неоштетени чинат „само“ 800 евра за килограм.

The post Ова може го имате во дворот, а немате поим: Вреди богатство, а побарувачката е огромна appeared first on Република.